IPL 2022: ಈತ ಪ್ರತಿನಿಧಿಸಿದ ತಂಡ ಬರೋಬ್ಬರಿ 7 ಬಾರಿ ಫೈನಲ್ಗೇರಿದೆ; ಆದರೆ ಒಮ್ಮೆಯೂ ಚಾಂಪಿಯನ್ ಆಗಿಲ್ಲ!
IPL 2022: ಐಪಿಎಲ್ 2022 ರಲ್ಲಿ ಆರ್ ಅಶ್ವಿನ್ ಚೆಂಡಿನೊಂದಿಗೆ ವಿಶೇಷವಾದ ಏನನ್ನೂ ಮಾಡಲು ಸಾಧ್ಯವಾಗಲಿಲ್ಲ. ಅಶ್ವಿನ್ ತಮ್ಮ ಹೆಸರಿಗೆ 17 ಪಂದ್ಯಗಳಲ್ಲಿ ಕೇವಲ 12 ವಿಕೆಟ್ಗಳನ್ನು ಬರೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದರು.
Updated on: May 31, 2022 | 7:00 AM
ಐಪಿಎಲ್ 2022 (IPL 2022)ರ ಫೈನಲ್ನಲ್ಲಿ ಗುಜರಾತ್ ಟೈಟಾನ್ಸ್ (Gujarat Titans) ವಿಜಯದ ನಂತರ ಬಿರುಸಿನ ಸಂಭ್ರಮಾಚರಣೆ ನಡೆಸಿದರೆ, ಮತ್ತೊಂದೆಡೆ ರಾಜಸ್ಥಾನ್ ರಾಯಲ್ಸ್ (Rajasthan Royals) ಪಾಳಯದಲ್ಲಿ ಮೌನ ಆವರಿಸಿತ್ತು. ಅಂತಹ ಅತ್ಯುತ್ತಮ ಮತ್ತು ಅನುಭವಿ ಆಟಗಾರರನ್ನು ಹೊಂದಿರುವ ಈ ತಂಡವು ಏಕಪಕ್ಷೀಯ ರೀತಿಯಲ್ಲಿ ಫೈನಲ್ನಲ್ಲಿ ಸೋಲುತ್ತದೆ ಎಂದು ಯಾರು ಭಾವಿಸಿರಲಿಲ್ಲ. ಆರೆಂಜ್ ಕ್ಯಾಪ್ ಗೆದ್ದ ಬ್ಯಾಟ್ಸ್‌ಮನ್, ಪರ್ಪಲ್ ಕ್ಯಾಪ್ ಗೆದ್ದ ಬೌಲರ್ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗಲಿಲ್ಲ, ಈ ವಿಷಯವನ್ನು ಅರಗಿಸಿಕೊಳ್ಳುವುದು ಕಷ್ಟ. ಜೋಸ್ ಬಟ್ಲರ್, ಯುಜುವೇಂದ್ರ ಚಾಹಲ್, ನಾಯಕ ಸಂಜು ಸ್ಯಾಮ್ಸನ್ (os Buttler, Yuzvendra Chahal, captain Sanju Samson) ಸೇರಿದಂತೆ ತಂಡದ ಪ್ರತಿಯೊಬ್ಬ ಸದಸ್ಯರೂ ಪ್ರಶಸ್ತಿ ಸುತ್ತಿನ ಸೋಲಿನಿಂದ ದುಃಖಿತರಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ, ಆದರೆ ಈ ಎಲ್ಲರಿಗಿಂತ ಮತ್ತೊಬ್ಬ ಆಟಗಾರನಾಗಿಗಾಗಿರುವ ನೋವು ಅಷ್ಟಿಷ್ಟಲ್ಲ. ಬರೋಬ್ಬರಿ 7 ಬಾರಿ ಫೈನಲ್ನಲ್ಲಿ ಸೋಲು ಅನುಭವಿಸಿದ ಆಟಗಾರ ಈ ತಂಡದಲ್ಲಿದ್ದಾರೆ. ಈ ಆಟಗಾರ ಬೇರೆ ಯಾರೂ ಅಲ್ಲ, ಐಪಿಎಲ್ 2022 ರ ಫೈನಲ್ನಲ್ಲಿ 7 ನೇ ಬಾರಿಗೆ ಸೋಲು ಕಂಡಿರುವ ಆಫ್ ಸ್ಪಿನ್ನರ್ ಆರ್ ಅಶ್ವಿನ್.
ಅಶ್ವಿನ್ಗೆ 7ನೇ ಬಾರಿಗೆ ಐಪಿಎಲ್ ಫೈನಲ್ ಸೋಲು ಅಶ್ವಿನ್ರಂತಹ ಚಾಂಪಿಯನ್ ಆಟಗಾರ ಐಪಿಎಲ್ ಫೈನಲ್ನಲ್ಲಿ 7ನೇ ಬಾರಿ ಸೋಲನುಭವಿಸಬೇಕಾಗಿರುವುದು ಎಲ್ಲರಿಗೂ ಆಶ್ಚರ್ಯ ತಂದಿದೆ. ಅಶ್ವಿನ್ ನಾಲ್ಕು ತಂಡಗಳೊಂದಿಗೆ ಐಪಿಎಲ್ ಫೈನಲ್ ತಲುಪಿದ್ದು, 7 ಬಾರಿ ನಿರಾಸೆ ಎದುರಿಸಿದ್ದಾರೆ. ಧೋನಿ ಜತೆಗಿನ ಫೈನಲ್ನಲ್ಲಿ ಅಶ್ವಿನ್ 4 ಬಾರಿ ಸೋತಿದ್ದಾರೆ. ಅವರು ರೈಸಿಂಗ್ ಪುಣೆ ಸೂಪರ್‌ಜೈಂಟ್ಸ್‌ನೊಂದಿಗೆ ಫೈನಲ್ನಲ್ಲಿ ಸೋತಿದ್ದರು. ಇದು ಅವರಿಗೆ 2020 ರಲ್ಲಿ ದೆಹಲಿ ಕ್ಯಾಪಿಟಲ್ಸ್‌ ಎದುರು ಸಂಭವಿಸಿತು. ಈಗ ಅವರು ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿಯೂ ಅಂತಹ ದಿನವನ್ನು ನೋಡಬೇಕಾಗಿದೆ. ಅಶ್ವಿನ್ 2008, 2012, 2013 ಮತ್ತು 2015 ರಲ್ಲಿ ಚೆನ್ನೈನೊಂದಿಗೆ ಐಪಿಎಲ್ ಫೈನಲ್ನಲ್ಲಿ ಸೋಲನುಭವಿಸಿದ್ದರು. ನಂತರ 2017 ರಲ್ಲಿ, ಸ್ಟೀವ್ ಸ್ಮಿತ್ ನಾಯಕತ್ವದಲ್ಲಿ ಅಶ್ವಿನ್ ರೈಸಿಂಗ್ ಪುಣೆ ಸೂಪರ್‌ಜೈಂಟ್ಸ್‌ನೊಂದಿಗೆ ಆಡಿದ್ದಾಗ ಸೋಲನುಭವಿಸಬೇಕಾಗಿತ್ತು.
ಇದನ್ನೂ ಓದಿ:IPL 2022: ಈ ಐಪಿಎಲ್ ಮೂಲಕ ಟೀಂ ಇಂಡಿಯಾಗೆ ಸಿಕ್ಕ ಐವರು ಪ್ರತಿಭಾವಂತ ಬೌಲರ್ಗಳಿವರು
ಅಶ್ವಿನ್ ತಂತ್ರದ ಮೇಲೆ ಎಲ್ಲರ ಪ್ರಶ್ನೆಗಳು
ಐಪಿಎಲ್ 2022 ರಲ್ಲಿ ಆರ್ ಅಶ್ವಿನ್ ಚೆಂಡಿನೊಂದಿಗೆ ವಿಶೇಷವಾದ ಏನನ್ನೂ ಮಾಡಲು ಸಾಧ್ಯವಾಗಲಿಲ್ಲ. ಅಶ್ವಿನ್ ತಮ್ಮ ಹೆಸರಿಗೆ 17 ಪಂದ್ಯಗಳಲ್ಲಿ ಕೇವಲ 12 ವಿಕೆಟ್ಗಳನ್ನು ಬರೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದರು. ಫೈನಲ್‌ನಲ್ಲೂ ಅವರು ಅತ್ಯಂತ ದುಬಾರಿ ಎಂಬುದನ್ನು ಸಾಬೀತುಪಡಿಸಿದರು. ಇದಾದ ಬಳಿಕ ರಾಜಸ್ಥಾನ ತಂಡದ ನಿರ್ದೇಶಕ ಕುಮಾರ ಸಂಗಕ್ಕಾರ ಅವರು ಅಶ್ವಿನ್ಗೆ ಕೇರಂ ಬಾಲ್‌ಗಿಂತ ಆಫ್ ಸ್ಪಿನ್‌ ಹೆಚ್ಚು ಬಳಸುವಂತೆ ಸಲಹೆ ನೀಡಿದರು. ಋತುವಿನ ಉದ್ದಕ್ಕೂ ಅಶ್ವಿನ್ ಬಲಗೈ ಬ್ಯಾಟ್ಸ್‌ಮನ್‌ಗಳಿಗೆ ಕೇರಂ ಬೌಲಿಂಗ್ ಮಾಡುವುದನ್ನು ನೋಡಿದ್ದೇವೆ. ಆದರೆ ಅದು ತಂಡಕ್ಕೆ ಹೆಚ್ಚು ಪ್ರಯೋಜನವನ್ನು ನೀಡಲಿಲ್ಲ ಎಂಬುದು ಎಲ್ಲರಿಗೂ ತಿಳಿದಿರುವ ವಿಚಾರವೇ ಆಗಿದೆ.
