ಚಿಕ್ಕ ಅಂಗಡಿಯಲ್ಲಿ ಮಗಳಿಗಾಗಿ ಚಾಕೊಲೇಟ್​ ಖರೀದಿಸಿದ ಯಶ್​; ಫೋಟೋ ವೈರಲ್​

ಕನ್ನಡದ ನಟ ಯಶ್​ (Rocking Star Yash) ಅವರು ಪ್ಯಾನ್​ ಇಂಡಿಯಾ ಹೀರೋ ಆಗಿ ಬೆಳೆದಿದ್ದಾರೆ. ಅವರಿಗೆ ವಿಶ್ವಾದ್ಯಂತ ಈಗ ಅಭಿಮಾನಿಗಳು ಇದ್ದಾರೆ. ಎಷ್ಟೇ ಎತ್ತರಕ್ಕೆ ಬೆಳೆದರೂ ಯಶ್​ ಇಂದಿಗೂ ಕೂಡ ಸರಳತೆಯನ್ನು ಮರೆತಿಲ್ಲ. ಅಪ್ಪಟ ಫ್ಯಾಮಿಲಿ ಮ್ಯಾನ್​ ಆಗಿ ಅವರು ಜೀವನ ಸಾಗಿಸುತ್ತಿದ್ದಾರೆ. ಪತ್ನಿ ರಾಧಿಕಾ ಪಂಡಿತ್ (Radhika Pandit)​ ಮತ್ತು ಮಕ್ಕಳಾದ ಆಯ್ರಾ ಹಾಗೂ ಯಥರ್ವ್​ ಸಲುವಾಗಿ ಯಶ್​ ಸಮಯ ಹೊಂದಿಸಿಕೊಳ್ಳುತ್ತಾರೆ. ಜನ ಜಂಗುಳಿಯ ನಡುವೆ ಮಗಳನ್ನು ಹೆಗಲ ಮೇಲೆ ಹೊತ್ತು ಅವರು ಸಾಗುತ್ತಾರೆ. ಪುತ್ರಿಯಾಗಿ (Yash Daughter) ಚಿಕ್ಕ ಅಂಗಡಿಯಲ್ಲಿ ಯಶ್​ ಚಾಕೊಲೇಟ್​ ಖರೀದಿಸಿದ್ದಾರೆ. ಆ ಸಂದರ್ಭದ ಫೋಟೋ ಮತ್ತು ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿವೆ.

ಕುಟುಂಬದ ಜೊತೆ ತೆರಳಿದ್ದಾಗ ಮಗಳಿಗೆ ಚಾಕೊಲೇಟ್​ ಕೊಡಿಸುವ ಸಲುವಾಗಿ ಯಶ್​ ಅವರು ಪೆಟ್ಟಿಗೆ ಅಂಗಡಿಗೆ ಭೇಟಿ ನೀಡಿದ್ದಾರೆ. ಮಗಳು ಕೇಳಿದ ಚಾಕೊಲೇಟ್​ ಕೊಡಿಸಿದ್ದಾರೆ. ಅವರ ಇಡೀ ಕುಟುಂಬವೇ ಸಿಂಪಲ್​. ಪೆಟ್ಟಿಗೆ ಅಂಗಡಿಗೆ ಯಶ್​ ತೆರಳಿದ್ದಾಗ ಅವರ ಜೊತೆ ರಾಧಿಕಾ ಪಂಡಿತ್​ ಕೂಡ ಇದ್ದರು. ಸಿಂಪಲ್​ ಮಹಿಳೆಯ ರೀತಿ ಅವರು ಅಲ್ಲಿ ಕುಳಿತಿರುವ ಫೋಟೋ ವೈರಲ್​ ಆಗಿದೆ. ಇದನ್ನು ನೋಡಿ ಅಭಿಮಾನಿಗಳು ಬಗೆಬಗೆಯಲ್ಲಿ ಕಮೆಂಟ್​ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ‘ಟಾಕ್ಸಿಕ್’ ಸಿನಿಮಾನಲ್ಲಿ ಶಾರುಖ್ ಖಾನ್ ನಟಿಸ್ತಾರಾ? ಯಶ್ ಕೊಟ್ಟರು ಉತ್ತರ

ತುಂಬ ಕಷ್ಟದಿಂದ ಬೆಳೆದುಬಂದ ನಟ ಯಶ್​ ಅವರಿಗೆ ಇಂದು ಬಹುಭಾಷೆಯಲ್ಲಿ ಬೇಡಿಕೆ ಇದೆ. ಹಾಗಂತ ಅವರಲ್ಲಿನ ಸರಳತೆ ಕಾಣೆಯಾಗಿಲ್ಲ. ಕಷ್ಟ ಮತ್ತು ಬಡತನವನ್ನು ಕಂಡು ಬಂದಿರುವ ಅವರಿಗೆ ಎಲ್ಲ ಅನುಭವ ಇದೆ. ಮಗಳಿಗಾಗಿ ಸಾಮಾನ್ಯರಂತೆ ಪುಟ್ಟ ಅಂಗಡಿಗೆ ಬಂದ ಯಶ್​ ಅವರ ಫೋಟೋ ನೋಡಿ ಫ್ಯಾನ್ಸ್​ ಮೆಚ್ಚುಗೆ ಸೂಚಿಸಿದ್ದಾರೆ. ಈ ಗುಣ ಎಲ್ಲರಿಗೂ ಇಷ್ಟ ಆಗಿದೆ. ಅನೇಕರಿಗೆ ಯಶ್​ ಸಹಾಯ ಮಾಡಿದ್ದಾರೆ. ಆ ಕಾರಣದಿಂದಲೂ ಅವರನ್ನು ಕಂಡರೆ ಅಭಿಮಾನಿಗಳಿಗೆ ಎಲ್ಲಿಲ್ಲದ ಪ್ರೀತಿ.

ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಯಶ್ ಫೋಟೋ:

View this post on Instagram

A post shared by Yash BOSS™ (@yash_the_stalwart)

‘ರಾಕಿಂಗ್​ ಸ್ಟಾರ್​’ ಯಶ್​ ಅವರು ಈಗ ‘ಟಾಕ್ಸಿಕ್’ ಸಿನಿಮಾದ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ. ಈ ಸಿನಿಮಾಗೆ ಮಲಯಾಳಂ ನಿರ್ದೇಶಕಿ ಗೀತು ಮೋಹನ್​ದಾಸ್​ ಅವರು ಆ್ಯಕ್ಷನ್​-ಕಟ್​ ಹೇಳುತ್ತಿದ್ದಾರೆ. ‘ಕೆಜಿಎಫ್​: ಚಾಪ್ಟರ್​ 2’ ಸೂಪರ್​ ಹಿಟ್​ ಆದ ನಂತರ ಯಶ್​ ಈ ಸಿನಿಮಾ ಒಪ್ಪಿಕೊಂಡಿದ್ದರಿಂದ ನಿರೀಕ್ಷೆ ಜೋರಾಗಿದೆ. ಟೈಟಲ್​ ಟೀಸರ್​ ನೋಡಿ ಫ್ಯಾನ್ಸ್​ ವಾವ್​ ಎಂದಿದ್ದಾರೆ. ಈ ಸಿನಿಮಾ ಬಗ್ಗೆ ಹೆಚ್ಚಿನ ಮಾಹಿತಿ ಹೊರಬಿದ್ದಿಲ್ಲ. ಈ ಚಿತ್ರದಿಂದ ಬರುವ ಪ್ರತಿಯೊಂದು ಅಪ್​ಡೇಟ್​ಗಾಗಿ ಅಭಿಮಾನಿಗಳು ಕಾದಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ