KIAB ಆವರಣದಲ್ಲಿ ವರ್ಲ್ಡ್​ ಬುಕ್ ಆಫ್ ರೆಕಾರ್ಡ್ಸ್​ ಸೇರಿದ ಕೆಂಪೇಗೌಡರ ಪ್ರತಿಮೆ: ಇದು ಕನ್ನಡಿಗರ ಹೆಮ್ಮೆ

ಬೆಂಗಳೂರು: ವಿಶ್ವದ ಮೊದಲ ಮತ್ತು ಅತ್ಯಂತ ಎತ್ತರದ ನಾಡಪ್ರಭು ಕೆಂಪೇಗೌಡರ ಕಂಚಿನ ಪ್ರತಿಮೆ ವರ್ಲ್ಡ್​ ಬುಕ್ ಆಫ್ ರೆಕಾರ್ಡ್ಸ್ ಸೇರಿದೆ. 84 ಕೋಟಿ ರೂ. ವೆಚ್ಚದ 108 ಅಡಿಯ ಬೃಹತ್ ಕಂಚಿನ ಪ್ರತಿಮೆ ಇದಾಗಿದೆ. KIAB ಆವರಣದಲ್ಲಿ ಸ್ಥಾಪಿಸಲಾಗಿದೆ. ನ. 11ರಂದು ದೇವನಹಳ್ಳಿಯ ಕೆಂಪೇಗೌಡ ಅಂತಾರಾಷ್ಟ್ರೀಯ ಏರ್​ಪೋರ್ಟ್​​​ನಲ್ಲಿ ನಾಡಪ್ರಭು ಕೆಂಪೇಗೌಡರ ಕಂಚಿನ ಪ್ರತಿಮೆ (Kempegowda statue) ಅನಾವರಣಗೊಳ್ಳಲಿದ್ದು, ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರು ಉದ್ಘಾಟನೆ ಮಾಡಲಿದ್ದಾರೆ. ಜೊತೆಗೆ ಪ್ರತಿಮೆಯ ಮುಂಭಾಗದಲ್ಲಿ 3 ಎಕರೆ ಜಾಗದಲ್ಲಿ 20 ಕೋಟಿ ವೆಚ್ಚದಲ್ಲಿ ಥೀಮ್ ಪಾರ್ಕ್ ಸಹ ತಲೆ ಎತ್ತಲಿದ್ದು, ಕೆಂಪೇಗೌಡರ ಜೀವನ ಚರಿತ್ರೆ ಆಡಳಿತದ ಬಗ್ಗೆ ಮುಂದಿನ ಪೀಳಿಗೆಗೆ ತಿಳಿಸುವ ಮಹತ್ವದ  ಕಾರ್ಯವನ್ನು ಸರ್ಕಾರ ಮಾಡುತ್ತಿದೆ.

With great pride, we announce that the Statue of Prosperity has officially been declared the first and tallest bronze statue of a founder of a city by the World Book of Records.#StatueofProsperity #ಬನ್ನಿನಾಡಕಟ್ಟೋಣ

1/2 pic.twitter.com/gnNn7D8kOD

— Statue Of Prosperity – ಪ್ರಗತಿಯ ಪ್ರತಿಮೆ (@sop108ft) November 8, 2022

ಇನ್ನು ಏಕತೆ ಪ್ರತಿಮೆ ನಿರ್ಮಾಣ ಮಾಡಿದ ರಾಮ್​ ಸುತಾರ್ ಕ್ರಿಯೇಷನ್ಸ್​ ಅವರಿಂದ ಪ್ರತಿಮೆಯ ವಿನ್ಯಾಸ ಹಾಗೂ ನಿರ್ಮಾಣ ಮಾಡಲಾಗಿದೆ. ಕೆಂಪೇಗೌಡರ ಕೈಯಲ್ಲಿರುವ ಖಡ್ಗ 4000 ಕೆ.ಜಿ, ಉಕ್ಕು 120 ಟನ್​, ಕಂಚು 98 ಟನ್​ ಇದ್ದು, ಒಟ್ಟು ಮೊತ್ತ 84 ಕೋಟಿ ವೆಚ್ಚವಾಗಿದೆ.

ಕೆಂಪೇಗೌಡ ರಥ ನಾಡಿನಾದ್ಯಂತ ಸಂಚರಿಸಿ, ವಿವಿಧ ಪುಣ್ಯ ಭೂಮಿಯಿಂದ ಸಂಗ್ರಹಿಸಿ ತಂದ ಪವಿತ್ರ ಮೃತ್ತಿಕೆಗೆ ಪ್ರತಿಮೆಯ ಸ್ಥಳದಲ್ಲಿ ಇಂದು @drashwathcn ಶ್ರೀ @RAshokaBJP,ಶ್ರೀ @DVSadanandGowda, ಶ್ರೀ @Jaggesh2, ಶ್ರೀ @SRVishwanathBJP, ಶ್ರೀ @nelanbabu,ಶ್ರೀ @YAN_MLC ಇತರ ಗಣ್ಯರ ಉಪಸ್ಥಿತಿಯಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಯಿತು. pic.twitter.com/E4WEqvTvP1

— Statue Of Prosperity – ಪ್ರಗತಿಯ ಪ್ರತಿಮೆ (@sop108ft) November 9, 2022

ನಾಡಪ್ರಭು ಕೆಂಪೇಗೌಡರ ಪ್ರತಿಮೆ ಅನಾವರಣದ ಅಂಗವಾಗಿ ನಾಡಿನಾದ್ಯಂತ ಪವಿತ್ರ ಮೃತ್ತಿಕೆ ಸಂಗ್ರಹಕ್ಕಾಗಿ ಅಕ್ಟೋಬರ್‌ 21 ರಂದು ವಿಧಾನ ಸೌಧದಿಂದ ಕೆಂಪೇಗೌಡ ರಥಗಳು ತೆರಳಿದ್ದವು. ವಿವಿಧ ಪುಣ್ಯ ಭೂಮಿಯ ಪವಿತ್ರ ಮೃತ್ತಿಕೆಯ ಸಮೇತವಾಗಿ ಇಂದು ಪ್ರತಿಮೆಯ ಸ್ಥಳಕ್ಕೆ ಆಗಮಿಸಿವೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 8:06 pm, Wed, 9 November 22