ಶಿವಣ್ಣ ಹುಟ್ಟಿದ ಬಳಿಕ ಸಂಜೆಯಿಂದ ಬೆಳಗ್ಗಿನವರೆಗೆ ಸ್ವೀಟ್ ಹಂಚಿದ್ದ ರಾಜ್​ಕುಮಾರ್

ಶಿವರಾಜ್​ಕುಮಾರ್ ಅವರಿಗೆ ಇಂದು (ಜುಲೈ 11) ಜನ್ಮದಿನ. ಅವರಿಗೆ ಎಲ್ಲರೂ ಸೋಶಿಯಲ್ ಮೀಡಿಯಾ ಮೂಲಕ ಶುಭಾಶಯ ತಿಳಿಸುತ್ತಿದ್ದಾರೆ. ಅವರಿಗೆ ಈಗ 63ನೇ ವರ್ಷ. ಶಿವಣ್ಣ ಹೆಸರಲ್ಲಿ ಸಾಕಷ್ಟು ಒಳ್ಳೆಯ ಕೆಲಸಗಳು ಕೂಡ ನಡೆಯುತ್ತಿವೆ. ಒಂದು ವಿಶೇಷ ಎಂದರೆ ಶಿವರಾಜ್​ಕುಮಾರ್ (Shivarajkumar) ಹುಟ್ಟಿದಾಗ ರಾಜ್​ಕುಮಾರ್ ಅವರು ಸಂಭ್ರಮಿಸಿದ್ದರು. ಏಕೆಂದರೆ ಮದುವೆ ಆಗಿ 9 ವರ್ಷಗಳ ಬಳಿಕ ಶಿವಣ್ಣ ಹುಟ್ಟಿದ್ದರು. ವೀಕೆಂಡ್ ವಿತ್ ರಮೇಶ್​ನಲ್ಲಿ ಈ ಬಗ್ಗೆ ಹೇಳಿಕೊಂಡಿದ್ದರು ಶಿವರಾಜ್​ಕುಮಾರ್.

ರಾಜ್​ಕುಮಾರ್ ಹಾಗೂ ಪಾರ್ವತಮ್ಮ ವಿವಾಹ ಆಗಿದ್ದು 1953ರ ಜೂನ್ 25ರಂದು. ಎಷ್ಟೇ ಪ್ರಯತ್ನಿಸದರೂ ದಂಪತಿಗೆ ಮಗು ಹುಟ್ಟಿರಲೇ ಇಲ್ಲ. ಶಿವರಾಜ್​ಕುಮಾರ್ ಅವರು 1962ರ ಜುಲೈ12ರಂದು ಜನಿಸಿದರು. ಆ ವಿಚಾರ ರಾಜ್​ಕುಮಾರ್​ಗೆ ಸಾಕಷ್ಟು ಖುಷಿ ನೀಡಿತು. ಅವರ ಖುಷಿಗೆ ಅಂದು ಪಾರವೇ ಇರಲಿಲ್ಲ. ರಾಜ್​ಕುಮಾರ್ ಕುಣಿದು ಕುಪ್ಪಳಿಸಿದ್ದರು.

ಶಿವರಾಜ್​ಕುಮಾರ್ ಜನಿಸಿದ್ದು ಸಂಜೆ ವೇಳೆಗೆ. ಬೆಳಿಗ್ಗೆ 5 ಗಂಟೆವರೆಗೆ ರಾಜ್​ಕುಮಾರ್ ಸಿಹಿ ಹಂಚಿದ್ದರಂತೆ. ‘ನಾನು ಹುಟ್ಟಿದಾಗ ಅಪ್ಪಾಜಿ ತುಂಬಾನೇ ಸಂತೋಷಪಟ್ಟರಂತೆ. ಬೆಳಿಗ್ಗೆವರೆಗೆ ಅಪ್ಪಾಜಿ ಸ್ವೀಟ್ ಹಂಚಿದ್ದರಂತೆ’ ಎಂದು ಶಿವರಾಜ್​ಕುಮಾರ್ ಹೇಳಿದ್ದರು.

ಇದನ್ನೂ ಓದಿ

ದಳಪತಿ ವಿಜಯ್ ಚಿತ್ರದಲ್ಲಿ ನನ್ನ ಪಾತ್ರ ವೇಸ್ಟ್ ಮಾಡಿದರು; ಸಂಜಯ್ ದತ್ ಬೇಸರ

ನಟ ದರ್ಶನ್ ಬಳಿಯೂ ಇತ್ತು ಹಮ್ಮರ್; ಮಾರಿದ್ದು ಏಕೆ?

‘ಅಮೃತಧಾರೆ’ ಧಾರಾವಾಹಿಯಲ್ಲಿ ದೊಡ್ಡ ತಿರುವು; ಭೂಮಿಕಾಗೆ ಅವಳಿ ಮಕ್ಕಳು

‘ಕೆಡಿ’ ಸಿನಿಮಾ ಸುದ್ದಿಗೋಷ್ಠಿಯಲ್ಲಿ ಬಾಲಿವುಡ್ ಬಗ್ಗೆ ಸಂಜಯ್ ದತ್ ಬೇಸರ

‘ನಮ್ಮ ಮನೆಯಲ್ಲಿ 20-25 ಜನರು ಇರುತ್ತಿದ್ದರು. ಎಲ್ಲರೂ ಕಸಿನ್ಸ್. ಬಟ್ಟೆ ತೆಗೆದುಕೊಳ್ಳಲು ಒಟ್ಟಿಗೆ ಹೋಗುತ್ತಿದ್ದೆವು. ನಂಗೆ ಹಲವು ತಾಯಂದಿರು. ಅದರಲ್ಲಿ ನಾಗಮ್ಮ ಕೂಡ ಒಬ್ಬರು. ಅವರು ನನ್ನನ್ನು ಚಿಕ್ಕವಯಸ್ಸಲ್ಲಿ ಸಾಕಿ ಬೆಳೆಸಿದ್ದಾರೆ’ ಎಂದು ಶಿವಣ್ಣ ಹೇಳಿದ್ದರು. ನಾಗಮ್ಮ ಈಗಲೂ ಬದುಕಿದ್ದಾರೆ. ಅವರು ರಾಜ್​ಕುಮಾರ್ ಹುಟ್ಟೂರಾದ ಗಾಜನೂರಿನಲ್ಲಿ ಇರುತ್ತಾರೆ. ಪುನೀತ್ ಸತ್ತ ವಿಚಾರ ಅವರಿಗೆ ಇನ್ನೂ ತಿಳಿದಿಲ್ಲ. ಅವರಿಗೆ ಆಘಾತ ಆಗುತ್ತದೆ ಎಂಬ ಕಾರಣಕ್ಕೆ ಆ ವಿಚಾರವನ್ನು ಇನ್ನೂ ಹಾಗೆಯೇ ಮುಚ್ಚಿಡಲಾಗಿದೆ. ಅವರನ್ನು ಕಂಡರೆ ಶಿವಣ್ಣಗೆ ಸಾಕಷ್ಟು ಪ್ರೀತಿ.

ಇದನ್ನೂ ಓದಿ: 666 ಆಪರೇಷನ್ ಡ್ರೀಮ್ ಥಿಯೇಟರ್‌: ಶಿವರಾಜ್‌ಕುಮಾರ್ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ

ಶಿವಣ್ಣಗೆ ಈಗ 63 ವರ್ಷ ವಯಸ್ಸು. ಅವರು ಕ್ಯಾನ್ಸರ್ ಗೆದ್ದು ಬಂದಿದ್ದಾರೆ. ಹೀಗಾಗಿ, ಈ ವರ್ಷದ ಬರ್ತ್​ಡೇ ಅವರಿಗೆ ವಿಶೇಷ ಎನಿಸಿಕೊಂಡಿದೆ. ಅವರ ಧೈರ್ಯವನ್ನು ಎಲ್ಲರೂ ಕೊಂಡಾಡುತ್ತಿದ್ದಾರೆ. ಅವರನ್ನು ಹೊಗಳುವ ಕೆಲಸ ಆಗಿದೆ. ಇಂದು ಅಭಿಮಾನಿಗಳ ಜೊತೆ ಸೇರಿ ಅವರು ಹುಟ್ಟುಹಬ್ಬ ಆಚರಿಸುತ್ತಾ ಇದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:19 am, Sat, 12 July 25