ಉತ್ತರಾಖಂಡ್​​ಗೆ ನಟ ಅಕ್ಷಯ್​ ಕುಮಾರ್​ ಬ್ರಾಂಡ್​ ಅಂಬಾಸಿಡರ್​​; ಫೋಟೋ ಶೇರ್​ ಮಾಡಿದ ಸಿಎಂ ಪುಷ್ಕರ್​ ಸಿಂಗ್ ಧಮಿ

ಡೆಹ್ರಾಡೂನ್​: ಉತ್ತರಾಖಂಡ್​ ವಿಧಾನಸಭೆ ಚುನಾವಣೆ (Uttarakhand Assembly Election 2022) ಕೆಲವೇ ದಿನಗಳು ಬಾಕಿ ಇರುವ ಬೆನ್ನಲ್ಲೇ  ಬಾಲಿವುಡ್ ನಟ ಅಕ್ಷಯ್​ ಕುಮಾರ್ (Akshay Kumar)​ ಅವರನ್ನು ಉತ್ತರಾಖಂಡ್​ ರಾಜ್ಯದ ಬ್ರಾಂಡ್​ ಅಂಬಾಸಿಡರ್ (ಬ್ರಾಂಡ್​ ರಾಯಭಾರಿ) ಆಗಿ ನೇಮಕ ಮಾಡಲಾಗಿದೆ. ಈ ಬಗ್ಗೆ ರಾಜ್ಯದ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಮಿ (Pushkar Singh Dhami) ಘೋಷಣೆ ಮಾಡಿದ್ದಾರೆ. ಅಂದಹಾಗೇ, ರಾಜ್ಯದ ಬ್ರಾಂಡ್ ಅಂಬಾಸಿಡರ್ ಆಗುವಂತೆ ಮನವಿ ಮಾಡಲು ಪುಷ್ಕರ್​ ಸಿಂಗ್​ ಧಮಿಯವರೇ ಅಕ್ಷಯ್​ ಕುಮಾರ್​ರನ್ನು ಭೇಟಿ ಮಾಡಿದ್ದರು.  ಅದಕ್ಕೆ ಅಕ್ಷಯ್​ ಕುಮಾರ್ ಒಪ್ಪಿಗೆ ನೀಡಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಧಮಿ, ನಾವು ಅಕ್ಷಯ್​ ಕುಮಾರ್​ ಎದುರು ಪ್ರಸ್ತಾಪವನ್ನು ಇಟ್ಟಿದ್ದೆವು. ಅದನ್ನವರು ಒಪ್ಪಿಕೊಂಡಿದ್ದು ಖುಷಿಯಾಗಿದೆ ಎಂದು ಹೇಳಿದ್ದಾರೆ. 

Actor Akshay Kumar met Uttarakhand CM Pushkar Singh Dhami at the CM residence in Dehradun this morning. pic.twitter.com/eUttdJNBGk

— ANI UP/Uttarakhand (@ANINewsUP) February 7, 2022

2017ರಲ್ಲಿ ನಟ ಅಕ್ಷಯ್​ ಕುಮಾರ್​ ಅವರು ಉತ್ತರಾಖಂಡ್​​ಗೆ ಸ್ವಚ್ಛ ಭಾರತ್​ ಅಭಿಯಾನದ ಬ್ರಾಂಡ್​ ರಾಯಭಾರಿಯಾಗಿದ್ದರು. ಆಗ ಅವರು ಅದಕ್ಕಾಗಿ ಹಣ ಪಡೆಯದೆ ಉಚಿತವಾಗಿಯೇ  ರಾಯಭಾರಿಯಾಗಿದ್ದರು. ಇಂಥದ್ದೊಂದು ಅಭಿಯಾನದ ಭಾಗವಾಗುವುದು ನನ್ನ ಪಾಲಿಗೆ ಗೌರವ ಎಂದೂ ಹೇಳಿದ್ದರು.  ಇದೀಗ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಅಂಬಾಸಿಡರ್ ಆಗಿದ್ದಾರೆ.

ಉತ್ತರಾಖಂಡ್​​ನ 70 ವಿಧಾನಸಭೆ ಕ್ಷೇತ್ರಗಳಿಗೆ ಫೆ. 14ರಂದು ಮತದಾನ ನಡೆಯಲಿದೆ. ಇಲ್ಲಿ ಈಗಾಗಲೇ ಅಧಿಕಾರದಲ್ಲಿರುವ ಬಿಜೆಪಿ ಮತ್ತೆ ತಾನೇ ಆಡಳಿತ ಹಿಡಿಯುವ ಪ್ರಯತ್ನದಲ್ಲಿದೆ. ಭಾನುವಾರ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಅವರು ಉತ್ತರಾಖಂಡ್​​ನಲ್ಲಿ ಮನೆ ಮನೆ ಪ್ರಚಾರ ನಡೆಸಿದ್ದಾರೆ. ಗಂಗೋತ್ರಿಯಲ್ಲಿ ಸಾರ್ವಜನಿಕರನ್ನು ಉದ್ದೇಶಿಸಿ ಮಾತನಾಡಿದ ಅವರು, ಉತ್ತರಾಖಂಡ್​​ನಲ್ಲಿ ಬಿಜೆಪಿ ಸರ್ಕಾರ ಬಡವರು, ತುಳಿತಕ್ಕೊಳಗಾದವರು, ಹಿಂದುಳಿದವರು, ದೀನದಲಿತರು, ಮಹಿಳೆಯರ ಸಬಲೀಕರಣಕ್ಕಾಗಿ ಮಾಡಿದ ಕೆಲಸದ ರಿಪೋರ್ಟ್​ ಕಾರ್ಡ್ ಇಲ್ಲಿನ ಪ್ರತಿಯೊಬ್ಬರ ಎದುರಿಗೆ ಇದೆ. ಇವರೆಲ್ಲ ಮತ್ತೊಮ್ಮೆ ಬಿಜೆಪಿಗೆ ಸಂಪೂರ್ಣವಾಗಿ ಆಶೀರ್ವಾದ ಮಾಡಲು ಉತ್ಸಾಹದಲ್ಲಿದ್ದಾರೆ ಎಂಬುದು ಸ್ಪಷ್ಟವಾಗಿ ಗೊತ್ತಾಗುತ್ತಿದೆ ಎಂದು ಜೆ.ಪಿ.ನಡ್ಡಾ ಟ್ವೀಟ್​ ಮಾಡಿದ್ದಾರೆ.

ಇದನ್ನೂ ಓದಿ: ಶಾಲೆ- ಕಾಲೇಜುಗಳಲ್ಲಿ ಹೆಚ್ಚಾಗ್ತಿದೆ ಹಿಜಾಬ್, ಕೇಸರಿ ಶಾಲು ಸಮರ; ನೀಲಿ ಶಾಲ್ ಧರಿಸಿ ಬಂದ ಮತ್ತೊಂದು ಬಣ, ಪ್ರಾಂಶುಪಾಲರು ಹೈರಾಣ

Published On - 12:08 pm, Mon, 7 February 22