ಅಗ್ನಿಯ ಸಂಕೇತವಾದ ವಿದ್ಯುತ್​​ ಸ್ವಿಚ್ ಅನ್ನು ಮನೆಯಲ್ಲಿ ಹಾಕುವುದಕ್ಕೆ ವಾಸ್ತು ನಿಯಮಗಳಿವೆ ಎಂದು ನಿಮಗೆ ತಿಳಿದಿದೆಯೇ?

ವಾಸ್ತು ಶಾಸ್ತ್ರದಲ್ಲಿ (Vastu Tips) ಮನೆಯ ರಚನೆ ಮತ್ತು ಮನೆಯ ವಸ್ತುಗಳ ಜೋಡಣೆಗೆ ವಿಶೇಷ ಸ್ಥಾನವಿದೆ. ಮನೆಯಲ್ಲಿರುವ ಪ್ರತಿಯೊಂದು ವಸ್ತುವನ್ನು ವಾಸ್ತು ಪ್ರಕಾರ ಜೋಡಿಸಿದರೆ ಮನೆಯಲ್ಲಿ ಸಮೃದ್ಧಿ ಇರುತ್ತದೆ. ಮನೆಯಲ್ಲಿ ವಿದ್ಯುತ್ ಸರಬರಾಜು (Electricity) ಮಾಡಲು ಅಥವಾ ನಿಯಂತ್ರಿಸಲು ಮುಖ್ಯ ಸ್ವಿಚ್ ಅಳವಡಿಸಲಾಗುತ್ತದೆ. ಆದ್ದರಿಂದ ಇದನ್ನು ಮುಖ್ಯ ಗೃಹೋಪಯೋಗಿ (House) ಉಪಕರಣಗಳಲ್ಲಿ ಪರಿಗಣಿಸಲಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ವಾಸ್ತು ಪ್ರಕಾರ ಮುಖ್ಯ ಸ್ವಿಚ್ ಅಳವಡಿಸುವುದು ಮುಖ್ಯ. ವಾಸ್ತು ಪ್ರಕಾರ ಮೈನ್ ಸ್ವಿಚ್ ಅಳವಡಿಸದಿದ್ದರೆ ಮನೆಯಲ್ಲಿ ಹಲವಾರು ಸಮಸ್ಯೆಗಳು ಎದುರಾಗುತ್ತವೆ. ಹಾಗಾಗಿ ವಾಸ್ತು ಪ್ರಕಾರ ಮೈನ್ ಸ್ವಿಚ್ ಅಳವಡಿಸಿದರೆ ಸಮಸ್ಯೆಗಳು ನಿವಾರಣೆಯಾಗುತ್ತವೆ.

ವಿದ್ಯುತ್ ಮೀಟರ್, ಮುಖ್ಯ ಸ್ವಿಚ್

ವಿದ್ಯುತ್ ಮುಖ್ಯ ಸ್ವಿಚ್, ಮೀಟರ್ ವ್ಯವಸ್ಥೆ ಬಗ್ಗೆ ಅನೇಕ ಜನರು ಗೊಂದಲಕ್ಕೊಳಗಾಗುತ್ತಾರೆ. ಮೀಟರ್ ಅನ್ನು ಮುಖ್ಯ ಸ್ವಿಚ್ ಎಂದು ಪರಿಗಣಿಸಿ ಅಲ್ಲಿಂದ ವಿದ್ಯುತ್ ಸರಬರಾಜು ಮಾಡಲಾಗುತ್ತದೆ ಎಂದು ಹಲವರು ಭಾವಿಸುತ್ತಾರೆ. ಆದರೆ ಮೀಟರ್ ಮತ್ತು ಮುಖ್ಯ ಸ್ವಿಚ್ ನಡುವಿನ ವ್ಯತ್ಯಾಸವನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ. ಮೀಟರ್ ಬಗ್ಗೆ ಹೆಚ್ಚು ಚಿಂತಿಸಬೇಕಾಗಿಲ್ಲ. ಏಕೆಂದರೆ ಅದನ್ನು ಸರ್ಕಾರಿ ಅಧಿಕಾರಿಗಳು ನಿರ್ದಿಷ್ಟ ಸ್ಥಳದಲ್ಲಿ ಮಾತ್ರ ಸ್ಥಾಪಿಸುತ್ತಾರೆ. ಈ ಮೀಟರ್ ನೀವು ಬಳಸುವ ವಿದ್ಯುತ್ ಅನ್ನು ಮಾತ್ರ ಟ್ರ್ಯಾಕ್ ಮಾಡುತ್ತದೆ. ವಾಸ್ತು ದೃಷ್ಟಿಕೋನದಿಂದ ಇದಕ್ಕೆ ಯಾವುದೇ ಮಹತ್ವವಿಲ್ಲ. ಮೀಟರ್‌ನಿಂದ ವಿದ್ಯುತ್ ನೇರವಾಗಿ ಮುಖ್ಯ ಸ್ವಿಚ್‌ಗೆ ಹೋಗುತ್ತದೆ ಮತ್ತು ಅಲ್ಲಿಂದ ವಿತರಿಸಲಾಗುತ್ತದೆ. ಅದಕ್ಕಾಗಿಯೇ ಮುಖ್ಯ ಸ್ವಿಚ್ ಅನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತದೆ.

ಅಗ್ನಿಯ ಸಂಕೇತ ವಿದ್ಯುತ್

ಕೆಲಸ ಮಾಡಿ ದಣಿದ ಬಂದಾಗ ಅನೇಕ ಶ್ರಮಿಕರು ಸಾಮಾನ್ಯವಾಗಿ ಕರೆಂಟ್ ಇಲ್ಲವಾ ಅಥವಾ ವಿದ್ಯುತ್​ ಇಲ್ಲವಾ, ಫ್ಯಾನ್​ ಇಲ್ಲವಾ ಎಂದು ಕೇಳುತ್ತಾರೆ. ಅದೇ ರೀತಿ ಮನೆಯಲ್ಲಿರುವ ಬಹುತೇಕ ಉಪಕರಣಗಳು ವಿದ್ಯುತ್ ಚಾಲಿತ ಆಗಿರುತ್ತದೆ. ವಿದ್ಯುತ್ ಇಲ್ಲದಿದ್ದರೆ ಮನೆಯಲ್ಲಿನ ವಿದ್ಯುತ್ ಪರಿಕರಗಳು ಕೆಲಸ ಮಾಡುವುದಿಲ್ಲ. ಹಾಗಾಗಿ ವಿದ್ಯುತ್​ ಇದ್ದರೆ ಮುಖ್ಯ ಸ್ವಿಚ್‌ನಿಂದ, MCB ಮೂಲಕ ವಿವಿಧ ಘಟಕಗಳಿಗೆ ವಿದ್ಯುತ್ ಸರಬರಾಜು ಮಾಡಬಹುದು. ಅಥವಾ ಆಫ್ ಮಾಡಬಹುದು. ಆದ್ದರಿಂದ ಈ ಮುಖ್ಯ ಸ್ವಿಚ್ ಅನ್ನು ಬೆಂಕಿಯ ಅಂಶದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ವಾಸ್ತು ನಿಯಮಗಳ ಪ್ರಕಾರ ಮುಖ್ಯ ಸ್ವಿಚ್ ಅನ್ನು ಸರಿಯಾದ ಸ್ಥಳದಲ್ಲಿ ಸ್ಥಾಪಿಸುವುದು ಬಹಳ ಮುಖ್ಯ.

Also Read: ಈ 5 ವಸ್ತುಗಳನ್ನು ಯಾವತ್ತೂ ದಾನ ಮಾಡಬೇಡಿ.. ಇಲ್ಲವಾದರೆ ನಿಮಗೆ ಬಡತನ ಕಾಡುತ್ತದೆ 

ಕೆಲವರು ವಾಸ್ತು ಪ್ರಕಾರ ಮನೆ ಕಟ್ಟುತ್ತಾರೆ. ಆದರೆ ಎಲ್ಲೋ ಮುಖ್ಯ ವಿದ್ಯುತ್ ಸ್ವಿಚ್ ಅಳವಡಿಸಿದರೆ ಇಡೀ ಮನೆಗೆ ದೀಪಾಲಂಕಾರ ಮಾಡುವ ವಿದ್ಯುತ್ ಗೆ ಧಕ್ಕೆಯಾಗುತ್ತದೆ. ಈ ಮುಖ್ಯ ಸ್ವಿಚ್ ನೈಋತ್ಯದಲ್ಲಿದ್ದರೆ ರಾಹು ಮತ್ತು ಮಂಗಳ ಸಂಯೋಗವು ಅಂಗಾರಕ ಯೋಗವನ್ನು ಉಂಟುಮಾಡುತ್ತದೆ. ಆಗ ಮನೆ ಮಾಲೀಕರ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಅದೇ ಸಮಯದಲ್ಲಿ ಈಶಾನ್ಯ ಮೂಲೆಯಲ್ಲಿ ಮುಖ್ಯ ಸ್ವಿಚ್ ಹಾಕಿದರೆ ಕಟ್ಟಡದ ಮಾಲೀಕರು ವಿದ್ಯುತ್ ಸ್ಪರ್ಶಿಸಿದಂತೆ. ಜೊತೆಗೆ ಈಶಾನ್ಯ ದಿಕ್ಕಿನಲ್ಲಿ ನೀರು ಇರುತ್ತದೆ. ಆದ್ದರಿಂದ ನೀರು ಮತ್ತು ವಿದ್ಯುತ್ ನಡುವಿನ ಸಂಬಂಧ ಎಲ್ಲರಿಗೂ ತಿಳಿದಿದೆ. ಆಗ ಫಲಿತಾಂಶ ಏನಾಗುತ್ತದೆ ಎಂಬುದು ಎಲ್ಲರಿಗೂ ಚೆನ್ನಾಗಿ ಗೊತ್ತು. ಆದ್ದರಿಂದ ಮುಖ್ಯ ಸ್ವಿಚ್ ಅಳವಡಿಸಲು ಅತ್ಯಂತ ಸೂಕ್ತವಾದ ಸ್ಥಳವೆಂದರೆ ಆಗ್ನೇಯ ಮೂಲೆ ಅಂದರೆ ಪೂರ್ವ ಮತ್ತು ದಕ್ಷಿಣ ದಿಕ್ಕುಗಳ ನಡುವೆ ಸ್ಥಾಪಿಸುವುದು ಉತ್ತಮ.

ಹೆಚ್ಚಿನ ಆಧ್ಯಾತ್ಮಿಕ ಸುದ್ದಿಗಳಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ

(ಗಮನಿಸಿ: ಇಲ್ಲಿ ನೀಡಿರುವ ಮಾಹಿತಿಯು ನಂಬಿಕೆಯನ್ನು ಆಧರಿಸಿದೆ. ಇದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ. ಜನರ ಆಸಕ್ತಿಯನ್ನು ಗಮನದಲ್ಲಿಟ್ಟುಕೊಂಡು ಇಲ್ಲಿ ಒದಗಿಸಿದ್ದೇವೆ)