GT vs RR Highlights IPL 2023: ಸಂಜು, ಹೆಟ್ಮಾಯಿರ್ ಅರ್ಧಶತಕ; ಗುಜರಾತ್ಗೆ ಸೋಲು
Gujarat Titans vs Rajasthan Royals IPL 2023 Highlights in Kannada: ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಗುಜರಾತ್ ಟೈಟಾನ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ನಡುವಿನ ಕದನ ರೋಚಕ ರೀತಿಯಲ್ಲಿ ಅಂತ್ಯಗೊಂಡಿದೆ. ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ತಂಡವನ್ನು 3 ವಿಕೆಟ್ಗಳಿಂದ ಮಣಿಸಿತು.
Updated on:Apr 16, 2023 | 11:14 PM
ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಗುಜರಾತ್ ಟೈಟಾನ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ನಡುವಿನ ಕದನ ರೋಚಕ ರೀತಿಯಲ್ಲಿ ಅಂತ್ಯಗೊಂಡಿದೆ. ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ತಂಡವನ್ನು 3 ವಿಕೆಟ್ಗಳಿಂದ ಮಣಿಸಿತು. ಈ ಪಂದ್ಯದಲ್ಲಿ ಟಾಸ್ ಸೋತ ಗುಜರಾತ್ ಟೈಟಾನ್ಸ್ ತಂಡ 20 ಓವರ್ಗಳ ಅಂತ್ಯಕ್ಕೆ 7 ವಿಕೆಟ್ ನಷ್ಟಕ್ಕೆ 177 ರನ್ ಗಳಿಸಿತು. 178 ರನ್ಗಳ ಗುರಿ ಬೆನ್ನತ್ತಿದ್ದ ರಾಜಸ್ಥಾನ ತಂಡದ ಪರ ಸ್ಫೋಟಕ ಬ್ಯಾಟಿಂಗ್ ಮಾಡಿದ ಹೆಟ್ಮೆಯರ್ ಮತ್ತು ಸಂಜು ತಲಾ ಅರ್ಧಶತಕ ಸಿಡಿಸಿ ತಂಡವನ್ನು 19.2 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ ಗೆಲುವಿನ ದಡ ಸೇರಿಸಿದರು.
LIVE NEWS & UPDATES
-
ಹೆಟ್ಮಾಯಿರ್ ಗೆಲುವಿನ ಅರ್ಧಶತಕ
20ನೇ ಓವರ್ನ ಮೊದಲ ಎಸೆತದಲ್ಲಿ ಡಬಲ್ ಕದ್ದು ತಮ್ಮ ಅರ್ಧಶತಕ ಪೂರೈಸಿದ ಹೆಟ್ಮಾಯಿರ್ 2ನೇ ಎಸೆತದಲ್ಲಿ ಭರ್ಜರಿ ಸಿಕ್ಸರ್ ಬಾರಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.
-
ಅಶ್ವಿನ್ ಮ್ಯಾಜಿಕ್, ಔಟ್
ಜುರೆಲ್ ವಿಕೆಟ್ ಬಳಿಕ ಬಂದ ಅಶ್ವಿನ್ ಆಡಿದ ಎರಡು ಎಸೆತಗಳಲ್ಲಿ 1 ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿದರು. ಆನಂತರ ಮುಂದಿನ ಎಸೆತದಲ್ಲಿ ಔಟಾದರು.
-
-
ಶಮಿಗೆ ಸಿಕ್ಸರ್
19ನೇ ಓವರ್ ಎಸೆದ ಶಮಿಗೆ ಮೊದಲ ಎಸೆತದಲ್ಲಿ ಜುರೆಲ್ ಸಿಕ್ಸರ್ ಬಾರಿಸಿದರು. ಆದರೆ ಮುಂದಿನ ಎಸೆತದಲ್ಲಿ ಕ್ಯಾಚಿತ್ತು ಔಟಾದರು.
-
ರಶೀದ್ಗೆ ಸಿಕ್ಸರ್
17ನೇ ಓವರ್ನಲ್ಲಿ ದೃವ್ ಒಂದು ಬೌಂಡರಿ ಬಾರಿಸಿದರೆ, 18ನೇ ಓವರ್ನಲ್ಲಿ ಹೆಟ್ಮಾಯಿರ್, ರಶೀದ್ಗೆ 1 ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿದರು.
-
16 ಓವರ್ ಅಂತ್ಯ
16ನೇ ಓವರ್ನಲ್ಲಿ ಹೆಟ್ಮಾಯಿರ್ 2 ಸಿಕ್ಸರ್ ಬಾರಿಸಿದರೆ, ಜುರೆಲ್ ಬೌಂಡರಿ ಹೊಡೆದರು. ರಾಜಸ್ಥಾನ್ ಗೆಲುವಿಗೆ 24 ಎಸೆತಗಳಲ್ಲಿ 44 ರನ್ ಬೇಕು
-
-
ಸ್ಯಾಮ್ಸನ್ ಔಟ್
15ನೇ ಓವರ್ನಲ್ಲಿ 1 ಸಿಕ್ಸ್ ಹಾಗೂ 1 ಬೌಂಡರಿ ಬಾರಿಸಿದ ಸಂಜು ಕೊನೆಯ ಎಸೆತದಲ್ಲಿ ಕ್ಯಾಚಿತ್ತು ಔಟಾದರು.
-
ಸಂಜು ಅರ್ಧಶತಕ
14ನೇ ಓವರ್ನ 2ನೇ ಎಸೆತದಲ್ಲಿ ಸಿಂಗಲ್ ಕದ್ದ ನಾಯಕ ಸಂಜು 29 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದ್ದಾರೆ.
-
ಹೆಟ್ಮಾಯಿರ್ ಸಿಕ್ಸ್
14ನೇ ಓವರ್ನಲ್ಲಿ ಒಂದು ಸಿಕ್ಸರ್ ಹಾಗೂ ಬೌಂಡರಿ ಬಾರಿಸಿದ ಹೆಟ್ಮಾಯಿರ್ ತಂಡದ ಮೊತ್ತವನ್ನು 100ರ ಗಡಿ ದಾಟಿಸಿದರು.
-
ರಶೀದ್ಗೆ ಹ್ಯಾಟ್ರಿಕ್ ಸಿಕ್ಸ್
ತಮ್ಮ ಕೋಟಾದ 3ನೇ ಓವರ್ ಬೌಲ್ ಮಾಡಲು ಬಂದ ರಶೀದ್ ಖಾನ್ಗೆ ರಾಜಸ್ಥಾನ್ ನಾಯಕ ಸಂಜು ಮೂರು ಎಸೆತಗಳಲ್ಲಿ ಮೂರು ಸಿಕ್ಸರ್ ಬಾರಿಸಿದರು.
-
ಸಂಜು ಸಿಕ್ಸರ್
ಪರಾಗ್ ವಿಕೆಟ್ ಉರುಳಿಸಿದ ರಶೀದ್ ಓವರ್ನ ಕೊನೆಯ ಎಸೆತವನ್ನು ಸಂಜು ಡೀಪ್ ಮಿಡ್ ವಿಕೆಟ್ನಲ್ಲಿ ಸಿಕ್ಸರ್ಗಟ್ಟಿದರು.
-
ರಶೀದ್ಗೆ ಮತ್ತೊಂದು ವಿಕೆಟ್
ಹಿಂದಿನ ಓವರ್ನಲ್ಲಿ ಪಡಿಕಲ್ ವಿಕೆಟ್ ಉರುಳಿಸಿದ್ದ ರಶೀದ್ ತಮ್ಮ ಮುಂದಿನ ಓವರ್ನಲ್ಲಿ ಪರಾಗ್ ವಿಕೆಟ್ ಉರುಳಿಸಿದ್ದಾರೆ. ಲಾಂಗ್ ಆಫ್ನಲ್ಲಿ ಮಿಲ್ಲರ್ ಕ್ಯಾಚ್ ತೆಗೆದುಕೊಂಡರು.
-
ಪಡಿಕಲ್ ಔಟ್
25 ಎಸೆತಗಳಲ್ಲಿ 26 ರನ್ ಬಾರಿಸಿದ್ದ ಪಡಿಕಲ್ ಶಾರ್ಟ್ ಥರ್ಡ್ಮ್ಯಾನ್ನಲ್ಲಿ ಕ್ಯಾಚಿತ್ತು ಔಟಾದರು. 9ನೇ ಓವರ್ನಲ್ಲಿ ರಶೀದ್ ಖಾನ್ ಈ ವಿಕೆಟ್ ಪಡೆದರು.
-
ಸಂಜು ಸಿಕ್ಸರ್
7ನೇ ಓವರ್ನ 2ನೇ ಎಸೆತವನ್ನು ಸಂಜು ಡೀಪ್ ಸ್ಕ್ವೇರ್ ಲೆಗ್ನಲ್ಲಿ ಸಿಕ್ಸರ್ಗಟ್ಟಿದರೆ, 5ನೇ ಎಸೆತವನ್ನು ಎಕ್ಸ್ಟ್ರಾ ಕವರ್ನಲ್ಲಿ ಪಡಿಕಲ್ ಬೌಂಡರಿಗಟ್ಟಿದರು.
-
ಪವರ್ ಪ್ಲೇ ಅಂತ್ಯ
6ನೇ ಓವರ್ನ 4ನೇ ಎಸೆತವನ್ನು ಪಡಿಕಲ್ ವೈಡ್ ಲಾಂಗ್ ಆಫ್ನಲ್ಲಿ ಸಿಕ್ಸರ್ ಬಾರಿಸಿದರು. ರಾಜಸ್ಥಾನ್ ರಾಯಲ್ಸ್ ಪರ ಪಡಿಕ್ಕಲ್ 19 ರನ್ ಹಾಗೂ ಸಂಜು 4 ರನ್ ಗಳಿಸಿ ಆಡುತ್ತಿದ್ದಾರೆ. 6 ಓವರ್ಗಳ ನಂತರ ರಾಜಸ್ಥಾನ ಸ್ಕೋರ್ 26/2
-
ಪಡಿಕಲ್ ಸಿಕ್ಸರ್
5ನೇ ಓವರ್ನಲ್ಲಿ ಪಡಿಕಲ್ ಸಿಕ್ಸರ್ ಬಾರಿಸಿದರು. ರಾಜಸ್ಥಾನ್ ರಾಯಲ್ಸ್ ಪರ ಪಡಿಕ್ಕಲ್ 13 ರನ್ ಮತ್ತು ಸಂಜು 4 ರನ್ ಗಳಿಸಿ ಆಡುತ್ತಿದ್ದಾರೆ.ರಾಜಸ್ಥಾನ್ ಸ್ಕೋರ್ 5 ಓವರ್ಗಳ ನಂತರ 20/2. ಈ ಓವರ್ನಲ್ಲಿ ಶುಭಮನ್ ಗಿಲ್ ವಿಕೆಟ್ ಹಿಂದೆ ಕ್ಯಾಚ್ ಕೈಬಿಟ್ಟರು.
-
ಬಟ್ಲರ್ ಔಟ್
ಮೂರನೇ ಓವರ್ನ 5ನೇ ಎಸೆತದಲ್ಲಿ ಮೊಹಮ್ಮದ್ ಶಮಿ ಜೋಸ್ ಬಟ್ಲರ್ ಅವರನ್ನು ಬೌಲ್ಡ್ ಮಾಡಿದರು. 3 ಓವರ್ಗಳ ನಂತರ ರಾಜಸ್ಥಾನ ಸ್ಕೋರ್ 4/2. ರಾಜಸ್ಥಾನ ಗೆಲ್ಲಲು ಇನ್ನೂ 174 ರನ್ಗಳ ಅಗತ್ಯವಿದೆ.
-
ಮೊದಲ ವಿಕೆಟ್ ಪತನ
ನಾಯಕ ಹಾರ್ದಿಕ್ ಪಾಂಡ್ಯ ಎಸೆತದಲ್ಲಿ 1 ರನ್ ಗಳಿಸಿ ಯಶಸ್ವಿ ಜೈಸ್ವಾಲ್ ಔಟಾದರು. 2 ಓವರ್ಗಳ ನಂತರ ರಾಜಸ್ಥಾನ ಸ್ಕೋರ್ 3/1
-
ರಾಜಸ್ಥಾನ್ ಬ್ಯಾಟಿಂಗ್ ಆರಂಭ
ರಾಜಸ್ಥಾನದ ಆರಂಭಿಕ ಆಟಗಾರ ಜೋಸ್ ಬಟ್ಲರ್ 0 ಮತ್ತು ಯಶ್ವಿ ಜೈಸ್ವಾಲ್ 1 ರನ್ಗಳೊಂದಿಗೆ ಆಡುತ್ತಿದ್ದಾರೆ. 1 ಓವರ್ ನಂತರ ರಾಜಸ್ಥಾನ ಸ್ಕೋರ್ 1/0. ಗುಜರಾತ್ ಟೈಟಾನ್ಸ್ 178 ರನ್ ಟಾರ್ಗೆಟ್ ನೀಡಿದೆ.
-
177 ರನ್ ಟಾರ್ಗೆಟ್
20ನೇ ಓವರ್ನಲ್ಲಿ 2 ಬೌಂಡರಿ ಬಾರಿಸಿದ ಮಿಲ್ಲರ್, ಆ ನಂತರದ ಎಸೆತದಲ್ಲಿ ಸಿಕ್ಸರ್ ಬಾರಿಸಲು ಯತ್ನಿಸಿ ಕ್ಯಾಚಿತ್ತು ಔಟಾದರು. ಆ ನಂತರ ಬಂದ ರಶೀದ್ ಖಾನ್ ಕೂಡ ರನೌಟ್ ಆದರು. ಅಂತಿಮವಾಗಿ ಗುಜರಾತ್ 7 ವಿಕೆಟ್ ಕಳೆದುಕೊಂಡು 177 ರನ್ ಕಲೆಹಾಕಿದೆ.
-
ಮನೋಹರ್ ಸಿಕ್ಸರ್, ಔಟ್
ಝಂಪಾ ಎಸೆದ 19ನೇ ಓವರ್ನಲ್ಲಿ ಮಿಲ್ಲರ್ 1 ಬೌಂಡರಿ ಬಾರಿಸಿದರೆ, ಕನ್ನಡಿಗ ಮನೋಹರ್ ಭರ್ಜರಿ ಸಿಕ್ಸರ್ ಬಾರಿಸಿದರು. ಆದರೆ ಕೊನೆಯ ಎಸೆತದಲ್ಲಿ ಕ್ಯಾಚಿತ್ತು ಔಟಾದರು.
-
ಮನೋಹರ್ ಎರಡು ಸಿಕ್ಸರ್
18ನೇ ಓವರ್ನ ಮೂರು ಮತ್ತು ನಾಲ್ಕನೇ ಎಸೆತವನ್ನು ಕನ್ನಡಿಗ ಮನೋಹರ್ ಎರಡು ಸಿಕ್ಸರ್ ಬಾರಿಸಿದರು. ಇದರೊಂದಿಗೆ ಗುಜರಾತ್ 150 ರನ್ ಕೂಡ ಪೂರ್ಣಗೊಂಡಿದೆ.
-
ಗಿಲ್ ಔಟ್
ಸಂದೀಪ್ ಶರ್ಮಾ ಎಸೆದ 16ನೇ ಓವರ್ನ 2ನೇ ಎಸೆತದಲ್ಲಿ ಗಿಲ್ ಲಾಂಗ್ ಆಫ್ನಲ್ಲಿ ಕ್ಯಾಚಿತ್ತು ಔಟಾದರು.
-
4 ಓವರ್ಗಳ ನಂತರ ಸಿಕ್ಸರ್
ಕೊನೆಯದಾಗಿ 10ನೇ ಓವರ್ನಲ್ಲಿ ಬೌಂಡರಿ ಬಾರಿಸಿದ್ದ ಗುಜರಾತ್ ಇದೀಗ 15ನೇ ಓವರ್ನ 4ನೇ ಎಸೆತದಲ್ಲಿ ಸಿಕ್ಸರ್ ಕಂಡಿದೆ.
-
ಶತಕ ಪೂರ್ಣ
12ನೇ ಓವರ್ನ ಕೊನೆಯ ಎಸೆತದಲ್ಲಿ ಡಬಲ್ ಕದಿಯುವುದರೊಂದಿಗೆ ಮಿಲ್ಲರ್, ಗುಜರಾತ್ ತಂಡದ ಸ್ಕೋರ್ ಅನ್ನು ಶತಕ ದಾಟಿಸಿದ್ದಾರೆ.
-
ಪಾಂಡ್ಯ ಔಟ್
11ನೇ ಓವರ್ ಎಸೆಯಲು ಬಂದ ಚಹಲ್, ಗುಜರಾತ್ ನಾಯಕ ಪಾಂಡ್ಯರನ್ನು ಔಟ್ ಮಾಡಿದ್ದಾರೆ. ಕವರ್ರ್ಸ್ನಲ್ಲಿ ಜೈಸ್ವಾಲ್ ಕ್ಯಾಚ್ ತೆಗೆದುಕೊಂಡರು.
-
ಅರ್ಧಶತಕದ ಜೊತೆಯಾಟ
ಗುಜರಾತ್ ಇನ್ನಿಂಗ್ಸ್ನ 10 ಓವರ್ ಮುಗಿದಿದೆ. ಈ ಓವರ್ನಲ್ಲಿ ಬೌಂಡರಿ ಬಾರಿಸಿದ ಪಾಂಡ್ಯ, ಗಿಲ್ ಜೊತೆಗೆ ಅರ್ಧಶತಕದ ಜೊತೆಯಾಟವನ್ನು ಪೂರೈಸಿದರು.
-
ಗಿಲ್ ಅಬ್ಬರ
8ನೇ ಓವರ್ನಲ್ಲಿ ಗಿಲ್ ಅಬ್ಬರಿಸಿದರು. ಅಶ್ವಿನ್ ಎಸೆದ ಈ ಓವರ್ನಲ್ಲಿ ಗಿಲ್ 2 ಬೌಂಡರಿ ಹಾಗೂ 2 ಸಿಕ್ಸರ್ ಬಾರಿಸಿದರು. ಈ ಓವರ್ನಿಂದ 18 ರನ್ ಬಂದವು.
-
ಪಾಂಡ್ಯ ಸಿಕ್ಸರ್
ಸುದರ್ಶನ್ ವಿಕೆಟ್ ಬಳಿಕ ಬಂದ ಪಾಂಡ್ಯ 7ನೇ ಓವರ್ನ ಮೊದಲ ಎಸೆತವನ್ನು ಸಿಕ್ಸರ್ಗಟ್ಟಿದರೆ, 2ನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು.
-
ಪವರ್ ಪ್ಲೇ ಅಂತ್ಯ
6ನೇ ಓವರ್ನ ಮೊದಲ ಎಸೆತವನ್ನು ಸ್ಕ್ವೇರ್ ಲೆಗ್ನಲ್ಲಿ ಬೌಂಡರಿಗಟ್ಟಿದ ಗಿಲ್, 6ನೇ ಎಸೆತವನ್ನು ಮಿಡ್ ಆಫ್ನಲ್ಲಿ ಬೌಂಡರಿ ಬಾರಿಸಿದರು.
-
ಸುದರ್ಶನ್ ರನ್ ಔಟ್
ಸಾಯಿ ಸುದರ್ಶನ್ ರನ್ ಔಟ್ ಆಗಿದ್ದಾರೆ. ಗುಜರಾತ್ ಟೈಟಾನ್ಸ್ 2ನೇ ವಿಕೆಟ್ ಪತನವಾಯಿತು. ರಾಜಸ್ಥಾನದ ಅದ್ಭುತ ಫೀಲ್ಡಿಂಗ್. ಸುದರ್ಶನ್ 20 ರನ್ ಗಳಿಸಿ ಪೆವಿಲಿಯನ್ಗೆ ಮರಳಿದರು.
-
4 ಓವರ್ ಅಂತ್ಯ
ಗುಜರಾತ್ ಪರ ಸಾಯಿ ಸುದರ್ಶನ್ 16 ರನ್ ಹಾಗೂ ಶುಭಮನ್ ಗಿಲ್ 5 ರನ್ ಗಳಿಸಿ ಆಡುತ್ತಿದ್ದಾರೆ. 4 ಓವರ್ಗಳ ನಂತರ ಗುಜರಾತ್ ಸ್ಕೋರ್ 27/1
-
ಸುದರ್ಶನ್ ಬೌಂಡರಿ
2ನೇ ಓವರ್ನಲ್ಲಿ ಸುದರ್ಶನ್ ಫೋರ್ ಬಾರಿಸಿದರು. ಸದ್ಯ ಕ್ರೀಸ್ನಲ್ಲಿ ಶುಭಮನ್ ಗಿಲ್ ಮತ್ತು ಸಾಯಿ ಸುದರ್ಶನ್ ಇದ್ದಾರೆ.
-
ಸಹಾ ಔಟ್
ಮೊದಲ ಓವರ್ನಲ್ಲಿಯೇ ಗುಜರಾತ್ ಟೈಟಾನ್ಸ್ಗೆ ದೊಡ್ಡ ಪೆಟ್ಟು ಬಿದ್ದಿತು. ಬೋಲ್ಟ್ ಎಸೆದ ಮೊದಲ ಓವರ್ನ ಮೂರನೇ ಎಸೆತದಲ್ಲಿ ಸಹಾ ಕ್ಯಾಚ್ ನೀಡಿದರು. ಸಂಜು ಸ್ಯಾಮ್ಸನ್, ಹೆಟ್ಮೆಯರ್ ಮತ್ತು ಜುರೆಲ್ ಈ ಕ್ಯಾಚ್ ಹಿಡಿಯಲು ಮುಂದಾದರು. ಮೂವರೂ ಪ್ರಯತ್ನಿಸಿದರು, ಚೆಂಡು ಸ್ಯಾಮ್ಸನ್ ಅವರ ಕೈಗವಸುಗಳನ್ನು ತಾಗಿ ಬೋಲ್ಟ್ ಕೈಗೆ ಹೋಯಿತು.
-
ರಾಜಸ್ಥಾನ್ ರಾಯಲ್ಸ್
ಜೋಸ್ ಬಟ್ಲರ್, ಯಶಸ್ವಿ ಜೈಸ್ವಾಲ್, ಸಂಜು ಸ್ಯಾಮ್ಸನ್, ರಿಯಾನ್ ಪರಾಗ್, ಶಿಮ್ರಾನ್ ಹೆಟ್ಮೆಯರ್, ಧ್ರುವ್ ಜುರೆಲ್, ಆರ್ ಅಶ್ವಿನ್, ಟ್ರೆಂಟ್ ಬೌಲ್ಟ್, ಆಡಮ್ ಝಂಪಾ, ಸಂದೀಪ್ ಶರ್ಮಾ ಮತ್ತು ಯುಜ್ವೇಂದ್ರ ಚಹಾಲ್
-
ಗುಜರಾತ್ ಟೈಟಾನ್ಸ್
ವೃದ್ಧಿಮಾನ್ ಸಹಾ, ಶುಭಮನ್ ಗಿಲ್, ಸಾಯಿ ಸುದರ್ಶನ್, ಹಾರ್ದಿಕ್ ಪಾಂಡ್ಯ, ಅಭಿನವ್ ಮನೋಹರ್, ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ಅಲ್ಜಾರಿ ಜೋಸೆಫ್, ಮೊಹಮ್ಮದ್ ಶಮಿ, ಮೋಹಿತ್ ಶರ್ಮಾ
-
ಟಾಸ್ ಗೆದ್ದ ರಾಜಸ್ಥಾನ್
ಟಾಸ್ ಗೆದ್ದ ರಾಜಸ್ಥಾನ್ ನಾಯಕ ಸಂಜು ಸ್ಯಾಮ್ಸನ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.
Published On - Apr 16,2023 7:05 PM
