IPL Mega Auction 2025 Live: 10.75 ಕೋಟಿಗೆ ಆರ್ಸಿಬಿ ಪಾಲಾದ ಭುವನೇಶ್ವರ್ ಕುಮಾರ್
Updated on:Nov 25, 2024 | 5:05 PM
IPL Auction 2025 Live Updates in kannada: 2025ರ 18ನೇ ಆವೃತ್ತಿಯ ಐಪಿಎಲ್ಗೆ ಆಟಗಾರರ ಮೆಗಾ ಹರಾಜು ಪ್ರಕ್ರಿಯೆ ಸೌದಿ ಅರೇಬಿಯಾದ ಜೆದ್ದಾ ನಗರದಲ್ಲಿ ನಡೆಯುತ್ತಿದೆ. ಮೊದಲ ದಿನದ ಬಿಡ್ಡಿಂಗ್ನಲ್ಲಿ ಒಟ್ಟು 72 ಆಟಗಾರರು ಹರಾಜಾಗಿದ್ದಾರೆ. ರಿಷಭ್ ಪಂತ್ ಐಪಿಎಲ್ ಇತಿಹಾಸದಲ್ಲೇ ಅತಿ ಹೆಚ್ಚು ಬೆಲೆಗೆ ಬಿಕರಿಯಾಗಿದ್ದಾರೆ. ಹರಾಜಿನ ಎರಡನೇ ದಿನದ ಲೈವ್ ಅಪ್ಡೇಟ್ಸ್ಗಾಗಿ ಲೈವ್ ವೀಕ್ಷಿಸಿ.
LIVE NEWS & UPDATES
-
IPL Mega Auction 2025 Live: ಅನ್‌ಸೋಲ್ಡ್‌ ಆದ ಆಟಗಾರರು
ಕ್ಯಾಪ್ಡ್ ಸ್ಪಿನ್ನರ್‌ಗಳಲ್ಲಿ ಸದ್ಯಕ್ಕೆ ಅಲ್ಲಾ ಗಜನ್‌ಫರ್ ಮಾತ್ರ ಮುಂಬೈ ತಂಡದ ಪಾಲಾಗಿದ್ದು, ಅಕೇಲ್ ಹೊಸೈನ್, ಕೇಶವ ಮಹಾರಾಜ್, ಮುಜೀಬ್ ಉರ್ ರೆಹಮಾನ್, ಆದಿಲ್ ರಶೀದ್ ಮತ್ತು ವಿಜಯಕಾಂತ್ ವ್ಯಾಸಕಾಂತ್ ಅನ್‌ಸೋಲ್ಡ್‌ ಆಗಿದ್ದಾರೆ.
-
IPL Mega Auction 2025 Live: 9.25 ಕೋಟಿಗೆ ದೀಪಕ್ ಚಹಾರ್ ಮುಂಬೈ ಪಾಲು
9.25 ಕೋಟಿ ರೂ.ಗೆ ದೀಪಕ್ ಚಹಾರ್ ಮುಂಬೈ ತಂಡದ ಪಾಲಾಗಿದ್ದು, ಮುಕೇಶ್ ಕುಮಾರ್ 8 ಕೋಟಿ ರೂ.ಗೆ ದೆಹಲಿ ತಂಡ ಸೇರಿದ್ದಾರೆ.
-
IPL Mega Auction 2025 Live: 10.75 ಕೋಟಿಗೆ ಭುವನೇಶ್ವರ್ ಕುಮಾರ್ ಬಿಕರಿ
ಮುಂಬೈ ಇಂಡಿಯನ್ಸ್ ಮತ್ತು ಲಕ್ನೋ ತಂಡಗಳ ಹರಾಜು ಪ್ರಕ್ರಿಯೆಯಲ್ಲಿ ಮಧ್ಯ ಪ್ರವೇಶಿಸಿದ ಆರ್ಸಿಬಿ ಭುವನೇಶ್ವರ್ ಕುಮಾರ್ರನ್ನು 10.75 ಕೋಟಿ ರೂ. ಖರೀದಿಸಿದೆ. ಆ ಮೂಲಕ ಇದು ಎರಡನೇ ದಿನದ ಹರಾಜು ಪ್ರಕ್ರಿಯೆಯ ದೊಡ್ಡ ಮೊತ್ತವಾಗಿದೆ.
IPL Mega Auction 2025 Live: ತುಷಾರ್ ದೇಶಪಾಂಡೆ ರಾಜಸ್ಥಾನ ತಂಡಕ್ಕೆ
ಮೆಗಾ ಹರಾಜಿನ ಜಿದ್ದಾಜಿದ್ದಿಯಲ್ಲಿ 2.6 ಕೋಟಿ ರೂ.ಗೆ ಜೋಶ್ ಇಂಗ್ಲಿಸ್ ಪಂಜಾಬ್ ತಂಡದ ಪಾಲಾಗಿದ್ದಾರೆ. 6.5 ಕೋಟಿ ರೂ.ಗೆ ತುಷಾರ್ ದೇಶಪಾಂಡೆ ರಾಜಸ್ಥಾನ ತಂಡದ ಪಾಲಾಗಿದ್ದಾರೆ.
Tushar Deshpande SOLD to @rajasthanroyals 🙌🙌
He’s acquired for INR 6.5 Crore ⚡️⚡️#TATAIPLAuction | #TATAIPL
— IndianPremierLeague (@IPL) November 25, 2024
IPL Mega Auction 2025 Live: ರಾಜಸ್ಥಾನ ಪಾಲಾದ ನಿತೀಶ್ ರಾಣಾ
ನಿತೀಶ್ ರಾಣಾ 4.2 ಕೋಟಿ ರೂ.ಗೆ ಬಿಕರಿಯಾಗಿದ್ದು, ರಾಜಸ್ಥಾನ ರಾಯಲ್ಸ್‌ ತಂಡದ ಪರವಾಗಿ ಆಟವಾಡಲಿದ್ದಾರೆ. ಶಾಯ್ ಹೋಪ್ ಮತ್ತು ಕೆ.ಎಸ್.ಭರತ್ ಅವರನ್ನು ಸದ್ಯ ಯಾವ ತಂಡ ಖರೀದಿಸಿಲ್ಲ.
IPL Mega Auction 2025 Live: ಕೃನಾಲ್ ಪಾಂಡ್ಯ ಆರ್ಸಿಬಿ ಪಾಲು
5.75 ಕೋಟಿ ರೂ.ಗೆ ಆರ್ಸಿಬಿ ತಂಡ ಕೃನಾಲ್ ಪಾಂಡ್ಯರನ್ನು ಖರೀದಿಸಿದೆ. ಪಂಜಾಬ್ ತಂಡ 7 ಕೋಟಿ ರೂ.ಗೆ ಮಾರ್ಕೊ ಜಾನ್ಸೆನ್ ಖರೀದಿಸಿದೆ.
IPL Mega Auction 2025 Live: ಅಜಿಂಕ್ಯಾ ರಹಾನೆ, ಪೃಥ್ವಿ ಶಾ ಅನ್‌ಸೋಲ್ಡ್‌
ಡುಪ್ಲೆಸಿಸ್ 2 ಕೋಟಿ ರೂಪಾಯಿಗೆ ದೆಹಲಿ ಕ್ಯಾಪಿಟಲ್ಸ್‌ ತಂಡದ ಪಾಲಾಗಿದ್ದು, ತಂಡದ ಪರ ಬ್ಯಾಟ್ ಬೀಸಲಿದ್ದಾರೆ. ಇನ್ನು ಅಜಿಂಕ್ಯಾ ರಹಾನೆ, ಮಯಾಂಕ್ ಅಗರ್ವಾಲ್, ಪೃಥ್ವಿ ಶಾ ಅನ್‌ಸೋಲ್ಡ್‌ ಆಗಿದ್ದಾರೆ.
IPL Mega Auction 2025 Live: ಎರಡನೇ ದಿನದ ಹರಾಜು ಪ್ರಕ್ರಿಯೆ ಆರಂಭ
ಐಪಿಎಲ್ ಆಟಗಾರರ ಎರಡನೇ ದಿನದ ಹರಾಜು ಪ್ರಕ್ರಿಯೆ ಆರಂಭವಾಗಿದ್ದು, 2.4 ಕೋಟಿ ರೂ.ಗೆ ಸ್ಯಾಮ್ ಕರ್ರಾನ್ ಚೆನ್ನೈ ತಂಡದ ಪಾಲಾಗಿದ್ದಾರೆ. ವಾಷಿಂಗ್ಟನ್ ಸುಂದರ್‌ 3.2 ಕೋಟಿ ರೂ.ಗೆ ಗುಜರಾತ್ ತಂಡವನ್ನು ಸೇರಿದ್ದಾರೆ. ಶಾರ್ದುಲ್ ಠಾಕೂರ್ ಅನ್‌ ಸೋಲ್ಡ್ ಆಗಿದ್ದಾರೆ.
IPL Mega Auction 2025 Live: ಫ್ರಾಂಚೈಸಿಗಳ ಬಳಿ ಉಳಿದುಕೊಂಡಿರುವ ಮೊತ್ತ
ಒಂದನೇ ದಿನದ ಹರಾಜು ಪ್ರಕ್ರಿಯೆ ಬಳಿಕ ಇದೀಗ ಆಯಾ ಫ್ರಾಂಚೈಸಿಗಳ ಬಳಿ ಉಳಿದುಕೊಂಡಿರುವ ಮೊತ್ತ ಹೀಗಿದೆ.
We have got an action-packed Day 2 ahead at the #TATAIPLAuction in Jeddah!
Time to look at the remaining purse 💰 of the 🔟 franchises 🔽 #TATAIPL pic.twitter.com/Okw3mXDY1s
— IndianPremierLeague (@IPL) November 25, 2024
IPL Mega Auction 2025 Live: ಅಭಿಮಾನಿಗಳಲ್ಲಿ ಕುತೂಹಲ
2025ರ ಐಪಿಎಲ್ ಕ್ರಿಕೆಟ್ ಹಬ್ಬಕ್ಕೆ ಹರಾಜು ಪ್ರಕ್ರಿಯೆ ಆರಂಭವಾಗಿದ್ದು, ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಕೆರಳಿಸಿದೆ. ಹರಾಜು ಪ್ರಕ್ರಿಯೆಯ ಎರಡನೇ ದಿನವಾದ ಇಂದು ಫ್ರಾಂಚೈಸಿಗಳು ತಮ್ಮ ಉತ್ತಮ ಆಟಗಾರರ ಮೇಲೆ ಕೊಟ್ಯಾಂತರ ರೂ. ಹಣ ಸುರಿಯಲು ಮುಂದಾಗಿದ್ದಾರೆ.
ಐಪಿಎಲ್ ಫೀವರ್ ಶುರುವಾಗಿದೆ. 2025ರ 18ನೇ ಆವೃತ್ತಿಯ ಐಪಿಎಲ್ಗೆ ಆಟಗಾರರ ಹರಾಜು ಪ್ರಕ್ರಿಯೆ ನಿನ್ನೆಯಿಂದ ಆರಂಭವಾಗಿದ್ದು, ಫ್ರಾಂಚೈಸಿಗಳು ಅಳೆದು ತೂಗಿ ಕೋಟಿ ಕೋಟಿ ರೂ. ಬೆಲೆಗೆ ಆಟಗಾರರನ್ನು ಖರೀದಿಸುತ್ತಿವೆ. ಹರಾಜು ಪ್ರಕ್ರಿಯೆಯ ಎರಡನೇ ದಿನವಾಗಿರುವ ಇಂದು ಕೂಡ ತಮ್ಮ ನೆಚ್ಚಿನ ಆಟಗಾರರು ಯಾವ ತಂಡ ಸೇರುತ್ತಾರೆ ಎಂಬುವುದನ್ನು ತಿಳಿಯಲು ಅಭಿಮಾನಿಗಳು ಸಾಕಷ್ಟು ಕುತೂಹಲರಾಗಿದ್ದಾರೆ. ನಿನ್ನೆಯ ಮೆಗಾ ಹರಾಜಿನಲ್ಲಿ ಐಪಿಎಲ್ ಇತಿಹಾಸದಲ್ಲೇ ಅತಿದೊಡ್ಡ ಮೊತ್ತಕ್ಕೆ ಸೇಲಾಗುವ ಮೂಲಕ ರಿಷಭ್ ಪಂತ್ ದಾಖಲೆ ಬರೆದಿದ್ದಾರೆ. ಹಾಗಾದರೆ ಇಂದು ಫ್ರಾಂಚೈಸಿಗಳು ಯಾವೆಲ್ಲಾ ಆಟಗಾರರ ಮೇಲೆ ದುಡ್ಡಿನ ಮಳೆ ಸುರಿಸಲಿದೆ ಎಂಬ ಕ್ಷಣ ಕ್ಷಣದ ಅಪ್ಡೇಟ್ಸ್ಗಾಗಿ ಲೈವ್ ನೋಡಿ.
Published On - Nov 25,2024 2:59 PM
