ಭರ್ಜರಿ ಓಪನಿಂಗ್​ ಸಿಗದಿದ್ದರೂ ಸೂಪರ್​ ಹಿಟ್​ ಆದ ಕನ್ನಡ ಸಿನಿಮಾಗಳು: ಮೌತ್​ ಪಬ್ಲಿಸಿಟಿಗಿದೆ ದೊಡ್ಡ ಶಕ್ತಿ

ಮೊದಲ ದಿನ ದೊಡ್ಡ ಓಪನಿಂಗ್​ ಪಡೆಯಬೇಕು ಎಂಬ ಆಸೆ ಎಲ್ಲ ಸಿನಿಮಾ ತಂಡಗಳಿಗೆ ಇರುತ್ತದೆ. ಫಸ್ಟ್​ ಡೇ ಭರ್ಜರಿ ಕಲೆಕ್ಷನ್​ (Box Office Collection) ಆಯಿತು ಎಂದರೆ ಮುಂದಿನ ಹಾದಿ ಸುಲಭ. ವೀಕೆಂಡ್​ನಲ್ಲಿ ಸಹಜವಾಗಿಯೇ ಒಳ್ಳೆಯ ಕಮಾಯಿ ಆಗುತ್ತದೆ. ಆದರೆ ಅಂಥ ಓಪನಿಂ​ಗ್​ ಸಿಗುವುದು ಕೆಲವೇ ಚಿತ್ರಗಳಿಗೆ ಮಾತ್ರ. ಹಾಗಂತ ಮೊದಲ ದಿನದ ಗಳಿಕೆಯೇ ನಿರ್ಣಾಯಕವಲ್ಲ. ಫಸ್ಟ್​ ಡೇ ಫಸ್ಟ್​ ಶೋ (First Day First Show) ತುಂಬ ನೀರಸವಾಗಿದ್ದರೂ ಕೂಡ ನಂತರದಲ್ಲಿ ದೊಡ್ಡ ಸಕ್ಸಸ್​ ಕಂಡ ಸಿನಿಮಾಗಳು ಸಾಕಷ್ಟಿವೆ. ಪ್ರತಿ ಭಾಷೆಯ ಚಿತ್ರರಂಗದಲ್ಲೂ ಇಂಥ ಬೆಳವಣಿಗೆ ಸಹಜ. ಸ್ಯಾಂಡಲ್​ವುಡ್​​ನಲ್ಲೂ ಆ ರೀತಿ ಆಗಿದ್ದುಂಟು. ಕಾಂತಾರ (Kantara), ಮುಂಗಾರು ಮಳೆ, ದಿಯಾ, ಪ್ರೇಮಲೋಕ, ಲವ್​ ಮಾಕ್ಟೇಲ್​ ಮುಂತಾದ ಸಿನಿಮಾಗಳೇ ಈ ಮಾತಿಗೆ ಉದಾಹರಣೆ. ಆ ಸಿನಿಮಾಗಳ ಬಗ್ಗೆ ಇಲ್ಲಿದೆ ಮಾಹಿತಿ..

ರಿಷಬ್​ ಶೆಟ್ಟಿ ನಿರ್ದೇಶನದ ‘ಕಾಂತಾರ’:

‘ಕಾಂತಾರ’ ಸಿನಿಮಾ ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಅಬ್ಬರಿಸುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಕೇವಲ ಕನ್ನಡದಲ್ಲಿ ರಿಲೀಸ್​ ಆದ ಈ ಚಿತ್ರ ಮೊದಲ ದಿನ ಕರುನಾಡಿನಲ್ಲಿ ಮಾತ್ರ ಸದ್ದು ಮಾಡಿತು. ಆದರೆ ಈ ಸಿನಿಮಾಗೆ ಬಾಯಿ ಮಾತಿನ ಪ್ರಚಾರ ಸಖತ್​ ಆಗಿ ಸಿಕ್ಕಿತು. ಪರಿಣಾಮವಾಗಿ ನಂತರದ ವಾರಗಳಲ್ಲಿ ಡಬ್ಬಿಂಗ್​ ವರ್ಷನ್​ ಬಿಡುಗಡೆ ಮಾಡಲಾಯಿತು. ಅಂತಿಮವಾಗಿ ಈ ಸಿನಿಮಾ 400 ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್​ ಮಾಡಿತು.

Kantara 2: ಯುಗಾದಿ ದಿನವೇ ಸಿಹಿ ಸುದ್ದಿ ನೀಡಿದ ರಿಷಬ್​ ಶೆಟ್ಟಿ; ಇಲ್ಲಿದೆ ‘ಕಾಂತಾರ 2’ ಅಪ್​ಡೇಟ್​

ಇದನ್ನೂ ಓದಿ

Rishab Shetty: ಪಂಚೆ ಧರಿಸಿದ ರಿಷಬ್​ ಶೆಟ್ಟಿ ಗತ್ತು ಹೇಗಿದೆ ನೋಡಿ; ಇಲ್ಲಿದೆ ‘ಕಾಂತಾರ’ ಹೀರೋ ಫೋಟೋ ಗ್ಯಾಲರಿ

Kantara: ಕರ್ನಾಟಕದಲ್ಲಿ ‘ಕಾಂತಾರ’ ಚಿತ್ರದ 1 ಕೋಟಿ ಟಿಕೆಟ್ಸ್​ ಮಾರಾಟ; ದಾಖಲೆಗೆ ಹಿಗ್ಗಿದ ‘ಹೊಂಬಾಳೆ ಫಿಲ್ಮ್ಸ್​’

Kantara: ಬೆಂಗಳೂರಿಗೆ ಕಾಲಿಡುತ್ತಲೇ ‘ಕಾಂತಾರ’ ಬಗ್ಗೆ ಮಾತಾಡಿದ ಎಬಿ ಡಿವಿಲಿಯರ್ಸ್; ರಿಷಬ್​ ಶೆಟ್ಟಿ ಹೇಳಿದ್ದೇನು?

Kantara: ‘ಕಾಂತಾರ’ ಸೂಪರ್​ ಹಿಟ್​ ಆದ್ಮೇಲೆ ರಿಷಬ್​ ಶೆಟ್ಟಿ ಏನು ಮಾಡ್ತಿದ್ದಾರೆ? ಪ್ರೈವೇಟ್​ ಜೆಟ್​ ಏರಿದ ಶಿವ

ಕೆ.ಎಸ್​. ಅಶೋಕ್​ ನಿರ್ದೇಶನದ ‘ದಿಯಾ’:

‘ದಿಯಾ’ ಸಿನಿಮಾದಲ್ಲಿ ರೊಮ್ಯಾಂಟಿಕ್​ ಕಥೆ ಇದೆ. ನಿರ್ದೇಶಕ ಕೆ.ಎಸ್​. ಅಶೋಕ್​ ಅವರು ತೋರಿಸಿದ ತ್ರಿಕೋನ ಪ್ರೇಮಕಥೆಗೆ ಪ್ರೇಕ್ಷಕರು ಮರುಳಾಗಿದ್ದಾರೆ. ಆದರೆ ಈ ಚಿತ್ರ ತೆರೆಕಂಡಾಗ ಮೊದಲ ದಿನ ಅಷ್ಟೇನೂ ಕಲೆಕ್ಷನ್​ ಆಗಲಿಲ್ಲ. ಆದರೆ ಬಾಯಿ ಮಾತಿನ ಪ್ರಚಾರದಿಂದಾಗಿ ಈ ಚಿತ್ರದ ಗಳಿಕೆ ಹೆಚ್ಚಾಗತೊಡಗಿತು. ಈ ಸಿನಿಮಾದಲ್ಲಿ ದೀಕ್ಷಿತ್​ ಶೆಟ್ಟಿ, ಖುಷಿ ರವಿ, ಪೃಥ್ವಿ ಅಂಬಾರ್​, ಪವಿತ್ರಾ ಲೋಕೇಶ್​ ಮುಂತಾದವರು ನಟಿಸಿದ್ದಾರೆ.

ಮತ್ತೆ ಒಂದಾಗಲಿದೆ ದಿಯಾ ಜೋಡಿ; ಹೇಗಿರಲಿದೆ ಈ ಸಿನಿಮಾ ಕಥೆ?

ಡಾರ್ಲಿಂಗ್​ ಕೃಷ್ಣ ನಿರ್ದೇಶನದ ‘ಲವ್​ ಮಾಕ್ಟೇಲ್​’:

ಮಿಲನಾ ನಾಗರಾಜ್​ ಮತ್ತು ಡಾರ್ಲಿಂಗ್​ ಕೃಷ್ಣ ಅವರಿಗೆ ಬಹುದೊಡ್ಡ ಗೆಲುವು ಸಿಕ್ಕಿದ್ದು ‘ಲವ್​ ಮಾಕ್ಟೇಲ್​’ ಸಿನಿಮಾದಿಂದ. ಆದರೆ ಈ ಚಿತ್ರಕ್ಕೆ ಉತ್ತಮ ಓಪನಿಂಗ್​ ಸಿಕ್ಕಿರಲಿಲ್ಲ. ಒಂದು ವಾರ ಕಳೆಯುವುದರೊಳಗೆ ಬಹುತೇಕ ಎಲ್ಲ ಚಿತ್ರಮಂದಿರಗಳಿಂದ ಈ ಸಿನಿಮಾವನ್ನು ತೆಗೆದು ಹಾಕಲಾಯಿತು. ಆದರೆ ಎರಡನೇ ವಾರದಲ್ಲಿ ಮ್ಯಾಜಿಕ್​ ನಡೆಯಿತು. ಮೌತ್​ ಪಬ್ಲಿಸಿಟಿಯಿಂದಾಗಿ ಈ ಸಿನಿಮಾಗೆ ಜನರು ಬರಲಾರಂಭಿಸಿದರು. ಶೋಗಳ ಸಂಖ್ಯೆ ಹೆಚ್ಚಿತು.

Love Mocktail 3: ‘ಲವ್​ ಮಾಕ್ಟೇಲ್​ 3’ ಕೆಲಸ ಆರಂಭಿಸಿದ ಡಾರ್ಲಿಂಗ್​ ಕೃಷ್ಣ; ಮುಂದುವರಿಯಲಿದೆ ಆದಿ-ನಿಧಿ ಕಥೆ

ಯೋಗರಾಜ್​ ಭಟ್​ ನಿರ್ದೇಶನದ ‘ಮುಂಗಾರು ಮಳೆ’:

ಕನ್ನಡ ಚಿತ್ರರಂಗದಲ್ಲಿ ‘ಮುಂಗಾರು ಮಳೆ’ ಸಿನಿಮಾ ಮಾಡಿದ ಮೋಡಿ ಅಷ್ಟಿಷ್ಟಲ್ಲ. ಕೆಲವೇ ಕೆಲವು ಟ್ರೆಂಡ್​ ಸೆಟ್ಟರ್​ ಸಿನಿಮಾಗಳಲ್ಲಿ ಈ ಚಿತ್ರ ಕೂಡ ಇದೆ. ಆದರೆ ಆರಂಭದಲ್ಲೇ ‘ಮುಂಗಾರು ಮಳೆ’ಗೆ ದೊಡ್ಡ ಗೆಲುವು ಸಿಕ್ಕಿರಲಿಲ್ಲ. ನಿಧಾನವಾಗಿ ಬಾಯಿ ಮಾತಿನ ಪ್ರಚಾರ ಉತ್ತಮವಾಗಿ ಸಿಕ್ಕಿದ್ದರಿಂದ ಈ ಸಿನಿಮಾ ನಂತರದ ವಾರಗಳಲ್ಲಿ ಅಬ್ಬರಿಸಿತು.

‘ಮುಂಗಾರು ಮಳೆ’ ತಂಡದಲ್ಲೂ ಮನಸ್ತಾಪ ಆಗಿತ್ತು; ಸ್ನೇಹದ ಅಸಲಿ ವಿಚಾರ ತೆರೆದಿಟ್ಟ ಗಣೇಶ್​

ರವಿಚಂದ್ರನ್​ ನಿರ್ದೇಶನದ ‘ಪ್ರೇಮಲೋಕ’:

1987ರಲ್ಲಿ ತೆರೆಕಂಡ ‘ಪ್ರೇಮಲೋಕ’ ಸಿನಿಮಾವನ್ನು ಕನ್ನಡ ಚಿತ್ರಪ್ರೇಮಿಗಳು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ರವಿಚಂದ್ರನ್ ಅವರು ಈ ಸಿನಿಮಾವನ್ನು ಕಟ್ಟಿಕೊಟ್ಟ ರೀತಿಯೇ ಭಿನ್ನವಾಗಿತ್ತು. ಆದರೆ ಆರಂಭದಲ್ಲಿ ಈ ಚಿತ್ರಕ್ಕೆ ಭರ್ಜರಿ ಓಪನಿಂಗ್​ ಸಿಕ್ಕಿರಲಿಲ್ಲ. ನಂತರದ ವಾರಗಳಲ್ಲಿ ‘ಪ್ರೇಮಲೋಕ’ ಬಗ್ಗೆ ಜನರು ಸಖತ್​ ಆಸಕ್ತಿ ತೋರಿಸಿದರು. ಬಾಯಿ ಮಾತಿನ ಪ್ರಚಾರ ಸಿಕ್ಕಿದ್ದರಿಂದ ಈ ಚಿತ್ರ ಬ್ಲಾಕ್​ ಬಸ್ಟರ್​ ಹಿಟ್​ ಆಯಿತು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.