ಬಿಗ್​ ಬಾಸ್​​ನಲ್ಲಿ ನಾಮಿನೇಟ್​ ಆದ ಘಟಾನುಘಟಿಗಳು ; ಆದರೆ, ಈ ವಾರ ನಡೆಯಲ್ಲ ಎಲಿಮಿನೇಷನ್

ಬಿಗ್ ಬಾಸ್​ನಲ್ಲಿ (Bigg Boss) ಪ್ರತಿ ವಾರದ ನಾಮಿನೇಷನ್ ಹಾಗೂ ಎಲಿಮಿನೇಷನ್ ಪ್ರಕ್ರಿಯೆ (Elimination Process) ತಪ್ಪುವುದಿಲ್ಲ. ಇಡೀ ಸೀಸನ್​ನಲ್ಲಿ ಎಲ್ಲಾದರೂ ಒಮ್ಮೆ ಎಲಿಮಿನೇಷನ್​ ಇಲ್ಲದೆ ವಾರ ಪೂರ್ಣಗೊಳ್ಳುತ್ತದೆ. ಈ ಬಾರಿಯೂ ಬಿಗ್ ಬಾಸ್​​ನಲ್ಲಿ ಹಾಗೆಯೇ ಆಗುವ ಸೂಚನೆ ಸಿಕ್ಕಿದೆ. ಘಟಾನುಘಟಿಗಳ ಮೇಲೆ ಎಲಿಮಿನೇಷನ್​ ತೂಗುಗತ್ತಿ ಇದೆ. ಹೀಗಿರುವಾಗಲೇ ಈ ವಾರ ಬಿಗ್ ಬಾಸ್ ಮನೆಯಲ್ಲಿ ಎಲಿಮಿನೇಷನ್ ನಡೆಯೋದು ಅನುಮಾನ ಎನ್ನಲಾಗುತ್ತಿದೆ. ಬಿಗ್ ಬಾಸ್ ನೀಡಿದ ವಿಶೇಷ ಸೂಚನೆ ಹೀಗೊಂದು ಕುತೂಹಲವನ್ನು ಹುಟ್ಟು ಹಾಕಿದೆ.

ಬಿಗ್ ಬಾಸ್​ನಲ್ಲಿ ಈ ವಾರ ಎಲಿಮಿನೇಷನ್​ಗೆ ನಾಮಿನೇಷನ್ ಪ್ರಕ್ರಿಯೆ ನಡೆದಿದೆ. ಪ್ರಶಾಂತ್ ಸಂಬರ್ಗಿ ಅವರು ಕ್ಯಾಪ್ಟನ್ ಆಗಿದ್ದರಿಂದ ಇಮ್ಯುನಿಟಿ ಪಡೆದಿದ್ದರು. ಹೀಗಾಗಿ, ಅವರು ನಾಮಿನೇಷನ್​ನಿಂದ ಬಚಾವ್ ಆಗಿದ್ದಾರೆ. ಇನ್ನು, ಕಳೆದ ವಾರದ ಟಾಸ್ಕ್​ನಲ್ಲಿ ಸಿಕ್ಕ ಆಯ್ಕೆಯ ಪ್ರಕಾರ ವಿನೋದ್ ಗೊಬ್ಬರಗಾಲ ಅವರು ಕಾವ್ಯಾ ಅವರನ್ನು ನಾಮಿನೇಷನ್​ನಿಂದ ತಪ್ಪಿಸಿದ್ದಾರೆ. ಉಳಿದ ಸದಸ್ಯರ ಹೆಸರನ್ನು ನಾಮಿನೇಷನ್​ಗೆ ಸೂಚಿಸುವ ಅವಕಾಶ ಇತ್ತು.

ರೂಪೇಶ್ ರಾಜಣ್ಣ ಅವರಿಗೆ ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚು ವೋಟ್​ಗಳು ಬಿದ್ದವು. ಅರುಣ್ ಸಾಗರ್ ಅವರನ್ನು ಮನೆಯಲ್ಲಿ ಅನೇಕರು ನಾಮಿನೇಟ್ ಮಾಡಿದರು. ಅನುಪಮಾ ಗೌಡ, ದೀಪಿಕಾ ದಾಸ್​, ದಿವ್ಯಾ ಉರುಡುಗ, ಆರ್ಯವರ್ಧನ್ ಗುರೂಜಿ ಅವರನ್ನು ಮನೆ ಮಂದಿ ನಾಮಿನೇಟ್ ಮಾಡಿದರು. ಕ್ಯಾಪ್ಟನ್ ಪ್ರಶಾಂತ್ ಅವರು ಮನೆಯಲ್ಲಿ ಒಬ್ಬರನ್ನು ನೇರವಾಗಿ ನಾಮಿನೇಟ್ ಮಾಡಬೇಕಿತ್ತು. ಈ ಆಯ್ಕೆಯಲ್ಲಿ ಅವರು ಅಮೂಲ್ಯ ಗೌಡ ಅವರ ಹೆಸರನ್ನು ತೆಗೆದುಕೊಂಡರು. ಹೀಗಾಗಿ, ಅಮೂಲ್ಯ ಕೂಡ ನಾಮಿನೇಟ್ ಆದರು.

ಇದನ್ನೂ ಓದಿ: ಬಿಗ್ ಬಾಸ್​ನಲ್ಲಿ ವೀಕೆಂಡ್ ಎಪಿಸೋಡ್​ನ ಒಂದು ವಾರ ಮಿಸ್ ಮಾಡಿದ್ರೇನಂತೆ? ಬಡ್ಡಿ ಸಮೇತ ವಾಪಸ್ ಕೊಟ್ಟ ಕಿಚ್ಚ ಸುದೀಪ್

ಈ ವಾರ ಬಿಗ್ ಬಾಸ್​ ಮನೆಯಲ್ಲಿ ಎಲಿಮಿನೇಷನ್ ನಡೆಯೋದು ಅನುಮಾನ ಎನ್ನಲಾಗುತ್ತಿದೆ. ಪ್ರತಿ ವಾರ ಎಲಿಮಿನೇಷನ್​​ಗೆ ನಾಮಿನೇಷನ್ ನಡೆದ ಬಳಿಕ ವೂಟ್ ಆ್ಯಪ್​ನಲ್ಲಿ ವೋಟಿಂಗ್ ಮಾಡಲು ಅವಕಾಶ ನೀಡಲಾಗುತ್ತಿತ್ತು. ಆದರೆ, ಈ ಬಾರಿ ಅದಕ್ಕೆ ಅವಕಾಶ ಇಲ್ಲ. ‘ವೀಕ್ಷಕರ ಗಮನಕ್ಕೆ, ವೋಟಿಂಗ್ ಲೈನ್ಸ್ ತೆರೆದಿರುವುದಿಲ್ಲ’ ಎಂಬ ಲೈನ್ ತೋರಿಸಲಾಗಿದೆ. ಇದು ಸಾಕಷ್ಟು ಕುತೂಹಲ ಹುಟ್ಟು ಹಾಕಿದೆ. ಎಲಿಮಿನೇಷನ್ ಇಲ್ಲದ ಸಂದರ್ಭದಲ್ಲಿ ಮಾತ್ರ ಬಿಗ್ ಬಾಸ್ ಈ ರೀತಿ ಮಾಡುತ್ತಾರೆ. ಗುರುವಾರದ ಒಳಗೆ ವೋಟಿಂಗ್ ಆಯ್ಕೆ ತೆರೆಯಲಿದೆಯೇ ಎಂಬುದನ್ನು ಕಾದು ನೋಡಬೇಕು. ಒಂದೊಮ್ಮೆ ವೋಟಿಂಗ್ ಲೈನ್ಸ್ ತೆರೆಯದೇ ಇದ್ದರೆ ಈ ವಾರ ಎಲಿಮಿನೇಷನ್ ಇರುವುದಿಲ್ಲ ಅನ್ನೋದು ಖಚಿತವಾಗಲಿದೆ.