‘ಉದಯ’ ಟಿವಿಯಲ್ಲಿ ‘ಸಲಗ’ ಸಿನಿಮಾ; ಜುಲೈ 24ಕ್ಕೆ ದುನಿಯಾ ವಿಜಯ್​ ಅಭಿಮಾನಿಗಳಿಗೆ ಹಬ್ಬ

ನಟ ದುನಿಯಾ ವಿಜಯ್​ (Duniya Vijay) ಅವರು ತಮ್ಮದೇ ಆದ ಅಭಿಮಾನಿ ಬಳಗ ಹೊಂದಿದ್ದಾರೆ. ಚಿತ್ರರಂಗದಲ್ಲಿ ಹಲವು ವರ್ಷಗಳಿಂದ ಸಕ್ರಿಯವಾಗಿರುವ ಅವರು ಈಗ ಬ್ಯಾಕ್​ ಟು ಬ್ಯಾಕ್​ ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. ನಟನಾಗಿ ಫೇಮಸ್​ ಆಗಿದ್ದ ಅವರು ‘ಸಲಗ’ ಸಿನಿಮಾ (Salaga) ಮೂಲಕ ನಿರ್ದೇಶಕನಾಗಿಯೂ ಯಶಸ್ಸು ಕಂಡರು. 2021ರ ಅಕ್ಟೋಬರ್​ನಲ್ಲಿ ತೆರೆಕಂಡ ಈ ಸಿನಿಮಾಗೆ ಸಖತ್​ ಜನಮಚ್ಚುಗೆ ವ್ಯಕ್ತವಾಗಿತ್ತು. ಗಲ್ಲಾಪೆಟ್ಟಿಗೆಯಲ್ಲಿ ಭರ್ಜರಿ ಕಮಾಯಿ ಮಾಡುವ ಮೂಲಕ ನಿರ್ಮಾಪಕ ಕೆ.ಪಿ. ಶ್ರೀಕಾಂತ್​ ಅವರ ಮೊಗದಲ್ಲಿ ನಗು ಮೂಡಿಸಿತ್ತು. ಈಗ ‘ಸಲಗ’ ಸಿನಿಮಾ ಕಿರುತೆರೆಯಲ್ಲಿ ಮೊದಲ ಬಾರಿಗೆ ಪ್ರಸಾರ ಕಾಣಲು ಸಜ್ಜಾಗಿದೆ. ಉದಯ ವಾಹಿನಿಯಲ್ಲಿ (Udaya TV) ಜುಲೈ 24ರಂದು ಸಂಜೆ 6.30ಕ್ಕೆ ಈ ಚಿತ್ರ ಪ್ರಸಾರ ಆಗಲಿದೆ. ಆ ಮೂಲಕ ದುನಿಯಾ ವಿಜಯ್​ ಅಭಿಮಾನಿಗಳಿಗೆ ಮಸ್ತ್​ ಮನರಂಜನೆ ಸಿಗಲಿದೆ.

‘ಸಲಗ’ ಸಿನಿಮಾ ಪಕ್ಕಾ ಮಾಸ್​ ಶೈಲಿಯಲ್ಲಿ ಮೂಡಿಬಂದಿದೆ. ಭೂಗತಲೋಕದ ಕಥೆಯನ್ನು ಇಟ್ಟುಕೊಂಡು ಸಿದ್ಧವಾದ ಈ ಸಿನಿಮಾದಲ್ಲಿ ದುನಿಯಾ ವಿಜಯ್​ ಅವರಿಗೆ ಜೋಡಿಯಾಗಿ ಸಂಜನಾ ಆನಂದ್​ ನಟಿಸಿದರು. ಕಾಕ್ರೋಜ್​ ಸುಧಿ, ಡಾಲಿ ಧನಂಜಯ್ ಮುಂತಾದ ಕಲಾವಿದರ ಸಂಗಮ ಈ ಚಿತ್ರದಲ್ಲಾಗಿದೆ. ಚಿತ್ರಮಂದಿರದಲ್ಲಿ ‘ಸಲಗ’ ಮಿಸ್​ ಮಾಡಿಕೊಂಡವರು ಈಗ ಟಿವಿಯಲ್ಲಿ ನೋಡಿ ಎಂಜಾಯ್​ ಮಾಡಬಹುದು.

ಇದನ್ನೂ ಓದಿ

Vedha Title Launch: ಶಿವಣ್ಣನ ಸಿನಿಮಾದಲ್ಲಿ ಚಾನ್ಸ್ ಕೇಳಿದ ದುನಿಯಾ ವಿಜಯ್

ದುನಿಯಾ ವಿಜಯ್​ ನಟನೆಯ ತೆಲುಗು ಚಿತ್ರದ ಶೂಟಿಂಗ್​ನಲ್ಲಿ ಪಾಲ್ಗೊಂಡ ‘ಸಲಾರ್’ ಬೆಡಗಿ ಶ್ರುತಿ ಹಾಸನ್​

ದುನಿಯಾ ವಿಜಯ್​ ಎದುರು ಕಾದಾಡಲು ‘ಬೇಟೆ ಶುರು..’ ಎಂದು ಮಾಸ್​ ಅವತಾರ ತಾಳಿದ ನಂದಮೂರಿ ಬಾಲಕೃಷ್ಣ

ದುನಿಯಾ ವಿಜಯ್​ ನಿರ್ದೇಶನದ ‘ಭೀಮ’ ಚಿತ್ರದ ಮೇಕಿಂಗ್ ವಿಡಿಯೋ ಕಂಡು ಕಣ್ಣರಳಿಸಿದ ಫ್ಯಾನ್ಸ್​

ಚೊಚ್ಚಲ ನಿರ್ದೇಶನದ ಸಿನಿಮಾದಲ್ಲಿ ಗೆಲುವು ಪಡೆದಿದ್ದು ದುನಿಯಾ ವಿಜಯ್​ ಅವರ ಪಾಲಿನ ಹೆಮ್ಮೆಯ ವಿಷಯ. ಈ ಸಿನಿಮಾದ ಯಶಸ್ಸಿನಲ್ಲಿ ಸಂಗೀತ ನಿರ್ದೇಶಕ ಚರಣ್​ ರಾಜ್​ ಅವರ ಕೊಡುಗೆ ಕೂಡ ದೊಡ್ಡದು. ಅವರ ಬತ್ತಳಿಕೆಯಿಂದ ಬಂದ ಹಾಡುಗಳು ಸೂಪರ್​ ಹಿಟ್​ ಆದವು. ‘ಸೂರಿಯಣ್ಣ..’, ‘ಟಿಣಿಂಗ ಮಿಣಿಂಗ ಟಿಶ್ಯ..’ ಗೀತೆಗಳು ಸೃಷ್ಟಿಸಿದ ಕ್ರೇಜ್​ ಅಷ್ಟಿಷ್ಟಲ್ಲ. ಮಾಸ್ತಿ ಬರೆದ ಡೈಲಾಗ್​ಗಳು ಕೂಡ ಚಿತ್ರದ ತೂಕ ಹೆಚ್ಚಿಸಿದವು.

#Salaga | July 24th | 6:30 PM ದುನಿಯಾ ವಿಜಯ್ ನಟಿಸಿರುವ ‘ಸಲಗ’ ಜುಲೈ 24 ರಂದು ಸಂಜೆ 6:30 ಕ್ಕೆ ನಿಮ್ಮ ನೆಚ್ಚಿನ ಉದಯ ಟಿ.ವಿಯಲ್ಲಿ. #UdayaTV #MoviesOnUdayaTV #SalagaOnUdayaTV pic.twitter.com/ZmIJ0fF51B

— udayaTV (@UdayaTV) July 19, 2022

ಅಂದಹಾಗೆ, ‘ಸಲಗ’ ಕೇವಲ ಹೊಡಿಬಡಿ ಕಥೆ ಇರುವ ಸಿನಿಮಾ ಅಲ್ಲ. ಇದರಲ್ಲಿ ಒಂದು ಮೆಸೇಜ್​ ಕೂಡ ಇದೆ. ಫ್ಯಾಮಿಲಿ ಸೆಂಟಿಮೆಂಟ್​ ಸಹ ಇದೆ. ಆ ಕಾರಣಕ್ಕಾಗಿ ಕೌಟುಂಬಿಕ ಪ್ರೇಕ್ಷಕರನ್ನು ಈ ಚಿತ್ರ ಸೆಳೆದುಕೊಂಡಿತು. ‘ಸಲಗ’ ಸಿನಿಮಾದ ಯಶಸ್ಸಿನ ಬಳಿಕ ದುನಿಯಾ ವಿಜಯ್​ ಅವರ ಮೈಲೇಜ್​ ಹೆಚ್ಚಿದೆ. ಪರಭಾಷೆಯಿಂದಲೂ ಅವರಿಗೆ ಡಿಮ್ಯಾಂಡ್​ ಬಂದಿದೆ. ನಂದಮೂರಿ ಬಾಲಕೃಷ್ಣ ನಟನೆಯ ಹೊಸ ಚಿತ್ರದಲ್ಲಿ ಅವರು ವಿಲನ್​ ಆಗಿ ನಟಿಸುತ್ತಿರುವುದು ವಿಶೇಷ.

Published On - 2:46 pm, Tue, 19 July 22