Zodiac Signs: ನಿಮ್ಮ ರಾಶಿಯ ಲಕ್ಕಿ ನಂಬರ್ ಯಾವುದು? ಯಾವ ಸಂಖ್ಯೆ ನಿಮಗೆ ಅದೃಷ್ಟ ತರಬಹುದು? ಇಲ್ಲಿದೆ ಮಾಹಿತಿ

ಪ್ರತಿ ರಾಶಿಗೂ ಅದರದೇ ಆದ ಲಕ್ಕಿ ನಂಬರ್ (Lucky Number) ಇರುತ್ತದೆ. ಈ ಬಗ್ಗೆ ನಿಮಗೆ ಗೊತ್ತಾ? ಯಾವ ಸಂಖ್ಯೆಯನ್ನು ಆಯ್ದುಕೊಂಡರೆ ಅಥವಾ ಯಾವ ಸಂಖ್ಯೆಯಿಂದಾಗಿ ನೀವು ಹೆಚ್ಚು ಇಷ್ಟಾರ್ಥವನ್ನು ಪಡೆಯಬಹುದು? ನಿಮ್ಮ ರಾಶಿಗೆ (Zodiac Signs) ಸೂಕ್ತ ನಂಬರ್ ಯಾವುದು? ಈ ಬಗ್ಗೆ ನಿಮಗೆ ಒಂದಷ್ಟು ಗೊಂದಲಗಳಿರಬಹುದು. ಈ ಬಗ್ಗೆ ನೀವು ರಾಶಿ ಭವಿಷ್ಯ ಅಥವಾ ಸಂಖ್ಯಾ ಶಾಸ್ತ್ರವನ್ನು (Numerology) ನಂಬುತ್ತೀರಾದರೆ ನಿಮಗೆ ಇಲ್ಲಿ ಉತ್ತರ ಸಿಗಬಹುದು.

ನಿಮ್ಮ ರಾಶಿಗೆ ಸರಿಹೊಂದುವ ಸಂಖ್ಯೆಗಳು ನಿಮ್ಮ ಅದೃಷ್ಟವನ್ನು ಬದಲಾಯಿಸಬಹುದು. ನಿಮ್ಮ ರಾಶಿಯ ಲಕ್ಕಿ ನಂಬರ್ ಯಾವುದು ಎಂದು ಇಲ್ಲಿ ತಿಳಿದುಕೊಳ್ಳಿ.

ಮೇಷ: ಈ ರಾಶಿಯವರಿಗೆ ಮಂಗಳ ಗ್ರಹ ಹೊಂದುತ್ತದೆ. ಹಾಗೂ ಇದು ಸಂಖ್ಯೆ 5 ಕ್ಕೆ ಹೊಂದಿಕೊಂಡಿದೆ. ಹಾಗೂ 4 ಕೂಡ ಶುಭಸಂಖ್ಯೆ ಆಗಿದೆ. ಹೀಗಾಗಿ 45 ಅಥವಾ 54 ಮೇಷ ರಾಶಿಗೆ ಲಕ್ಕಿ ನಂಬರ್ ಆಗಬಹುದು. 5 ಮತ್ತು 4 ನ್ನು ಕೂಡಿಸಿದರೆ 9 ಆಗುವುದರಿಂದ 9 ಕೂಡ ಲಕ್ಕಿ ನಂಬರ್ ಆಗಬಹುದು.

ವೃಷಭ: ಈ ರಾಶಿಯವರು ತಮ್ಮ ಸಮಯ ತೆಗೆದುಕೊಂಡು ಕೆಲಸ ಮಾಡುತ್ತಾರೆ, ಅಂತ್ಯಕ್ಕೆ ಓಡುವ ಅವಸರ ಬಹುತೇಕ ಬಾರಿ ಇರುವುದಿಲ್ಲ. ಈ ರಾಶಿಯವರಿಗೆ 7 ಹಾಗೂ 5 ಲಕ್ಕಿ ನಂಬರ್ ಆಗಿದೆ. ಇದೆರಡನ್ನೂ ಸೇರಿಸಿದರೆ 12, ಕಳೆದರೆ 2 ಹಾಗೂ ಗುಣಿಸಿದರೆ 35 ಆಗುತ್ತದೆ. ಈ ಕಾರಣದಿಂದ ಈ ರಾಶಿಗೆ 2, 12, 35 ಲಕ್ಕಿ ನಂಬರ್ ಆಗಿದೆ.

ಮಿಥುನ: ಈ ರಾಶಿಯವರಿಗೆ 6 ಹಾಗೂ 8 ಶುಭಸಂಖ್ಯೆ. ಅವುಗಳನ್ನು ಕೂಡಿಸಿದರೆ 14 ಹಾಗೂ ಜೋಡಿಸಿ ಹೇಳಿದರೆ 66, 88 ಆಗಿದೆ. ಹೀಗಾಗಿ ಈ ರಾಶಿಗೆ 14, 66, 88 ಶುಭ ಸಂಖ್ಯೆ ಆಗಿದೆ.

ಕಟಕ: ಈ ರಾಶಿಯವರು ತಮ್ಮ ಪಾಡಿಗೆ ತಾವು ಇರುವುದು ಹೆಚ್ಚು ಎನ್ನಬಹುದು. ಈ ರಾಶಿಯವರ ಗ್ರಹ ಚಂದ್ರ. ಹಾಗೂ ಲಕ್ಕಿ ನಂಬರ್ 9 ಮತ್ತು 7. ಇದನ್ನು ಗುಣಿಸಿದರೆ 63 ಆಗುತ್ತದೆ. ಒಟ್ಟು ಈ ರಾಶಿಯ ಲಕ್ಕಿ ನಂಬರ್ 7, 9 ಮತ್ತು 63 ಆಗಿದೆ.

ಸಿಂಹ: ಈ ರಾಶಿಯವರು ಸೋಲು ಒಪ್ಪಿಕೊಳ್ಳುವ ಸ್ಥಿತಿಯಲ್ಲಿ ಇರುವುದಿಲ್ಲ. ಈ ರಾಶಿಯ ಗ್ರಹ ಸೂರ್ಯ. ಇವರ ಲಕ್ಕಿ ನಂಬರ್ 8 ಮತ್ತು 6 ಆಗಿದೆ. ಹೀಗಾಗಿ ಈ ರಾಶಿಗೆ 68, 86 ಅಥವಾ 6-8 ರ ಗುಣಿಸಿದಾಗ ಬರುವ 48 ಲಕ್ಕಿ ನಂಬರ್ ಆಗಿದೆ.

ಕನ್ಯಾ: ಈ ರಾಶಿಯವರು ಶಿಸ್ತಿನ ಹಾಗೂ ಲಾಜಿಕಲ್ ಯೋಚನೆಯವರು ಆಗಿರುತ್ತಾರೆ. ಈ ರಾಶಿಯ ಲಕ್ಕಿ ನಂಬರ್ 9 ಮತ್ತು 8 ಆಗಿರುತ್ತದೆ. ಈ ರಾಶಿಯ ಲಕ್ಕಿ ನಂಬರ್ 89 ಹಾಗೂ 98 ಆಗಿರುತ್ತದೆ. ಅದನ್ನು ಗುಣಿಸಿದಾಗ ಸಿಗುವ 72 ಕೂಡ ಲಕ್ಕಿ ನಂಬರ್ ಆಗಿದೆ.

ತುಲಾ: ಈ ರಾಶಿಯವರ ಲಕ್ಕಿ ನಂಬರ್ 7 ಹಾಗೂ 11. ಈ ರಾಶಿಯವರು ನಿರ್ಧಾರಕ್ಕೆ ಬಹಳ ಮಹತ್ವ ಕೊಡುವುದು ಕಡಿಮೆ. ಬದಲಾಗಿ ಜೀವನದ ಹರಿವಿನ ಜೊತೆಗೆ ಸಾಗುತ್ತಾರೆ. ಇವರ ಲಕ್ಕಿ ನಂಬರ್ 77, 7, 11 ಆಗಿದೆ.

ವೃಶ್ಚಿಕ: ಈ ರಾಶಿಯವರ ಲಕ್ಕಿ ನಂಬರ್ 0 ಹಾಗೂ 13 ಆಗಿದೆ. ಇವರು 100 ಅಥವಾ 10ನ್ನು ಕೂಡ ಲಕ್ಕಿ ನಂಬರ್ ಎಂದು ಪರಿಗಣಿಸಬಹುದು. ಈ ರಾಶಿಯವರು ಬಹಳ ಕ್ಲಿಷ್ಟಕರ ಅಥವಾ ಸುಲಭಕ್ಕೆ ಅರ್ಥವಾಗದ ಮನಸ್ಥಿತಿ ಹೊಂದಿರುತ್ತಾರೆ.

ಧನು: ಈ ರಾಶಿಯವರು ತಮಾಷೆ, ಹಾಸ್ಯ ಪ್ರಿಯರು. ತಮ್ಮದೇ ನಿಯಮದಲ್ಲಿ ಬದುಕಲು ಇಷ್ಟಪಡುವವರು. ಈ ರಾಶಿಯವರಿಗೆ 4, 14 ಲಕ್ಕಿ ನಂಬರ್. ಇದನ್ನು ಗುಣಿಸಿದಾಗ ಸಿಗುವ ಸಂಖ್ಯೆ 56 ಕೂಡ ಈ ರಾಶಿಯ ಲಕ್ಕಿ ನಂಬರ್ ಆಗಬಹುದು.

ಮಕರ: ಈ ರಾಶಿಯವರು ಬಹುತೇಕ ಸಲ ಧನಮೋಹಿಗಳಾಗಿ ಇರುತ್ತಾರೆ. ಈ ರಾಶಿಗೆ ಲಕ್ಕಿ ನಂಬರ್ 15 ಹಾಗೂ 3 ಆಗಿರುತ್ತದೆ. ಅದನ್ನು ಗುಣಿಸಿದಾಗ 45 ಸಿಗುತ್ತದೆ. ಇದು ಕೂಡ ಲಕ್ಕಿ ನಂಬರ್ ಆಗಿರುತ್ತದೆ. ಬಾಗಿಸಿದಾಗ 5 ಸಿಗುತ್ತದೆ. ಹಾಗೂ 15, 3 ಅದನ್ನು ಸೇರಿಸಿದಾಗ 18 ಆಗುತ್ತದೆ. ಈ ರಾಶಿಯ ಲಕ್ಕಿ ನಂಬರ್ 5, 18, 45 ಆಗಿದೆ.

ಕುಂಭ: ಈ ರಾಶಿಯವರು ತಮ್ಮ ಬಗ್ಗೆ ತಾವು ಅತ್ಯಂತ ಹೆಚ್ಚು ಕಾಳಜಿ ಹೊಂದಿರುತ್ತಾರೆ. 1 ಹಾಗೂ 17 ಇವರ ಲಕ್ಕಿ ನಂಬರ್ ಆಗಿದೆ. ಲಕ್ಕಿ ನಂಬರ್ 1ನ್ನು ಹೆಚ್ಚುಗೊಳಿಸಿ 11 ಕೂಡ ಶುಭ ಸಂಖ್ಯೆ ಎಂದು ಪರಿಗಣಿಸಬಹುದು.

ಮೀನ: ಈ ರಾಶಿಯ ಜನರಿಗೆ 2 ಹಾಗೂ 18 ಲಕ್ಕಿ ನಂಬರ್ ಆಗಿದೆ. ಈ ಸಂಖ್ಯೆಗಳನ್ನು ಕೂಡಿಸಿದಾಗ 20 ಹಾಗೂ ಕಳೆದಾಗ 16 ಆಗುತ್ತದೆ. ಮತ್ತು ಗುಣಿಸಿದಾಗ 36 ಆಗುತ್ತದೆ. ಹೀಗಾಗಿ ಲಕ್ಕಿ ನಂಬರ್ 20, 16, 36 ಎಂದು ಹೇಳಬಹುದು.

ಇದನ್ನೂ ಓದಿ: Zodiac Signs: ನಿಮ್ಮ ವ್ಯಕ್ತಿತ್ವಕ್ಕೆ ಸರಿಯಾಗಿ ಹೊಂದುವ ಗಿಡ ಯಾವುದು? ಇಲ್ಲಿದೆ ಮಾಹಿತಿ

ಇದನ್ನೂ ಓದಿ: Zodiac Signs: ಈ 4 ರಾಶಿಯ ಜನರು ತಮ್ಮ ಪರಿಶ್ರಮ ಮತ್ತು ಅದೃಷ್ಟದಿಂದ ಶ್ರೀಮಂತರಾಗುತ್ತಾರೆ