ಟಿವಿ9 ನೆಟ್ವರ್ಕ್ ಎಂಡಿ, ಸಿಇಒ ಬರುಣ್ ದಾಸ್ರ ಡ್ಯುಯೊಲಾಗ್ ವಿದ್ ಬರುಣ್ ದಾಸ್ಗೆ IWMBuzz ಅತ್ಯುತ್ತಮ ಒಟಿಟಿ ಶೋ ಪ್ರಶಸ್ತಿ
ಭಾರತದ ಅತಿದೊಡ್ಡ ಸುದ್ದಿವಾಹಿನಿ ಜಾಲ ‘ಟಿವಿ9 ನೆಟ್ವರ್ಕ್’ನ ಎಂಡಿ, ಸಿಇಒ ಬರುಣ್ ದಾಸ್ ಅವರ ಡ್ಯುಯೊಲಾಗ್ ವಿದ್ ಬರುಣ್ ದಾಸ್ಗೆ ಪ್ರತಿಷ್ಠಿತ ‘ಐಡಬ್ಲ್ಯುಎಂಬಜ್ ಡಿಜಿಟಲ್ ಅವಾರ್ಡ್ಸ್ 2023’ರ ಅತ್ಯುತ್ತಮ ಒಟಿಟಿ ಶೋ ಪ್ರಶಸ್ತಿ ದೊರೆತಿದೆ.
Updated on:Jun 20, 2023 | 10:34 PM
ಮುಂಬೈ: ಭಾರತದ ಅತಿದೊಡ್ಡ ಸುದ್ದಿವಾಹಿನಿ ಜಾಲ ‘ಟಿವಿ9 ನೆಟ್ವರ್ಕ್’ನ ಎಂಡಿ, ಸಿಇಒ ಬರುಣ್ ದಾಸ್ (Barun Das) ಅವರ ಡ್ಯುಯೊಲಾಗ್ ವಿದ್ ಬರುಣ್ ದಾಸ್ಗೆ (Duologue With Barun Das) ಪ್ರತಿಷ್ಠಿತ ‘ಐಡಬ್ಲ್ಯುಎಂಬಜ್ ಡಿಜಿಟಲ್ ಅವಾರ್ಡ್ಸ್ 2023’ರ (IWMBuzz Digital Awards 2023) ಅತ್ಯುತ್ತಮ ಒಟಿಟಿ ಶೋ ಪ್ರಶಸ್ತಿ ದೊರೆತಿದೆ. ಅತ್ಯುತ್ತಮ ನಾಯಕತ್ವ, ಯೋಚನಾ ಲಹರಿಗಳ ಮೂಲಕ ನವೀನ ಶೈಲಿಯಲ್ಲಿ ‘ಡ್ಯುಯೊಲಾಗ್ ವಿದ್ ಬರುಣ್ ದಾಸ್’ ಸಂವಾದ ಕಾರ್ಯಕ್ರಮ ನಡೆಸಿಕೊಡುವ ಮೂಲಕ ಬರುಣ್ ದಾಸ್ ಅವರು ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಮುಂಬೈಯ ಗೋರೆಗಾಂವ್‌ನ ವೆಸ್ಟಿನ್‌ನಲ್ಲಿ ಭಾನುವಾರ ನಡೆದ ಸಮಾರಂಭದಲ್ಲಿ ಬರುಣ್ ದಾಸ್ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಬರುಣ್ ದಾಸ್ ಅವರ ದೂರದೃಷ್ಟಿಯ ದ್ಯೋತಕವಾಗಿ ‘ನ್ಯೂಸ್ 9 ಪ್ಲಸ್’ ಆರಂಭವಾಯಿತಲ್ಲದೆ, ವಿಶ್ವದ ಮೊದಲ ಸುದ್ದಿ ಒಟಿಟಿ ಪ್ಲಾಟ್‌ಫಾರ್ಮ್ ಆಗಿಯೂ ಪರಿಗಣಿಸಲ್ಪಟ್ಟಿದೆ. ಅವರು ಟಿವಿ9 ನೆಟ್‌ವರ್ಕ್‌ನ ನಿರ್ವಹಣೆಯ ಮೇಲ್ವಿಚಾರಣೆ ಮಾಡುವುದರ ಜತೆಗೆ, ‘ಡ್ಯುಯೊಲಾಗ್ ವಿದ್ ಬರುಣ್ ದಾಸ್’ ಎಂಬ ಕಾರ್ಯಕ್ರಮದ ವರ್ಚಸ್ವಿ ನಿರೂಪಕರಾಗಿಯೂ ಮಿಂಚಿದ್ದಾರೆ.
ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಬರುಣ್ ದಾಸ್, ಇಂಥ ಪ್ರತಿಕ್ರಿಯೆಗಳಿಂದ ಇನ್ನಷ್ಟು ಉತ್ತಮವಾಗಿ ಕೆಲಸ ಮಾಡಲು ಪ್ರೇರೇಪಣೆ ದೊರೆಯುತ್ತದೆ ಎಂದು ಹೇಳಿದ್ದಾರೆ. ನ್ಯೂಸ್ 9 ಪ್ಲಸ್ ವಿಶ್ವದ ಮೊದಲ ನ್ಯೂಸ್ ಒಟಿಟಿ ಆಗಿದ್ದು, ಇದನ್ನು ಪಕ್ಷಪಾತರಹಿತ ಜಾಗತಿಕ ಅಭಿಪ್ರಾಯ ವೇದಿಕೆಯನ್ನಾಗಿ ಮಾಡಬೇಕೆಂಬ ದೃಷ್ಟಿಕೋನ ಹೊಂದಿದ್ದೇನೆ. ಇದು ಬಹಳ ಹಿಂದಿನಿಂದಲೂ ಜಾಗತಿಕ ರಂಗದಲ್ಲಿ ನಮಗೆ ಹೆಚ್ಚು ಅಗತ್ಯವಿರುವ ಉದ್ದೇಶವನ್ನು ಪೂರೈಸಲಿದೆ ಎಂದು ಅವರು ಹೇಳಿದ್ದಾರೆ.
ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾಧ್ಯಮ, ಸಿನಿಮಾ ಮತ್ತು ಉದ್ಯಮ ಕ್ಷೇತ್ರದ ಅನೇಕ ಗಣ್ಯರು ಹಾಜರಿದ್ದರು. ಬಾಲಿವುಡ್ನ ಗಣ್ಯರಾದ ಮನೋಜ್ ಬಾಜಪೇಯಿ, ಕಾರ್ತಿಕ್ ಆರ್ಯನ್, ಅಪರಶಕ್ತಿ ಖುರಾನಾ, ಸುನಿಲ್ ಶೆಟ್ಟಿ, ಅದಿತಿ ಹೈದರಿ, ರಾಶಿ ಖನ್ನಾ, ವಾಣಿ ಕಪೂರ್, ಅಲಿ ಫಜಲ್, ಹುಮಾ ಖುರೇಷಿ, ರಾಜ್‌ಕುಮಾರ್ ರಾವ್, ತಮನ್ನಾ ಭಾಟಿಯಾ ಮುಂತಾದ ಅನೇಕ ತಾರೆಯರು ಸಮಾರಂಭದಲ್ಲಿ ಭಾಗವಹಿಸಿದ್ದರು.
(ಪ್ರಶಸ್ತಿಯೊಂದಿಗೆ ಬರುಣ್ ದಾಸ್)
‘ಡ್ಯುಯೊಲಾಗ್ ವಿದ್ ಬರುಣ್ ದಾಸ್’ ಸಂವಾದ ಕಾರ್ಯಕ್ರಮದಲ್ಲಿ ಬರುಣ್ ದಾಸ್ ಅವರು ಮಹಾನ್ ವ್ಯಕ್ತಿಗಳು ಅಥವಾ ದಂತಕಂತೆಗಳ ಜತೆ ಸಂವಾದ ನಡೆಸುತ್ತಾರೆ. ಮಹಾನ್ ವ್ಯಕ್ತಿಗಳು ತಮ್ಮ ಜೀವನ ಪಯಣದ ಅನುಭವವನ್ನು ಹಂಚಿಕೊಳ್ಳುವಂತೆ ಮಾಡುತ್ತಾರೆ.
ಬ್ರಿಟನ್ನ ಮಾಜಿ ಪ್ರಧಾನಿ ಡೇವಿಡ್ ಕ್ಯಾಮರೂನ್, ದೇಶದ ಐಟಿ ಕ್ಷೇತ್ರದ ದಿಗ್ಗಜ ಸಂಸ್ಥೆ ಇನ್ಫೋಸಿಸ್ನ ಸಹ ಸಂಸ್ಥಾಪಕ ಎನ್.ಆರ್. ನಾರಾಯಣ ಮೂರ್ತಿ ಹಾಗೂ ಇನ್ಫೋಸಿಸ್ ಫೌಂಡೇಶನ್‌ನ ಅಧ್ಯಕ್ಷೆ ಸುಧಾ ಮೂರ್ತಿ, ಸದ್ಗುರು, ಮಿಥಾಲಿ ರಾಜ್ ಹಾಗೂ ಸುಭಾಷ್ ಚಂದ್ರ ಅವರೂ ‘ಡ್ಯುಯೊಲಾಗ್ ವಿದ್ ಬರುಣ್ ದಾಸ್’ ಸಂವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ.
Published On - 9:11 pm, Mon, 19 June 23
