ಆರ್​ ಯೂ ವರ್ಜಿನ್​? ಖ್ಯಾತ ನಟಿಯ ಪುತ್ರಿಗೆ ನೆಟ್ಟಿಗನ ಪ್ರಶ್ನೆ; ಸಿಕ್ಕ ಉತ್ತರವೂ ಅಷ್ಟೇ ಖಡಕ್​

ಕೊರೊನಾ ವೈರಸ್​ ನಿಯಂತ್ರಿಸುವ ಕಾರಣಕ್ಕಾಗಿ ಎಲ್ಲ ಕಡೆಗಳಲ್ಲಿ ಲಾಕ್​ಡೌನ್​ ಜಾರಿಗೊಳಿಸಲಾಗಿದೆ. ಸಿನಿಮಾ, ಧಾರಾವಾಹಿಗಳ ಶೂಟಿಂಗ್​ ಕೂಡ ಸ್ಥಗಿತಗೊಂಡಿದೆ. ಹಾಗಾಗಿ ಎಲ್ಲ ಸೆಲೆಬ್ರಿಟಿಗಳು ಮನೆಯಲ್ಲೇ ಕಾಲ ಕಳೆಯುತ್ತಿದ್ದಾರೆ. ಈ ಸಂದರ್ಭದಲ್ಲಿ ಅಭಿಮಾನಿಗಳ ಜೊತೆ ಸಂಪರ್ಕದಲ್ಲಿ ಇರಲು ಸೋಶಿಯಲ್​ ಮೀಡಿಯಾ ಬಳಕೆಯನ್ನು ನಟ-ನಟಿಯರು ಹೆಚ್ಚು ಮಾಡಿದ್ದಾರೆ. ಫ್ಯಾನ್ಸ್​ ಜೊತೆ ಪ್ರಶ್ನೋತ್ತರವನ್ನೂ ಅವರು ನಡೆಸುತ್ತಾರೆ. ಈ ವೇಳೆ ತರಹೇವಾರಿ ಪ್ರಶ್ನೆಗಳು ಜನರಿಂದ ಎದುರಾಗುತ್ತವೆ. ಇತ್ತೀಚೆಗೆ ಟಾಲಿವುಡ್​ ಜನಪ್ರಿಯ ನಟಿ ಸುರೇಖಾ ವಾಣಿ ಅವರ ಪುತ್ರಿಗೆ ನೆಟ್ಟಿಗರು ‘ಆರ್​ ಯೂ ವರ್ಜಿನ್​’ ಎಂದು ಕೇಳಿದ್ದಾರೆ.

ನಟಿ ಸುರೇಖಾ ವಾಣಿ ಅವರು ಪೋಷಕ ಪಾತ್ರಗಳ ಮೂಲಕ ಫೇಮಸ್​ ಆಗಿದ್ದಾರೆ. ಸೋಶಿಯಲ್​ ಮೀಡಿಯಾದಲ್ಲೂ ಅವರು ಲಕ್ಷಾಂತರ ಫಾಲೋವರ್ಸ್​ ಹೊಂದಿದ್ದಾರೆ. ಇನ್ನು ಅವರು ಪುತ್ರಿ ಸುಪ್ರಿತಾ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಗುರುತಿಸಿಕೊಂಡಿದ್ದಾರೆ. ಕಲರ್​ಫುಲ್​ ಆದ ಫೋಟೋಶೂಟ್​ಗಳ ಮೂಲಕ ಆಗಾಗ ಗಮನ ಸೆಳೆಯುತ್ತಾರೆ. ಅನೇಕ ವಿಡಿಯೋಗಳನ್ನು ಹಂಚಿಕೊಳ್ಳುತ್ತ, ಇನ್​ಸ್ಟಾಗ್ರಾಮ್​ನಲ್ಲಿ ನಾಲ್ಕು ಲಕ್ಷ ಫಾಲೋವರ್ಸ್​ ಸಂಪಾದಿಸಿಕೊಂಡಿದ್ದಾರೆ. ಇತ್ತೀಚೆಗೆ ಅವರು ಅಭಿಮಾನಿಗಳ ಪ್ರಶ್ನೆಗೆ ಉತ್ತರಿಸುತ್ತಿದ್ದರು.

‘ನನಗೊಂದು ಪ್ರಶ್ನೆ ಕೇಳಿ’ ಎಂದು ಅಭಿಮಾನಿಗಳಿಗೆ ಸುಪ್ರಿತಾ ಅವಕಾಶ ನೀಡಿದರು. ಆಗ ನೆಟ್ಟಿಗರು ಬಗೆಬಗೆಯ ಪ್ರಶ್ನೆ ಕೇಳಿದರು. ಒಬ್ಬಾತ ಮಾತ್ರ ನೇರವಾಗಿ ‘ನೀವು ವರ್ಜಿನ್​ ಆಗಿದ್ದೀರಾ’ ಎಂದು ಕೇಳಿದ್ದಾನೆ. ಈ ಪ್ರಶ್ನೆಯನ್ನು ಸುಪ್ರಿತಾ ನಿರೀಕ್ಷಿಸಿರಲಿಲ್ಲ ಎನಿಸುತ್ತದೆ. ಆದರೆ ಸಾಮಾನ್ಯವಾಗಿ ಈ ರೀತಿ ಆನ್​ಲೈನ್​ನಲ್ಲಿ ಪ್ರಶ್ನೋತ್ತರಕ್ಕೆ ಇಳಿಯುವ ಅನೇಕ ನಟಿಯರಿಗೆ ಆರ್​ ಯೂ ವರ್ಜಿನ್​ ಎಂಬ ಪ್ರಶ್ನೆ ಎದುರಾಗುತ್ತದೆ. ಅದನ್ನು ಸುಪ್ರಿತಾ ಸ್ವೀಕರಿಸಿ, ತಮ್ಮದೇ ರೀತಿಯಲ್ಲಿ ಉತ್ತರ ನೀಡಿದ್ದಾರೆ.

ನೆಟ್ಟಿಗರು ಕೇಳಿದ ಆ ಪ್ರಶ್ನೆಗೆ ಉತ್ತರವಾಗಿ ಪವನ್​ ಕಲ್ಯಾಣ್​ ನಟನೆಯ ‘ವಕೀಲ್​ ಸಾಬ್​’ ಸಿನಿಮಾದ ಒಂದು ವಿಡಿಯೋವನ್ನು ಸುಪ್ರಿಯಾ ಶೇರ್​ ಮಾಡಿದ್ದಾರೆ. ಆ ಸಿನಿಮಾದಲ್ಲಿ ವಕೀಲರು (ಪ್ರಕಾಶ್​ ರಾಜ್​) ಯುವತಿಯೊಬ್ಬಳಿಗೆ (ಅಂಜಲಿ) ಆರ್​ ಯೂ ವರ್ಜಿನ್​ ಎಂದು ಕೇಳುತ್ತಾರೆ. ಅದು ಆ ಸಿನಿಮಾದಲ್ಲಿ ತುಂಬ ಪ್ರಮುಖ ದೃಶ್ಯವಾಗಿದೆ. ಆ ಮೂಲಕ ಯುವತಿ ವರ್ಜಿನ್​ ಹೌದೋ ಅಲ್ಲವೋ ಎಂಬುದು ಇಲ್ಲಿ ಮುಖ್ಯವಲ್ಲ ಎಂಬ ಮಾತನ್ನು ಹೇಳಲಾಗಿತ್ತು. ಆ ದೃಶ್ಯವನ್ನು ಹಂಚಿಕೊಳ್ಳುವ ಮೂಲಕ, ನೆಟ್ಟಿಗರು ಕೇಳಿದ ಪ್ರಶ್ನೆಗೆ ಖಡಕ್​ ಆಗಿ ಸುಪ್ರಿಯಾ ಉತ್ತರಿಸಿದ್ದಾರೆ.

ಇದನ್ನೂ ಓದಿ:

ನಮ್ಮ ಕಾಲದಲ್ಲಿ ಹೀರೋಯಿನ್​ಗಳು ವರ್ಜಿನ್​ ಆಗಿರಬೇಕಿತ್ತು; ಮಗಳ ಪರ್ಸನಲ್​ ಲೈಫ್​ ಕೆದಕಿದವರಿಗೆ ನಟಿಯ ಉತ್ತರ

Are you a Virgin? ಎಂದು ಕೇಳಿದ ಅಭಿಮಾನಿಗೆ ನಟಿ ಶಾನ್ವಿ ಶ್ರೀವಾಸ್ತವ ನೀಡಿದ ಬೋಲ್ಡ್ ಉತ್ತರ ಇದು!