ವಿಚ್ಛೇದನ ಯಾವಾಗ; ಶ್ರುತಿ ಹಾಸನ್ ಪ್ರಶ್ನೆಗೆ ಕಂಗಾಲಾದ ಸುಹಾಸಿನಿ
ನಟಿ ಶ್ರುತಿ ಹಾಸನ್ ತಮ್ಮ ಮದುವೆಯ ಬಗ್ಗೆ ಕೇಳಿದ ಪ್ರಶ್ನೆಗೆ ಸಂಬಂಧಿಕರಾದ ಸುಹಾಸಿನಿ ಅವರಿಗೆ ನೀಡಿದ ಖಡಕ್ ಉತ್ತರದಿಂದ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸಂಚಲನ ಸೃಷ್ಟಿಸಿದ್ದಾರೆ. ನವೆಂಬರ್ 20ರಂದು ಬಿಡುಗಡೆಯಾಗಲಿರುವ ‘ಆಕಾಶಂ ಲೋ ಒಕ ತಾರಾ’ ಚಿತ್ರದ ನಡುವೆ ಈ ವೀಡಿಯೊ ಎಲ್ಲೆಡೆ ವೈರಲ್ ಆಗುತ್ತಿದೆ.

ಮುಖ್ಯಾಂಶಗಳು
- ಮದುವೆ ಪ್ರಶ್ನೆಗೆ ಖಡಕ್ ಪ್ರತಿಕ್ರಿಯೆ ನೀಡಿದ ನಟಿ ಶ್ರುತಿ ಹಾಸನ್
- ಸುಹಾಸಿನಿ ಪ್ರಶ್ನೆಗೆ ಶ್ರುತಿ ಖಡಕ್ ಉತ್ತರ
- ಸಿನಿಮಾದ ಜೊತೆ ವೈಯಕ್ತಿಕ ವಿಚಾರ ಚರ್ಚೆ
ದಕ್ಷಿಣ ಭಾರತದ ಖ್ಯಾತ ನಟಿ ಶ್ರುತಿ ಹಾಸನ್ ಅವರು ತಮ್ಮ ವೃತ್ತಿಜೀವನದ ಜೊತೆಗೆ ದಿಟ್ಟ ಹಾಗೂ ಮುಕ್ತ ಮಾತುಗಳಿಂದಲೂ ಸದಾ ಸುದ್ದಿಯಲ್ಲಿರುತ್ತಾರೆ. ಮುಟ್ಟಿನ ಆರೋಗ್ಯ, ಚಿತ್ರರಂಗದಲ್ಲಿನ ತಾರತಮ್ಯ ಹಾಗೂ ವೈಯಕ್ತಿಕ ವಿಚಾರಗಳ ಬಗ್ಗೆಯೂ ಅವರು ಮುಕ್ತವಾಗಿ ಮಾತನಾಡುತ್ತಾರೆ. ಸದ್ಯ ಅವರ ಮುಂದಿನ ಬಹುನಿರೀಕ್ಷಿತ ‘ಆಕಾಶಂ ಲೋ ಒಕ ತಾರಾ’ ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ. ಇದೇ ವೇಳೆ ತಮ್ಮ ಮದುವೆಯ ಕುರಿತು ಕೇಳಲಾದ ಪ್ರಶ್ನೆಗೆ ಅವರು ನೀಡಿದ ಖಡಕ್ ಉತ್ತರ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.
ಶ್ರುತಿ ಅವರ ಸಂಬಂಧಿ, ನಟಿ ಸುಹಾಸಿನಿ ಮಣಿರತ್ನಂ ಜೊತೆ ನಡೆಸಿದ ಮಾತುಕತೆಯ ವೇಳೆ ಈ ಮೋಜಿನ ಪ್ರಸಂಗ ನಡೆದಿದೆ. ಸಂದರ್ಶನದಲ್ಲಿ ಸುಹಾಸಿನಿ ಅವರು ಶ್ರುತಿ ಹಾಸನ್ ಅವರಿಗೆ ‘ನೀವು ಯಾವಾಗ ಮದುವೆಯಾಗುತ್ತೀರಿ?’ ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಲು ತಡಮಾಡದ ಶ್ರುತಿ ಹಾಸನ್, ‘ನೀವು ಯಾವಾಗ ವಿಚ್ಛೇದನ ಪಡೆಯುತ್ತೀರಿ?’ ಎಂದು ಮರುಪ್ರಶ್ನೆ ಹಾಕುವ ಮೂಲಕ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ.
ಸಾಮಾನ್ಯವಾಗಿ ಸಮಾಜದಲ್ಲಿ ಹೆಣ್ಣುಮಕ್ಕಳು ಮದುವೆಯ ಬಗ್ಗೆ ಸಂಬಂಧಿಕರಿಂದ ಇಂತಹ ಪ್ರಶ್ನೆಗಳನ್ನು ಎದುರಿಸಬೇಕಾಗುತ್ತದೆ. ಕುಟುಂಬದ ಒತ್ತಡಕ್ಕೆ ಮಣಿದು ಅನೇಕರು ಮದುವೆಯಾಗುತ್ತಾರೆ. ಶ್ರುತಿ ಹಾಸನ್ ಅವರ ಈ ತಮಾಷೆಯ ಹಾಗೂ ದಿಟ್ಟ ಉತ್ತರವು ಅನೇಕರಿಗೆ ರಿಲೇಟ್ ಆಗಿದ್ದು, ಅವರ ಈ ಮಾತಿಗೆ ನೆಟ್ಟಿಗರಿಂದ ಭರ್ಜರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈ ವೀಡಿಯೊ ಈಗ ಎಲ್ಲೆಡೆ ಸಖತ್ ವೈರಲ್ ಆಗಿದೆ.
Suhasini Maniratnam asks question to Shruti Hassan about her Marriage: ‘when you getting married?’
Shruti gives thug & fun reply to Suhasini: ‘When are you going to get a divorce?’😂
#ShrutiHaasan #Suhasini https://t.co/yWBuRVbEm1
— Shakthi (@shakthispeaks) November 15, 2026
ಇದೇ ಸಂಭಾಷಣೆಯಲ್ಲಿ ಶ್ರುತಿ ತಮ್ಮ ಸಿನಿಮಾ ಕುಟುಂಬದ ಹಿನ್ನೆಲೆಯ ಬಗ್ಗೆಯೂ ಮಾತನಾಡಿದ್ದಾರೆ. ತಾವಾಗಲಿ, ಸುಹಾಸಿನಿ ಆಗಲಿ ಅಥವಾ ರೇಖಾ ಆಗಲಿ, ತಂದೆಯ ಹಾದಿಯನ್ನೇ ತುಳಿದು ಸಿನಿಮಾರಂಗಕ್ಕೆ ಬಂದ ಕೆಲವೇ ಕೆಲವು ಮಹಿಳೆಯರ ಗುಂಪಿಗೆ ಸೇರಿದ್ದೇವೆ ಎಂದು ಅವರು ನೆನಪಿಸಿಕೊಂಡಿದ್ದಾರೆ. ತಮ್ಮ ಮಗಳು ನಟನಾ ರಂಗಕ್ಕೆ ಬರುವುದನ್ನು ತಂದೆ ಕಮಲ್ ಹಾಸನ್ ಅವರು ಒಪ್ಪಿಕೊಂಡಿದ್ದನ್ನು ಅವರು ಈ ವೇಳೆ ಸ್ಮರಿಸಿದ್ದಾರೆ.
ಇದನ್ನೂ ಓದಿ: ಮದುವೆ ಆಗಲು ನಿರ್ಧರಿಸಿದ್ದ ಶ್ರುತಿ ಹಾಸನ್ ಮನಸ್ಸು ಬದಲಾಯಸಿದ್ದೇಕೆ?
ದುಲ್ಕರ್ ಸಲ್ಮಾನ್ ಅಭಿನಯದ ‘ಆಕಾಶಂ ಲೋ ಒಕ ತಾರಾ’ ಚಿತ್ರದಲ್ಲಿ ಶ್ರುತಿ ಹಾಸನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ನವೆಂಬರ್ 20ರಂದು ಈ ಸಿನಿಮಾ ವಿಶ್ವಾದ್ಯಂತ ತೆರೆಕಾಣಲಿದೆ. ವೈಯಕ್ತಿಕ ವಿಚಾರಗಳ ಕುರಿತು ನೇರ ಹಾಗೂ ದಿಟ್ಟ ನಿಲುವು ಹೊಂದಿರುವ ಶ್ರುತಿ ಹಾಸನ್ ಅವರ ಈ ಹೊಸ ಸಂದರ್ಶನದ ತುಣುಕು ಸದ್ಯ ಸ್ಯಾಂಡ್ವುಡ್ ಹಾಗೂ ಕಾಲಿವುಡ್ ವಲಯದಲ್ಲಿ ಹಾಟ್ ಟಾಪಿಕ್ ಆಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.




