Bigg Boss Kannada Day 1 : ಬಿಗ್​ ಬಾಸ್​ ಮೊದಲ ದಿನವೇ ಪ್ರೀತಿ-ಪ್ರೇಮ, ನಾಮಿನೇಷನ್, ಕಣ್ಣೀರು ಮತ್ತು ಡ್ರಾಮಾ!

Bigg Boss Kannada Season 8 (Day 1): "ಬಿಗ್​ಬಾಸ್​ ಕನ್ನಡ ಸೀಸನ್​ 8” ಸ್ಪರ್ಧಿಗಳು ಆರಂಭದಲ್ಲಿಯೇ ವೀಕ್ಷಕರ ಗಮನ ಸೆಳೆಯಲು ಎಲ್ಲಿಲ್ಲದ ಕಸರತ್ತು ಮಾಡುತ್ತಿದ್ದಾರೆ. ಮೊದಲ ದಿನವೇ ಕೆಲವರ ವರ್ತನೆ ಹೈಲೈಟ್​ ಆಗಿದೆ. ಎಲಿಮಿನೇಷನ್​ ಭಯವೂ ಶುರುವಾಗಿದೆ.

Bigg Boss Kannada Day 1 : ಬಿಗ್​ ಬಾಸ್​ ಮೊದಲ ದಿನವೇ ಪ್ರೀತಿ-ಪ್ರೇಮ, ನಾಮಿನೇಷನ್, ಕಣ್ಣೀರು ಮತ್ತು ಡ್ರಾಮಾ!
ಬಿಗ್​ ಬಾಸ್ ಕನ್ನಡ ಅಭ್ಯರ್ಥಿಗಳು
Ayesha Banu

|

Mar 02, 2021 | 1:52 PM


ಬಿಗ್​ ಬಾಸ್​ ಮನೆ ಪ್ರವೇಶ ಮಾಡಿರುವ ಸ್ಪರ್ಧಿಗಳ ಅಸಲಿ ಮುಖ ಏನು ಎಂಬುದನ್ನು ತಿಳಿದುಕೊಳ್ಳಲು ಪ್ರೇಕ್ಷಕರು ಕಾದಿದ್ದಾರೆ. ಈಗ ತಾನೇ ಈ ಜನಪ್ರಿಯ ರಿಯಾಲಿಟಿ ಶೋ ಆರಂಭವಾಗಿದ್ದು, ಮನೆಯ ಎಲ್ಲ ಸದಸ್ಯರ ಮೇಲೂ ವೀಕ್ಷಕರು ಕಣ್ಣಿಟ್ಟಿದ್ದಾರೆ. ಅಚ್ಚರಿ ಎಂದರೆ, ಮೊದಲ ದಿನವೇ ಮನೆಯೊಳಗೆ ಹಲವು ಬೆಳವಣಿಗೆ ನಡೆದಿದೆ. ಒಬ್ಬರು ಲವ್​ನಲ್ಲಿ ಬಿದ್ದಿದ್ದಾರೆ.​ ನಾಲ್ಕು ಮಂದಿ ನಾಮಿನೇಟ್ ಆಗಿದ್ದಾರೆ, ಕೆಲವರು ಡ್ರಾಮಾ ಮಾಡಿದ್ದಾರೆ. ಮತ್ತೆ ಕೆಲವರು ಕಣ್ಣೀರು ಸುರಿಸಿದ್ದಾರೆ. ಹೀಗೆ ಮೊದಲ ದಿನ ಆದ ಬೆಳವಣಿಗೆ ಒಂದೆರಡಲ್ಲ!

ಶಮಂತ್​ಗೆ ಯಾರ ಮೇಲೆ ಲವ್​?
ಬಿಗ್​ ಬಾಸ್​ ಮನೆ ಪ್ರವೇಶಿಸಿದವರ ನಡುವೆ ಪ್ರೀತಿ ಪ್ರೇಮದ ಗುಸುಗುಸು ಕೇಳಿಬರುವುದು ಹೊಸದೇನೂ ಅಲ್ಲ. ಅದು ಈ ಸೀಸನ್​ನಲ್ಲೂ ಮುಂದುವರಿಯುತ್ತಿದೆ. ಮೊದಲ ವಾರದ ಕ್ಯಾಪ್ಟನ್​ ಆಗಿರುವ ಶಮಂತ್​ ಅಲಿಯಾಸ್​ ಬ್ರೋ ಗೌಡ ಅವರ ಹೊಸ ಲವ್​ ಸ್ಟೋರಿ ಶುರು ಆಗಿದೆ. ತಾವು ಪ್ರೀತಿಯಲ್ಲಿ ಬಿದ್ದಿರುವ ವಿಚಾರವನ್ನು ಮನೆಯ ಇತರ ಸದಸ್ಯರ ಜೊತೆ ಸ್ವತಃ ಶಮಂತ್​ ಹೇಳಿಕೊಂಡಿದ್ದಾರೆ. ಆದರೆ ಅವರಿಗೆ ಇಷ್ಟ ಆಗಿರುವ ಹುಡುಗಿ ಯಾರು ಎಂಬುದನ್ನು ಅವರು ಬಾಯಿಬಿಟ್ಟಿಲ್ಲ. ನಾಳೆವರೆಗೂ ಕಾಯಿರಿ ಎಂದು ಹೇಳುವ ಮೂಲಕ ಸಸ್ಪೆನ್ಸ್​ ಕಾಪಾಡಿಕೊಂಡಿದ್ದಾರೆ. ಆದರೆ ಈ ಪ್ರೀತಿ ನಿಜವೋ ಅಥವಾ ಬರೀ ಆಟದ ತಂತ್ರವೋ ಎಂದು ವೀಕ್ಷಕರು ಲೆಕ್ಕಾಚಾರ ಹಾಕುತ್ತಿದ್ದಾರೆ.

ಸಂಬರಗಿ ಮತ್ತು ದಿವ್ಯಾ ನಡುವೆ ಹೆಚ್ಚಿದ ಒಡನಾಟ!
ಬಿಗ್​ ಬಾಸ್​ಗೆ ಬಂದು ಹಲವು ದಿನ ಕಳೆದ ಬಳಿಕ ಕೆಲವು ಸದಸ್ಯರ ನಡುವೆ ಅತಿಯಾದ ಆತ್ಮೀಯತೆ ಬೆಳೆಯುತ್ತದೆ. ಆದರೆ ಪ್ರಶಾಂತ್​ ಸಂಬರಗಿ ಅವರು ಆರಂಭದಲ್ಲಿಯೇ ನಟಿ ದಿವ್ಯಾ ಉರುಡುಗ ಜೊತೆ ಹೆಚ್ಚು ಆತ್ಮೀಯತೆಯಿಂದ ಬೆರೆಯುತ್ತಿದ್ದಾರೆ. ದಿವ್ಯಾ ಬಗ್ಗೆ ಅವರು ವಿಶೇಷವಾಗಿ ಗಮನ ಹರಿಸುತ್ತಿರುವುದು ಮೇಲ್ನೋಟಕ್ಕೇ ಗೊತ್ತಾಗುತ್ತಿದೆ. ಪ್ರೇಕ್ಷಕರ ಗಮನವನ್ನು ತಮ್ಮತ್ತ ಸೆಳೆದುಕೊಳ್ಳಲು ಸಂಬರಗಿ ಈ ರೀತಿ ಮಾಡುತ್ತಿದ್ದಾರೆ ಎಂಬುದನ್ನು ಸುಲಭವಾಗಿ ಊಹಿಸಬಲ್ಲರು ಬಿಗ್​ ಬಾಸ್​ ಆಟದ ಅಸಲಿಯತ್ತು ಬಲ್ಲವರು.

ಐವರ ಮೇಲೆ ಎಲಿಮಿನೇಷನ್​ ತೂಗುಗತ್ತಿ!
ಎಲಿಮಿನೇಷನ್​ ಎಂಬ ಪದ ಕೇಳುತ್ತಿದ್ದಂತೆಯೇ ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ನಡುಕು ಶುರು ಆಗುತ್ತದೆ. ಹಾಗಂತ ಅದರಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಮೊದಲ ವಾರದಲ್ಲಿ ಯಾರು ಎಲಿಮಿನೇಟ್ ಆಗುತ್ತಾರೆ ಎಂಬ ಕೌತುಕದ ಪ್ರಶ್ನೆ ಈಗಾಗಲೇ ವೀಕ್ಷಕರ ಮನದಲ್ಲಿ ಮೂಡಿದೆ. ಮೊದಲ ದಿನವೇ ನಾಮಿನೇಷನ್ ಪ್ರಕ್ರಿಯೆ ಶುರುವಾಗಿದೆ. ಪ್ರಶಾಂತ್​ ಸಂಬರಗಿ, ನಿರ್ಮಲಾ ಚೆನ್ನಪ್ಪ, ಧನುಶ್ರೀ, ನಿಧಿ ಸುಬ್ಬಯ್ಯ ಮತ್ತು ಮಂಜು ಪಾವಗಡ ನಾಮಿನೇಟ್​ ಅಗಿದ್ದಾರೆ. ಎಲಿಮಿನೇಟ್ ಆಗದೇ ಮನೆಯಲ್ಲೇ ಉಳಿದುಕೊಳ್ಳಲು ಅವರು ಕಷ್ಟಪಡಬೇಕಿದೆ.

ಶುರುವಾಯಿತು ಕಣ್ಣೀರಿನ ಕಥೆ
ಮನೆಯೊಳಗೆ ಕಾಲಿಟ್ಟಿರುವ 18 ಸ್ಪರ್ಧಿಗಳು ಕೂಡ ಬೇರೆ ಬೇರೆ ಹಿನ್ನೆಲೆಯಿಂದ ಬಂದಿದ್ದಾರೆ. ಎಲ್ಲರಿಗೂ ಅವರದ್ದೇ ಆದ ನೋವಿನ ಕಥೆ ಇದೆ. ಮೊದಲ ದಿನವೇ ಗೇಮ್​ನಲ್ಲಿ ತಮ್ಮ ಟೀಮ್​ ಸೋತಿದ್ದಕ್ಕೆ ಶುಭಾ ಪೂಂಜಾ ಸೋಲಿನ ಹೊಣೆ ಹೊತ್ತುಕೊಂಡರು. ಅದೇ ವೇಳೆ ಅವರು ಗಳಗಳನೆ ಅತ್ತರು! ನಾಮಿನೇಟ್ ಆಗಿ ನಂತರ ಬಚಾವ್​ ಆದ ಶಂಕರ್ ಅಶ್ವತ್ ಅವರು ತಮ್ಮ ತಂದೆಯನ್ನು ನೆನೆದು ಕಣ್ಣೀರು ಹಾಕಿದರು. ಅವರನ್ನು ನಾಮಿನೇಟ್​ ಮಾಡಿದ್ದಕ್ಕೆ ಕ್ಷಮೆ ಹೇಳಿ, ಗೀತಾ ಭಾರತಿ ಭಟ್​ ಕೂಡ ಭಾವುಕರಾದರು.

ಇದನ್ನೂ ಓದಿ: Bigg Boss Kannada 8: ಬಿಗ್ ಬಾಸ್ ಮನೆಯಲ್ಲಿ ಮೊದಲ ದಿನ ಏನೇನಾಯ್ತು? 17 ಸ್ಪರ್ಧಿಗಳ ವಿವರ ಇಲ್ಲಿದೆ


ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada