Jayasudha: 64 ವರ್ಷದ ಜಯಸುಧಾ ಹಿಂದೆ ಬಿದ್ದ ಆ ವ್ಯಕ್ತಿ ಯಾರು? ಮೌನ ಮುರಿದ ನಟಿ

‘ವಾರಿಸು’ ಸಿನಿಮಾದಲ್ಲಿ (Varisu Movie) ದಳಪತಿ ವಿಜಯ್ ತಾಯಿ ಪಾತ್ರ ಮಾಡಿರುವ ನಟಿ ಜಯಸುಧಾ (Jayasudha) ಕಳೆದ ಕೆಲವು ದಿನಗಳಿಂದ ಸುದ್ದಿಯಲ್ಲಿದ್ದರು. ಇದಕ್ಕೆ ಕಾರಣ ಸಿನಿಮಾ ಅಲ್ಲ. ಅವರ ಖಾಸಗಿ ವಿಚಾರ. ಜಯಸುಧಾ ತಮ್ಮ 64ನೇ ವಯಸ್ಸಿನಲ್ಲಿ ಮೂರನೇ ಮದುವೆ ಆಗಿದ್ದಾರೆ ಎಂಬ ಸುದ್ದಿ ಕೆಲ ದಿನಗಳಿಂದ ಹರಿದಾಡಿತ್ತು. ಹಲವು ಕಾರ್ಯಕ್ರಮದಲ್ಲಿ ವಿದೇಶಿ ವ್ಯಕ್ತಿ ಜತೆ ಜಯಸುಧಾ ಕಾಣಿಸಿಕೊಂಡಿದ್ದರು. ಮದುವೆ ವದಂತಿ ಹುಟ್ಟಲು ಇದು ಪ್ರಮುಖ ಕಾರಣವಾಗಿತ್ತು. ಇದಕ್ಕೆ ಅವರು ಸ್ಪಷ್ಟನೆ ನೀಡಿದ್ದಾರೆ.

‘ವಾರಸುಡು’ (ವಾರಿಸು ಚಿತ್ರದ ತೆಲುಗು ಅವತರಣಿಕೆ) ಸಿನಿಮಾದ ಪ್ರೀ ರಿಲೀಸ್​ ಈವೆಂಟ್​ನಲ್ಲಿ ಜಯಸುಧಾ ಹಾಜರಿದ್ದರು. ಅವರ ಜತೆ ಓರ್ವ ವಿದೇಶಿ ವ್ಯಕ್ತಿ ಇದ್ದರು. ಇವರ ಜತೆ ಜಯಸುಧಾ ಮೂರನೇ ಮದುವೆ ಆಗಿದ್ದಾರೆ ಎಂದು ವರದಿ ಆಗಿತ್ತು. ಆದರೆ, ಇದನ್ನು ಅವರು ಅಲ್ಲಗಳೆದಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಜಯಸುಧಾ, ‘ಕಳೆದ ಕೆಲವು ದಿನಗಳಿಂದ ನನ್ನೊಂದಿಗೆ ಪ್ರಯಾಣಿಸುತ್ತಿದ್ದ ವ್ಯಕ್ತಿಯ ಹೆಸರು ಫಿಲಿಪ್ ರೂಲ್ಸ್. ಅವರು ಅಮೆರಿಕದವರು. ಅವರು ನನ್ನ ಬಯೋಪಿಕ್ ಮಾಡಲು ಭಾರತಕ್ಕೆ ಬಂದಿದ್ದಾರೆ. ಚಿತ್ರರಂಗದಲ್ಲಿ ನನ್ನ ಪ್ರಾಮುಖ್ಯತೆಯ ಬಗ್ಗೆ ತಿಳಿದುಕೊಳ್ಳಲು ಅವರು ಪ್ರತಿ ಕಾರ್ಯಕ್ರಮಕ್ಕೂ ನನ್ನೊಂದಿಗೆ ಬರುತ್ತಿದ್ದಾರೆ’ ಎಂದು ಅಸಲಿ ವಿಚಾರದ ಬಗ್ಗೆ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ

Sanya Iyer: ಬೋಲ್ಡ್ ಫೋಟೋ ಮೂಲಕ ಮಿಂಚಿದ ನಟಿ ಸಾನ್ಯಾ ಐಯ್ಯರ್; ಇಲ್ಲಿದೆ ಗ್ಯಾಲರಿ

ಶರವೇಗದಲ್ಲಿ ‘ಧೂಮಂ’ ಶೂಟಿಂಗ್ ಮುಗಿಸಿದ ಪವನ್ ಕುಮಾರ್​; ರಿಲೀಸ್ ಯಾವಾಗ?

Varisu Movie Review: ಇವ ಎಂಟರ್​​ಟೇನರ್ ವಾರಸುದಾರ; ಎಳೆದಾಟವೇ ಪ್ರೇಕ್ಷಕನಿಗೆ ಭಾರ

‘ಇಂಟರ್‌ನೆಟ್‌ನಲ್ಲಿ ಫಿಲಿಪ್ ನನ್ನ ಬಗ್ಗೆ ತಿಳಿದುಕೊಂಡರು. ನಿಜ ಜೀವನದಲ್ಲಿ ನಾನು ಹೇಗೆ ಇರುತ್ತೇನೆ ಎಂದು ತಿಳಿಯಲು ಇಲ್ಲಿಗೆ ಬಂದರು. ನನ್ನ ಸಿನಿಮಾಗಳು ಮತ್ತು ಶೂಟಿಂಗ್‌ಗಳ ವಿವರಗಳನ್ನು ತಿಳಿಯಲು ಅವರು ನನ್ನ ಜತೆ ಬರುತ್ತಿದ್ದಾರೆ. ಅದು ಬಿಟ್ಟರೆ ಇದರಲ್ಲಿ ಬೇರೇನೂ ಇಲ್ಲ’ ಎಂದು ಜಯಸುಧಾ ಸ್ಪಷ್ಟಪಡಿಸಿದ್ದಾರೆ.

ಇದನ್ನೂ ಓದಿ: Varisu Movie Review: ಇವ ಎಂಟರ್​​ಟೇನರ್ ವಾರಸುದಾರ; ಎಳೆದಾಟವೇ ಪ್ರೇಕ್ಷಕನಿಗೆ ಭಾರ

ಜಯಸುಧಾ ಈ ಹಿಂದೆ ಎರಡು ಮದುವೆ ಆಗಿದ್ದರು. ಕಾಕರ್ಲಪುಡಿ ರಾಜೇಂದ್ರ ಪ್ರಸಾದ್ ಹೆಸರಿನ ಉದ್ಯಮಿಯನ್ನು ಅವರು ಮೊದಲು ಮದುವೆಯಾಗಿದ್ದರು. ಇಬ್ಬರೂ ಬೇರೆ ಆದರು. ಆ ನಂತರ ಅವರು ಬಾಲಿವುಡ್ ಸ್ಟಾರ್ ಹೀರೋ ಜಿತೇಂದ್ರ ಕಪೂರ್ ಅವರ ಸೋದರ ಸಂಬಂಧಿ ನಿತಿನ್ ಕಪೂರ್ ಅವರನ್ನು ವಿವಾಹವಾದರು. ಆರೋಗ್ಯ ಸಮಸ್ಯೆಯಿಂದ 2017ರಲ್ಲಿ ಅವರು ನಿಧನರಾದರು. ಹೀಗಿರುವಾಗಲೇ ಅವರ ಮದುವೆ ವಿಚಾರ ಹಬ್ಬಿತ್ತು.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 4:25 pm, Sat, 14 January 23