‘ಅರವಿಂದ್ ಪೊಸೆಸಿವ್​​ನೆಸ್​ ಒಂದು ದಿನ ನಿಮಗೆ ಉಸಿರುಗಟ್ಟಿಸುತ್ತದೆ’; ದಿವ್ಯಾಗೆ ಇದು ಎಚ್ಚರಿಕೆಯ ಗಂಟೆ

ದಿವ್ಯಾ ಉರುಡುಗ ಹಾಗೂ ಅರವಿಂದ್ ಕೆ.ಪಿ. ನಡುವೆ ಒಳ್ಳೆಯ ಬಾಂಧವ್ಯ ಬೆಳೆದಿದೆ. ಇವರ ನಡುವೆ ಪ್ರೀತಿ ಇದೆ ಎಂಬುದು ವೀಕ್ಷಕರಿಗೆ ಸ್ಪಷ್ಟವಾಗಿದೆ. ದಿವ್ಯಾಗೆ ಅರವಿಂದ್ ಕೊಂಚ ಹೆಚ್ಚೇ ಕಾಳಜಿ ತೋರಿಸುತ್ತಾರೆ. ಆದರೆ, ಕೆಲವೊಮ್ಮೆ ಇದು ಅತಿಯಾಗುತ್ತದೆ ಎಂಬುದು ಪ್ರಶಾಂತ್​ ಸಂಬರಗಿ ಅಭಿಪ್ರಾಯ. ಈ ಬಗ್ಗೆ ಅವರು ಓಪನ್​ ಆಗಿಯೇ ಹೇಳಿದ್ದಾರೆ. ಆದರೆ, ದಿವ್ಯಾ ಇದನ್ನು ಒಪ್ಪಿಕೊಂಡಿಲ್ಲ.

‘ಅರವಿಂದ್​ ನೋಡಿದರೆ ನಿನ್ನ ತಂದೆಯನ್ನು ಕಂಡಂತೆ ಆಗುತ್ತದೆ’ ಎಂದು ದಿವ್ಯಾಗೆ ಪ್ರಶಾಂತ್ ಹೇಳಿದರು​. ‘ಏಕೆ?’ ಎನ್ನುವ ಪ್ರಶ್ನೆಯನ್ನು ದಿವ್ಯಾ ಕೇಳಿದರು. ‘ಆತ ಕೆಲವೊಮ್ಮೆ ನಡೆದುಕೊಳ್ಳುವ ರೀತಿ ಹಾಗೆಯೇ ಇರುತ್ತದೆ. ತುಂಬಾ ಸ್ಟ್ರಿಕ್ಟ್​ ಆಗಿ ನಡೆದುಕೊಳ್ಳುತ್ತಾನೆ’ ಎಂದರು ಪ್ರಶಾಂತ್​.

ಸ್ವಲ್ಪ ಸಮಯದ ನಂತರ ಇಬ್ಬರೂ ಗಾರ್ಡನ್​ ಏರಿಯಾದಲ್ಲಿ ಕೂತರು. ಈ ವೇಳೆ ಪ್ರಶಾಂತ್​ ಇದೇ ಮಾತನ್ನು ಹೇಳಿದರು. ‘ಅರವಿಂದ್ ತುಂಬಾ ಪೊಸೆಸಿವ್. ಅವರ ಪೊಸೆಸಿವ್​ನೆಸ್​ ಮುಂದೊಂದು ದಿನ ನಿನಗೆ ಉಸಿರುಗಟ್ಟಿಸುತ್ತದೆ. ಅವನು ನಿನ್ನ ಜತೆ ನಡೆದುಕೊಳ್ಳೋದು ಜಡ್​ ಪ್ಲಸ್​ ಸೆಕ್ಯೂರಿಟಿ ತರ ಕಾಣಿಸುತ್ತದೆ. ಆರಂಭದಲ್ಲಿ ಇದು ಚೆನ್ನಾಗಿ ಕಾಣುತ್ತದೆ. ಆದರೆ, ಮುಂದೊಂದು ದಿನ ನಿನಗೆ ಸ್ಪೇಸ್​ ಬೇಕು ಅನಿಸುತ್ತದೆ. ಹೀಗಾಗಿ, ಆ ಪೊಸೆಸಿವ್​ನೆಸ್​ಗೆ ಈಗಲೇ ಬ್ರೇಕ್​ ಹಾಕು’ ಎಂದು ಕಿವಿ ಮಾತು ಹೇಳಿದರು. ದಿವ್ಯಾ ಉರುಡುಗ ಈ ಮಾತನ್ನು ಒಪ್ಪಿಲ್ಲ. ‘ಪಾಪ ಆ ರೀತಿ ಇಲ್ಲ. ಅವರು ಸೂಕ್ಷ್ಮ’ ಎಂದರು ದಿವ್ಯಾ.

ಮಂಜು ಪಾವಗಡ, ಅರವಿಂದ್ ಕೆ.ಪಿ., ಪ್ರಶಾಂತ್​ ಸಂಬರಗಿ, ದಿವ್ಯಾ ಉರುಡುಗ ಹಾಗೂ ವೈಷ್ಣವಿ ಫಿನಾಲೆ ತಲುಪಿದ್ದಾರೆ. ಇವರಲ್ಲಿ ಅತಿ ಹೆಚ್ಚು ವೋಟ್​ ಪಡೆದವರು ಗೆಲ್ಲುತ್ತಾರೆ. ಇವರಲ್ಲಿ ಗೆಲ್ಲೋದು ಯಾರು ಎನ್ನುವ ಬಗ್ಗೆ ಚರ್ಚೆ ಸಾಮಾಜಿಕ ಜಾಲತಾಣದಲ್ಲಿ ಜೋರಾಗಿದೆ.

ಇದನ್ನೂ ಓದಿ: ಬಿಗ್​ ಬಾಸ್​ನಿಂದ ಎಲಿಮಿನೇಟ್​ ಆದ ಮೇಲೂ ದಿವ್ಯಾಗೆ ಮಂಜು ಮೇಲಿನ ಭಾವನೆ ಬದಲಾಗಿಲ್ಲ; ಇಲ್ಲಿದೆ ವಿಡಿಯೋ ಸಾಕ್ಷಿ

ಫಿನಾಲೆ ಹಿಂದಿನ ವಾರದಲ್ಲಿ ಪ್ರಶಾಂತ್​ ಕಮ್​ಬ್ಯಾಕ್​; ಮಂಜು, ಅರವಿಂದ್​ ಹಿಂದಿಕ್ಕಿದ ಸಂಬರಗಿ