ದಳಪತಿ ವಿಜಯ್ 80 ಕೋಟಿ ರೂ. ನಿವಾಸಕ್ಕೆ ಹಾಲಿವುಡ್​ ನಟನ ಈ ಮನೆಯೇ ಸ್ಫೂರ್ತಿ

ತಮಿಳುನಾಡು ಚುನಾವಣೆಯಲ್ಲಿ ದಳಪತಿ ವಿಜಯ್ ನೇತೃತ್ವದ ಟಿವಿಕೆ ಪಕ್ಷವು ಅಭೂತಪೂರ್ವ ಜಯಗಳಿಸಿ ಹೊಸ ಇತಿಹಾಸ ಸೃಷ್ಟಿಸಿದೆ. ಈ ಐತಿಹಾಸಿಕ ವಿಜಯದ ಸಂಭ್ರಮದ ನಡುವೆಯೇ, ವಿಜಯ್ ಅವರ ಐಷಾರಾಮಿ ಜೀವನಶೈಲಿ ಮತ್ತು ಅವರು ವಾಸಿಸುವ ಸುಂದರ ಬಂಗಲೆಯ ಕುರಿತಾದ ಆಸಕ್ತಿದಾಯಕ ಸಂಗತಿಗಳು ಮತ್ತೆ ಮುನ್ನೆಲೆಗೆ ಬಂದಿವೆ.

ವಿಜಯ್ ಐಷಾರಾಮಿ ಮನೆಯ ಕುರಿತಾದ ವಿಶೇಷ ಮಾಹಿತಿ ಇಲ್ಲಿದೆ:

ಹಾಲಿವುಡ್ ಶೈಲಿಯ ಬಂಗಲೆ: ಎಲ್ಲಾ ಚಿತ್ರರಂಗದ ಸ್ಟಾರ್‌ಗಳಂತೆ ವಿಜಯ್ ಕೂಡ ಐಷಾರಾಮಿ ಮನೆ ಕಟ್ಟುವ ಹಂಬಲ ಹೊಂದಿದ್ದರು. ಅದರಂತೆ ಚೆನ್ನೈನ ಸಮುದ್ರ ತೀರದಲ್ಲಿ ಅವರು ಸುಂದರವಾದ ಬಂಗಲೆಯನ್ನು ನಿರ್ಮಿಸಿದ್ದಾರೆ.

ಟಾಮ್ ಕ್ರ್ಯೂಸ್ ಸ್ಫೂರ್ತಿ: ಹಾಲಿವುಡ್‌ನ ಟಾಮ್ ಕ್ರ್ಯೂಸ್ ಅವರ ಬೀಚ್ ಸೈಡ್ ಮನೆಯ ವಿನ್ಯಾಸ ವಿಜಯ್ ಅವರಿಗೆ ಬಹಳ ಇಷ್ಟವಾಗಿತ್ತು. ಶೂಟಿಂಗ್ ನಿಮಿತ್ತ ಅಮೆರಿಕಕ್ಕೆ ತೆರಳಿದಾಗ ಆ ಮನೆಯನ್ನು ನೋಡಿದ್ದ ವಿಜಯ್, ಅದೇ ಮಾದರಿಯಲ್ಲಿ ತಮ್ಮ ಮನೆಯನ್ನು ನಿರ್ಮಿಸಿಕೊಂಡಿದ್ದಾರೆ.

80 ಕೋಟಿ ರೂಪಾಯಿ ಬೆಲೆ: ಚೆನ್ನೈನ ನೀಲಕಾರೈ ಭಾಗದಲ್ಲಿರುವ ಈ ಅದ್ದೂರಿ ಮನೆಯ ಬೆಲೆ ಸುಮಾರು 80 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಟಾಮ್ ಕ್ರ್ಯೂಸ್ ಅವರ ಮನೆಯನ್ನೇ ರೆಫರೆನ್ಸ್ ಆಗಿ ಇಟ್ಟುಕೊಂಡು ಇದನ್ನು ಕಟ್ಟಲಾಗಿದೆ.

ಅಭಿಮಾನಿಗಳ ಶಕ್ತಿ: ದಶಕಗಳ ಕಾಲ ಚಿತ್ರರಂಗದಲ್ಲಿ ಮಿಂಚಿ ಅಪಾರ ಅಭಿಮಾನಿ ಬಳಗ ಹೊಂದಿರುವ ವಿಜಯ್ ಅವರಿಗೆ ಈ ಮನೆ ದೇವಸ್ಥಾನವಿದ್ದಂತೆ. ಹಿಂದೆ ಈ ಮನೆಗೆ ಬಾಂಬ್ ಬೆದರಿಕೆಯ ಹುಸಿ ಕರೆ ಬಂದಾಗ ಅಭಿಮಾನಿಗಳು ಆತಂಕಕ್ಕೊಳಗಾಗಿದ್ದರು.

ಇದನ್ನೂ ಓದಿ: ಕೆಲಸ ಮಾಡಿತು ದಳಪತಿ ವಿಜಯ್ ಮಾಡಿದ ಆ ಸೀಕ್ರೆಟ್ ಪ್ಲ್ಯಾನ್; ಭರ್ಜರಿ ಗೆಲುವಿಗೆ ಇದೇ ಕಾರಣ

ಸದ್ಯ ರಾಜಕೀಯದಲ್ಲಿ ಭರ್ಜರಿ ಯಶಸ್ಸು ಕಂಡಿರುವ ವಿಜಯ್, ಎಚ್. ವಿನೋದ್ ನಿರ್ದೇಶನದ ‘ಜನ ನಾಯಗನ್’ ಸಿನಿಮಾದ ರಿಲೀಸ್​​ಗೆ ಕಾದಿದ್ದಾರೆ. ಈ ಚಿತ್ರದ ಮೇಲೆ ಅಭಿಮಾನಿಗಳು ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ರಾಜಕೀಯ ರಂಗದಲ್ಲೂ ಹೊಸ ಸುನಾಮಿ ಎಬ್ಬಿಸಿರುವ ‘ಜನ ನಾಯಕ’ನ ಮುಂದಿನ ನಡೆಗಳ ಬಗ್ಗೆ ಎಲ್ಲರಲ್ಲೂ ಕುತೂಹಲ ಮೂಡಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.