Air India: ಶಂಕರ್ ಮಿಶ್ರಾಗೆ ಶಿಕ್ಷೆ, ಜೌಹರ್ ಅಲಿಖಾನ್‌ಗೆ ಜಾಮೀನು, ಈ ತಾರತಮ್ಯ ಏಕೆ ಎಂದು ಪ್ರಶ್ನಿಸಿದ ಬಿಜೆಪಿ ನಾಯಕ
ದೆಹಲಿಯ ವಿಮಾನ ನಿಲ್ದಾಣದಲ್ಲಿ ನಡೆದ ಮೂತ್ರ ವಿಸರ್ಜನೆಯ ಹೊಸ ಪ್ರಕರಣಕ್ಕೂ ಹಾಗೂ 2022 ನವೆಂಬರ್ನಲ್ಲಿ ಏರ್ ಇಂಡಿಯಾದಲ್ಲಿ ನಡೆದ ಮೂತ್ರ ವಿಸರ್ಜನೆಯ ಪ್ರಕರಣದ ನಡುವಿನ ಹೋಲಿಕೆಯು ಅಪರಾಧಿಗಳ ಧರ್ಮದ ವಿಚಾರಗಳಿಗೆ ಈಗ ಕಾರಣವಾಗಿದೆ.
Updated on:Jan 12, 2023 | 11:52 AM
ದೆಹಲಿಯ ವಿಮಾನ ನಿಲ್ದಾಣದಲ್ಲಿ (delhi airport) ನಡೆದ ಮೂತ್ರ ವಿಸರ್ಜನೆಯ ಹೊಸ ಪ್ರಕರಣಕ್ಕೂ ಹಾಗೂ 2022 ನವೆಂಬರ್ನಲ್ಲಿ ಏರ್ ಇಂಡಿಯಾದಲ್ಲಿ (Air India) ನಡೆದ ಮೂತ್ರ ವಿಸರ್ಜನೆಯ ಪ್ರಕರಣದ ನಡುವಿನ ಹೋಲಿಕೆಯು ಅಪರಾಧಿಗಳ ಧರ್ಮದ ವಿಚಾರಗಳಿಗೆ ಈಗ ಕಾರಣವಾಗಿದೆ. ಇತ್ತೀಚೆಗೆ ದೆಹಲಿ ವಿಮಾನ ನಿಲ್ದಾಣದಲ್ಲಿ ಮೂತ್ರ ವಿಸರ್ಜನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿ ಜೌಹರ್ ಅಲಿಖಾನ್‌ಗೆ ಬಂಧನ ಮಾಡಿ ಅದೇ ದಿನ ದೆಹಲಿ ಪೊಲೀಸರು ಜಾಮೀನು ನೀಡಿದ್ದು ಏಕೆ ಎಂದು ಪ್ರಶ್ನಿಸಿದ ಬಿಜೆಪಿ ನಾಯಕ ಕಪಿಲ್ ಮಿಶ್ರಾ ಇದೇ ರೀತಿಯ ಘಟನೆ ಈ ಹಿಂದೆ ಏರ್ ಇಂಡಿಯಾ ನಡೆದಿತ್ತು, ಆದರೆ ಆರೋಪಿ ಶಂಕರ್ ಮಿಶ್ರಾಗೆ ಜಾಮೀನು ನೀಡುವುದನ್ನು ವಿರೋಧಿಸಿದ್ದಾರೆ ಎಂದು ಹೇಳಿದ್ದಾರೆ. ಇದೀಗ ಈ ವಿಚಾರ ಭಾರೀ ಚರ್ಚೆ ಕಾರಣವಾಗಿದೆ. ನ್ಯೂಯಾರ್ಕ್-ದೆಹಲಿ ಏರ್ ಇಂಡಿಯಾ ವಿಮಾನದಲ್ಲಿ ನವೆಂಬರ್ನಲ್ಲಿ ಮೊದಲ ಮೂತ್ರ ವಿಸರ್ಜನೆ ಪ್ರಕರಣ ನಡೆದಿತ್ತು. ನಂತರ ದೆಹಲಿಯಲ್ಲಿ ಮತ್ತೊಬ್ಬ ವ್ಯಕ್ತಿ ವಿಮಾನ ನಿಲ್ದಾಣದಲ್ಲಿ ಮೂತ್ರ ವಿಸರ್ಜನೆ ಮಾಡಿದ ಪ್ರಕರಣ ಬೆಳಕಿಗೆ ಬಂದಿದೆ.
ಈ ಬಗ್ಗೆ ಯಾವುದೇ ಮಾಧ್ಯಮಗಳು ಅಥವಾ ನಾಯಕರು ಮಾತನಾಡುತ್ತಿಲ್ಲ ಎಂದು ಹೇಳಿದ್ದಾರೆ. ಜೌಹರ್ ಅವರನ್ನು ಕೆಲಸದಿಂದ ಏಕೆ ವಜಾಗೊಳಿಸಿಲ್ಲ ಆದರೆ ಶಂಕರ್ ಅವರನ್ನು ಕೆಲಸದಿಂದ ವಜಾಗೊಳಿಸಲಾಗಿದೆ? ಎಂದು ಬಿಜೆಪಿ ನಾಯಕರು ಟ್ವೀಟ್ ಮಾಡಿದ್ದಾರೆ.
Same crime , different Punishment
Jauhar Ali khan given bail same day but Delhi Police is opposing the bail for Shankar Mishra . Why
Why no media is shouting “Khan The Urinator now”?
Why Jauhar is not sacked from his job but Shankar is sacked from his job ?
Why ? https://t.co/rya1kKL26o
— Kapil Mishra (@KapilMishra_IND) January 11, 2023
ಏರ್ ಇಂಡಿಯಾ ಮೂತ್ರ ವಿಸರ್ಜನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಿಶ್ರಾ ತಂದೆ ವಾಟ್ಸಾಪ್ ಸಂದೇಶ ಕಳುಹಿಸಿದ್ದರು ಎಂದು ದೂರುದಾರರು ಹೇಳಿದ್ದಾರೆ. ಇಲ್ಲಿಯವರೆಗೆ ಮೂರು ಮೂತ್ರ ವಿಸರ್ಜನೆಯ ಘಟನೆಗಳು ವರದಿಯಾಗಿವೆ. ಮೊದಲನೆಯದು ಕಳೆದ ವರ್ಷ ನವೆಂಬರ್ನಲ್ಲಿ ಏರ್ ಇಂಡಿಯಾ ವಿಮಾನದಲ್ಲಿ ನಡೆದ ಘಟನೆ ಮತ್ತು ಮಹಿಳಾ ಪ್ರಯಾಣಿಕರ ದೂರಿನ ನಂತರ ವರದಿಯಾದ ನಂತರ ಆತನಿಗೆ ನೋಟಿಸ್ ನೀಡಲಾಗಿತ್ತು. ಕುಡಿದ ಅಮಲಿನಲ್ಲಿ ಮಹಿಳೆಯ ಮೇಲೆ ಮೂತ್ರ ವಿಸರ್ಜನೆ ಮಾಡಿದ್ದಕ್ಕಾಗಿ ಆರೋಪಿ ಶಂಕರ್ ಮಿಶ್ರಾ ಅವರನ್ನು ಬಂಧಿಸಿ ಕೆಲಸದಿಂದ ವಜಾಗೊಳಿಸಲಾಗಿತ್ತು.
ಇದನ್ನು ಓದಿ:Air India: ವಿಮಾನದಲ್ಲಿ ಮಹಿಳೆ ಮೇಲೆ ಮೂತ್ರ ವಿಸರ್ಜನೆ ಪ್ರಕರಣ: ಆರೋಪಿ ಶಂಕರ್ ಮಿಶ್ರಾಗೆ 14 ದಿನ ನ್ಯಾಯಾಂಗ ಬಂಧನ
ಕಳೆದ ವರ್ಷ ಡಿಸೆಂಬರ್ 6ರಂದು ಪ್ಯಾರಿಸ್-ದೆಹಲಿ ಏರ್ ಇಂಡಿಯಾ ವಿಮಾನದಲ್ಲಿ ಎರಡನೇ ಘಟನೆ ವರದಿಯಾಗಿದೆ. ಕುಡಿದ ಅಮಲಿನಲ್ಲಿದ್ದ ಪ್ರಯಾಣಿಕನನ್ನು ಬಂಧಿಸಲಾಯಿತು ಆದರೆ ಅವರು ಲಿಖಿತ ಕ್ಷಮೆಯಾಚಿಸಿದ ನಂತರ ಯಾವುದೇ ಕ್ರಮವನ್ನು ತೆಗೆದುಕೊಳ್ಳಲಿಲ್ಲ.
ಮೂರನೇ ಘಟನೆ ಜನವರಿ 8 ರಂದು ದೆಹಲಿ ವಿಮಾನ ನಿಲ್ದಾಣದ ಟರ್ಮಿನಲ್ 3ರ ನಿರ್ಗಮನ ಗೇಟ್ 6ರ ಮುಂದೆ ದಮ್ಮಾಮ್‌ಗೆ ಪ್ರಯಾಣಿಸುತ್ತಿದ್ದ ಜೌಹರ್ ಅಲಿ ಖಾನ್ ಮೂತ್ರ ವಿಸರ್ಜನೆ ಮಾಡಿದ ಘಟನೆ. ಬಿಹಾರ ನಿವಾಸಿ ಖಾನ್ ಅವರನ್ನು ಅದೇ ದಿನ ಬಂಧಿಸಿ ಜಾಮೀನು ಬಾಂಡ್ ಮೇಲೆ ಬಿಡುಗಡೆ ಮಾಡಲಾಯಿತು. ವೈದ್ಯಕೀಯ ಪರೀಕ್ಷೆಯಲ್ಲಿ ಮದ್ಯ ಸೇವಿಸಿರುವುದು ದೃಢಪಟ್ಟಿದೆ. ಮೊದಲ ಘಟನೆಯ ಬಗ್ಗೆ ದೊಡ್ಡ ದೊಡ್ಡ ಚರ್ಚೆಗಳು ನಡೆದಿತ್ತು. ಅದು ಭಾರೀ ಚರ್ಚೆ ಕೂಡ ಕಾರಣವಾಗಿತ್ತು. ಅವರ ಪ್ರಕರಣದ ತೀರ್ಪನ್ನು ಕಾಯ್ದಿರಿಸಲಾಗಿದೆ ಮತ್ತು ನ್ಯಾಯಾಧೀಶರು ವಯಸ್ಸಾದ ಮಹಿಳೆಯ ಮೇಲೆ ಮೂತ್ರ ವಿಸರ್ಜನೆಯ ಕೃತ್ಯವನ್ನು ಅತ್ಯಂತ ಅಸಹ್ಯಕರ ಮತ್ತು ಎಂದು ಹೇಳಿದರು.
ಮೊದಲ ಏರ್ ಇಂಡಿಯಾ ಘಟನೆ ವರದಿಯಾದ ಕೂಡಲೇ ಆರೋಪಿಯ ಧರ್ಮದ ವಿಷಯವು ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆಯಾಗಿದೆ . ಪತ್ರಕರ್ತ ರಾಜ್‌ದೀಪ್ ಸರ್ದೇಸಾಯಿ ಟ್ವೀಟ್ನಲ್ಲಿ, ಶೇಖರ್ ಮಿಶ್ರಾ, ಮಿಶ್ರಾ ಅಲ್ಲ ಆದರೆ ಖಾನ್ ಆಗಿದ್ದರೆ ಏನಾಗುತ್ತಿತ್ತು ಎಂದು ಆಶ್ಚರ್ಯಪಟ್ಟಿದ್ದಾರೆ. ಈ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಆಕ್ರೋಶದ ಕಾರ್ಟ್‌ವೀಲ್‌ಗಳನ್ನು ಯಾರು ಮಾಡುತ್ತಾರೆ ಎಂದು ಊಹಿಸಿ? ಒಬ್ಬ ಮಿಶ್ರಾ ಅಥವಾ ಖಾನ್, ಕಾನೂನು ಎಲ್ಲರಿಗೂ ಒಂದೇ ಆಗಿರಬೇಕು. ಒಪ್ಪುತ್ತೀರಾ? ಟ್ವೀಟ್ನಲ್ಲಿ ಬರೆದುಕೊಂಡಿದ್ದಾರೆ.
Dear @sardesairajdeep, The law is same for everyone. Be it Arfa or Rajdeep. It’s the media (vulture media, according to you) which discriminates. I am sure if it was a Khan, you would have called him a victim by now. Pl think and reflect. https://t.co/slo2YXIms6
— Vivek Ranjan Agnihotri (@vivekagnihotri) January 6, 2023
ಇದಕ್ಕೆ ಪ್ರತಿಕ್ರಿಯಿಸಿದ ಚಿತ್ರ ನಿರ್ಮಾಪಕ ವಿವೇಕ್ ಅಗ್ನಿಹೋತ್ರಿ, ಕಾನೂನು ಎಲ್ಲರಿಗೂ ಒಂದೇ… ಮಾಧ್ಯಮಗಳು ತಾರತಮ್ಯ ಮಾಡುತ್ತವೆ. ಖಾನ್ ಆಗಿದ್ದರೆ ಇಷ್ಟೊತ್ತಿಗೆ ಅವರನ್ನು ಬಲಿಪಶು ಎಂದು ಕರೆಯುತ್ತಿದ್ದಿರಿ ಎಂದು ನನಗೆ ಗೊತ್ತು. ದಯವಿಟ್ಟು ಯೋಚಿಸಿ ಎಂದು ಅಗ್ನಿಹೋತ್ರಿ ಟ್ವೀಟ್ ಮಾಡಿದ್ದಾರೆ.
ದೇಶದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 11:50 am, Thu, 12 January 23
