ಖಾನಾಪುರ: ಬಸ್ಸುಗಳೆ ಇಲ್ಲ! ಕಲಿಕೆಗಾಗಿ ಕಾಡಂಚಿನಲ್ಲಿ ಕಾಡುಪ್ರಾಣಿಗಳ ಎದುರು ಜೀವ ಭಯದಲ್ಲೇ ಕಾಲ್ನಡಿಗೆ ಹಾಕುವ ಶಾಲಾ ಮಕ್ಕಳು!

ಒಟ್ಟಾರೆ ಕಾಡಂಚಿನಲ್ಲಿದ್ರೂ ಓದಿ ಎನಾದ್ರೂ ಸಾಧನೆ ಮಾಡಬೇಕು ಅಂತಾ ಸಾವಿರಾರು ವಿದ್ಯಾರ್ಥಿಗಳು ಜೀವ ಒತ್ತೆ ಇಟ್ಟು ಕಾಡಿನಲ್ಲಿ ನಡೆದುಕೊಂಡು ಬಂದು ಕಲಿಕೆ ಮುಂದುವರೆಸಿದ್ದಾರೆ. ಸರ್ಕಾರಕ್ಕೆ ಸಾಕಷ್ಟು ಮನವಿ ಮಾಡಿದ್ರೂ ಈ ವರೆಗೂ ಸ್ಪಂದಿಸುವ ಕೆಲಸ ಮಾಡಿಲ್ಲ

ಸಹದೇವ್ ಮಾನೆ | Edited By: ಸಾಧು ಶ್ರೀನಾಥ್|
Updated on: Jul 15, 2023 | 6:32 PM

ದಟ್ಟ ಕಾಡಂಚಿನ ಗ್ರಾಮಗಳ ಮಕ್ಕಳ ಅರಣ್ಯರೋದಕ್ಕೆ ಕೊನೆಯೆ ಇಲ್ಲದಂತಾಗಿದೆ. ವಿದ್ಯಾಭ್ಯಾಸಕ್ಕಾಗಿ ಮಕ್ಕಳು ಕಿಲೋ ಮೀಟರ್ ಗಟ್ಟಲೇ ನಡೆದುಕೊಂಡೆ ಹೋಗುವ ಸ್ಥಿತಿ ಇನ್ನೂ ಜೀವಂತ ಇದೆ. ಕಾಡು ಪ್ರಾಣಿಗಳ ಭಯದ ನಡುವೆ ವಿದ್ಯಾಭ್ಯಾಸ ಮುಂದುವರೆಸುವ ಅನಿವಾರ್ಯತೆ ಮಕ್ಕಳಿಗಿದ್ದು ದಟ್ಟ ಕಾಡಿನಲ್ಲೇ ಬರ್ತಾರೆ ಮಕ್ಕಳು. ಬಸ್ ಗಳನ್ನೇ ನೋಡದ ಈ ಭಾಗದ ಮಕ್ಕಳು ಸರ್ಕಾರ ಇನ್ನಾದ್ರೂ ಬಸ್ ವ್ಯವಸ್ಥೆ ಮಾಡಲಿ ಅಂತಾ ಮನವಿ ಮಾಡಿಕೊಳ್ತಿದ್ದಾರೆ. ಅದೆಷ್ಟೋ ಗ್ರಾಮಗಳಿಗೆ ಬಸ್ ಸೌಕರ್ಯ ಇಲ್ಲಾ? ಕಲಿಕೆಗಾಗಿ ಕಾಲ್ನಡಿಗೆಯಲ್ಲಿ ಬರುವ ಮಕ್ಕಳ ಸ್ಥಿತಿ ಹೇಗಿದೆ ಅಂತೀರಾ ಈ ಸ್ಟೋರಿ ನೋಡಿ...
1 / 7

ದಟ್ಟ ಅರಣ್ಯ ಪ್ರದೇಶ, ಭಯಂಕರ ಕಾಡಿನ ನಡುವೆ ಕೈ ಕೈ ಹಿಡಿದುಕೊಂಡು ಹೆಗಲಿಗೆ ಬ್ಯಾಗ್ ಹಾಕಿಕೊಂಡು ನಡೆದುಕೊಂಡು ಬರ್ತಿರುವ ವಿದ್ಯಾರ್ಥಿಗಳು ಅಷ್ಟಕ್ಕೂ ಈ ದೃಶ್ಯ ಕಂಡು ಬಂದಿದ್ದು ಬೆಳಗಾವಿ ಜಿಲ್ಲೆಯ ಖಾನಾಪುರ ತಾಲೂಕಿನ ಪಶ್ಚಿಮ ಘಟ್ಟ ಪ್ರದೇಶದ ಕಾಡಿನಲ್ಲಿ. ನೀಲಾವಡೆ ಅನ್ನೋ ಗ್ರಾಮದಲ್ಲಿ ಸರ್ಕಾರಿ ಮರಾಠಿ ಪ್ರೌಢ ಶಾಲೆ ಇದ್ದು ಈ ಶಾಲೆಗೆ ಸುತ್ತ ಮುತ್ತಲಿನ ಎಂಟಕ್ಕೂ ಅಧಿಕ ಗ್ರಾಮದ ಮಕ್ಕಳು ಬರ್ತಾರೆ.
2 / 7

ಕಾಡಿನಂಚಿನಲ್ಲಿರುವ ಗ್ರಾಮಗಳಿಗೆ ಬಸ್ ಸಂಚಾರ ಇಲ್ಲದ್ದರಿಂದ ನಿತ್ಯವೂ ನಡೆದುಕೊಂಡೇ ಶಾಲೆಗೆ ಬರ್ತಾರೆ ವಿದ್ಯಾರ್ಥಿಗಳು. ಹುಟ್ಟಿದಾಗಿನಿಂದಲೇ ಬಸ್ ಸಂಚಾರವೇ ಇಲ್ಲದ್ದರಿಂದ ಕಾಡಿನಲ್ಲಿ ನಡೆದುಕೊಂಡು ಮುಖ್ಯ ರಸ್ತೆಗೆ ಬಂದು ಖಾಸಗಿ ವಾಹನಗಳಲ್ಲಿ ಜನ ಓಡಾಡ್ತಾರೆ. ಆದ್ರೇ ವಿದ್ಯಾರ್ಥಿಗಳು ಮಾತ್ರ ನಡೆದುಕೊಂಡೇ ಶಾಲೆಗೆ ಬರುವುದು ಅನಿವಾರ್ಯವಾಗಿದೆ. ಎರಡು ಕಿಮೀ ಇಂದ ಹಿಡಿದು ಎಂಟು ಕಿಮೀ ವರೆಗೂ ಗ್ರಾಮಗಳಿದ್ದು ಅಲ್ಲಿಂದ ಕಾಡಿನಲ್ಲೇ ನಡೆದುಕೊಂಡು ಈ ಮಕ್ಕಳು ಓದಲು ಬರ್ತಾರೆ.
3 / 7

ಕಬ್ಬನಾಳಿ, ಕೊಂಕಣವಾಡ್, ಮುಗೊಡ, ಜೋಗಮಠ, ಅಂಬೋಳಿ, ಬಾಂದೇವಾಡಾ ಗ್ರಾಮದಿಂದ ಮಕ್ಕಳು ಈ ರೀತಿ ಕಾಡಿನಲ್ಲಿ ನಡೆದುಕೊಂಡು ಬರ್ತಾರೆ. ಹೀಗೆ ಬರುವ ಸಂದರ್ಭದಲ್ಲಿ ಆಗಾಗ್ಗೆ ಕಾಡು ಕೋಣ, ಕರಡಿ ಸೇರಿದಂತೆ ಹಲವು ಪ್ರಾಣಿಗಳು ಕೂಡ ಎದುರಾಗುತ್ತವೆ. ಹುಲಿ, ಚಿರತೆ, ಕಾಡೆಮ್ಮೆ ಸೇರಿದಂತೆ ಕ್ರೂರ ಪ್ರಾಣಿಗಳಿದ್ದು ಜೀವ ಭಯದಲ್ಲೇ ಮಕ್ಕಳು ಬರ್ತಾರೆ.
4 / 7

ಇನ್ನು ಮೂರು ತಿಂಗಳ ಕಾಲ ಪಶ್ಚಿಮ ಘಟ್ಟ ಪ್ರದೇಶದಲ್ಲಿ ನಿರಂತರವಾಗಿ ಮಳೆ ಕೂಡ ಆಗುತ್ತೆ. ಒಂದು ಕಡೆ ಮಳೆ, ಇನ್ನೊಂದು ಕಡೆ ಕ್ರೂರ ಪ್ರಾಣಿಗಳ ಭಯ -ಇದೆಲ್ಲದರ ನಡುವೆ ನಿತ್ಯವೂ ಕಿಮೀ ಗಟ್ಟಲೆ ಮಕ್ಕಳು ನಡೆದುಕೊಂಡು ಬಂದು ಓದುತ್ತಿದ್ದಾರೆ. ಖಾನಾಪುರ ತಾಲೂಕಿನಲ್ಲಿ 250 ಗ್ರಾಮಗಳ ಪೈಕಿ ಸುಮಾರು 50ಕ್ಕೂ ಅಧಿಕ ಗ್ರಾಮಗಳಿಗೆ ಬಸ್ ಸೌಕರ್ಯವೇ ಇಲ್ಲ. ಕಾಡಂಚಿನಲ್ಲಿ ಪ್ರೌಢ ಶಾಲೆಗಳಲ್ಲಿ ಈ ಬಾರಿ ಶೇಕಡಾ 85ರಷ್ಟು ಅಂಕ ಪಡೆದು ಸಾಧನೆ ಮಾಡಿದ್ದಾರೆ.
5 / 7

ಆದ್ರೇ ಪಾಸ್ ಆದ ವಿದ್ಯಾರ್ಥಿಗಳು ಮುಂದಿನ ಓದಿಗೆ ಖಾನಾಪುರಕ್ಕೆ ಹೋಗಬೇಕಾದ ಅನಿವಾರ್ಯತೆಯಿದ್ದು ಬಸ್, ರಸ್ತೆ ಇಲ್ಲದೇ ಓದು ಮೊಟಕುಗೊಳಿಸುತ್ತಾರೆ. ಕೆಲ ಭಾಗದಲ್ಲಿ ಬಸ್ ಇದ್ದರೂ ಮಕ್ಕಳಿಗೆ ಅದರ ಉಪಯೋಗ ಸಿಗುತ್ತಿಲ್ಲ. ಸಂಚಾರಕ್ಕೆ ಬಸ್ ಬಿಡಿ ಅಂತಾ ಸರ್ಕಾರಕ್ಕೆ ಈಗಾಗಲೇ ಸಾಕಷ್ಟು ಬಾರಿ ಮನವಿ ಮಾಡಿದ್ದಾರೆ. ಸಾರಿಗೆ ಇಲಾಖೆ ಅಧಿಕಾರಿಗಳಿಗೆ ಅರ್ಜಿ ನೀಡಿದ್ದೂ, ಯಾವುದೇ ಪ್ರಯೋಜನ ಮಾತ್ರ ಆಗಿಲ್ಲ. ಮಕ್ಕಳ ಕಲಿಕೆಗೆ ಅನುಕೂಲ ಆಗಲು ಬಸ್ ಸೇರಿ ಮೂಲಭೂತ ಸೌಕರ್ಯ ಒದಗಿಸುವಂತೆ ಶಿಕ್ಷಕರು ಮತ್ತು ಕಾಡಂಚಿನ ಗ್ರಾಮದ ಪೋಷಕರು ಸರ್ಕಾರಕ್ಕೆ ಮತ್ತು ಸಾರಿಗೆ ಇಲಾಖೆಗೆ ಮತ್ತೆ ಮತ್ತೆ ಮನವಿ ಮಾಡಿಕೊಳ್ತಿದ್ದಾರೆ.
6 / 7

ಒಟ್ಟಾರೆ ಕಾಡಂಚಿನಲ್ಲಿದ್ರೂ ಓದಿ ಎನಾದ್ರೂ ಸಾಧನೆ ಮಾಡಬೇಕು ಅಂತಾ ಸಾವಿರಾರು ವಿದ್ಯಾರ್ಥಿಗಳು ಜೀವ ಒತ್ತೆ ಇಟ್ಟು ಕಾಡಿನಲ್ಲಿ ನಡೆದುಕೊಂಡು ಬಂದು ಕಲಿಕೆ ಮುಂದುವರೆಸಿದ್ದಾರೆ. ಸರ್ಕಾರಕ್ಕೆ ಸಾಕಷ್ಟು ಮನವಿ ಮಾಡಿದ್ರೂ ಈ ವರೆಗೂ ಸ್ಪಂದಿಸುವ ಕೆಲಸ ಮಾಡಿಲ್ಲ, ಇನ್ನಾದ್ರೂ ಸಾರಿಗೆ ಇಲಾಖೆ ಮತ್ತು ಸರ್ಕಾರ ಎಚ್ಚೆತ್ತುಕೊಂಡು ಈ ಭಾಗದ ಗ್ರಾಮಗಳಿಗೆ ಶಾಲಾ ಸಮಯಕ್ಕೆ ಒಂದು ಬಸ್ ವ್ಯವಸ್ಥೆ ಮಾಡಿ ಮಕ್ಕಳಿಗೆ ಅನುಕೂಲ ಮಾಡಿಕೊಡುತ್ತಾ ಅನ್ನೋದನ್ನ ಕಾದುನೋಡಬೇಕಿದೆ...
7 / 7

ಸಹದೇವ್ ಮಾನೆ

ಸಹದೇವ ಯಲ್ಲಪ್ಪ ಮಾನೆ. ಹುಟ್ಟಿದ್ದು ಧಾರವಾಡ ತಾಲೂಕಿನ ಗುಳೇದಕೊಪ್ಪ ಗ್ರಾಮ. ಕರ್ನಾಟಕ ವಿಶ್ವ ವಿದ್ಯಾಲಯದಲ್ಲಿ ಸಮೂಹ ಸಂವಹನ ಮತ್ತು ಪತ್ರಿಕೋದ್ಯಮದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದು, ಕಳೆದ 12 ವರ್ಷದಿಂದ ಟಿವಿ ಮಾಧ್ಯಮದಲ್ಲಿ ಕೆಲಸ ನಿರ್ವಹಿಸುತ್ತಿದ್ದೇನೆ. 2014ರಲ್ಲಿ ಬೀದರ್ ಜಿಲ್ಲೆಯಿಂದ ವೃತ್ತಿ ಜೀವನ ಪ್ರಾರಂಭ ಮಾಡಿ ಕಲಬುರಗಿ, ಹುಬ್ಬಳ್ಳಿಯಲ್ಲಿ ಕೆಲಸ ಮಾಡಿ ಸದ್ಯ ‘ಟಿವಿ9’ ಕನ್ನಡ ಸುದ್ದಿ ವಾಹಿನಿಯಲ್ಲಿ 9ವರ್ಷಗಳಿಂದ ಬೆಳಗಾವಿ ಜಿಲ್ಲೆಯಲ್ಲಿ ಹಿರಿಯ ವರದಿಗಾರನಾಗಿ ಕೆಲಸ ನಿರ್ವಹಿಸುತ್ತಿದ್ದೇನೆ. ಬೀದರ್ ಜಿಲ್ಲೆಯಲ್ಲಿ ಅತ್ಯುತ್ತಮ ಜಿಲ್ಲಾ ವರದಿಗಾರ ಪ್ರಶಸ್ತಿ ಪಡೆದಿದ್ದು, ಗಡಿ ಜಿಲ್ಲೆ ಬೆಳಗಾವಿಯಲ್ಲಿ ಜಿಲ್ಲಾ ಮಟ್ಟದ ರಾಜ್ಯೋತ್ಸವ ಪ್ರಶಸ್ತಿ ಕೂಡ ದೊರೆತಿದೆ. ರೈತರ ಸಮಸ್ಯೆಗಳತ್ತ ಬೆಳಕು ಚೆಲ್ಲುವ ವರದಿ ಸೇರಿ ಗಡಿ ಸಮಸ್ಯೆ, ಕ್ರೈಮ್, ಪ್ರವಾಹ ಪರಿಸ್ಥಿತಿ, ನೆರೆಯ ಮಹಾರಾಷ್ಟ್ರ, ಗೋವಾದಲ್ಲಿನ ಬೆಳವಣಿಗೆ ಕುರಿತು ವರದಿ ಮಾಡುತ್ತಿರುವುದು ವಿಶೇಷ.

LIVETV

Related Photo Gallery

200 ಸಿಕ್ಸರ್‌ಗಳನ್ನು ಬಾರಿಸಿ ಇತಿಹಾಸ ನಿರ್ಮಿಸಿದ ರೋಹಿತ್ ಶರ್ಮಾ

ವರುಣಾರ್ಭಟಕ್ಕೆ ಅವಾಂತರ: ಜಲಾವೃತಗೊಂಡ ಅಂಡರ್‌ಪಾಸ್; ಧರೆಗುರುಳಿದ ಮರಗಳು

ಭಾರತದ ವಿರುದ್ಧ 4ನೇ ಏಕದಿನ ಶತಕ ಬಾರಿಸಿದ ಶಾಯ್ ಹೋಪ್

ಐಸಿಸಿ ರ್‍ಯಾಂಕಿಂಗ್‌; ಟಾಪ್ 5ರೊಳಗೆ ಮೂವರು ಭಾರತೀಯರು

Kannada Webstories ಇನ್ನಷ್ಟು ಓದಿ

ಮೊದಲ ವಾರವೇ ಕಳಪೆ ಪಡೆದ ವೈಲ್ಡ್ ಕಾರ್ಡ್ ಗಾನವಿ

ಅಮೆರಿಕದ ಕಂಪೆನಿ ಮೇಲೆ 7000 ಕೋಟಿ ಮೊಕದ್ದಮೆ ಹೂಡಿದ ಊರ್ವಶಿ ರೌಟೆಲ್ಲಾ

ರಜನೀಕಾಂತ್ ‘ಧರ್ಮನ್’ ಸಿನಿಮಾನಲ್ಲಿ ನಟಿ ಶ್ರೀಲೀಲಾ

ಬೋಲ್ಡ್ ಲುಕ್ನಲ್ಲಿ ಕಾಣಿಸಿಕೊಂಡ ನಟಿ ನಭಾ ನಟೇಶ್