ನಟಿಗೆ ಡಂಬೆಲ್​​ನಲ್ಲಿ ಹಣ್ಣು ತಿನ್ನಿಸೋಕೆ ಹೋಗಿ ಪೇಚಿಗೆ ಸಿಲುಕಿದ ಮಂಜು ಪಾವಗಡ; ಇಲ್ಲಿದೆ ವಿಡಿಯೋ

ಮಂಜು ಪಾವಗಡ ಅವರು ಇದ್ದಲ್ಲಿ ನಗು ಇರುತ್ತದೆ. ಅವರು ಮಾಡುವ ಕೀಟಲೆಗಳು ಒಂದೆರಡಲ್ಲ. ಎಂತ ಗಂಭೀರ ಪರಿಸ್ಥಿತಿ ಇದ್ದರೂ ಅದನ್ನು ತಿಳಿಯಾಗಿಸುವ ಕಲೆ ಮಂಜುಗೆ ಗೊತ್ತು. ಈ ಕಾರಣಕ್ಕೆ ಬಿಗ್​ ಬಾಸ್​ ಮನೆಯಲ್ಲಿ ಅವರು ಎಲ್ಲರಿಗೂ ಇಷ್ಟವಾಗಿದ್ದರು. ಬಿಗ್​ ಬಾಸ್​ನಲ್ಲಿ ಅವರು ಮಾಡುತ್ತಿದ್ದ ಕಾಮಿಡಿಗೆ ಸಾಕಷ್ಟು ಮಂದಿ ಹೊಟ್ಟೆ ಹುಣ್ಣಾಗುವಂತೆ ನಕ್ಕಿದ್ದರು. ಅವರೇ ಗೆಲ್ಲುತ್ತಾರೆ ಎಂದು ಎಲ್ಲರೂ ಭಾವಿಸಿದ್ದರು. ಹಾಗೆಯೇ ಆಗಿತ್ತು. ಮಂಜು ಮತ್ತು ಅರವಿಂದ ಕೆ.ಪಿ. ನಡುವೆ ನಡೆದ ಹಣಾಹಣಿಯಲ್ಲಿ ಮಂಜು ಗೆದ್ದರು. ಈಗ ಅವರಿಗೆ ಸಾಕಷ್ಟು ಸಿನಿಮಾ ಆಫರ್​ಗಳು ಬರುತ್ತಿವೆ. ಈ ವಿಚಾರದಲ್ಲಿ ಅವರಿಗೆ ಖುಷಿ ಇದೆ. ಕಳೆದ ವರ್ಷದ ಕ್ರಿಸ್​ಮಸ್​ ನಿಮಿತ್ತ ತೆರೆಕಂಡ ‘ರೈಡರ್​’ ಚಿತ್ರಕ್ಕೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಈ ಸಿನಿಮಾದ ಪ್ರಮೋಷನ್​ಗಾಗಿ ತಂಡ ಸ್ಟಾರ್​ ಸುವರ್ಣ ವಾಹಿನಿಯ ‘ಗಾನ ಬಜಾನ 2’ಗೆ ಬಂದಿತ್ತು. ಈ ವಿಶೇಷ ಕಾರ್ಯಕ್ರಮವನ್ನು ಸ್ಟಾರ್​ ಸುವರ್ಣ ಈಗ ಪ್ರಸಾರ ಮಾಡಿದೆ. ಇದರ ಪ್ರೋಮೋಗಳನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗಿದೆ.

ಮಂಜು ಪಾವಗಡ ‘ರೈಡರ್​’ ಸಿನಿಮಾದಲ್ಲಿ ಚಿಕ್ಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಿಖಿಲ್ ಕುಮಾರ್​​ ಅವರು ಕೂಡ ಸುವರ್ಣ ವೇದಿಕೆ ಮೇಲೆ ಇದ್ದರು. ಅವರು ಮಂಜು ಬಗ್ಗೆ ಜೋಕ್​ ಮಾಡಿದ್ದಾರೆ. ‘ಮಂಜು ಅವರು ನಮ್ಮ ಸಿನಿಮಾದಲ್ಲಿ ಸೆಕೆಂಡ್​ ಹೀರೋ’ ಎಂದರು ನಿಖಿಲ್. ಈ ವಿಚಾರ ಕೇಳಿ ಎಲ್ಲರೂ ಅಚ್ಚರಿಪಟ್ಟರು. ಆ ಬಳಿಕ ಮಾತನಾಡಿದ ನಿಖಿಲ್​, ‘ನಮ್ಮ ಸಿನಿಮಾದಲ್ಲಿ ಮಂಜು ಒಂದು ಸೆಕೆಂಡ್​ ಬಂದು ಹೋಗುತ್ತಾರೆ. ಈ ಕಾರಣಕ್ಕೆ ಅವರು ನಮ್ಮ ಚಿತ್ರದ ಸೆಕೆಂಡ್​ ಹೀರೋ’ ಎಂದು ನಕ್ಕರು.

View this post on Instagram

A post shared by Star Suvarna (@starsuvarna)

ಆ ಬಳಿಕ ಮಂಜುಗೆ ಟಾಸ್ಕ್​ ಒಂದನ್ನು ನೀಡಲಾಯಿತು. ಈ ಟಾಸ್ಕ್ ಮಾಡೋಕೆ ಹೋಗಿ ಅವರು ಪೇಚಿಗೆ ಸಿಲುಕಿದ್ದಾರೆ. ಈ ಪ್ರೋಮೋ ಕೂಡ ಸಖತ್​ ವೈರಲ್​ ಆಗುತ್ತಿದೆ. ಈ ಸಿನಿಮಾದಲ್ಲಿ ಅನುಷಾ ರೈ ಅವರು ಒಂದು ಪಾತ್ರ ಮಾಡಿದ್ದಾರೆ. ಅವರು ಕೂಡ ಪ್ರಮೋಷನ್​​ಗೆ ಬಂದಿದ್ದರು. ಈ ವೇಳೆ ಅನುಷಾಗೆ ಹಣ್ಣು ತಿನ್ನಿಸುವ ಟಾಸ್ಕ್​​ಅನ್ನು ಮಂಜುಗೆ​ ನೀಡಲಾಯಿತು.

ಡಂಬೆಲ್​ಗೆ ಒಂದು ಪೋರ್ಕ್​​​​ ಸಿಕ್ಕಿಸಲಾಗಿತ್ತು. ಈ ಡಂಬೆಲ್​ಅನ್ನು ಎಡಗೈನಲ್ಲಿ ಎತ್ತಿ ಅದರಲ್ಲಿ ಹಣ್ಣನ್ನು ಸಿಕ್ಕಿಸಿಕೊಂಡು ಅನುಷಾಗೆ ತಿನ್ನಿಸಬೇಕು. ಇದನ್ನು ಮಾಡೋಕೆ ಅವರು ತುಂಬಾನೇ ಕಷ್ಟಪಟ್ಟರು. ಸದ್ಯ, ಈ ವಿಡಿಯೋ ಸಾಕಷ್ಟು ವೈರಲ್​ ಆಗುತ್ತಿದೆ.

View this post on Instagram

A post shared by Star Suvarna (@starsuvarna)

ಇದನ್ನೂ ಓದಿ: ವಿಚಿತ್ರ ಹೆಸರಲ್ಲಿ ಅವಾರ್ಡ್​ ಕೊಡೋಕೆ ಮುಂದಾದ ಮಂಜು ಪಾವಗಡ; ಬಿಗ್​ ಬಾಸ್​ ವಿನ್ನರ್​ಗೆ ಏನಾಯ್ತು?

ಶುಭಾ ಪೂಂಜಾ ಮದುವೆ ವಿಡಿಯೋ ರಿಲೀಸ್​; ಮಿಂಚಿದ ಮಂಜು ಪಾವಗಡ