Mann Ki Baat: ಇಂದು ವರ್ಷದ ಕೊನೇ ಮನ್​ ಕೀ ಬಾತ್​​ನಲ್ಲಿ ಪ್ರಧಾನಿ ಮೋದಿ ಮಾತು; ಸಮಯ ಯಾವುದು? ಎಲ್ಲೆಲ್ಲಿ ಪ್ರಸಾರವಾಗಲಿದೆ? ಇಲ್ಲಿದೆ ಮಾಹಿತಿ

Mann Ki Baat: ಇಂದು ವರ್ಷದ ಕೊನೇ ಮನ್​ ಕೀ ಬಾತ್​​ನಲ್ಲಿ ಪ್ರಧಾನಿ ಮೋದಿ ಮಾತು; ಸಮಯ ಯಾವುದು? ಎಲ್ಲೆಲ್ಲಿ ಪ್ರಸಾರವಾಗಲಿದೆ? ಇಲ್ಲಿದೆ ಮಾಹಿತಿ
ಪ್ರಧಾನಿ ಮೋದಿ

ನರೇಂದ್ರ ಮೋದಿ ಪ್ರಧಾನಮಂತ್ರಿಯಾದ ಮೇಲೆ, 2014ರಲ್ಲಿ ಈ ಮನ್​ ಕೀ ಬಾತ್​ ಶುರು ಮಾಡಿದ್ದರು. ಜನರೊಂದಿಗೆ ನೇರವಾಗಿ ಮಾತನಾಡಲು (ರಾಜಕೀಯದ ಹೊರತಾಗಿ) ಮನ್​ ಕೀ ಬಾತ್​​ ವೇದಿಕೆ ಸೃಷ್ಟಿಸಿಕೊಂಡರು.

TV9kannada Web Team

| Edited By: Lakshmi Hegde

Dec 26, 2021 | 7:57 AM

ದೆಹಲಿ:ಪ್ರಧಾನಿ ನರೇಂದ್ರ ಮೋದಿಯವರು ಇಂದು ತಮ್ಮ ತಿಂಗಳ ರೇಡಿಯೋ ಕಾರ್ಯಕ್ರಮ ಮನ್​ ಕೀ ಬಾತ್(Mann Ki Baat)​​ನ 84ನೇ ಆವೃತ್ತಿ​​ ಮೂಲಕ ದೇಶವನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. 2021ನೇ ಇಸ್ವಿಯ ಕೊನೇ ಎಪಿಸೋಡ್​ ಇದಾಗಿದ್ದು, ಮತ್ತೆ ಮುಂದಿನ ಮನ್​ ಕೀ ಬಾತ್​​ ಬರುವ ವರ್ಷವೇ ಇರಲಿದೆ. ಸಾಮಾನ್ಯವಾಗಿ ಪ್ರತಿ ಬಾರಿಯೂ ಮನ್​ ಕೀ ಬಾತ್ ಪೂರ್ವದಲ್ಲಿ ಪ್ರಧಾನಿ ಮೋದಿ, ಯಾವ ವಿಷಯದ ಬಗ್ಗೆ ಮಾತನಾಡಲಿ ಎಂದು ಜನರ ಬಳಿ ಸಲಹೆ ಕೇಳುತ್ತಾರೆ. ಜನರೂ ಕೂಡ ತಮ್ಮ ಅನಿಸಿಕೆಗಳನ್ನು ಮುಕ್ತವಾಗಿ ಅವರ ಬಳಿ ಹೇಳಿಕೊಳ್ಳಬಹುದಾಗಿದೆ. ಹಾಗೇ, ಈ ಬಾರಿ ಕೂಡ ಅವರಿಗೆ ಜನರಿಂದ ಅನೇಕ ರೀತಿಯ ಸಲಹೆಗಳು ಬಂದಿವೆ ಎಂದು ಅವರೇ ತಿಳಿಸಿದ್ದಾರೆ. 

ತಿಂಗಳ ಪ್ರಾರಂಭದಲ್ಲಿಯೇ ಮನ್​ ಕೀ ಬಾತ್​ ಬಗ್ಗೆ ಟ್ವೀಟ್ ಮಾಡಿದ್ದ ಅವರು, 2021ರ ಕೊನೇ ಮನ್​ ಕೀ ಬಾತ್​ನ್ನು ಡಿ.26ರಂದು ನಡೆಸಲಿದ್ದೇನೆ. ವರ್ಷದ ಕೊನೇ ಮನ್​ ಕೀ ಬಾತ್​ಗೆ ಸಂಬಂಧಪಟ್ಟಂತೆ ಈಗಾಗಲೇ ಹಲವು ಸಲಹೆಗಳನ್ನು ಜನರು ನನಗೆ ನೀಡುತ್ತಿದ್ದಾರೆ. ವಿಭಿನ್ನ ಕ್ಷೇತ್ರದಲ್ಲಿ ಸಾಧನೆ ಮಾಡುತ್ತಿರುವವರು, ತಳಮಟ್ಟದಲ್ಲಿ ಬದಲಾವಣೆ ತರಲು ಪ್ರಯತ್ನ ಮಾಡುತ್ತಿರುವವರ ಜೀವನದ ಬಗ್ಗೆ ಮನ್​ ಕೀ ಬಾತ್​​ನಲ್ಲಿ ಮಾತನಾಡಿ ಎಂದು ಹಲವರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ ಎಂದು ತಿಳಿಸಿದ್ದರು.

ನರೇಂದ್ರ ಮೋದಿ ಪ್ರಧಾನಮಂತ್ರಿಯಾದ ಮೇಲೆ, 2014ರಲ್ಲಿ ಈ ಮನ್​ ಕೀ ಬಾತ್​ ಶುರು ಮಾಡಿದ್ದರು. ಜನರೊಂದಿಗೆ ನೇರವಾಗಿ ಮಾತನಾಡಲು (ರಾಜಕೀಯದ ಹೊರತಾಗಿ) ಮನ್​ ಕೀ ಬಾತ್​​ ವೇದಿಕೆ ಸೃಷ್ಟಿಸಿಕೊಂಡರು. ಈ ಸರಣಿಯ ಮೊದಲ ಎಪಿಸೋಡ್​ ಪ್ರಸಾರವಾಗಿದ್ದು 2014ರ ಅಕ್ಟೋಬರ್ 3ರಂದು. ಅಂದಿನಿಂದಲೂ ಪ್ರತಿ ತಿಂಗಳ ಕೊನೇ ಭಾನುವಾರ ತಪ್ಪದೆ ಈ ಮನ್​ ಕೀ ಬಾತ್​ ನಡೆಸುತ್ತಿದ್ದಾರೆ. ಸ್ವಚ್ಛ ಭಾರತ ಅಭಿಯಾನದಿಂದ..ಆತ್ಮ ನಿರ್ಭರ ಭಾರತ ಅಭಿಯಾನದವರೆಗೆ ಅನೇಕ ವಿಚಾರಗಳನ್ನು ಇಲ್ಲಿ ಮಾತನಾಡಿದ್ದಾರೆ. ಅದೆಷ್ಟೋ ಸಾಧಕರ ಬಳಿ ಸಂವಾದ ನಡೆಸಿದ್ದಾರೆ. ಪ್ರಮುಖ ದಿನಗಳನ್ನು ನೆನಪಿಸಿದ್ದಾರೆ. ಕೊವಿಡ್​ 19 ಬಗ್ಗೆ ಅರಿವು ಮೂಡಿಸಿದ್ದಾರೆ.

ಇಂದಿನ ಮನ್​ ಕೀ ಬಾತ್​ ವೀಕ್ಷಣೆ ಹೇಗೆ? ಮನ್​ ಕೀ ಬಾತ್​ ರೇಡಿಯೋ ಕಾರ್ಯಕ್ರಮ ಇಂದು ಬೆಳಗ್ಗೆ 11 ಗಂಟೆಗೆ ಪ್ರಸಾರಗೊಳ್ಳಲಿದೆ. ರೇಡಿಯೋ ಮತ್ತು ದೂರದರ್ಶನದಲ್ಲಿ ಲೈವ್​ ಪ್ರಸಾರವಾಗಲಿದೆ. AIR ಮತ್ತು ದೂರದರ್ಶನದ ಎಲ್ಲ ನೆಟ್​ವರ್ಕ್​​ನಲ್ಲಿ ಮನ್​ ಕೀ ಬಾತ್​ ಪ್ರಸಾರಗೊಳ್ಳಲಿದೆ ಎಂದು ಪ್ರಸಾರ ಭಾರತಿ ತಿಳಿಸಿದೆ. ಆಲ್​ ಇಂಡಿಯಾ ರೇಡಿಯೋದ ನ್ಯೂಸ್​ವೆಬ್​ಸೈಟ್​ ಮತ್ತು  newsonair ಮೊಬೈಲ್​ ಆ್ಯಪ್​​ನಲ್ಲೂ ಕೂಡ ಮನ್​ ಕೀ ಬಾತ್​ ಕೇಳಬಹುದು. ಅದರೊಂದಿಗೆ ಆಲ್​ ಇಂಡಿಯಾ ರೇಡಿಯೋ ನ್ಯೂಸ್​, ಡಿಡಿ ನ್ಯೂಸ್ ಪಿಎಂಒ, ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಯೂಟ್ಯೂಬ್​ ಚಾನಲ್​​ಗಳಲ್ಲಿ ಕೂಡ ನೇರ ಪ್ರಸಾರ ಆಗಲಿದೆ.

ಇದನ್ನೂ ಓದಿ: PM Narendra Modi Speech: ಹಿರಿಯ ನಾಗರಿಕರಿಗೆ ಜನವರಿ 10ರಿಂದ ಬೂಸ್ಟರ್ ಡೋಸ್: ಮೋದಿ ಭಾಷಣದ ಮುಖ್ಯ ಅಂಶಗಳಿವು

Follow us on

Related Stories

Most Read Stories

Click on your DTH Provider to Add TV9 Kannada