Axar Patel: ಅಕ್ಷರ್ ಪಟೇಲ್ ಸ್ಫೋಟಕ ಸಿಕ್ಸ್ ಸಿಡಿಸಿದಾಗ ವಿರಾಟ್ ಕೊಹ್ಲಿ, ಸ್ಟೀವ್ ಸ್ಮಿತ್ ಏನು ಮಾಡಿದ್ರು ನೋಡಿ

ಅಹ್ಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಬಾರ್ಡರ್- ಗವಾಸ್ಕರ್ ಟ್ರೋಫಿಯ ಭಾರತ ಹಾಗೂ ಆಸ್ಟ್ರೇಲಿಯಾ (India vs Australia) ನಡುವಣ ಅಂತಿಮ ನಾಲ್ಕನೇ ಟೆಸ್ಟ್ ಪಂದ್ಯ ಡ್ರಾ ದತ್ತ ದಾಗುತ್ತಿದೆ. ಆಸ್ಟ್ರೇಲಿಯಾವನ್ನು 480 ರನ್​ಗಳಿಗೆ ಆಲೌಟ್ ಮಾಡಿ ತನ್ನ ಮೊದಲ ಇನ್ನಿಂಗ್ಸ್ ಮಾಡಿದ ಟೀಮ್ ಇಂಡಿಯಾ ವಿರಾಟ್ ಕೊಹ್ಲಿ (Virat Kohli), ಶುಭ್​ಮನ್ ಗಿಲ್ ಶತಕ ಹಾಗೂ ಅಕ್ಷರ್ ಪಟೇಲ್ (Axar Patel) ಅರ್ಧಶತಕದ ನೆರವಿನಿಂದ 571 ರನ್ ಕಲೆಹಾಕಿತು. ಈ ಮೂಲಕ 91 ರನ್​ಗಳ ಮುನ್ನಡೆ ಪಡೆಯಿತು. ಟೀಮ್ ಇಂಡಿಯಾ ಇಷ್ಟು ದೊಡ್ಡ ಕಲೆಹಾಕಲು ಪ್ರಮುಖ ಕಾರಣವಾಗಿದ್ದು ಕೊಹ್ಲಿ-ಅಕ್ಷರ್ ಜೊತೆಯಾಟ.

ಆರನೇ ವಿಕೆಟ್​ಗೆ ವಿರಾಟ್ ಜೊತೆಯಾದ ಅಕ್ಷರ್ ಪಟೇಲ್ ಆಸೀಸ್ ಬೌಲರ್​ಗಳನ್ನು ದಿಟ್ಟತನದಿಂದ ಎದುರಿಸಿದರು. ಬಿರುಸಿನ ಆಟವಾಡಿದ ಪಟೇಲ್ 113 ಎಸೆತಗಳಲ್ಲಿ 5 ಫೋರ್ ಹಾಗೂ 4 ಸಿಕ್ಸರ್​ನೊಂದಿಗೆ 79 ರನ್ ಸಿಡಿಸಿದರು. ಕೊಹ್ಲಿ ಜೊತೆಗೂಡಿ 162 ರನ್​​ಗಳ ಕಾಣಿಕೆ ನೀಡಿದರು. ಶ್ರೇಯಸ್ ಅಯ್ಯರ್ ಅನುಪಸ್ಥಿತಿಯಲ್ಲಿ ಕೊಹ್ಲಿಗೆ ಅತ್ಯುತ್ತಮ ಸಾಥ್ ನೀಡಿದ ಸ್ಟಾರ್ ಆಲ್ರೌಂಡರ್ ಸಿಡಿಸಿದ ಒಂದು ಸಿಕ್ಸ್ ರೋಚಕವಾಗಿತ್ತು. ಮ್ಯಾಥ್ಯೂ ಕುಹ್ಮೆನಮ್ ಬೌಲಿಂಗ್​ನಲ್ಲಿ ಪಟೇಲ್ ಮಿಡ್ ವಿಕೆಟ್ ಮೂಲಕ 88 ಮೀಟರ್​ನ ಸಿಕ್ಸರ್ ಬಾರಿಸಿದರು. ಇದನ್ನು ಕಂಡು ಕೊಹ್ಲಿ ಹಾಗೂ ಆಸೀಸ್ ನಾಯಕ ಸ್ಟೀವ್ ಸ್ಮಿತ್ ಒಂದು ಕ್ಷಣ ದಂಗಾಗಿ ಹೋದರು. ಇಲ್ಲಿದೆ ನೋಡಿ ವಿಡಿಯೋ.

ಇದನ್ನೂ ಓದಿ

Virat Kohli Century: ವಿರಾಟ್ ಕೊಹ್ಲಿ ಮನಮೋಹಕ ಶತಕದ ರೋಚಕ ಫೋಟೋಗಳು ಇಲ್ಲಿದೆ ನೋಡಿ

IPL 2023: ಐಪಿಎಲ್ ಆರಂಭಕ್ಕೂ ಮುನ್ನವೇ ಪಂಜಾಬ್ ಕಿಂಗ್ಸ್​ಗೆ ಹೊಸ ಚಿಂತೆ ಶುರು

WTC Final Scenario: ಡ್ರಾದತ್ತ ಇಂಡೋ-ಆಸೀಸ್​ ಪಂದ್ಯ: WTC ಫೈನಲ್​ಗೇರುತ್ತಾ ಭಾರತ?

UPW vs MI, WPL 2023: ಮುಂದುವರೆದ ಮುಂಬೈ ತಂಡದ ಗೆಲುವಿನ ನಾಗಾಲೋಟ

pic.twitter.com/7ZUdGTwvD3

— Anna 24GhanteChaukanna (@Anna24GhanteCh2) March 12, 2023

Virat Kohli: 40 ವರ್ಷಗಳ ಹಳೆಯ ಸಾಧನೆಯನ್ನು ಪುನರಾವರ್ತಿಸಿದ ವಿರಾಟ್ ಕೊಹ್ಲಿ

ಕೊಹ್ಲಿ ಶತಕ:

ನಾಲ್ಕನೇ ದಿನದಾಟದಲ್ಲಿ ಟೀಮ್ ಇಂಡಿಯಾ ಮಾಜಿ ನಾಯಕ ವಿರಾಟ್ ಕೊಹ್ಲಿ ಮೂರು ವರ್ಷ, ಮೂರು ತಿಂಗಳ ಬಳಿಕ ಟೆಸ್ಟ್ ಕ್ರಿಕೆಟ್​ನಲ್ಲಿ ಶತಕ ಸಿಡಿಸಿ ಸಂಭ್ರಮಿಸಿದರು. 241 ಎಸೆತಗಳಲ್ಲಿ ಶತಕ ಸಾಧನೆ ತೋರಿದ ಕೊಹ್ಲಿ ಇನ್ನಿಂಗ್ಸ್‌ನಲ್ಲಿ 5 ಬೌಂಡರಿಗಳಿದ್ದವು. ಇಷ್ಟು ಎಸೆತಗಳನ್ನು​ ಎದುರಿಸಿ ನಿಧಾನಗತಿಯಲ್ಲಿ ಶತಕ ಗಳಿಸಿರುವ ಅವರ ಎರಡನೇ ಇನ್ನಿಂಗ್ಸ್​ ಇದಾಗಿದೆ. ಈ ಮೂಲಕ ಕೊಹ್ಲಿ ಅವರು ಟೆಸ್ಟ್​ ಕರಿಯರ್​​ನಲ್ಲಿ 28ನೇ ಸೆಂಚುರಿ, ಹಾಗೆಯೇ ತಮ್ಮ ವೃತ್ತಿ ಜೀವನದ 75ನೇ ಶತಕವನ್ನೂ ಪೂರ್ಣಗೊಳಿಸಿದ್ದಾರೆ. 2019 ರಲ್ಲಿ ಬಾಂಗ್ಲಾದೇಶ ವಿರುದ್ಧ ತಮ್ಮ ಕೊನೆಯ ಟೆಸ್ಟ್ ಶತಕವನ್ನು ಬಾರಿಸಿದ್ದರು. ಕೊಹ್ಲಿ ಒಟ್ಟು 364 ಎಸೆತಗಳಲ್ಲಿ 15 ಫೋರ್​ನೊಂದಿಗೆ 186 ರನ್ ಗಳಿಸಿ ಔಟಾದರು.

571 ರನ್ ಗಳಿಸಿದ ಭಾರತ:

ಮೂರನೇ ದಿನದಾಟದ ಅಂತ್ಯಕ್ಕೆ ಭಾರತ 3 ವಿಕೆಟ್ ನಷ್ಟಕ್ಕೆ 289 ರನ್ ಗಳಿಸಿತ್ತು. 191 ರನ್​ಗಳ ಹಿನ್ನಡೆಯೊಂದಿಗೆ ಕೊಹ್ಲಿ ಹಾಗೂ ಜಡೇಜಾ ಕ್ರೀಸ್​ನಲ್ಲಿದ್ದರು. ನಾಲ್ಕನೇ ದಿನದಾಟ ಆರಂಭಿಸಿದ ಇವರಿಬ್ಬರ ಪೈಕಿ ಜಡೇಜ 28 ರನ್​ಗೆ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ವಿಕೆಟ್​ ಕೀಪರ್​ ಶ್ರೀಕರ್​ ಭರತ್ 44ಕ್ಕೆ ಔಟ್ ಆದರು. ವಿರಾಟ್​ ಜೊತೆಗೂಡಿದ ಅಕ್ಷರ್​ ಪಟೇಲ್​ ಬಿರುಸಿನ ಬ್ಯಾಟಿಂಗ್​ ಮಾಡಿದರು. ಅಶ್ವಿನ್​ (7) ಮತ್ತು ಉಮೇಶ್​​ (0) ಬೇಗ ವಿಕೆಟ್​ ಒಪ್ಪಿಸಿದರು. 186 ರನ್​ ಗಳಿಸಿದ್ದ ವಿರಾಟ್​ ಮಾರ್ಫಿ ಬೌಲಿಂಗ್​ನಲ್ಲಿ ಔಟಾದರು. ಅಯ್ಯರ್​ ಬೆನ್ನು ನೋವಿನ ಕಾರಣದಿಂದ ಬ್ಯಾಟಿಂಗ್​ಗೆ ಬರಲಿಲ್ಲ.

ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 8:59 am, Mon, 13 March 23