ಗಂಗೂಲಿ ಫಾರ್ಮ್ ಕಳೆದುಕೊಂಡರು, ಜನ ನನ್ನ ದೂರಿದರು’; ದಾದಾ- ನಗ್ಮಾ ಭಗ್ನ ಪ್ರೇಮಕಥೆ ಬಗ್ಗೆ ನಿಮಗೆಷ್ಟು ಗೊತ್ತು?

Happy Birthday Sourav Ganguly: ನಾವು ಒಟ್ಟಿಗೆ ಇದ್ದಾಗ ಗಂಗೂಲಿ ತಮ್ಮ ಫಾರ್ಮ್ ಕಳೆದುಕೊಂಡರು. ನಂತರ ಗಂಗೂಲಿ ಅವರ ಕಳಪೆ ಪ್ರದರ್ಶನಕ್ಕಾಗಿ ಜನರು ನನ್ನನ್ನು ದೂಷಿಸಲು ಪ್ರಾರಂಭಿಸಿದರು. ಕ್ರಿಕೆಟ್ ಒಂದು ಆಟ.. ಆದರೆ ಜನ ಅದನ್ನು ಗುರುತಿಸದೆ, ವೈಯಕ್ತಿಕ ಆರೋಪ ಮಾಡಿ, ನನ್ನ ಮೇಲೆ ಸಿಟ್ಟು ಮಾಡಿಕೊಳ್ಳುತ್ತಾರೆ.

ಗಂಗೂಲಿ ಫಾರ್ಮ್ ಕಳೆದುಕೊಂಡರು, ಜನ ನನ್ನ ದೂರಿದರು'; ದಾದಾ- ನಗ್ಮಾ ಭಗ್ನ ಪ್ರೇಮಕಥೆ ಬಗ್ಗೆ ನಿಮಗೆಷ್ಟು ಗೊತ್ತು?
ಸೌರವ್ ಗಂಗೂಲಿ, ನಗ್ಮಾ
TV9kannada Web Team

| Edited By: pruthvi Shankar

Jul 08, 2022 | 4:10 PM

ಭಾರತ ಕ್ರಿಕೆಟ್​ನ ದಾದಾ, ಬಂಗಾಳದ ಹುಲಿ ಖ್ಯಾತಿಯ ಸೌರವ್ ಗಂಗೂಲಿ (Saurav Ganguly) ಜೂನ್ 8 ರಂದು ತಮ್ಮ 50 ನೇ ವಸಂತಕ್ಕೆ ಕಾಲಿಟಿದ್ದಾರೆ. ತನ್ನ ನಾಯಕತ್ವದಲ್ಲಿ ಟೀಂ ಇಂಡಿಯಾವನ್ನು ವಿದೇಶಗಳಲ್ಲೂ ಗೆಲ್ಲುವಂತೆ ಮಾಡಿದ ಶ್ರೇಯಾ ಗಂಗೂಲಿಗೆ ಸಲ್ಲಬೇಕಾಗುತ್ತದೆ. ಅನೇಕ ಯುವಕರಿಗೆ ತಂಡದಲ್ಲಿ ಸ್ಥಾನ ಕಲ್ಪಿಸಿದ ಗಂಗೂಲಿ, ಇಂದು ಟೀಂ ಇಂಡಿಯಾ ಈ ಸ್ಥಾನಕ್ಕೆ ಬಂದು ನಿಲ್ಲುವಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ. ಬದುಕಿನ ಅರ್ಧಶತಕ ಸಿಡಿಸಿದ ಗಂಗೂಲಿಗೆ ಅಭಿಮಾನಿಗಳು, ಅನುಯಾಯಿಗಳು ಮತ್ತು ಭಾರತ ಕ್ರಿಕೆಟ್ ತಂಡದ ಸದಸ್ಯರು ಶುಭ ಹಾರೈಸಿದ್ದಾರೆ. ಜೊತೆಗೆ ಇನ್ನು ಕೆಲವರು ನಟಿ ನಗ್ಮಾ (Nagma) ಜೊತೆಗಿನ ಬ್ರೇಕಪ್ ಕಥೆಯನ್ನೂ ಸಹ ನೆನಪಿಸಿಕೊಂಡಿದ್ದಾರೆ. ಮೈದಾನದಲ್ಲಿ ಅಬ್ಬರಿಸುವ ಮೂಲಕ ಗಂಗೂಲಿ ಎಷ್ಟು ಖ್ಯಾತರಾಗಿದ್ದರೋ, ಮೈದಾನದ ಹೊರಗೂ ಕೂಡ ತಮ್ಮ ಪ್ರೇಮಕಥೆಯಿಂದ ಆ ಒಂದು ಸಮಯದಲ್ಲಿ ಸಖತ್ ಸುದ್ದಿಯಲ್ಲಿದ್ದರು. ಗಂಗೂಲಿ ಅವರ ಜನ್ಮದಿನದಂದು, ಕ್ರಿಕೆಟ್ ಕ್ಷೇತ್ರಕ್ಕೆ ಸಂಬಂಧಿಸದ ಅವರ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದ ಒಂದು ಅಧ್ಯಾಯದ ಬಗ್ಗೆ ನಾವು ನಿಮಗೆ ಹೇಳಲಿದ್ದೇವೆ. ಅಂದರೆ, ಸೌರವ್ ಗಂಗೂಲಿ ಮತ್ತು ಪ್ರಸಿದ್ಧ ನಟಿ ನಾಗ್ಮಾ ಅವರ ನಡುವಿನ ಕಥೆ.

ನಗ್ಮಾ, ಗಂಗೂಲಿ ವೃತ್ತಿ ಬದುಕು

ಈ ಕಥೆ 1990 ರಿಂದ ಪ್ರಾರಂಭವಾಗುತ್ತದೆ. ನಟಿ ನಗ್ಮಾ 1990 ರಲ್ಲಿ ಸಲ್ಮಾನ್ ಖಾನ್ ಜೊತೆ ‘ಬಾಘಿ’ ಚಿತ್ರದೊಂದಿಗೆ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಈ ಚಿತ್ರವು ಭಾರಿ ಯಶಸ್ಸನ್ನು ಕಂಡಿತು ಮತ್ತು ಚಿತ್ರವು ಸೂಪರ್ ಹಿಟ್ ಆಗಿತ್ತು. ಅದೇ ವರ್ಷ, ಅವರು ತೆಲುಗು ಚಿತ್ರಗಳತ್ತ ಹೆಜ್ಜೆ ಹಾಕಿದರು ಮತ್ತು ಅಲ್ಲಿಯೂ ತಮ್ಮ ಖ್ಯಾತಿಯನ್ನು ಹರಡಲು ಪ್ರಾರಂಭಿಸಿದರು. ಏತನ್ಮಧ್ಯೆ, 1992 ರಲ್ಲಿ, ಸೌರವ್ ಗಂಗೂಲಿ ಕ್ರಿಕೆಟ್ ಮೈದಾನದಲ್ಲಿ ತಮ್ಮ ಭವ್ಯ ಪ್ರವೇಶವನ್ನು ಮಾಡಿದರು. ಸೌರವ್ 1990 ರಿಂದ 1991 ರವರೆಗೆ ಉತ್ತಮ ರಣಜಿ ವೃತ್ತಿಜೀವನವನ್ನು ಹೊಂದಿದ್ದರು, ಆದರೆ ಅವರ ಮೊದಲ ಏಕದಿನ ಪಂದ್ಯದಲ್ಲಿ ಸೌರವ್ ಗಂಗೂಲಿ ಕೇವಲ 3 ರನ್‌ಗಳಿಗೆ ಔಟಾದರು. ಆದರೆ ಕ್ರಮೇಣ ಅವರು ತನ್ನ ಸ್ಥಾನವನ್ನು ಬಲಪಡಿಸಿಕೊಂಡರು.

ಈ ಸಮಯದಲ್ಲಿ ನಟಿ ನಗ್ಮಾ ಮತ್ತು ಭಾರತ ಕ್ರಿಕೆಟ್ ತಂಡದ ನಾಯಕ ಸೌರವ್ ಗಂಗೂಲಿ ನಡುವಿನ ಸಂಬಂಧ ಚರ್ಚೆಯ ವಿಷಯವಾಗಿತ್ತು. 2000 ರ ದಶಕದ ಆರಂಭದಲ್ಲಿ ಇಬ್ಬರೂ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿಗಳು ಕೇಳಿ ಬಂದಿದ್ದವು. ಆದರೆ ಗಂಗೂಲಿ ಅದಾಗಲೇ ಖ್ಯಾತ ನೃತ್ಯಗಾರ್ತಿ ಡೊನ್ನಾ ಗಂಗೂಲಿಯನ್ನು ಪ್ರೀತಿಸಿ ಮದುವೆಯಾಗಿದ್ದರು. ಇದು ಗಂಗೂಲಿ ಮತ್ತು ನಗ್ಮಾ ನಡುವಿನ ಪ್ರೀತಿ ಮತ್ತು ಸಂಬಂಧಕ್ಕೆ ಅಡ್ಡಿಯಾಗತೊಡಗಿತು.

ಬಾಲ್ಯದ ಸ್ನೇಹಿತೆಯೊಂದಿಗೆ ಸೌರವ್ ವಿವಾಹ

ಮತ್ತೊಂದೆಡೆ, 90 ರ ದಶಕದ ಅಂತ್ಯದ ವೇಳೆಗೆ, ನಗ್ಮಾ ಎಂಬುದು ಚಲನಚಿತ್ರೋದ್ಯಮದಲ್ಲಿ ಪ್ರಸಿದ್ಧ ಹೆಸರಾಗಿತ್ತು. ತೆಲುಗು, ಮಲಯಾಳಂ, ತಮಿಳು, ಕನ್ನಡ ಮತ್ತು ಹಿಂದಿ ಚಿತ್ರಗಳಲ್ಲಿ ನಗ್ಮಾ ಮಿಂಚಲಾರಂಭಿಸಿದ್ದರು. ಅವರ ಅನೇಕ ಚಲನಚಿತ್ರಗಳು ಸೂಪರ್​ಡೂಪರ್​ ಹಿಟ್​ ಆಗಿದ್ದಲ್ಲದೆ, ಅವರ ನಟನೆಯ ಜೊತೆಗೆ, ಅವರ ಅಭಿನಯವು ಜನರನ್ನು ಹುಚ್ಚರನ್ನಾಗಿ ಮಾಡುತ್ತಿತ್ತು. ‘ಯಾಲ್ಗಾರ್’ ಚಿತ್ರದಲ್ಲಿ ಅವರ ಬಿಕಿನಿ ನೋಟ (ನಾಗ್ಮಾ ಬಿಕಿನಿ ಫೋಟೋ) ಆಗಲೇ ಪಡ್ಡೆ ಹುಡುಗರ ನಿದ್ದೆ ಕೆಡಿಸಿತ್ತು. ಅವರು 90 ರ ದಶಕದ ಅತ್ಯಂತ ದಿಟ್ಟ ಮತ್ತು ಮನಮೋಹಕ ನಟಿ ಎಂದು ಪ್ರಸಿದ್ಧರಾಗಿದ್ದರು. ಇತ್ತ ಸೌರವ್ ಗಂಗೂಲಿಯ ವೃತ್ತಿಜೀವನವು ಉತ್ತುಂಗಕ್ಕೇರಿತು.

ಸೌರವ್ ಗಂಗೂಲಿಯ ಹೆಸರು ನಗ್ಮಾ ಜೊತೆ ತಳುಕು ಸೌರವ್ ಮದುವೆಯಾದ ಕೇವಲ ಎರಡು ವರ್ಷಗಳ ನಂತರ, ಅಂದರೆ 1999 ರಲ್ಲಿ, ಭಾರತವು ವಿಶ್ವಕಪ್ ಆಡಿತು, ಇದರಲ್ಲಿ ಅವರ ಸಾಧನೆ ನಂಬಲಸಾಧ್ಯವಾಗಿತ್ತು. ವಿಶ್ವಕಪ್ ಸಮಯದಲ್ಲಿ, ನಟಿ ನಗ್ಮಾ ಸೌರವ್ ಗಂಗೂಲಿಯನ್ನು ಭೇಟಿಯಾಗಿದ್ದರು. ಅಂದಿನಿಂದ ಇಬ್ಬರ ನಡುವಿನ ನಿಕಟತೆ ಹೆಚ್ಚಾಗತೊಡಗಿತು. ಭಾರತೀಯ ಕ್ರಿಕೆಟ್ ತಂಡದ ಅನೇಕ ಆಟಗಾರರು ಮ್ಯಾಚ್ ಫಿಕ್ಸಿಂಗ್ ಆರೋಪ ಹೊತ್ತ ಫಲವಾಗಿ ಸೌರವ್ ಗಂಗೂಲಿಗೆ 2000 ನೇ ಇಸವಿಯಲ್ಲಿ ಭಾರತೀಯ ಕ್ರಿಕೆಟ್ ತಂಡದ ನಾಯಕತ್ವವನ್ನು ಹಸ್ತಾಂತರಿಸಲಾಯಿತು. ಮತ್ತೊಂದೆಡೆ, ನಗ್ಮಾ ಮತ್ತು ಸೌರವ್ ಅವರ ಸಂಬಂಧಕ್ಕೆ ಸಂಬಂಧಿಸಿದ ಸುದ್ದಿಗಳು ಮಾಧ್ಯಮಗಳಲ್ಲಿ ಬರಲು ಪ್ರಾರಂಭಿಸಿದವು. ಕೆಲವು ವರದಿಗಳ ಪ್ರಕಾರ, ಇಬ್ಬರೂ ಚೆನ್ನೈ ಬಳಿಯ ದೇವಾಲಯವೊಂದರಲ್ಲಿ ಕಾಣಿಸಿಕೊಂಡಿದ್ದು, ಸೌರವ್ ನಗ್ಮಾರನ್ನು ರಹಸ್ಯವಾಗಿ ಮದುವೆಯಾಗಿದ್ದಾರೆ ಎಂದು ವದಂತಿಗಳು ಬರಲಾರಂಭಿಸಿದವು. ಆದರೆ ಸೌರವ್ ಗಂಗೂಲಿ ಮಾತ್ರ ನಗ್ಮಾ ಅವರೊಂದಿಗಿನ ಸಂಬಂಧದ ಬಗ್ಗೆ ಏನನ್ನೂ ಹೇಳಲಿಲ್ಲ. ನಗ್ಮಾ ಮತ್ತು ಸೌರವ್ ಅವರ ಸಂಬಂಧದ ಗುಸುಗುಸು ಸೌರವ್ ಅವರ ಮನೆಗೆ ತಲುಪಿತ್ತು.

ಡೊನ್ನಾ ಎಂಟ್ರಿ, ಸೌರವ್-ನಗ್ಮಾ ಬ್ರೇಕಪ್

ಸೌರವ್ ಗಂಗೂಲಿ ಅವರ ವೈವಾಹಿಕ ಜೀವನವು ಅವರ ಮತ್ತು ನಗ್ಮಾ ಸಂಬಂಧದ ಮೇಲೆ ಕೆಟ್ಟ ಪರಿಣಾಮ ಬೀರಲು ಪ್ರಾರಂಭಿಸಿತು. ಡಿಎನ್‌ಎ ವರದಿಯ ಪ್ರಕಾರ, ಡೊನ್ನಾ ಗಂಗೂಲಿ ಅವರು ಸೌರವ್ ಮತ್ತು ನಗ್ಮಾ ಅವರ ಸಂಬಂಧದ ಬಗ್ಗೆ ತಿಳಿದಾಗ, ಅವರು ಸೌರವ್‌ಗೆ ವಿಚ್ಚೇದನ ನೀಡಲು ಬಯಸಿದ್ದರು. ನಂತರ ಡೊನ್ನಾ ತನ್ನ ವೈವಾಹಿಕ ಜೀವನವನ್ನು ನಿಭಾಯಿಸಲು ಮುಂದಾದರು. ಈ ಸಂಬಂಧದ ಸಂಪೂರ್ಣ ಸುದ್ದಿಯನ್ನು ವದಂತಿಯೆಂದು ಕರೆಯಲಾಯಿತು. ಅದರ ನಂತರ ಸೌರವ್ ಮತ್ತು ನಗ್ಮಾ ಅವರ ನಡುವಿನ ಸಂಬಂಧ ಮುರಿದುಬಿದ್ದಿದೆ ಎಂದು ನಂಬಲಾಗಿದೆ. 2003 ರಲ್ಲಿ, ಇಬ್ಬರೂ ಬೇರ್ಪಟ್ಟಿದ್ದಾರೆ ಎಂದು ವರದಿಯಾಗಿತ್ತು.

ಸೌರವ್ ಅವರೊಂದಿಗಿನ ಸಂಬಂಧದ ಬಗ್ಗೆ ನಗ್ಮಾ ಹೇಳಿದ್ದೇನು?

ಸಂದರ್ಶನವೊಂದರಲ್ಲಿ ನಗ್ಮಾ ಗಂಗೂಲಿ ಜೊತೆಗಿನ ಸಂಬಂಧದ ಬಗ್ಗೆ ಮುಕ್ತವಾಗಿ ಮಾತನಾಡಿದ ನಗ್ಮಾ, ತಮ್ಮ ಹಾಗೂ ಗಂಗೂಲಿ ನಡುವಿನ ಸಂಬಂಧದ ಬಗ್ಗೆ ಕೇಳಿ ಬಂದ ಆರೋಪಗಳನ್ನು ಎಂದಿಗೂ ನಿರಾಕರಿಸಲಿಲ್ಲ. ಎಲ್ಲಿಯವರೆಗೆ ಒಬ್ಬರ ಜೀವನದಲ್ಲಿ ಒಬ್ಬರ ಅಸ್ತಿತ್ವವನ್ನು ಅಲ್ಲಗಳೆಯುವುದಿಲ್ಲವೋ ಅಲ್ಲಿಯವರೆಗೆ.. ಇದನ್ನೇ ಹೇಳಬಹುದು ಎಂದು ನಗ್ಮಾ ಹೇಳಿದರು.

ಇಬ್ಬರು ಬೇರೆಬೇರೆಯಾಗುವ ಹಿಂದಿನ ಕಾರಣಗಳನ್ನು ಉಲ್ಲೇಖಿಸಿದ ನಗ್ಮಾ, ಆ ಸಮಯದಲ್ಲಿ ಗಂಗೂಲಿ ವೃತ್ತಿಜೀವನವು ಅಪಾಯದಲ್ಲಿತ್ತು, ಹಾಗಾಗಿ ಅವರು ಬೇರೆಯಾಗಬೇಕಾಯಿತು. ಇಬ್ಬರೂ ಅಹಂಕಾರದಲ್ಲಿ ಕಳೆದುಹೋಗದೆ ಜೀವನಕ್ಕೆ ಸಂಬಂಧಿಸಿದ ವಿಷಯಗಳನ್ನು ತೂಗಬೇಕಾಗಿತ್ತು. ನಾವು ಒಟ್ಟಿಗೆ ಇದ್ದಾಗ ಗಂಗೂಲಿ ತಮ್ಮ ಫಾರ್ಮ್ ಕಳೆದುಕೊಂಡರು. ನಂತರ ಗಂಗೂಲಿ ಅವರ ಕಳಪೆ ಪ್ರದರ್ಶನಕ್ಕಾಗಿ ಜನರು ನನ್ನನ್ನು ದೂಷಿಸಲು ಪ್ರಾರಂಭಿಸಿದರು. ಕ್ರಿಕೆಟ್ ಒಂದು ಆಟ.. ಆದರೆ ಜನ ಅದನ್ನು ಗುರುತಿಸದೆ, ವೈಯಕ್ತಿಕ ಆರೋಪ ಮಾಡಿ, ನನ್ನ ಮೇಲೆ ಸಿಟ್ಟು ಮಾಡಿಕೊಳ್ಳುತ್ತಾರೆ. ಬೇರೆಯವರ ಬದುಕಿಗೆ ತೊಂದರೆ ಕೊಡುತ್ತಿದ್ದೇವೆ ಎಂದು ಅನಿಸಿದರೆ ಆ ಸಂಬಂಧಕ್ಕೆ ಗುಡ್ ಬೈ ಹೇಳಿ ಜೀವನದಲ್ಲಿ ಮುನ್ನಡೆಯುವುದು ಒಳ್ಳೆಯದು ಎನ್ನುತ್ತಾರೆ ನಗ್ಮಾ.

ಇದನ್ನೂ ಓದಿ

ಬಾಲಿವುಡ್​ನಲ್ಲಿ ನಾಯಕಿಯಾಗಿ ಪಾದಾರ್ಪಣೆ ಮಾಡಿದ ನಗ್ಮಾ 2000ನೇ ಇಸವಿಯಲ್ಲಿ ಟಾಲಿವುಡ್​ನಲ್ಲಿ ಸ್ಟಾರ್ ಹೀರೋಯಿನ್ ಆಗಿದ್ದರು. ಅವರು ಹಿಂದಿ, ತೆಲುಗು, ತಮಿಳು, ಮಲಯಾಳಂ, ಭೋಜ್‌ಪುರಿ ಮತ್ತು ಮರಾಠಿ ಚಿತ್ರಗಳಲ್ಲಿ ನಟಿಸಿದ್ದಾರೆ. ಬಳಿಕ ನಗ್ಮಾ ರಾಜಕೀಯಕ್ಕೆ ಕಾಲಿಟ್ಟರು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada