ಒತ್ತಡ ಮತ್ತು ಆತಂಕವನ್ನು ನಿವಾರಿಸುವ ಭ್ರಮರಿ ಪ್ರಾಣಾಯಾಮದ ಬಗ್ಗೆ ಇಲ್ಲಿದೆ ಮಾಹಿತಿ

ಭ್ರಮರ ಎಂದರೆ ಜೇನು ನೊಣ. ನೀವು ಉಸಿರನ್ನು ಹೊರ ಬಿಡುವಾಗ ‘ಹಂ’ ಎಂಬ ಜೇನು ನೊಣದ ಝೇಂಕಾರ ಶಬ್ಧವನ್ನು ಮಾಡುವ ಕಾರಣ ಈ ಪ್ರಾಣಾಯಾಮಕ್ಕೆ ಭ್ರಮರಿ ಎಂಬ ಹೆಸರು. ಯೋಗದಿಂದ ಪ್ರತಿಪಾದಿಸಲ್ಪಟ್ಟ ಝೇಂಕರಿಸುವ ಜೇನುನೊಣದಿಂದ ಉತ್ಪತ್ತಿಯಾಗುವ ಧ್ವನಿ ತರಂಗಗಳು ಒತ್ತಡವನ್ನು ನಿವಾರಿಸುತ್ತದೆ, ವಿಶ್ರಾಂತಿ ನೀಡುತ್ತದೆ ಮತ್ತು ಮಾನಸಿಕ ಆರೋಗ್ಯದ ಮೇಲೆ ಸಾಕಷ್ಟು ಪರಿಣಾಮ ಬೀರುತ್ತದೆ ಎಂದು ಸಂಶೋಧನೆ ತೋರಿಸಿದೆ. ಇದು ಸ್ಮರಣಶಕ್ತಿ, ಏಕಾಗ್ರತೆ, ನಿರ್ಣಯ ಮತ್ತು ನಿರ್ಧಾರ ತೆಗೆದುಕೊಳ್ಳುವಿಕೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಯೋಗ ತಜ್ಞರಾದ ಕಾಮಿನಿ ಬೋಬ್ಡೆ ಹೇಳಿದ್ದಾರೆ. ಯೋಗವು ಭ್ರಮರಿ ಪ್ರಾಣಾಯಾಮದ ಭಾಗವಾಗಿ ಗುನುಗುವ ದುಂಬಿಯ ಶಬ್ದದ ಶಕ್ತಿಯನ್ನು ಅವಲಂಬಿಸಿದೆ. ಆಳವಾದ ಉಸಿರನ್ನು ತೆಗೆದುಕೊಳ್ಳಿ ಮತ್ತು ನೀವು ಉಸಿರಾಡುವಾಗ, ಓಮ್​​​ ಜಪ್ಪಿಸಲು ಪ್ರಾರಂಭಿಸಿ ಮತ್ತು ನಿಧಾನವಾಗಿ ಉಸಿರು ಬಿಡಿ.

ಅನೇಕ ಸಂಶೋಧನೆಗಳ ಮೂಲಕ, ಸುಧಾರಿತ ಮೆದುಳಿನ-ಇಮೇಜಿಂಗ್ ಉಪಕರಣಗಳೊಂದಿಗೆ ಸುಸಜ್ಜಿತವಾದ ನರವಿಜ್ಞಾನಿಗಳು, ನಿಮ್ಮ ದೇಹದ ಮೂಲಕ ಕೆಲವು ಧ್ವನಿ ತರಂಗಗಳು ಹಾದುಹೋಗುವ ವಿಧಾನವು ನಿಮ್ಮ ಮನಸ್ಸನ್ನು ತೆರವುಗೊಳಿಸಲು ಮತ್ತು ನಿಮ್ಮ ಮೆದುಳು ಮತ್ತು ನರಮಂಡಲವನ್ನು ಶಾಂತಗೊಳಿಸಲು ಹೇಗೆ ಸಹಾಯ ಮಾಡುತ್ತದೆ ಎಂಬುದನ್ನು ತೋರಿಸಿದ್ದಾರೆ. ನೀವು ಯಾವುದನ್ನು ಪಠಿಸುತ್ತೀರಿ ಎಂಬುದು ಮುಖ್ಯವಲ್ಲ. ನೀವು ಕೇಂದ್ರೀಕೃತ ಗಮನದಿಂದ ಏನನ್ನಾದರೂ ಪುನರಾವರ್ತಿಸುವವರೆಗೆ, ನೀವು ಧ್ಯಾನಸ್ಥ ಸ್ಥಿತಿಯಿಂದ ಫಲಿತಾಂಶಗಳನ್ನು ಪಡೆಯುತ್ತೀರಿ. ಸಂಕ್ಷಿಪ್ತವಾಗಿ, ಇದು ಒತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ಮಾನಸಿಕ ಆರೋಗ್ಯ ಮತ್ತು ಯೋಗಕ್ಷೇಮಕ್ಕೆ ಸಹಾಯ ಮಾಡುತ್ತದೆ.

ಪಠಣ ಅಭ್ಯಾಸವು ಎಲ್ಲಾ ಅಭ್ಯಾಸಗಳಲ್ಲಿ ಸರಳ ಮತ್ತು ಇನ್ನೂ ಅತ್ಯಂತ ಶಕ್ತಿಶಾಲಿಯಾಗಿದೆ. ಇದನ್ನು ಜೀವನದ ಎಲ್ಲಾ ಹಂತಗಳಲ್ಲಿ, ಯಾವುದೇ ಸಮಯದಲ್ಲಿ ಮತ್ತು ಸ್ಥಳದಲ್ಲಿ ಅಭ್ಯಾಸ ಮಾಡಬಹುದು ಮತ್ತು ವಯಸ್ಸು ಅಥವಾ ಅನಾರೋಗ್ಯದಿಂದ ಬಳಲುತ್ತಿರುವವರು ಸಹ ಅಭ್ಯಾಸ ಮಾಡಬಹುದು.

ಇದನ್ನೂ ಓದಿ: ಒತ್ತಡ ಕಡಿಮೆ ಮಾಡುವ ಅತ್ಯುತ್ತಮ ಸಾಧನ ಯೋಗ; ತಜ್ಞರ ಸಲಹೆ ಇಲ್ಲಿದೆ

ಭ್ರಮರಿ ಪ್ರಾಣಾಯಾಮ ಅಭ್ಯಾಸ:

ಪದ್ಮಾಸನ, ವಜ್ರಾಸನ ಹಾಕಿ ಕುಳಿತುಕೊಳ್ಳಿ ಅಥವಾ ಎರಡನ್ನೂ ಮಾಡಲಾಗದವರು ಕುರ್ಚಿಯ ಮೇಲೆ ಕುಳಿತುಕೊಳ್ಳಬಹುದು. ನಿಮ್ಮ ತಲೆ ಮತ್ತು ಬೆನ್ನುಮೂಳೆಯು ನೇರವಾಗಿ ಇಟ್ಟುಕೊಳ್ಳಿ. ನಿಮ್ಮ ಕಣ್ಣುಗಳನ್ನು ಮುಚ್ಚಿ. ನಂತರ ಆಳವಾದ ಉಸಿರಾಟವನ್ನು ತೆಗೆದುಕೊಳ್ಳಿ ಮತ್ತು ನೀವು ಉಸಿರನ್ನು ಬಿಡುತ್ತಿದ್ದಂತೆ ಓಂ ಮಾತ್ರವನ್ನು ಜಪಿಸಿ. ಈ ಸಮಯದಲ್ಲಿ ಬೇರೆ ಯಾವುದೇ ಆಲೋಚನೆಗಳು ಮಧ್ಯಪ್ರವೇಶಿಸದಂತೆ ನೋಡಿಕೊಳ್ಳುವುದು ಮತ್ತು ಮನಸ್ಸು ಇತರ ವಿಷಯಗಳಿಗೆ ಅಲೆದಾಡದಂತೆ ನೋಡಿಕೊಳ್ಳುವ ಪ್ರಯತ್ನ ನಿಮ್ಮಲ್ಲಿರಬೇಕು.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: