ಭಾರತದ ವಿರುದ್ಧದ ಸರಣಿಗೆ ಝಿಂಬಾಬ್ವೆ ತಂಡ ಪ್ರಕಟ

India vs Zimbabwe: ಭಾರತ ಮತ್ತು ಝಿಂಬಾಬ್ವೆ ನಡುವಣ ಸರಣಿಯು ಗುರುವಾರದಿಂದ ಆರಂಭವಾಗಲಿದೆ. ಹರಾರೆಯಲ್ಲಿ ಜರುಗಲಿರುವ ಈ ಸರಣಿಯಲ್ಲಿ ಒಟ್ಟು ಮೂರು ಪಂದ್ಯಗಳನ್ನಾಡಲಾಗುತ್ತದೆ. ಈ ಸರಣಿಯ ಮೊದಲ ಮ್ಯಾಚ್ ಜುಲೈ 23 ರಂದು ನಡೆದರೆ, ದ್ವಿತೀಯ ಪಂದ್ಯ ಜುಲೈ 25 ರಂದು ಜರುಗಲಿದೆ. ಇನ್ನು ಜುಲೈ 26 ರಂದು ಮೂರನೇ ಪಂದ್ಯ ನಡೆಯಲಿದೆ.

ZimbabweImage Credit source: Getty Images

ಝಾಹಿರ್ ಯೂಸುಫ್ |
Updated on:Jul 22, 2026 | 12:37 PM

ಭಾರತದ ವಿರುದ್ಧದ ಟಿ20 ಸರಣಿಗೆ ಝಿಂಬಾಬ್ವೆ ತಂಡವನ್ನು ಪ್ರಕಟಿಸಲಾಗಿದೆ. ಅನುಭವಿ ಹಾಗೂ ಯುವ ಆಟಗಾರರನ್ನು ಒಳಗೊಂಡಿರುವ 15 ಸದಸ್ಯರುಗಳ ಈ ತಂಡವನ್ನು ಸಿಕಂದರ್ ರಾಝ ಮುನ್ನಡೆಸಲಿದ್ದಾರೆ. ಇನ್ನು ಬಾಂಗ್ಲಾದೇಶ್ ವಿರುದ್ಧದ ಸರಣಿಯಲ್ಲಿ ಕಾಣಿಸಿಕೊಂಡಿದ್ದ ಕೆಲ ಆಟಗಾರರನ್ನು ಈ ಬಾರಿ ಕೈ ಬಿಡಲಾಗಿದೆ.

ಮರಳಿದ ಸ್ಟಾರ್ಸ್, ಹೊಸ ಮುಖಕ್ಕೆ ಚಾನ್ಸ್!

ತಫಾಡ್ಜ್ವಾ ತ್ಸೀಗಾಗೆ ಚೊಚ್ಚಲ ಅವಕಾಶ: ವಿಕೆಟ್ ಕೀಪರ್ ಬ್ಯಾಟರ್ ತಫಾಡ್ಜ್ವಾ ತ್ಸೀಗಾ ಅವರು ಇದೇ ಮೊದಲ ಬಾರಿಗೆ ಝಿಂಬಾಬ್ವೆ ಟಿ20 ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
ವೆಸ್ಲಿ ಮಾಧೆವೆರೆ ಕಂಬ್ಯಾಕ್: ಬಾಂಗ್ಲಾದೇಶ್ ವಿರುದ್ಧದ ಸರಣಿಯಿಂದ ಹೊರಗುಳಿದಿದ್ದ ಸ್ಟಾರ್ ಆಲ್‌ರೌಂಡರ್ ವೆಸ್ಲಿ ಮಾಧೆವೆರೆ ತಂಡಕ್ಕೆ ಕಂಬ್ಯಾಕ್ ಮಾಡಿದ್ದಾರೆ.
ನ್ಯೂಮನ್ ರಿಎಂಟ್ರಿ: ಗಾಯದಿಂದ ಚೇತರಿಸಿಕೊಂಡಿರುವ ಯುವ ವೇಗಿ ನ್ಯೂಮನ್ ನ್ಯಾಮೂರಿ ಕೂಡ ತಂಡಕ್ಕೆ ಮರಳಿದ್ದಾರೆ.

ತಂಡದಿಂದ ಹೊರಬಿದ್ದ ಪ್ರಮುಖರು:

ಬಾಂಗ್ಲಾದೇಶ್ ವಿರುದ್ಧದ ಕಳಪೆ ಪ್ರದರ್ಶನದಿಂದಾಗಿ ಕ್ಲೈವ್ ಮದಂಡೆ, ತಿನೊಟೆಂಡಾ ಮಾಪೋಸಾ ಮತ್ತು ತಾಶಿಂಗಾ ಮುಸೇಕಿವಾ ಅವರನ್ನು ಈ ಸರಣಿಯಿಂದ ಕೈಬಿಡಲಾಗಿದೆ. ಅದರಂತೆ ಝಿಂಬಾಬ್ವೆ ಟಿ20 ತಂಡ ಈ ಕೆಳಗಿನಂತಿದೆ…

ಝಿಂಬಾಬ್ವೆ ಟಿ20 ತಂಡ: ಸಿಕಂದರ್ ರಾಝ (ನಾಯಕ), ಬ್ರಿಯಾನ್ ಬೆನೆಟ್, ರಿಯಾನ್ ಬರ್ಲ್, ತನಕಾ ಚಿವಂಗಾ, ಬೆನ್ ಕರನ್, ಬ್ರಾಡ್ ಇವಾನ್ಸ್, ವೆಸ್ಲಿ ಮಾಧೆವೆರೆ, ತಡಿವಾನಾಶೆ ಮರುಮಣಿ, ವೆಲ್ಲಿಂಗ್ಟನ್ ಮಸಕಡ್ಜಾ, ಬ್ಲೆಸ್ಸಿಂಗ್ ಮುಝರಬಾನಿ, ಡಿಯೋನ್ ಮೈಯರ್ಸ್, ರಿಚರ್ಡ್ ನ್ಗಾರವಾ, ನ್ಯೂಮನ್ ನ್ಯಾಮೂರಿ, ಮಿಲ್ಟನ್ ಶುಂಬಾ, ತಫಾಡ್ಜ್ವಾ ತ್ಸೀಗಾ.

ಭಾರತ ಟಿ20 ತಂಡ: ಶ್ರೇಯಸ್ ಅಯ್ಯರ್ (ನಾಯಕ), ತಿಲಕ್ ವರ್ಮಾ , ಇಶಾನ್ ಕಿಶನ್ (ವಿಕೆಟ್ ಕೀಪರ್), ಪ್ರಭ್‌ಸಿಮ್ರಾನ್ ಸಿಂಗ್ (ವಿಕೆಟ್ ಕೀಪರ್), ವೈಭವ್ ಸೂರ್ಯವಂಶಿ, ಅಭಿಷೇಕ್ ಶರ್ಮಾ, ಶಿವಂ ದುಬೆ, ಸೂರ್ಯಾಂಶ್ ಶೆಡ್ಗೆ, ರಿಂಕು ಸಿಂಗ್, ಹರ್ಷ್ ದುಬೆ, ವರುಣ್ ಚಕ್ರವರ್ತಿ, ಪ್ರಿನ್ಸ್ ಯಾದವ್, ಯಶ್ ಠಾಕೂರ್, ಅಶೋಕ್ ಶರ್ಮಾ ಮತ್ತು ಮಯಾಂಕ್ ಯಾದವ್.