ಪಾಕಿಸ್ತಾನದ ಈ ಪ್ರಜೆಗಳಿಗೆ ಭಾರತದ ಗಡಿಯೊಳಗೆ ಪ್ರವೇಶಿಸಲು ಮುಕ್ತ ಅವಕಾಶ

ನವದೆಹಲಿ, ಮೇ 2: ಭಾರತ ಮತ್ತು ಪಾಕಿಸ್ತಾನದ (Pakistan) ನಡುವಿನ ಪ್ರಯಾಣವು ಸಾಮಾನ್ಯವಾಗಿ ತೀವ್ರವಾಗಿ ನಿರ್ಬಂಧಿಸಲ್ಪಟ್ಟಿದ್ದರೂ, ಎರಡು ದೇಶಗಳ ನಡುವಿನ ಉದ್ವಿಗ್ನ ಸಮಯದಲ್ಲೂ ಕೆಲವು ಪಾಕಿಸ್ತಾನೀಯರಿಗೆ ಭಾರತದೊಳಗೆ ಹೆಚ್ಚಿನ ನಿರ್ಬಂಧವಿಲ್ಲದೆ ಬರಲು ಅವಕಾಶವಿದೆ. ಹೆಚ್ಚಿನ ತೊಂದರೆಯಿಲ್ಲದೆ ಭಾರತಕ್ಕೆ ಭೇಟಿ ನೀಡಲು ಅನುಮತಿ ನೀಡಲಾದ ಪಾಕಿಸ್ತಾನಿ ನಾಗರಿಕರ ಒಂದು ಸಣ್ಣ ಗುಂಪು ಇದೆ. ಪಹಲ್ಗಾಮ್ ದಾಳಿ (Pahalgam Attack) ಸೇರಿದಂತೆ ಇತ್ತೀಚಿನ ಭದ್ರತಾ ಸಮಸ್ಯೆಗಳ ನಂತರ, ಭಾರತ ಮತ್ತು ಪಾಕಿಸ್ತಾನ ಎರಡೂ ಪರಸ್ಪರ ವೀಸಾಗಳಲ್ಲಿ ಉಳಿದುಕೊಂಡಿರುವ ನಾಗರಿಕರು ತಮ್ಮ ತಾಯ್ನಾಡಿಗೆ ಮರಳಲು ಸೂಚಿಸಿವೆ. ಆದರೆ ಈ ಸೂಕ್ಷ್ಮ ಸಮಯದಲ್ಲೂ ಸಹ, ಕೆಲವು ಪಾಕಿಸ್ತಾನಿ ಪ್ರಜೆಗಳಿಗೆ ಇನ್ನೂ ಭಾರತದೊಳಗೆ ಬರಲು ಅನುಮತಿ ನೀಡಲಾಗುತ್ತಿದೆ.

ಈ ರೀತಿ ವಿಶೇಷ ಅನುಮತಿ ಇರುವ ವ್ಯಕ್ತಿಗಳು ಭಾರತ ನೀಡುವ ವಿಶೇಷ ರೀತಿಯ ವೀಸಾವನ್ನು ಹೊಂದಿದ್ದಾರೆ. ಅವರಿಗೆ ನೋರಿ (NORI) ವೀಸಾ ನೀಡಲಾಗಿದಎ. ಇದು “ಭಾರತಕ್ಕೆ ಮರಳಲು ಯಾವುದೇ ಆಕ್ಷೇಪಣೆ ಇಲ್ಲ” ಎಂದರ್ಥ. ಈ ವೀಸಾ ಸಾಮಾನ್ಯವಾಗಿ 5 ವರ್ಷಗಳವರೆಗೆ ಮಾನ್ಯವಾಗಿರುತ್ತದೆ. ಮುಖ್ಯವಾಗಿ ಪಾಕಿಸ್ತಾನ ಮತ್ತು ಬಾಂಗ್ಲಾದೇಶದಂತಹ ನೆರೆಯ ರಾಷ್ಟ್ರಗಳ ಜನರಿಗೆ ಈ ವೀಸಾ ನೀಡಲಾಗುತ್ತದೆ. ಈ ವೀಸಾ ಪಡೆದವರಲ್ಲಿ ಹೆಚ್ಚಿನವರು ಭಾರತೀಯ ನಾಗರಿಕರನ್ನು ಮದುವೆಯಾಗಿರುವ ಅಥವಾ ಭಾರತದಲ್ಲಿ ವಾಸಿಸುವ ನಿಕಟ ಕುಟುಂಬ ಸದಸ್ಯರನ್ನು ಹೊಂದಿರುವ ಪಾಕಿಸ್ತಾನಿಗಳು. ಈ ವೀಸಾದಲ್ಲಿ ಅವರಿಗೆ ಭಾರತದಲ್ಲಿ ವಾಸಿಸಲು ಅವಕಾಶವಿದ್ದರೂ, ಅವರಿಗೆ ಭಾರತೀಯ ಪೌರತ್ವ ನೀಡಲಾಗುವುದಿಲ್ಲ.

ಇದನ್ನೂ ಓದಿ: ಭಾರತದಿಂದ ವೈಮಾನಿಕ ದಾಳಿ ಭೀತಿ; ಪಾಕಿಸ್ತಾನದಿಂದ ಗಡಿಯಲ್ಲಿ ತುರ್ತು ಸೈರನ್ ಅಳವಡಿಕೆ

ಇದನ್ನೂ ಓದಿ

ರಾಜ್ಯಸಭೆಯಲ್ಲಿ ಅಸಂಸದೀಯ ಹೇಳಿಕೆಗೆ ಮಲ್ಲಿಕಾರ್ಜುನ ಖರ್ಗೆ ಕ್ಷಮೆಯಾಚನೆ

ಬಸ್‌ ತಡೆದು ನಡು ರಸ್ತೆಯಲ್ಲಿ ಪಾನಮತ್ತ ಮಹಿಳೆಯ ಕಿರಿಕ್; ವಿಡಿಯೋ ವೈರಲ್‌

ಛತ್ತೀಸ್​ಗಢ ಮಾಜಿ ಸಿಎಂ ಭೂಪೇಶ್ ಬಘೇಲ್ ಮನೆ ಸೇರಿ ಹಲವೆಡೆ ಇಡಿ ದಾಳಿ

ಮೊಬೈಲ್​ನಲ್ಲಿ ಮಾತನಾಡುತ್ತಾ ಬಾವಿಗೆ ಬಿದ್ದು ವಿದ್ಯಾರ್ಥಿ ಸಾವು

ರಾಜಕೀಯ ಉದ್ವಿಗ್ನತೆಗಳು ಮತ್ತು ಕಟ್ಟುನಿಟ್ಟಾದ ವಲಸೆ ನಿಯಂತ್ರಣಗಳ ಹೊರತಾಗಿಯೂ, NORI ವೀಸಾ ಹೊಂದಿರುವವರು ಇತರ ಪಾಕಿಸ್ತಾನಿ ಪ್ರಜೆಗಳು ಅನುಭವಿಸಬಹುದಾದ ಅದೇ ಮಟ್ಟದ ಪರಿಶೀಲನೆ ಅಥವಾ ಕಾನೂನು ಅಡೆತಡೆಗಳನ್ನು ಎದುರಿಸದೆ ತಮ್ಮ ಪಾಕಿಸ್ತಾನಿ ಪಾಸ್‌ಪೋರ್ಟ್ ಬಳಸಿ ಭಾರತಕ್ಕೆ ಪ್ರವೇಶಿಸಲು ಅನುಮತಿಸಲಾಗಿದೆ. ಅವರು ಪಾಕಿಸ್ತಾನಕ್ಕೆ ಹಿಂತಿರುಗಬಹುದು ಮತ್ತು ವೀಸಾ ನಿಯಮಗಳೊಳಗೆ ಭಾರತಕ್ಕೆ ಕೂಡ ಪ್ರಯಾಣಿಸಬಹುದು. ಹಾಗಂತ ಅವರಿಗೆ ಯಾವುದೇ ನಿಯಮಗಳಿಲ್ಲ ಎಂದು ಅರ್ಥವಲ್ಲ. ಅವರಿಗೂ ಕೆಲವು ನಿಯಮಗಳಿವೆ. NORI ವೀಸಾ ಹೊಂದಿರುವವರಿಗೆ ಸಹ ಪ್ರತಿ ವರ್ಷ ಭಾರತಕ್ಕೆ ನೀಡಬಹುದಾದ ಭೇಟಿಗಳ ಸಂಖ್ಯೆ ಸೀಮಿತವಾಗಿದೆ. ಅವರು ವೀಸಾ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು. ಆದರೆ ನಿಯಮಿತ ವೀಸಾ ಹೊಂದಿರುವವರಿಗೆ ಹೋಲಿಸಿದರೆ, ಅವರಿಗೆ ಗಡಿಯಲ್ಲಿ ಹೆಚ್ಚು ನಿರ್ಬಂಧ ಇರುವುದಿಲ್ಲ.

ಇದನ್ನೂ ಓದಿ:  ಪಾಕಿಸ್ತಾನ ರೇಡಿಯೋಗಳಲ್ಲಿ ಭಾರತೀಯ ಹಾಡುಗಳ ಪ್ರಸಾರಕ್ಕೆ ನಿರ್ಬಂಧ

NORI ವೀಸಾ ಎಂದರೇನು?:

NORI ಎಂದರೆ “ಭಾರತಕ್ಕೆ ಮರಳಲು ಯಾವುದೇ ಆಕ್ಷೇಪಣೆ ಇಲ್ಲ” ಎಂದರ್ಥ. ಇದು ಪಾಕಿಸ್ತಾನಿ ಮತ್ತು ಬಾಂಗ್ಲಾದೇಶಿ ನಾಗರಿಕರಿಗೆ ಭಾರತ ನೀಡುವ ವಿಶೇಷ ವರ್ಗದ ವೀಸಾ. ಪ್ರವಾಸಿ ವೀಸಾಗಳಿಗಿಂತ ಭಿನ್ನವಾಗಿ ಇದು ಭಾರತದೊಂದಿಗೆ ಆಳವಾದ ವೈಯಕ್ತಿಕ ಸಂಬಂಧ ಹೊಂದಿರುವ ಜನರಿಗೆ ನೀಡುವ ವೀಸಾವಾಗಿದೆ.

ಯಾರಿಗೆ ಈ ವೀಸಾ ನೀಡಲಾಗುತ್ತದೆ?:

– ಭಾರತೀಯ ನಾಗರಿಕರನ್ನು ವಿವಾಹವಾಗಿದ್ದವರಿಗೆ.

– ಮಕ್ಕಳು ಅಥವಾ ಪೋಷಕರಂತಹ ನಿಕಟ ಕುಟುಂಬ ಸದಸ್ಯರು ಭಾರತದಲ್ಲಿ ವಾಸಿಸುತ್ತಿದ್ದರೆ.

– ಆರೈಕೆ ಮತ್ತು ಬೆಂಬಲಕ್ಕಾಗಿ ಭಾರತದಲ್ಲಿ ವಾಸಿಸುವ ಸಂಬಂಧಿಕರ ಮೇಲೆ ಅವಲಂಬಿತರಾಗಿದ್ದರೆ.

NORI ವೀಸಾವು ಅವರಿಗೆ ಭಾರತದಲ್ಲಿ ದೀರ್ಘಾವಧಿಯವರೆಗೆ ಅಂದರೆ ಸಾಮಾನ್ಯವಾಗಿ 5 ವರ್ಷಗಳವರೆಗೆ ಭೇಟಿ ನೀಡಲು ಅವಕಾಶ ನೀಡುತ್ತದೆ. ಆದರೆ ಅವರಿಗೆ ಭಾರತೀಯ ಪೌರತ್ವ ಸಿಗುವುದಿಲ್ಲ. NORI ಪ್ರಮಾಣಪತ್ರಗಳನ್ನು ಹೊಂದಿರುವ 70ಕ್ಕೂ ಹೆಚ್ಚು ಪಾಕಿಸ್ತಾನಿ ಮಹಿಳೆಯರು ಭಾರತಕ್ಕೆ ಮರಳಿದ್ದಾರೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ