ಯುಗಾದಿಗೆ ನಿಮ್ಮ ಮುಂದೆ ಬರ್ತಿದೆ ‘ಯುಐ’ ಸಿನಿಮಾ; ಎಲ್ಲಿ? ಎಷ್ಟು ಗಂಟೆಗೆ?

‘ಯುಐ’ ಚಿತ್ರವನ್ನು (UI) ಥಿಯೇಟರ್​ನಲ್ಲಿ ನೋಡಿದ ಕೆಲವರು ಮೆಚ್ಚಿಕೊಂಡರು. ಈ ಚಿತ್ರ ಉಪೇಂದ್ರ ನಿರ್ದೇಶನದಲ್ಲಿ ಮೂಡಿ ಬಂದಿತ್ತು. ಈ ಚಿತ್ರ ಒಟಿಟಿಗೆ ಇನ್ನೂ ಲಗ್ಗೆ ಇಟ್ಟಿಲ್ಲ. ಸಿನಿಮಾ ಒಟಿಟಿಗೆ ಯಾವಾಗ ಬರುತ್ತದೆ ಎಂದು ಕಾದು ಪ್ರೇಕ್ಷಕರು ಸುಸ್ತಾಗಿದ್ದಾರೆ. ಆಗಲೇ ಈ ಸಿನಿಮಾ ಟಿವಿಗೆ ಬರುತ್ತಿದೆ. ಹೌದು, ಟಿವಿಯಲ್ಲಿ ಈ ಚಿತ್ರವನ್ನು ವೀಕ್ಷಿಸಲು ಅವಕಾಶ ಕಲ್ಪಿಸಲಾಗಿದೆ. ಯುಗಾದಿಗೆ ಸರಿಯಾಗಿ ಈ ಸಿನಿಮಾ ನಿಮ್ಮ ಮುಂದೆ ಬರುತ್ತಿದೆ. ಈ ಚಿತ್ರವನ್ನು ಎಲ್ಲಿ ವೀಕ್ಷಿಸಬಹುದು ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.

ಉಪೇಂದ್ರ ನಿರ್ದೇಶನದ ಸಿನಿಮಾಗಳು ಎಂದರೆ ಭಿನ್ನವಾಗಿ ಇರುತ್ತವೆ. ಈ ಕಾರಣಕ್ಕೆ ಉಪ್ಪಿ ನಿರ್ದೇಶನ ಮಾಡಬೇಕು ಎಂಬುದು ಅವರ ಅಭಿಮಾನಿಗಳ ಕೋರಿಕೆ. ಹೀಗಾಗಿ ಹಲವು ವರ್ಷಗಳ ಬಳಿಕ ‘ಯುಐ’ ಚಿತ್ರವನ್ನು ಉಪ್ಪಿ ಘೋಷಣೆ ಮಾಡಿದರು. ಈ ಚಿತ್ರ ಕಳೆದ ಡಿಸೆಂಬರ್ 20ರಂದು ಥಿಯೇಟರ್​ನಲ್ಲಿ ಬಿಡುಗಡೆ ಆಯಿತು. ಈಗ ದೊಡ್ಡ ಗ್ಯಾಪ್ ಬಳಿಕ ಟಿವಿಗೆ ಬರುತ್ತಿದೆ.

ಇದನ್ನೂ ಓದಿ

ಭೂಮಿ ಮೇಲಿನ ಮೂರು ವಿಶೇಷ ಪ್ರದೇಶಗಳಲ್ಲಿ ಮನೆ ಹೊಂದಿದ್ದಾರೆ ಪ್ರಕಾಶ್ ರಾಜ್

ಪೊಲೀಸರ ದಾರಿ ತಪ್ಪಿಸಿಲ್ಲ; ರಬ್ಬರ್ ಮಚ್ಚು ಕೊಟ್ಟಿದ್ದಕ್ಕೆ ರಜತ್ ಸ್ಪಷ್ಟನೆ

ವಿನಯ್, ರಜತ್​ಗೆ ಹೆಚ್ಚಿದ ಸಂಕಷ್ಟ; ಪರಪ್ಪನ ಅಗ್ರಹಾರ ಜೈಲಿಗೆ ಶಿಫ್ಟ್

ವಿನಯ್-ರಜತ್ ಅವರ ಮಹಜರಿಗೆ ಕರೆತಂದ ಪೊಲೀಸರು: ವಿಡಿಯೋ

ಯುಗಾದಿ ಪ್ರಯುಕ್ತ ಮಾರ್ಚ್ 30ರಂದು ‘ಯುಐ’ ಸಿನಿಮಾ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಕಾಣಲಿದೆ. ಭಾನುವಾರ ಸಂಜೆ 4.30ರಿಂದ ಸಿನಿಮಾ ಪ್ರಸಾರ ಆರಂಭಿಸುತ್ತದೆ. ‘ಯುಐ’ ಸಿನಿಮಾ ಭಿನ್ನವಾಗಿದೆ. ಈ ಚಿತ್ರದಲ್ಲಿ ಹಲವು ವಿಚಾರಗಳನ್ನು ಉಪೇಂದ್ರ ಹೇಳಿದ್ದಾರೆ. ಈ ಚಿತ್ರದ ಒಂದು ದೃಶ್ಯ ಮಿಸ್ ಮಾಡಿಕೊಂಡರೂ ಕಥೆ ಅರ್ಥ ಆಗದೇ ಇರಬಹುದು. ಹೀಗಾಗಿ, ಸಂಪೂರ್ಣವಾಗಿ ಟಿವಿ ಮುಂದೆ ಕುಳಿತಿದ್ದರೆ ಮಾತ್ರ ಸಿನಿಮಾ ಅರ್ಥ ಆಗಲಿದೆ.

View this post on Instagram

A post shared by Zee Kannada (@zeekannada)

ಕಥೆ ಏನು?

‘ಯುಐ’ ಚಿತ್ರದ ಕಥೆ ಏನು ಎಂಬುದನ್ನು ವಿವರಿಸುವುದು ಕಷ್ಟ ಆಗಬಹುದು. ಹೀಗಾಗಿ, ಅದನ್ನು ಸಿನಿಮಾ ನೋಡಿಯೇ ತಿಳಿದುಕೊಳ್ಳಬೇಕು. ಸಮಾಜದ ಹುಳುಕುಗಳನ್ನು ಅವರು ಹೇಳುವ ಪ್ರಯತ್ನ ಮಾಡಿದ್ದಾರೆ. ಅವರದ್ದೇ ಆದ ಪಕ್ಷ ಪ್ರಜಾಕೀಯದ ಐಡಿಯಾಲಜಿಗಳು ಚಿತ್ರದಲ್ಲಿ ಇವೆ. ‘ಟ್ರೋಲ್..’ ಸಾಂಗ್​ ಕೂಡ ಗಮನ ಸೆಳೆದಿದೆ. ಉಪೇಂದ್ರ ಜೊತೆ ಸಾಧು ಕೋಕಿಲ, ರೀಷ್ಮಾ ನಾಣಯ್ಯ, ರವಿ ಶಂಕರ್ ನಟಿಸಿದ್ದಾರೆ. ಇತ್ತೀಚೆಗೆ ನಿಧನ ಹೊಂದಿದ ಗುರು ಪ್ರಸಾದ್ ಕೂಡ ಚಿತ್ರದಲ್ಲಿ ಇದ್ದಾರೆ.

ಇದನ್ನೂ ಓದಿ: ಕಿರುತೆರೆಯಲ್ಲಿ ಮೊಟ್ಟ ಮೊದಲ ಬಾರಿಗೆ ಬರ್ತಿದೆ ‘ಭೀಮ’ ಸಿನಿಮಾ

ಕಲರ್ಸ್​ನಲ್ಲಿ ಭೀಮ

ದುನಿಯಾ ವಿಜಯ್ ನಟಿಸಿ, ನಿರ್ದೇಶಿಸಿರುವ ‘ಭೀಮ’ ಸಿನಿಮಾ ಕೂಡ ಮಾರ್ಚ್​ 30ರಂದು ಪ್ರಸಾರ ಕಾಣುತ್ತಿದೆ. ‘ಯುಐ’ ಚಿತ್ರ 4.30ಕ್ಕೆ ಪ್ರಸಾರ ಆರಂಭಿಸಿದರೆ ‘ಭೀಮ’ ಸಿನಿಮಾ ಸಂಜೆ 7.30ಕ್ಕೆ ಪ್ರಸಾರ ಆಗುತ್ತದೆ. ಕಲರ್ಸ್​ನಲ್ಲಿ ‘ಭೀಮ’ ವೀಕ್ಷಣೆಗೆ ಲಭ್ಯ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 9:16 am, Wed, 26 March 25