WTC Final: ಡಬ್ಲ್ಯೂಟಿಸಿ ಫೈನಲ್ಗೂ ಮುನ್ನ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಮಹತ್ತರ ಬದಲಾವಣೆಗೆ ಮುಂದಾದ ಐಸಿಸಿ!
WTC Final: ಮುಂದಿನ ಚಾಂಪಿಯನ್‌ಶಿಪ್‌ನಲ್ಲಿ ಪ್ರತಿ ಟೆಸ್ಟ್‌ಗೆ ಒಂದೇ ಪಾಯಿಂಟ್ಸ್ ವ್ಯವಸ್ಥೆಯನ್ನು ಪರಿಚಯಿಸಬಹುದು ಎಂದು ಐಸಿಸಿ ಮಧ್ಯಂತರ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ಜೆಫ್ ಅಲಾರ್ಡಿಸ್ ಹೇಳಿದ್ದಾರೆ.
Updated on: Jun 15, 2021 | 9:53 AM
ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಭಾರತ ಮತ್ತು ನ್ಯೂಜಿಲೆಂಡ್ ನಡುವೆ ಜೂನ್ 18 ರಿಂದ ಸೌತಾಂಪ್ಟನ್‌ನಲ್ಲಿ ನಡೆಯಲಿದೆ. ಇದರೊಂದಿಗೆ ಟೆಸ್ಟ್ ಕ್ರಿಕೆಟ್‌ನ ಮೊದಲ ವಿಶ್ವಕಪ್ ಕೊನೆಗೊಳ್ಳಲಿದೆ. ಈ ಫೈನಲ್‌ಗೆ ಮುಂಚೆಯೇ, ಟೆಸ್ಟ್ ಚಾಂಪಿಯನ್‌ಶಿಪ್‌ನ ಭವಿಷ್ಯದ ಬಗ್ಗೆ ಪ್ರಶ್ನೆಗಳು ಎದ್ದಿವೆ ಮತ್ತು ಇಲ್ಲಿಯವರೆಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಯಾವುದೇ ನಿರ್ಧಾರವನ್ನು ತೆಗೆದುಕೊಂಡಿಲ್ಲ. ಪ್ರಸ್ತುತ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಪಾಯಿಂಟ್ಸ್ ವ್ಯವಸ್ಥೆಯ ಬಗ್ಗೆ ಅನೇಕ ತಂಡಗಳು ಕೇಳಿದ ಪ್ರಶ್ನೆಗಳಿಂದಾಗಿ, ಈ ಪಂದ್ಯಾವಳಿಯ ಬಗ್ಗೆ ಅನುಮಾನವಿತ್ತು. ಈಗ ಐಸಿಸಿ ಇದನ್ನು ಮುಂದುವರಿಸಲು ಪ್ರಯತ್ನಿಸುತ್ತಿದೆ ಮತ್ತು ಈ ದಿಕ್ಕಿನಲ್ಲಿ ದೊಡ್ಡ ಬದಲಾವಣೆಯು ಪಾಯಿಂಟ್ಸ್ ವ್ಯವಸ್ಥೆಯಲ್ಲಿ ಬರಲಿದೆ. ಮುಂದಿನ ಚಾಂಪಿಯನ್‌ಶಿಪ್‌ನಲ್ಲಿ ಪ್ರತಿ ಟೆಸ್ಟ್‌ಗೆ ಒಂದೇ ಪಾಯಿಂಟ್ಸ್ ವ್ಯವಸ್ಥೆಯನ್ನು ಪರಿಚಯಿಸಬಹುದು ಎಂದು ಐಸಿಸಿ ಮಧ್ಯಂತರ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ಜೆಫ್ ಅಲಾರ್ಡಿಸ್ ಹೇಳಿದ್ದಾರೆ.
2019 ರಿಂದ ಪ್ರಾರಂಭದ ಟೆಸ್ಟ್ ಚಾಂಪಿಯನ್‌ಶಿಪ್‌ಗೂ ಮೊದಲು, ಪ್ರತಿ ಟೆಸ್ಟ್ ಸರಣಿಗೆ 120 ಅಂಕಗಳನ್ನು ನಿಗದಿಪಡಿಸಲಾಗಿತ್ತು. ಇದರ ಅಡಿಯಲ್ಲಿ, ಸರಣಿಯಲ್ಲಿ ಆಡಿದ ಎಲ್ಲಾ ಟೆಸ್ಟ್ಗಳನ್ನು 120 ಪಾಯಿಂಟ್‌ಗಳಾಗಿ ವಿಂಗಡಿಸಲಾಗಿತ್ತು. ಉದಾಹರಣೆಗೆ, ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಎರಡು ಟೆಸ್ಟ್ ಸರಣಿಗೆ, ಪ್ರತಿ ಪಂದ್ಯಕ್ಕೆ 60 ಅಂಕಗಳು, ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಆಡಿದ ನಾಲ್ಕು ಪಂದ್ಯಗಳ ಸರಣಿಯಲ್ಲಿ, ವಿಜೇತ ತಂಡವು ಪ್ರತಿ ಪಂದ್ಯಕ್ಕೂ ಗರಿಷ್ಠ 30 ಅಂಕಗಳನ್ನು ಪಡೆಯಿತು. ಪಾಯಿಂಟ್ ವ್ಯವಸ್ಥೆಯಲ್ಲಿ ಇಂತಹ ವ್ಯತ್ಯಾಸದ ಬಗ್ಗೆ ಅನೇಕ ಆಟಗಾರರು ಆಕ್ಷೇಪ ವ್ಯಕ್ತಪಡಿಸಿದ್ದರು.
ಪ್ರತಿ ಪಂದ್ಯದಲ್ಲೂ ಸಮಾನ ಅಂಕಗಳನ್ನು ನೀಡಲಾಗುವುದು ಟೆಸ್ಟ್ ಚಾಂಪಿಯನ್ಶಿಪ್ ಅನ್ನು ಮುಂದುವರೆಸಲು, ಎಲ್ಲರಿಗೂ ಸಮಾನವಾಗಿಸಲು ಮತ್ತು ಅದರಲ್ಲಿ ಉತ್ಸಾಹವನ್ನು ಉಳಿಸಿಕೊಳ್ಳಲು ಪಂದ್ಯಾವಳಿಯ ಎರಡನೇ ಸುತ್ತಿನಲ್ಲಿ ಪಾಯಿಂಟ್ ವ್ಯವಸ್ಥೆಯಲ್ಲಿನ ಬದಲಾವಣೆಯನ್ನು ಐಸಿಸಿ ಪರಿಗಣಿಸಲು ಇದು ಕಾರಣವಾಗಿದೆ.
ನಾವು ಈ ಆವೃತ್ತಿಯನ್ನು ಕೊನೆಯವರೆಗೂ ನೋಡಿದ್ದೇವೆ ಮತ್ತು ಎರಡನೆಯ ಆವೃತ್ತಿಯೂ ಒಂದೂವರೆ ತಿಂಗಳಲ್ಲಿ ಪ್ರಾರಂಭವಾಗುತ್ತಿದೆ. ಅಂತಹ ಪರಿಸ್ಥಿತಿಯಲ್ಲಿ, ಪಾಯಿಂಟ್ ವ್ಯವಸ್ಥೆಯಲ್ಲಿ ಕೆಲವು ಬದಲಾವಣೆಗಳು ಕಂಡುಬರುತ್ತವೆ. ಪ್ರತಿ ಟೆಸ್ಟ್ ಪಂದ್ಯಕ್ಕೂ ನಾವು ಪಾಯಿಂಟ್‌ಗಳ ಮಾನದಂಡವನ್ನು ಹೊಂದಿಸಬಹುದು, ಇದರಿಂದ ಅದು ಎರಡು ಪಂದ್ಯಗಳ ಟೆಸ್ಟ್ ಸರಣಿ ಅಥವಾ ಐದು ಟೆಸ್ಟ್ ಸರಣಿಯೇ ಎಂಬುದು ಮುಖ್ಯವಲ್ಲ. ಈ ಸಂದರ್ಭದಲ್ಲಿ, ಆಡುವ ಪ್ರತಿಯೊಂದು ಪಂದ್ಯಕ್ಕೂ ಸಮಾನ ಅಂಕಗಳು ಲಭ್ಯವಿರುತ್ತವೆ. ಆದಾಗ್ಯೂ, ಪ್ರತಿ ತಂಡವು ಒಟ್ಟು ಅಂಕಗಳಿಗೆ ಬದಲಾಗಿ ಅವರ ಗೆಲುವಿನ ಅಂಕಗಳ ಶೇಕಡಾವಾರು ಆಧಾರದ ಮೇಲೆ ತೀರ್ಮಾನಿಸಲ್ಪಡುತ್ತದೆ ಎಂದು ಸಂಬಂಧಪಟ್ಟವರು ಹೇಳಿದ್ದಾರೆ.
ಕೊರೊನಾ ವೈರಸ್ ಕಾರಣ, ವಿಧಾನವನ್ನು ಮಧ್ಯದಲ್ಲಿ ಬದಲಾಯಿಸಬೇಕಾಯಿತು ಆದಾಗ್ಯೂ, ಕೊವಿಡ್ -19 ರಲ್ಲಿ ನಡೆಯುತ್ತಿರುವ ಟೆಸ್ಟ್ ಚಾಂಪಿಯನ್ಶಿಪ್ ಕ್ಯಾಲೆಂಡರ್ ಮೇಲೆ ಕೊರೊನಾ ವೈರಸ್ ಕೆಟ್ಟ ಪರಿಣಾಮ ಬೀರಿದೆ ಮತ್ತು ಅಂತಹ ಪರಿಸ್ಥಿತಿಯಲ್ಲಿ, ಭಾರತ-ನ್ಯೂಜಿಲೆಂಡ್ ಫೈನಲ್ ಎಲ್ಲ ವಿಷಯಗಳನ್ನು ಗಣನೆಗೆ ತೆಗೆದುಕೊಳ್ಳುವ ನ್ಯಾಯಯುತ ಫಲಿತಾಂಶವಾಗಿದೆ ಎಂದು ಅಲಾರ್ಡೈಸ್ ಹೇಳಿದ್ದಾರೆ. ಈ ಆವೃತ್ತಿಯಲ್ಲಿ ಕೊರೊನಾ ವೈರಸ್ ಸಾಂಕ್ರಾಮಿಕದಿಂದಾಗಿ ಯಾವುದೇ ತಂಡವು ಆರು ಸರಣಿಗಳನ್ನು ಪೂರ್ಣಗೊಳಿಸಲು ಸಾಧ್ಯವಾಗುವುದಿಲ್ಲ ಎಂಬುದು ಸ್ಪಷ್ಟವಾಗಿದೆ. ನಾವು ಅಸಮ ಸಂಖ್ಯೆಯ ಸರಣಿಗಳನ್ನು ಆಡುವ ತಂಡಗಳನ್ನು ಹೊಂದಿದ್ದರಿಂದ, ಪಾಯಿಂಟ್‌ಗಳ ವ್ಯವಸ್ಥೆಯನ್ನು ಸುಲಭವಾಗಿ ಹೊಂದಿಸಲು ಮತ್ತು ಅದನ್ನು ಸಾಧ್ಯವಾದಷ್ಟು ನ್ಯಾಯಯುತವಾಗಿಸುವುದನ್ನು ಖಚಿತಪಡಿಸಿಕೊಂಡಿದ್ದೇವೆ ಎಂದಿದ್ದಾರೆ.
ಇದನ್ನೂ ಓದಿ: WTC Final: ರೋಹಿತ್ ಜೊತೆಗೆ ಈತ ಬ್ಯಾಟಿಂಗ್ ಆರಂಭಿಸಲಿ; ತಂಡದಲ್ಲಿ ಅಶ್ವಿನ್ ಇರಲೇಬೇಕು: ವಿ.ವಿ.ಎಸ್. ಲಕ್ಷ್ಮಣ್
ನನ್ನಂತೆಯೇ ಅಶ್ವಿನ್ ಕೂಡ ಬ್ಯಾನ್ ಆಗಬೇಕಿತ್ತು! ಬಿಸಿಸಿಐನಲ್ಲಿರುವ ಹಣ ಅವರನ್ನು ಉಳಿಸಿತು; ಸಯೀದ್ ಅಜ್ಮಲ್
