ಹಿಂದಿ ಬಿಗ್​ಬಾಸ್ ಹೊಸ ಸೀಸನ್ ಘೋಷಣೆ: ಸಲ್ಮಾನ್ ಖಾನ್​ಗೆ ಬಿಡುವೇ ಇಲ್ಲ

ಇತ್ತೀಚೆಗಷ್ಟೆ ಹಿಂದಿ ಬಿಗ್​ಬಾಸ್ (Bigg Boss) ಒಟಿಟಿ ಆವೃತ್ತಿಯ ಎರಡನೇ ಸೀಸನ್​ ಮುಗಿದಿದೆ. ಅದರ ಬೆನ್ನಲ್ಲೆ ಈಗ ಹಿಂದಿ ಬಿಗ್​ಬಾಸ್ ಟಿವಿ ಆವೃತ್ತಿಯ ಹೊಸ ಸೀಸನ್ ಘೋಷಣೆ ಮಾಡಲಾಗಿದೆ. ಒಟಿಟಿ ಆವೃತ್ತಿಯನ್ನು ಸಲ್ಮಾನ್ ಖಾನ್ ನಿರೂಪಣೆ ಮಾಡಿದ್ದರು. ಇದೀಗ ಟಿವಿ ಆವೃತ್ತಿಯನ್ನೂ ಅವರೇ ನಿರೂಪಣೆ ಮಾಡಲಾಗಿದ್ದಾರೆ. ಹಿಂದಿ ಬಿಗ್​ಬಾಸ್, ಕನ್ನಡ ಬಿಗ್​ಬಾಸ್ ಜೊತೆ-ಜೊತೆಗೇ ಪ್ರಸಾರವಾಗಲಿವೆ.

ಹಿಂದಿ ಬಿಗ್​ಬಾಸ್ 17ನೇ ಸೀಸನ್​ ಪ್ರಾರಂಭಕ್ಕೆ ಮುಹೂರ್ತ ಇಡಲಾಗಿದೆ. ಬಿಗ್​ಬಾಸ್​ನ 17ನೇ ಸೀಸನ್ ಅಕ್ಟೋಬರ್ 15ರಿಂದ ಪ್ರಸಾರವಾಗಲಿದೆ. ಪ್ರತಿದಿನವೂ 10 ಗಂಟೆಗೆ ಬಿಗ್​ಬಾಸ್ 17 ಎಪಿಸೋಡ್​ಗಳು ಪ್ರಸಾರವಾಗಲಿವೆ. ಶನಿವಾರ ಮತ್ತು ಭಾನುವಾರ ಮಾತ್ರ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ. ವಾರಾಂತ್ಯದ ಎಪಿಸೋಡ್​ಗಳಲ್ಲಿ ಯಥಾವತ್ತು ನಟ ಸಲ್ಮಾನ್ ಖಾನ್ ಕಾಣಿಸಿಕೊಳ್ಳಲಿದ್ದಾರೆ.

ಹೊಸ ಸೀಸನ್​ನ ಪ್ರೋಮೊ ಈಗಾಗಲೇ ಬಿಡುಗಡೆ ಆಗಿದ್ದು, ಈ ಬಾರಿ ಬಿಗ್​ಬಾಸ್​ನಲ್ಲಿ ಪಕ್ಷಪಾತ ಇರಲಿದೆ ಎಂಬುದನ್ನು ಪ್ರೋಮೋನಲ್ಲಿಯೇ ಹೇಳಲಾಗಿದೆ. ಸ್ಪರ್ಧಿಗಳಲ್ಲಿ ಕೆಲವರಿಗೆ ಸ್ವತಃ ಬಿಗ್​ಬಾಸ್ ಮಾರ್ಗದರ್ಶನ ಮಾಡಲಿದ್ದಾರಂತೆ. ಆಟಗಳಲ್ಲಿ, ಟಾಸ್ಕ್​ಗಳಲ್ಲಿ ಅವರಿಗೆ ಮಾರ್ಗದರ್ಶನ ಮಾಡಿ, ತರಬೇತಿ ನೀಡಿ ಆಟಕ್ಕೆ ತಯಾರು ಮಾಡಲಿದ್ದಾರಂತೆ.

ಇದನ್ನೂ ಓದಿ:ಎರಡೇ ವಾರಕ್ಕೆ ಬಿಗ್​ಬಾಸ್​ನಿಂದ ಹೊರಬಂದ ಶಕೀಲ, ಪಡೆದ ಸಂಭಾವನೆ ಎಷ್ಟು?

ಕೆಲವು ದಿನಗಳ ಹಿಂದೆಯಷ್ಟೆ ಬಿಗ್​ಬಾಸ್ ಒಟಿಟಿ ಎರಡನೇ ಸೀಸನ್ ಮುಗಿದಿದೆ. ಜೂನ್ 17ಕ್ಕೆ ಆರಂಭವಾಗಿದ್ದ ಬಿಗ್​ಬಾಸ್ ಒಟಿಟಿ ಸೀಸನ್ ಎರಡು ಆಗಸ್ಟ್ 14 ರಂದು ಮುಗಿದಿದೆ. ಒಟಿಟಿ ಸೀಸನ್ ಮುಗಿದು ಒಂದು ತಿಂಗಳ ಮೇಲೆ ಕೆಲವು ದಿನಗಳಾಗಿದೆ ಅಷ್ಟೆ. ಅಷ್ಟರಲ್ಲೇ ಹೊಸ ಬಿಗ್​ಬಾಸ್ ಸೀಸನ್ ಘೋಷಣೆ ಮಾಡಲಾಗಿದೆ. ಒಟ್ಟಾರೆ, ಸಲ್ಮಾನ್ ಖಾನ್ ಬಿಡುವಿಲ್ಲದೆ ಸಣ್ಣ ಪರದೆಯಲ್ಲಿ ಕಾಣಿಸಿಕೊಳ್ಳಬೇಕಿದೆ.

Saam-daam-dand-bhed ka karenge tyaag, kuch sadasyon ke liye Bigg Boss karenge khuleaam pakshpaat. 😲

Dekhiye #BiggBoss17, 15th Oct se, Mon-Fri 10PM & Sat-Sun 9PM sirf #Colors par. #BB17 #BiggBoss@BeingSalmanKhan@HyundaiIndia@Chingssecret@JioCinema pic.twitter.com/xsVetO72Wn

— ColorsTV (@ColorsTV) September 23, 2023

ಕನ್ನಡ ಬಿಗ್​ಬಾಸ್ ಹೊಸ ಸೀಸನ್ ಸಹ ಘೋಷಣೆ ಆಗಿದೆ. ಕನ್ನಡ ಬಿಗ್​ಬಾಸ್ ಸೀಸನ್ 10 ಅಕ್ಟೋಬರ್ 8ರಿಂದ ಪ್ರಾರಂಭವಾಗಲಿದೆ. ನಟ ಸುದೀಪ್ ನಟಿಸಿರುವ ಬಿಗ್​ಬಾಸ್ 10ರ ಹೊಸ ಪ್ರೋಮೋ ಇತ್ತೀಚೆಗಷ್ಟೆ ಬಿಡುಗಡೆ ಆಗಿದೆ. ಈ ಬಾರಿಯ ಕನ್ನಡ ಬಿಗ್​ಬಾಸ್ ಈ ಹಿಂದಿನ ಬಿಗ್​ಬಾಸ್​ಗಳಿಗಿಂತಲೂ ತುಸು ಭಿನ್ನವಾಗಿರಲಿದೆ ಎನ್ನಲಾಗುತ್ತಿದೆ. ಈ ಬಾರಿ ಸಾಮಾನ್ಯರೂ ಬಿಗ್​ಬಾಸ್​ ನಲ್ಲಿ ಸ್ಪರ್ಧಿಗಳಾಗಿ ಭಾಗವಹಿಸುವ ಸಾಧ್ಯತೆ ಇದೆ.

ಇನ್ನು ಈಗಾಗಲೇ ತೆಲುಗು ಬಿಗ್​ಬಾಸ್ ಚಾಲ್ತಿಯಲ್ಲಿದೆ. ನಟ ನಾಗಾರ್ಜುನ ನಿರೂಪಣೆ ಮಾಡುತ್ತಿರುವ ಶೋ ಪ್ರಸಾರವಾಗುತ್ತಿದೆ. ನಟ ಕಮಲ್ ಹಾಸನ್, ತಮಿಳು ಬಿಗ್​ಬಾಸ್ ಅನ್ನು ಇನ್ನಷ್ಟೆ ಶುರು ಮಾಡಬೇಕಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ