Viral Video: ಇಟಲಿ; ಮದುವೆಗೆ ಮೊದಲೇ ವರನ ಪಾಸ್ಪೋರ್ಟ್ ಜಗಿದಿಟ್ಟ ಗೋಲ್ಡನ್ ರಿಟ್ರೈವರ್!
Passport : ಇನ್ನೇನು ಕೆಲ ದಿನಗಳಲ್ಲೇ ಮದುವೆಯಾಗುತ್ತೇವೆಂದು ತಯಾರಿ ನಡೆಸಿದ್ದರು ಮತ್ತು ಕನಸುಗಳಲ್ಲಿ ಮುಳುಗೇಳುತ್ತಿದ್ದರು ಇಟಲಿಯ ವಧುವರರು. ಆದರೆ ಅಷ್ಟರಲ್ಲಿಯೇ ವರನ ಸಾಕುನಾಯಿ ಗೋಲ್ಡನ್ ರಿಟ್ರೈವರ್ ಅವನ ಪಾಸ್ಪೋರ್ಟ್ ಅನ್ನೇ ಜಗಿದು ಚಿಂದಿ ಮಾಡಿಟ್ಟುಬಿಟ್ಟಿದೆ. ಕಂಗಾಲಾದ ವರ ಹೊಸ ಪಾಸ್ಪೋರ್ಟ್ಗಾಗಿ ಅಲೆಯುವಂತಾಗಿದೆ!
Updated on:Aug 21, 2023 | 4:41 PM
Golden Retriever: ಗೋಲ್ಡನ್ ರಿಟ್ರೈವರ್ನಷ್ಟು ಮುದ್ದಾದ ಮತ್ತು ಕೇಡಿಯಾದ ನಾಯಿಯೂ ಇಲ್ಲ. ಕಂಡದ್ದನ್ನೆಲ್ಲ ನೋಡನೋಡುತ್ತಿದ್ದಂತೆ ತಿನ್ನುವುದು, ಜಗಿಯುವುದು ಅನೇಕ ಸಲ ನುಂಗೇಬಿಡುವುದು! ಮಕ್ಕಳನ್ನು ಬೇಕಿದ್ದರೆ ಒಂದು ಹಂತದ ತನಕ ಸಂಭಾಳಿಸಬಹುದು ಆದರೆ ಈ ನಾಯಿಯನ್ನು? ಮದುವೆಗೆ ಕೆಲವೇ ದಿನಗಳಿರುವಾಗ ಇಟಲಿಯಲ್ಲಿ ವರನ ಪಾಸ್ಪೋರ್ಟ್ (Passport) ಅನ್ನು ಗೋಲ್ಡನ್ ರಿಟ್ರೈವರ್ ನಾಯಿಯೊಂದು ಸರಿಯಾಗಿ ಜಗಿದಿಟ್ಟುಬಿಟ್ಟಿದೆ. ಬೋಸ್ಟನ್ ನಿವಾಸಿ ಡೊನಾಟೋ ಫ್ರಾಟೋಲಿಯವರ ಮದುವೆ ಆ. 31 ಏರ್ಪಾಡಾಗಿದ್ದು, ಈ ಜೋಡಿ ಹೊಸ ಪಾಸ್ಪೋರ್ಟ್ಗಾಗಿ ಅಧಿಕಾರಿಗಳಿಂದ ತುರ್ತು ಸಹಾಯ ಕೋರಿದೆ.
ಇದನ್ನೂ ಓದಿ : Viral Video: ಕಾವಾಲಾಗೆ ರಿವಾಪುಟ್ಟಿಯ ರೀಲ್; ಭಾವಾಭಿನಯಕ್ಕೆ ಮನಸೋತ ನೆಟ್ಟಿಗರು
ಡೊನಾಟೋ ತಮ್ಮ ಮದುವೆಗೆ ಕೆಲವೇ ದಿನಗಳಿರುವಾಗ ಈ ಸಮಸ್ಯೆಗೆ ಬಿದ್ದಿದ್ದಾರೆ. ಒಂದೂವರೆ ವರ್ಷದ ಅವರ ಗೋಲ್ಡನ್ ರಿಟ್ರೈವರ್ ಕಣ್ಣಿಗೆ ಅಕಸ್ಮಾತ್ ಆಗಿ ಪಾಸ್ಪೋರ್ಟ್ ಬಿದ್ದು, ಈ ಅಚಾತುರ್ಯ ನಡೆದಿದೆ. ನಾಯಿ ಮಾಡಿದ ಈ ಕೆಲಸದಿಂದಾಗಿ ಆ. 31ರೊಳಗೆ ಹೊಸ ಪಾಸ್ಪೋರ್ಟ್ ಪಡೆಯಲು ಅವರು ಪರದಾಡುತ್ತಿದ್ದಾರೆ.
ಇದನ್ನೂ ಓದಿ : Viral Video: ಹೀಗೊಬ್ಬ ಅಸಿಸ್ಟಂಟ್ ಮಿ. ಮಾರುತಿ; ನೆಟ್ಟಿಗರ ಕೋಪವೇಕೆ ನೆತ್ತಿಗೇರಿದೆ?
‘ನಾನು ಸ್ವಲ್ಪ ಒತ್ತಡದಲ್ಲಿದ್ದೇನೆ. ಹೊಸ ಪಾಸ್ಪೋರ್ಟ್ ಪಡೆಯುವ ವಿಚಾರವಾಗಿ ಅಧಿಕಾರಿಗಳೊಂದಿಗೆ ಸಂಪರ್ಕದಲ್ಲಿದ್ದೇನೆ. ಅದೃಷ್ಟಕ್ಕೆ ಎಲ್ಲವೂ ಬೇಗಬೇಗನೆ ಕೆಲಸ ಕಾರ್ಯಗಳು ನಡೆಯುತ್ತಿವೆ ಆದಷ್ಟು ಬೇಗ ಎಲ್ಲ ಪ್ರಕ್ರಿಯೆ ಮುಗಿದು ಹೊಸ ಪಾಸ್ಪೋರ್ಟ್ ಕೈಗೆ ಬರಬಹುದು ಎಂಬ ಭರವಸೆ ಇದೆ’ ಎಂದಿದ್ದಾರೆ ವರ ಡೊನಾಟೋ.
ಇದನ್ನೂ ಓದಿ : Viral Video: ಕಾವಾಲಾ ಕಾವು; ಇದೀಗ ಮುಂಬೈ ಪೊಲೀಸರೊಬ್ಬರಿಗೆ; ಭಲೇ ಎಂದ ನೆಟ್ಟಿಗರು
ಮದುವೆ ನಡೆಯುವುದರೊಳಗೆ ಹೊಸ ಪಾಸ್ಪೋರ್ಟ್ ಪಡೆದುಕೊಳ್ಳಲು ಸಾಧ್ಯವಾಗದಿದ್ದರೆ, ಇಟಲಿಯಲ್ಲಿಯೇ ಉಳಿಯುವುದಾಗ ಅವರು ತಿಳಿಸಿದ್ದಾರೆ. ಪಾಸ್ಪೋರ್ಟ್ ಕೈಗೆ ಸಿಕ್ಕಮೇಲೆ ಅಮೆರಿಕಕ್ಕೆ ಹಿಂದಿರುಗಿ ಮದುವೆಯ ಔತಣಕೂಟವನ್ನು ಏರ್ಪಡಿಸಲು ಯೋಚಿಸಿರುವುದಾಗಿ ಅವರು ತಿಳಿಸಿದ್ದಾರೆ. ಗೋಲ್ಡನ್ ರಿಟ್ರೈವರ್ ನಾಯಿಗಳಿಗೆ ಕಂಡಿದ್ದನ್ನೆಲ್ಲ ತಿನ್ನುವ ಚಟ, ಹರಿಯುವ ಚಟ, ಹಾಳುಮಾಡುವ ಚಟ, ಎಷ್ಟೋ ಸಲ ನುಂಗುವ ಚಟವೂ. ದಿನವಿಡೀ ಸಾಕಿದವರ ಕಣ್ಗಾವಲಿನಲ್ಲಿಯೇ ಈ ನಾಯಿ ಇರಬೇಕಾಗುತ್ತದೆ. ನಾಯಿಯನ್ನು ನೋಡಿಕೊಳ್ಳಲೆಂದೇ ಎಲ್ಲಾ ಕೆಲಸವನ್ನು ಬಿಟ್ಟು ಪೋಷಕರು ಮನೆಯಲ್ಲಿರಬೇಕಾಗುತ್ತದೆ!
ಇದನ್ನೂ ಓದಿ : Viral Video: ಸೀಲಿಂಗ್ ಮ್ಯೂರಲ್ಸ್; ಮನೆಯೊಳಗೆ ಬಂದಿಳಿದ ಮೋಡ ಮರ ಹಕ್ಕಿ ಸೂರ್ಯಬಳಗ
ಅಂಥಾ ಭಯಂಕರ ನಾಯಿ ಇದು. ಮಾಡುವುದನ್ನೆಲ್ಲ ಮಾಡಿ ತನಗೇನೂ ಗೊತ್ತಿಲ್ಲವೆಂಬಂತೆ ಬೀರುವ ಆ ನೋಟ ಇದೆಯಲ್ಲ, ಅದು ಎಲ್ಲವನ್ನೂ ಮರೆಸಿಬಿಡುತ್ತದೆ. ಸಣ್ಣಪುಟ್ಟ ವಸ್ತುಗಳನ್ನು ಹಾಳು ಮಾಡಿದರೆ ಸರಿ, ಆದರೆ ಮುಖ್ಯವಾದ ದಾಖಲೆಪತ್ರಗಳನ್ನು? ಹೋಗಲಿ ತನ್ನ ಜೀವಕ್ಕೇ ಅಪಾಯ ತಂದುಕೊಂಡರೆ?
ನೀವೇನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 4:35 pm, Mon, 21 August 23
