ನೆಟ್​ಫ್ಲಿಕ್ಸ್ ನ ‘ಎಕೆ ವರ್ಸಸ್ ಎಕೆ’ ಚಿತ್ರದ ಕೆಲ ದೃಶ್ಯಗಳಿಗೆ ಕತ್ತರಿ ಹಾಕಲು ವಾಯುಪಡೆ ತಾಕೀತು

ನೆಟ್​ಫ್ಲಿಕ್ಸ್​ನಲ್ಲಿ ಬಿಡುಗಡೆಯಾಗಲಿರುವ ‘ಎಕೆ ವರ್ಸಸ್ ಎಕೆ’ ಚಿತ್ರದ ಪ್ರಚಾರಕ್ಕಾಗಿ ಬಳಸಿರುವ ವಿಡಿಯೊ ಕ್ಲಿಪ್​ನಲ್ಲಿ ಬಳಕೆಯಾಗಿರುವ ಸಮವಸ್ತ್ರ ಸರಿಯಿಲ್ಲ. ಸಂಭಾಷಣೆಯಲ್ಲಿ ಬಳಕೆಯಾಗಿರುವ ಪದಗಳು ಸೂಕ್ತರೀತಿಯಲ್ಲಿಲ್ಲ ಎಂದು ಭಾರತೀಯ ವಾಯುಪಡೆ (ಐಎಎಫ್) ಅಸಮಧಾನ ವ್ಯಕ್ತಪಡಿಸಿದೆ. ಈ ದೃಶ್ಯಗಳನ್ನು ತೆಗೆಯುವಂತೆ ನೆಟ್​ಫ್ಲಿಕ್ಸ್ ಮತ್ತು ಅನುರಾಗ್​ ಕಶ್ಯಪ್ ಅವರಿಗೆ ಸೂಚಿಸಿದೆ.

ಚಿತ್ರದ ಪ್ರಚಾರಕ್ಕಾಗಿ ಅನಿಲ್​ ಕಪೂರ್ ಟ್ವೀಟ್ ಮಾಡಿದ್ದ ವಿಡಿಯೊ ತುಣುಕನ್ನು ರಿಟ್ವೀಟ್ ಮಾಡಿರುವ ವಾಯುಪಡೆ, ಭಾರತೀಯ ಸಶಸ್ತ್ರ ಪಡೆಗಳ ನಡವಳಿಕೆಗೆ ಇದು ವಿರುದ್ಧವಾಗಿದೆ. ಇದಕ್ಕೆ ಸಂಬಂಧಿಸಿದ ಎಲ್ಲ ದೃಶ್ಯಗಳನ್ನು ಹಿಂಪಡೆಯಬೇಕು ಎಂದು ತಾಕೀತುಮಾಡಿದೆ.

The IAF uniform in this video is inaccurately donned & the language used is inappropriate. This does not conform to the behavioural norms of those in the Armed Forces of India. The related scenes need to be withdrawn.@NetflixIndia @anuragkashyap72#AkvsAk https://t.co/F6PoyFtbuB

— Indian Air Force (@IAF_MCC) December 9, 2020

ಚಿತ್ರದ ಟ್ರೇಲರ್ ಡಿಸೆಂಬರ್ 7 ರಂದು ಬಿಡುಗಡೆಯಾಗಿದೆ. ವಿಕ್ರಮಾದಿತ್ಯ ಮೋಟ್ವಾನಿ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರದ ನಿರ್ಮಾಪಕರು ಅನುರಾಗ್ ಕಶ್ಯಪ್.

OTT ವೇದಿಕೆಗೆ ಸೆನ್ಸಾರ್ ಶಿಪ್ ಲಗಾಮು! ಇನ್ನು ಸಿನಿಮಾ, ವೆಬ್ ಸಿರೀಸ್ ಮೇಲೆ ಸರ್ಕಾರದ ಹದ್ದಿನಕಣ್ಣು