Daily Devotional: ನಿಜವಾದ ಭಕ್ತನಲ್ಲಿ ಇರಬೇಕಾದ ಮೂರು ಮುಖ್ಯ ಗುಣಗಳಿವು

ಖ್ಯಾತ ಜ್ಯೋತಿಷಿ ಹಾಗೂ ವಾಸ್ತುತಜ್ಞರಾದ ಡಾ. ಬಸವರಾಜ ಗುರೂಜಿ ಅವರು ತಮ್ಮ ನಿತ್ಯ ಭಕ್ತಿ ಕಾರ್ಯಕ್ರಮದಲ್ಲಿ ಭಕ್ತನಲ್ಲಿ ಇರಬೇಕಾದ ಮೂರು ಪ್ರಮುಖ ಗುಣಗಳನ್ನು ವಿವರಿಸಿದ್ದಾರೆ. ಈ ಗುಣಗಳು ಭಕ್ತಿಯನ್ನು ಆಳವಾಗಿಸುತ್ತದೆ ಮತ್ತು ಭಗವಂತನೊಂದಿಗೆ ಆತ್ಮೀಯ ಸಂಬಂಧವನ್ನು ಬೆಳೆಸಲು ಸಹಾಯ ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ.

ಮೊದಲ ಗುಣವೆಂದರೆ ಸತ್ಯ. ಗುರುಜಿ ಅವರು ಸತ್ಯವಾದ ಮಾತು ಮತ್ತು ಕ್ರಿಯೆಗಳ ಮಹತ್ವವನ್ನು ವಿವರಿಸಿದ್ದಾರೆ. ಸುಳ್ಳು ಮತ್ತು ವಂಚನೆಯಿಂದ ದೂರವಿರುವುದು ಮತ್ತು ಪ್ರಾಮಾಣಿಕತೆಯನ್ನು ಅನುಸರಿಸುವುದು ಅತ್ಯಗತ್ಯ. ನಮ್ಮ ಮಾತಿನಲ್ಲಿ ಸತ್ಯತೆ ಇದ್ದರೆ ಮಾತ್ರ ನಮ್ಮ ಭಕ್ತಿ ನಿಜವಾಗುತ್ತದೆ. ಯಾವುದೇ ಲಾಭಕ್ಕಾಗಿ ಸತ್ಯವನ್ನು ಮರೆಮಾಡುವುದು ತಪ್ಪು ಎಂದು ಗುರೂಜಿ ಎಚ್ಚರಿಸುತ್ತಾರೆ.

ಎರಡನೆಯ ಮುಖ್ಯ ಗುಣವೆಂದರೆ ಧರ್ಮ. ಧರ್ಮ ಎಂದರೆ ಕೇವಲ ಧಾರ್ಮಿಕ ಆಚರಣೆಗಳಲ್ಲ. ಅದು ನಮ್ಮ ದಿನನಿತ್ಯದ ಜೀವನದಲ್ಲಿ ಪ್ರತಿಫಲಿಸುವ ನಡವಳಿಕೆಯಾಗಿದೆ. ವೃದ್ಧರಿಗೆ, ಮಕ್ಕಳಿಗೆ ಮತ್ತು ಪ್ರಾಣಿಗಳಿಗೆ ಗೌರವ ನೀಡುವುದು, ನಮ್ಮ ಸಮಾಜದಲ್ಲಿ ನ್ಯಾಯ ಮತ್ತು ಸಹಾನುಭೂತಿಯನ್ನು ತೋರಿಸುವುದು ಧರ್ಮದ ಭಾಗವಾಗಿದೆ. ವ್ಯಾಪಾರ ವಹಿವಾಟುಗಳಲ್ಲೂ ನಾವು ಧರ್ಮವನ್ನು ಪಾಲಿಸಬೇಕು. ನಮ್ಮ ಕರ್ತವ್ಯಗಳನ್ನು ಪ್ರಾಮಾಣಿಕವಾಗಿ ನಿರ್ವಹಿಸುವುದು ಧರ್ಮದ ಅವಿಭಾಜ್ಯ ಅಂಗ.

ಇದನ್ನೂ ಓದಿ

ಈ ದೇವಾಲಯಕ್ಕೆ ಗಂಡ ಹೆಂಡತಿ ಒಟ್ಟಿಗೆ ಹೋಗುವಂತಿಲ್ಲ, ಯಾಕೆ ಗೊತ್ತಾ?

ಈ ಪ್ರಾಣಿಗಳು ನಿಮ್ಮ ಕನಸಿನಲ್ಲಿ ಪದೇ ಪದೇ ಕಾಣಿಸಿಕೊಂಡರೆ ಅದೃಷ್ಟದ ಸೂಚನೆ

ಕೇದಾರನಾಥ ಯಾತ್ರೆಯ ಸಮಯದಲ್ಲಿ ಈ ವಸ್ತುಗಳನ್ನು ತೆಗೆದುಕೊಂಡು ಹೋಗಲೇಬಾರದು

ವಾರದಲ್ಲಿ ಈ ಎರಡು ದಿನ ಬಟ್ಟೆ ಒಗೆಯಲೇಬೇಡಿ; ಕಷ್ಟಗಳು ತಪ್ಪಿದಲ್ಲ!

ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: Vastu Shastra: ಹೊಸ ಮನೆ ಖರೀದಿಸುವ ಮುನ್ನ ಈ ವಿಷಯ ಪರಿಶೀಲಿಸುವುದು ಅತ್ಯಂತ ಮುಖ್ಯ

ಮೂರನೆಯ ಮತ್ತು ಅತ್ಯಂತ ಮುಖ್ಯವಾದ ಗುಣವೆಂದರೆ ಭಗವಂತನ ನಿರಂತರ ಸ್ಮರಣೆ. ಇದು ಕೇವಲ ಮಂತ್ರಗಳನ್ನು ಪಠಿಸುವುದು ಅಥವಾ ಧಾರ್ಮಿಕ ಕ್ರಿಯೆಗಳನ್ನು ಮಾಡುವುದಲ್ಲ. ಅದು ಹೃದಯದಿಂದ ಬರುವ, ಆಳವಾದ ಭಾವನಾತ್ಮಕ ಸಂಬಂಧ. ಏಕಾಂಗಿಯಾಗಿ ಕುಳಿತು ಭಗವಂತನೊಂದಿಗೆ ಮಾತನಾಡುವುದು, ಅವನನ್ನು ಸ್ಮರಿಸುವುದು ಮತ್ತು ಅವನ ಮೇಲೆ ನಂಬಿಕೆ ಇಡುವುದು ಅತ್ಯಗತ್ಯ.

ಈ ಮೂರು ಗುಣಗಳು – ಸತ್ಯ, ಧರ್ಮ ಮತ್ತು ಭಗವಂತನ ನಿರಂತರ ಸ್ಮರಣೆ – ಜೀವನದ ಎಲ್ಲಾ ಹಂತಗಳಲ್ಲಿ ಭಗವಂತನ ಅನುಗ್ರಹವನ್ನು ಪಡೆಯಲು ಸಹಾಯ ಮಾಡುತ್ತದೆ. ವೃದ್ಧಾಪ್ಯ, ಅಂತ್ಯಕಾಲ ಅಥವಾ ದುರ್ಭಿಕ್ಷದಂತಹ ಕಷ್ಟದ ಸಂದರ್ಭಗಳಲ್ಲಿಯೂ ಭಗವಂತನ ಅನುಗ್ರಹ ನಮ್ಮೊಂದಿಗೆ ಇರುತ್ತದೆ ಎಂದು ಗುರೂಜಿ ಹೇಳಿದ್ದಾರೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ