IPL 2027: ಆರ್ಸಿಬಿಗೆ ಇಶಾನ್ ಕಿಶನ್, ಸನ್ರೈಸರ್ಸ್ಗೆ ಜಿತೇಶ್ ಶರ್ಮಾ..!
IPL 2027 Trade Rumor: ಐಪಿಎಲ್ 2027 ಗಾಗಿ ಸನ್ರೈಸರ್ಸ್ ಹೈದರಾಬಾದ್ (SRH) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ನಡುವೆ ಬಹುದೊಡ್ಡ ಆಟಗಾರ ವಿನಿಮಯ ನಡೆಯುವ ಸಾಧ್ಯತೆಯಿದೆ. SRH ಭಾರತೀಯ ಫಿನಿಷರ್ ಜಿತೇಶ್ ಶರ್ಮಾ ಮೇಲೆ ಕಣ್ಣಿಟ್ಟಿದ್ದು, RCB ಪ್ರತಿಯಾಗಿ ಇಶಾನ್ ಕಿಶನ್ಗೆ ಬೇಡಿಕೆಯಿಟ್ಟಿದೆ. ಇಶಾನ್ ಕಿಶನ್ ಭವಿಷ್ಯದ ನಾಯಕನಾಗುವ ಸಾಧ್ಯತೆಗಳಿರುವುದರಿಂದ SRH ನಿರ್ಧಾರ ಕಷ್ಟಕರವಾಗಿದೆ. ಈ ಮೆಗಾ ಡೀಲ್ ಕುರಿತು ಚರ್ಚೆಗಳು ನಡೆಯುತ್ತಿವೆ.
2027 ರ ಐಪಿಎಲ್ಗೆ ಇನ್ನು ಸಾಕಷ್ಟು ಸಮಯವಿದೆ. ಆದರೆ ಈಗಾಗಲೇ ಕೆಲವು ಫ್ರಾಂಚೈಸಿಗಳು ತಮ್ಮ ತಮ್ಮ ತಂಡಗಳಲ್ಲಿನ ಲೋಪದೋಷಗಳನ್ನು ಸರಿ ಮಾಡಲಾರಂಭಿಸಿವೆ. ಇದೀಗ ಕೇಳಿ ಬಂದಿರುವ ಸುದ್ದಿಯ ಪ್ರಕಾರ, ಸನ್ರೈಸರ್ಸ್ ಹೈದರಾಬಾದ್ ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳ ನಡುವೆ ಬಿಗ್ ಡೀಲ್ ನಡೆಯುತ್ತಿದೆ ಎಂದು ವರದಿಯಾಗಿದೆ(PC-PTI).
ಐಪಿಎಲ್ 2026 ರಲ್ಲಿ ಅದ್ಭುತ ಪ್ರದರ್ಶನದೊಂದಿಗೆ ಸನ್ರೈಸರ್ಸ್ ಹೈದರಾಬಾದ್ ಪ್ಲೇಆಫ್ ತಲುಪಿತು, ಆದರೆ ಎಲಿಮಿನೇಟರ್ ಪಂದ್ಯದಲ್ಲಿ ಸೋತು ಐಪಿಎಲ್ ರೇಸ್ನಿಂದ ನಿರ್ಗಮಿಸಿತು. ಇದೀಗ ಕಾವ್ಯ ಮಾರನ್ ನೇತೃತ್ವದ ಎಸ್ಆರ್ಎಚ್ ಮ್ಯಾನೇಜ್ಮೆಂಟ್ ಮುಂಬರುವ ಸೀಸನ್ಗೆ ತಂಡವನ್ನು ಮತ್ತಷ್ಟು ಬಲಪಡಿಸಲು ತಯಾರಿ ಶುರು ಮಾಡಿದೆ. ವಿಶೇಷವಾಗಿ, ಕೆಳ ಕ್ರಮಾಂಕದಲ್ಲಿ ವೇಗವಾಗಿ ರನ್ ಗಳಿಸಬಲ್ಲ ಸರಿಯಾದ ಭಾರತೀಯ ಫಿನಿಷರ್ ಕೊರತೆಯು ತಂಡದಲ್ಲಿ ಪ್ರಮುಖ ಸಮಸ್ಯೆಯಾಗಿದೆ(PC-PTI).
ಈ ದೌರ್ಬಲ್ಯವನ್ನು ನಿವಾರಿಸಲು, ಸನ್ರೈಸರ್ಸ್ ಹೈದರಾಬಾದ್ ಫ್ರಾಂಚೈಸಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಹಾಗೂ ಉಪನಾಯಕ ಜಿತೇಶ್ ಶರ್ಮಾ ಮೇಲೆ ಕಣ್ಣಿಟ್ಟಿದೆ. ಇತ್ತ ಜಿತೇಶ್ ಶರ್ಮಾ ಅವರನ್ನು ಬಿಟ್ಟುಕೊಡಲು ಆರ್ಸಿಬಿ ಕೂಡ ಸಿದ್ಧವಿದ್ದು, ಜಿತೇಶ್ ಬದಲಿಗೆ ಸನ್ರೈಸರ್ಸ್ ತಂಡದಲ್ಲಿರುವ ಮತ್ತೊಬ್ಬ ಸ್ಟಾರ್ ಆಟಗಾರನನ್ನು ಕೇಳಿದೆ ಎಂದು ವರದಿಯಾಗಿದೆ(PC-PTI).
ಜಿತೇಶ್ ಶರ್ಮಾರನ್ನು ಬಿಟ್ಟುಕೊಡಲು ಮುಂದಾಗಿರುವ ಆರ್ಸಿಬಿ, ಎಸ್ಆರ್ಹೆಚ್ನ ಸ್ಟಾರ್ ಬ್ಯಾಟರ್ ಇಶಾನ್ ಕಿಶನ್ ಅವರನ್ನು ನೀಡುವಂತೆ ಕೇಳಿದೆ. ಆರ್ಸಿಬಿಯ ಈ ಬೇಡಿಕೆಯಿಂದ ಹೈದರಾಬಾದ್ ಮ್ಯಾನೇಜ್ಮೆಂಟ್ ಆಘಾತಕ್ಕೊಳಗಾಗಿದೆಯಾದರೂ ಈ ಬಗ್ಗೆ ಮಾತುಕತೆಗಳು ನಡೆಯುತ್ತಿದ್ದು, ಶೀಘ್ರದಲ್ಲೇ ಅಂತಿಮ ನಿರ್ಧಾರಕ್ಕೆ ಬರಲಾಗುವುದು ಎಂದು ವರದಿಯಾಗಿದೆ(PC-PTI).
ಆದಾಗ್ಯೂ, ಫಾರ್ಮ್ನಲ್ಲಿರುವ ಇಶಾನ್ ಕಿಶನ್ನಂತಹ ಪಂದ್ಯ ವಿಜೇತರನ್ನು ಬಿಟ್ಟುಕೊಡುವುದು ಸನ್ರೈಸರ್ಸ್ಗೆ ದೊಡ್ಡ ಹೊಡೆತವಾಗಲಿದೆ. ಪ್ಯಾಟ್ ಕಮ್ಮಿನ್ಸ್ ಅನುಪಸ್ಥಿತಿಯಲ್ಲಿ ತಂಡವನ್ನು ಮುನ್ನಡೆಸಿದ ಇಶಾನ್ ಕಿಶನ್ ಅವರನ್ನು ಎಸ್ಆರ್ಹೆಚ್ ತನ್ನ ಭವಿಷ್ಯದ ನಾಯಕನನ್ನಾಗಿ ನೋಡುತ್ತಿದೆ. ಮುಂಬರುವ ಸೀಸನ್ನಲ್ಲಿ ಕಮ್ಮಿನ್ಸ್ ಆಡುವ ಬಗ್ಗೆ ಅನುಮಾನವಿರುವುದರಿಂದ ಹೈದರಾಬಾದ್ ಇಶಾನ್ ಅವರನ್ನು ಬಿಟ್ಟುಕೊಡಲು ಧೈರ್ಯ ಮಾಡದಿರಬಹುದು(PC-PTI).
Published On - 6:05 pm, Thu, 13 August 26