Women Health: ಗರ್ಭಿಣಿಯರು ಈ ಕೆಲಸಗಳನ್ನು ಮಾಡಲೇಬಾರದು; ಆರೋಗ್ಯ ಕಾಪಾಡಿಕೊಳ್ಳಿ

Women Health: ಗರ್ಭಿಣಿಯರು ಈ ಕೆಲಸಗಳನ್ನು ಮಾಡಲೇಬಾರದು; ಆರೋಗ್ಯ ಕಾಪಾಡಿಕೊಳ್ಳಿ
ಸಾಂದರ್ಭಿಕ ಚಿತ್ರ

ಗರ್ಭಾವಸ್ಥೆಯಲ್ಲಿ ಮಹಿಳೆ ಯಾವುದೇ ರೀತಿಯ ಭಾರವಾದ ವಸ್ತುವನ್ನು ಎತ್ತುವುದು ಒಳ್ಳೆಯದಲ್ಲ. ಗರ್ಭಾವಸ್ಥೆಯಲ್ಲಿ ಹಾರ್ಮೋನುಗಳ ಬದಲಾವಣೆಗಳಿಂದ ನಿಮ್ಮ ಕೀಲುಗಳಲ್ಲಿನ ಅಂಗಾಂಶಗಳು ಸಡಿಲಗೊಳ್ಳುತ್ತವೆ.

TV9kannada Web Team

| Edited By: ganapathi bhat

Aug 01, 2021 | 10:51 PM

ಗರ್ಭಾವಸ್ಥೆಯ ಸಮಯದಲ್ಲಿ ಮಹಿಳೆಯರು ಎಷ್ಟು ಆರೋಗ್ಯವಾಗಿದ್ದರೂ ಸಾಲದು. ಮಹಿಳೆ ಆಕೆಯ ಜೀವದ ಜತೆಗೆ ಮತ್ತೊಂದು ಜೀವದ ಕಾಳಜಿಯನ್ನು ಸಹ ಗಮನದಲ್ಲಿಟ್ಟುಕೊಳ್ಳಬೇಕು. ಮಹಿಳೆಯು ತಾನು ಸೇವಿಸುವ ಆಹಾರ ಮತ್ತು ಜೀವನ ಶೈಲಿಯ ಬಗ್ಗೆ ಹೆಚ್ಚು ಗಮನವಹಿಸಬೇಕು. ಸಣ್ಣ ಸಮಸ್ಯೆಯೂ ಆರೋಗ್ಯ ಸಮಸ್ಯೆಯನ್ನು ತಂದೊಡ್ಡಬಹುದು. ಹಾಗಾಗಿ ಪ್ರತಿ ಕ್ಷಣದಲ್ಲಿಯೂ ಎಚ್ಚರಿಕೆಯಿಂದ ಇರುವುದು ಒಳಿತು.

ಈ ಕೆಳಗಿನ ಕೆಲವು ಅಂಶಗಳನ್ನು ಗರ್ಭಿಣಿಯರು ನೆನಪಿನಲ್ಲಿಟ್ಟುಕೊಳ್ಳುವುದು ಉತ್ತಮ *ಗರ್ಭಾವಸ್ಥೆಯಲ್ಲಿ ಮಹಿಳೆ ಯಾವುದೇ ರೀತಿಯ ಭಾರವಾದ ವಸ್ತುವನ್ನು ಎತ್ತುವುದು ಒಳ್ಳೆಯದಲ್ಲ. ಗರ್ಭಾವಸ್ಥೆಯಲ್ಲಿ ಹಾರ್ಮೋನುಗಳ ಬದಲಾವಣೆಗಳಿಂದ ನಿಮ್ಮ ಕೀಲುಗಳಲ್ಲಿನ ಅಂಗಾಂಶಗಳು ಸಡಿಲಗೊಳ್ಳುತ್ತವೆ. ಅದು ನಿಮಗೆ ಸಮಸ್ಯೆಯನ್ನು ತಂದೊಡ್ಡಬಹುದು. ನಿಮ್ಮ ಆರೋಗ್ಯಕ್ಕೆ ಅಪಾಯಕಾರಿಯಾಗಿರಬಹುದು.

*ಗರ್ಭಾವಸ್ಥೆಯಲ್ಲಿ ದೀರ್ಘಕಾಲದವರೆಗೆ ನಿಂತೇ ಇರುವುದನ್ನು ಆದಷ್ಟು ತಪ್ಪಿಸುವುದು ಒಳ್ಳೆಯದು. ಮಗುವಿನ ತೂಕದ ಹೆಚ್ಚಳದಿಂದಾಗಿ ಹೊಟ್ಟೆಯ ಭಾಗಕ್ಕೆ ಒತ್ತಡ ಉಂಟಾಗುತ್ತದೆ. ಕಾಲುಗಳ ಊತ ಸಮಸ್ಯೆ ಎದುರಾಗಬಹುದು. ಗರ್ಭಾವಸ್ಥೆಯ ಸಮಯದಲ್ಲಿ ದೀರ್ಘಕಾಲದವರೆಗೆ ನಿಂತೇ ಇರುವುದು ಕಾಲುಗಳಲ್ಲಿ ನೋವು ಮತ್ತು ಬೆನ್ನು ನೋವಿನ ಸಮಸ್ಯೆಗೆ ಕಾರಣವಾಗಬಹುದು. ಹಾಗಾಗಿ ಹೆಚ್ಚು ಹೊತ್ತು ನಿಲ್ಲುವದನ್ನು ತಪ್ಪಿಸಿ.

*ಗರ್ಭಾವಸ್ಥೆಯಲ್ಲಿ ಬಾಗುವುದು ತುಂಬಾ ಅಪಾಯಕಾರಿ. ಆದ್ದರಿಂದ ಪೊರಕೆಯಲ್ಲಿ ನೆಲ ಗುಡುಸಿವುದು, ಹೆಚ್ಚು ಬಾಗಿ ನಮಸ್ಕರಿಸುವುದು, ಬಟ್ಟೆ ಒಗೆಯುವುದು ಈ ರೀತಿಯ ಕೆಲಸಗಳನ್ನು ಮಾಡದಿರುವುದು ಉತ್ತಮ.

*ಸ್ಟೂಲ್​ ಅಥವಾ ಏಣಿಯ ಮೇಲೆ ಹತ್ತುವುದು ಗರ್ಭಾವಸ್ಥೆಯಲ್ಲಿ ಅಪಾಯಕಾರಿ. ನಿಮ್ಮೊಂದಿಗೆ ಮತ್ತೊಂದು ಜೀವ ಬೆಳೆಯುತ್ತಿರುತ್ತದೆ. ನಿಮ್ಮ ದೇಹದ ತೂಕವೂ ಹೆಚ್ಚಳವಾಗಿರುತ್ತದೆ. ಇತಂಹ ಸಮಯದಲ್ಲಿ ದೇಹದ ಸಮತೋಲನ ಸ್ವಲ್ಪ ಹದಹೆಟ್ಟಿರುತ್ತದೆ. ಹೀಗಿರುವಾಗ ಕಷ್ಟದ ಕೆಲಸ ಹಾಗೂ ದೇಹಕ್ಕೆ ಹೆಚ್ಚು ಸುಸ್ತಾಗುವ ಕೆಲಸವನ್ನು ಮಾಡುವುದು ನಿಮ್ಮ ಆರೋಗ್ಯದ ದೃಷ್ಟಿಯಿಂದ ಹೆಚ್ಚು ಅಪಾಯಕಾರಿ.

ಇದನ್ನೂ ಓದಿ:

Women Health: ಪಿಸಿಓಎಸ್ ಎಂದರೇನು? ಇದು ಮಹಿಳೆಯರಲ್ಲಿ ಬಂಜೆತನದ ಸಮಸ್ಯೆಗೆ ಹೇಗೆ ಕಾರಣ ಎಂಬುದನ್ನು ತಿಳಿಯಿರಿ

Women Health: ಗರ್ಭಾವಸ್ಥೆಯಲ್ಲಿ ವಾಕಿಂಗ್ ಮಾಡುವಾಗ ಈ ಕೆಲವು ವಿಷಯಗಳನ್ನು ಎಂದಿಗೂ ಮರೆಯದಿರಿ

Follow us on

Related Stories

Most Read Stories

Click on your DTH Provider to Add TV9 Kannada