ಹೆಣ್ಣು ಮಗು ಹುಟ್ಟಿದರೆ ಲಕ್ಷ ರೂಪಾಯಿ ಠೇವಣಿ.. ಇದು ಆ ಕಾಲೋನಿ ನಿವಾಸಿಗಳ ಆದರ್ಶ ನಿರ್ಧಾರ
ಆಂಧ್ರಪ್ರದೇಶ: ಈ ನಿರ್ಧಾರವನ್ನು ಜನವರಿ 1, 2024 ರಿಂದ ಜಾರಿಗೆ ತರಲಾಗುವುದು. ಆ ದಿನದಿಂದ ಕಾಲೋನಿಯಲ್ಲಿ ಹುಟ್ಟಿದ ಹೆಣ್ಣು ಮಗುವಿನ ಹೆಸರಿಗೆ ಲಕ್ಷ ರೂ. ಠೇವಣಿ ಇಡಲಾಗುವುದು. ಇಂದಿರಾನಗರ ಕಾಲೋನಿಯ ಹಲವು ನಿವಾಸಿಗಳು ಈ ನಿರ್ಧಾರ ಆದರ್ಶಪ್ರಾಯ ಎಂದು ಕೊಂಡಾಡಿದ್ದಾರೆ ಎಂದು ಮುನಗಪಾಟಿ ವೆಂಕಟೇಶ್ವರ ರಾವ್ ಸಂತಸ ವ್ಯಕ್ತಪಡಿಸಿದ್ದಾರೆ.
Updated on: Dec 04, 2023 | 1:28 PM
ಹೆಣ್ಣು ಮಗು (Baby Girl) ಎಂದರೆ ಅದು ಜವಾಬ್ದಾರಿಯ ಭಾರವೇ ಸರಿ ಎಂಬ ಕೆಟ್ಟ ಆಲೋಚನೆಯಿಂದ ಸಮಾಜ ಈಗೀಗ ಮುಕ್ತವಾಗುತ್ತಿದೆ. ಆದರೆ ಕೆಲವೆಡೆ ಹೆಣ್ಣುಮಕ್ಕಳ ವಿದ್ಯಾಭ್ಯಾಸ, ಮದುವೆ ಇತ್ಯಾದಿ ವಿಷಯಗಳಿಗೆ ದುಂದು ವೆಚ್ಚ ಮಾಡಬೇಕಾಗಿರುವುದು ಪೋಷಕರಿಗೆ ಆರ್ಥಿಕ ಸಮಸ್ಯೆ ತಂದೊಡ್ಡುತ್ತಿದೆ. ಈ ಹಿನ್ನೆಲೆಯಲ್ಲಿ ಆ ಕಾಲನಿಯ ನಿವಾಸಿಗಳು (Andhra Pradesh) ವಿನೂತನ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಅದು ಎಲ್ಲರಿಗೂ ಆದರ್ಶವಾಗಿ ( Deposit ) ಕಂಡುಬಂದಿದೆ. ಈ ಸ್ಟೋರಿ ಓದಿ.
ಅದು ಮಂಗಳಗಿರಿ ಪಟ್ಟಣ. ಆಂಧ್ರ ಪ್ರದೇಶದ ರಾಜಧಾನಿ ಅಮರಾವತಿ ಸಮೀಪದದಲ್ಲಿರುವ ಊರು. ಅಲ್ಲಿದೆ ಇಂದಿರಾ ನಗರ. ಎರಡು ದಿನಗಳ ಹಿಂದೆ ಸ್ಥಳೀಯ ಮುಖಂಡ ಮುನಗಪಾಟಿ ವೆಂಕಟೇಶ್ವರ ರಾವ್ ಅವರ ನೇತೃತ್ವದಲ್ಲಿ ಕಾಲೊನಿಯ ಯುವಜನತೆ ಸಭೆ ನಡೆದಿತ್ತು. ಈ ಕಾಲೋನಿಯಲ್ಲಿ ಸುಮಾರು 300 ಜನರಿದ್ದಾರೆ. ಅವರೆಲ್ಲರೂ ಒಟ್ಟಾಗಿ ಆದರ್ಶ ನಿರ್ಧಾರವೊಂದನ್ನು ತೆಗೆದುಕೊಂಡಿದ್ದಾರೆ. ಏನು ಮಾಡಿದರೆ ಜನಕ್ಕೆ ಉಪಯೋಗವಾದೀತು ಎಂದು ಚರ್ಚೆಗೆ ಇಳಿದಿದ್ದಾರೆ. ಅಂತಿಮವಾಗಿ ಒಂದು ನಿರ್ಧಾರಕ್ಕೆ ಬಂದದವರೆ ಕಾಲೋನಿಯಲ್ಲಿ ಹೆಣ್ಣು ಮಗು ಇರುವವರಿಗೆ ಲಕ್ಷ ಲಕ್ಷ ರೂಪಾಯಿ ಠೇವಣಿ ಇಡುವ ನಿರ್ಧಾರಕ್ಕೆ ಬಂದಿದ್ದಾರೆ. ಪ್ರತಿಯೊಬ್ಬರೂ ಈ ಆಲೋಚನೆಯನ್ನು ಇಷ್ಟಪಟ್ಟಿದ್ದಾರೆ. ಮುಂದಿನ ವರ್ಷದಿಂದ ಈ ನಿರ್ಧಾರವನ್ನು ಜಾರಿಗೆ ತರಲು ಬಯಸಿದ್ದಾರೆ.
Also Read: ಬೈಪಾಸ್‌ ರಸ್ತೆಯಲ್ಲಿ ಭಸ್ಮಗೊಂಡ ಐಷಾರಾಮಿ ಖಾಸಗಿ ಟ್ರಾವೆಲ್ಸ್‌ ಬಸ್‌, ಒಬ್ಬರ ಸಜೀವ ದಹನ
300 ಸದಸ್ಯರನ್ನೊಳಗೊಂಡ ಸಮಿತಿಯಲ್ಲಿ, ಹೆಣ್ಣು ಮಗು ಜನನದ ಸಮಯದಲ್ಲಿ ತಲಾ 350 ರೂಪಾಯಿಗಳನ್ನು ನೀಡುವ ಮೂಲಕ ಒಂದು ಲಕ್ಷ ರೂಪಾಯಿಯನ್ನು ಹೆಣ್ಣು ಮಗುವಿನ ಹೆಸರಿನಲ್ಲಿ ಠೇವಣಿ ಇಡಲು ನಿರ್ಧರಿಸಿದ್ದಾರೆ. 21 ವರ್ಷಗಳ ನಂತರ ಮೊತ್ತ 16 ಲಕ್ಷ ರೂ. ಆಗುತ್ತದೆ. ಆಗ ಹೆಣ್ಣುಮಕ್ಕಳು ಓದಲು, ಮದುವೆ ಮಾಡಲು ಅನುಕೂಲವಾಗುತ್ತದೆ ಎಂಬ ಭಾವನೆಯನ್ನು ಸಮಿತಿ ಸದಸ್ಯರು ವ್ಯಕ್ತಪಡಿಸಿದ್ದಾರೆ.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
