ವಾರ ಪೂರ್ತಿ ಪ್ರಸಾರ ಆಗಲಿದೆ ಕಲರ್ಸ್ನ ನಿಮ್ಮ ಈ ನಾಲ್ಕು ಫೇವರಿಟ್ ಧಾರಾವಾಹಿ
ಕಲರ್ಸ್ ಕನ್ನಡ ವಾಹಿನಿಯು ಭಾಗ್ಯಲಕ್ಷ್ಮೀ, ಮುದ್ದು ಸೊಸೆ, ನಿನಗಾಗಿ ಮತ್ತು ಭಾರ್ಗವಿ LL.B ಧಾರಾವಾಹಿಗಳನ್ನು ಈಗ ವಾರದ ಏಳು ದಿನಗಳೂ ಪ್ರಸಾರ ಮಾಡಲು ನಿರ್ಧರಿಸಿದೆ. ಇದು ಬಾಯ್ಸ್ vs ಗರ್ಲ್ಸ್ ಕಾರ್ಯಕ್ರಮದ ಅಂತ್ಯದ ನಂತರ ತೆಗೆದುಕೊಂಡ ನಿರ್ಧಾರವಾಗಿದೆ. ಈ ಹೊಸ ವೇಳಾಪಟ್ಟಿಯಿಂದ ಧಾರಾವಾಹಿ ಪ್ರೇಮಿಗಳಿಗೆ ಒಳ್ಳೆಯ ಸುದ್ದಿಯಾಗಿದೆ.
Updated on: Apr 30, 2025 | 11:54 AM
ಸಾಮಾನ್ಯವಾಗಿ ಧಾರಾವಾಹಿಗಳು ಸೋಮವಾರದಿಂದ ಶುಕ್ರವಾರದವರೆಗೆ ಮಾತ್ರ ಪ್ರಸಾರ ಕಾಣುತ್ತವೆ. ವೀಕೆಂಡ್ನಲ್ಲಿ ಧಾರಾವಾಹಿಗಳಿಗೆ ರೆಸ್ಟ್ ನೀಡಿ, ರಿಯಾಲಿಟಿ ಶೋಗಳನ್ನು ಪ್ರಸಾರ ಮಾಡಲಾಗುತ್ತದೆ. ಆದರೆ, ಕಲರ್ಸ್ ಕನ್ನಡ ಈ ವಾರದಿಂದ ಹೊಸ ಪ್ರಯೋಗಕ್ಕೆ ಮುಂದಾಗಿದೆ. ಉತ್ತಮ ಟಿಆರ್ಪಿ (TRP) ಹೊಂದಿರೋ ನಾಲ್ಕು ಧಾರಾವಾಹಿಗಳನ್ನು ವಾರದ ಏಳೂ ದಿನ ಪ್ರಸಾರ ಮಾಡಲು ನಿರ್ಧರಿಸಿದೆ. ಅದಕ್ಕೆ ಕಾರಣ ಕೂಡ ಇದೆ. ಆ ಬಗ್ಗೆ ಇಲ್ಲಿದೆ ವಿವರ.
ಕಲರ್ಸ್ ಕನ್ನಡದಲ್ಲಿ ಇಷ್ಟು ದಿನ ಎಲ್ಲಾ ಧಾರಾವಾಹಿಗಳು ಸೋಮವಾರದಿಂದ ಶುಕ್ರವಾರದವರೆಗೆ ಪ್ರಸಾರ ಕಾಣುತ್ತಿದ್ದವು. ವೀಕೆಂಡ್ನಲ್ಲಿ ‘ಬಾಯ್ಸ್ vs ಗರ್ಲ್ಸ್’ ಹಾಗೂ ‘ಮಜಾ ಟಾಕೀಸ್’ ಶೋ ಪ್ರಸಾರ ಕಾಣುತ್ತಿತ್ತು. ಕಳೆದ ವಾರ ‘ಬಾಯ್ಸ್ vs ಗರ್ಲ್ಸ್’ ಶೋ ಪೂರ್ಣಗೊಂಡಿದೆ. ಈ ಶೋ ನಲ್ಲಿ ಬಾಯ್ಸ್ ತಂಡ ಗೆಲುವು ಕಂಡಿದೆ. ಈ ಅವಧಿಯಲ್ಲಿ ಈಗ ಪ್ರಸಾರ ಮಾಡಲು ಬೇರೆ ಯಾವುದೇ ಶೋನ ಪ್ಲ್ಯಾನ್ ನಡೆದಿಲ್ಲ. ಈ ಕಾರಣಕ್ಕೆ ಆ ಅವಧಿಯಲ್ಲಿ ಧಾರಾವಾಹಿಗಳು ಪ್ರಸಾರ ಕಾಣಲಿವೆ.
ಇದನ್ನೂ ಓದಿ: ಕಲರ್ಸ್ ಕನ್ನಡ ತೊರೆದ ನಿರಂಜನ್ ದೇಶ್ಪಾಂಡೆ
ಹಾಗಾದರೆ ಯಾವುದು ಆ ನಾಲ್ಕು ಧಾರಾವಾಹಿಗಳು? ಅದಕ್ಕೂ ಉತ್ತರ ಇದೆ. ಸಂಜೆ 7 ಗಂಟೆಗೆ ‘ಭಾಗ್ಯಲಕ್ಷ್ಮೀ’ ಪ್ರಸಾರ ಕಾಣುತ್ತಿದೆ. ಈ ಧಾರಾವಾಹಿ ಶನಿವಾರ ಹಾಗೂ ಭಾನುವಾರವರೂ ಇರಲಿದೆ. ಅದೇ ರೀತಿ ತ್ರಿವಿಕ್ರಂ ನಟನೆಯ ‘ಮುದ್ದು ಸೊಸೆ’, ದಿವ್ಯಾ ಉರುಡುಗ ಮುಖ್ಯ ಭೂಮಿಕೆಯಲ್ಲಿರೋ ‘ನಿನಗಾಗಿ’ (8 ಗಂಟೆ)ಮತ್ತು 8.30ಕ್ಕೆ ಪ್ರಸಾರ ಆಗೋ ‘ಭಾರ್ಗವಿ LL.B’ ಧಾರಾವಾಹಿಗಳು ವಾರದ ಏಳೂ ದಿನ ಪ್ರಸಾರ ಕಾಣಲಿದೆ. 9 ಗಂಟೆಗೆ ವೀಕೆಂಡ್ನಲ್ಲಿ ಎಂದಿನಂತೆ ‘ಮಜಾ ಟಾಕೀಸ್’ ಪ್ರಸಾರ ಕಾಣಲಿದೆ.
View this post on Instagram
ಬಿಗ್ ಬಾಸ್ ಪೂರ್ಣಗೊಂಡ ಬಳಿಕ ‘ಬಾಯ್ಸ್ vs ಗರ್ಲ್ಸ್’ ಹಾಗೂ ‘ಮಜಾ ಟಾಕೀಸ್’ ಪ್ರಸಾರ ಆರಂಭಿಸಿದವು. ಆದರೆ, ಈಗ ‘ಬಾಯ್ಸ್ vs ಗರ್ಲ್ಸ್’ ಶೋ ಪೂರ್ಣಗೊಂಡಿದೆ. ಈ ಸ್ಥಾನಕ್ಕೆ ಬೇರೆ ಶೋ ಬರೋವರೆಗೆ ಈ ಧಾರಾವಾಹಿಗಳು ಪ್ರಸಾರ ಕಾಣಲಿವೆ ಎನ್ನಲಾಗುತ್ತಿದೆ. ಸದ್ಯ ರಿಯಾಲಿಟಿ ಶೋಗಳನ್ನು ಇಷ್ಟಪಡದೇ ಕೇವಲ ಧಾರಾವಾಹಿಗಳನ್ನು ಮಾತ್ರ ವೀಕ್ಷಿಸೋರಿಗೆ ಇದು ಒಂದೊಳ್ಳೆಯ ಸುದ್ದಿ ಎಂದೇ ಹೇಳಬಹುದು.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
