Viral: ಭಾರತದಲ್ಲಿರೋ ಈ ಸೌಲಭ್ಯಗಳು ಅಮೆರಿಕದಲ್ಲೂ ಇರ್ಬೇಕಿತ್ತು ಎಂದ ವಿದೇಶಿ ಮಹಿಳೆ; ವಿಡಿಯೋ ವೈರಲ್‌

ಅಮೆರಿಕ, ಜಪಾನ್‌ (Japan) ಸೇರಿದಂತೆ ಮುಂದುವರೆದ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಲ್ಲಿರುವ ಒಂದಷ್ಟು ಹೈಟೆಕ್‌ ಸೌಲಭ್ಯಗಳು (Facility), ಸಾರ್ವಜನಿಕರಿಗೆ ಅನುಕೂಲವಾಗುವಂತಹ ವ್ಯವಸ್ಥೆಗಳು ಭಾರತದಲ್ಲೂ (India) ಇದ್ದಿದ್ದರೆ ತುಂಬಾ ಚೆನ್ನಾಗಿ ಇರುತ್ತಿತ್ತು ಎಂದು ಹಲವರು ಮಾತನಾಡಿಕೊಳ್ಳುತ್ತಾರೆ. ಆದ್ರೆ ಇಲ್ಲೊಬ್ರು ವಿದೇಶಿ ಮಹಿಳೆ ಭಾರತದಲ್ಲಿರುವ ಈ ಒಂದಷ್ಟು ಸೌಲಭ್ಯಗಳು ಅಮೆರಿಕದಲ್ಲೂ ಇರ್ಬೇಕಿತ್ತು ಎಂದು ಹೇಳಿದ್ದಾರೆ. ಯುಪಿಐ ಸೇವೆ, ಆಟೋದಿಂದ ಹಿಡಿದು ವೈದ್ಯಕೀಯ ಸೇವೆಯವರೆಗೆ ಭಾರತದಲ್ಲಿರುವ ಒಂದಷ್ಟು ವಿಷಯಗಳು ನಮ್ಮಲ್ಲೂ ಇದ್ದಿದ್ರೆ ಚೆನ್ನಾಗಿರುತ್ತಿತ್ತು ಎಂದು ಅವರು ಹೇಳಿದ್ದಾರೆ. ಈ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್‌ ಆಗಿತ್ತು, ಅಮೆರಿಕನ್‌ ಮಹಿಳೆಯ ಮುಕ್ತ ಮಾತಿಗೆ ಭಾರತೀಯರು ಫಿದಾ ಆಗಿದ್ದಾರೆ.

ಸುಮಾರು ನಾಲ್ಕು ವರ್ಷಗಳಿಂದ ಭಾರತದಲ್ಲಿ ನೆಲೆಸಿರುವ ಅಮೆರಿಕ ಮೂಲದ ಕ್ರಿಸ್ಟೆನ್ ಫಿಷರ್ ಎಂಬ ಮಹಿಳೆ ಭಾರತದಲ್ಲಿ ಲಭ್ಯವಿರುವ ಆಟೋದಿಂದ ಹಿಡಿದು ವೈದ್ಯಕೀಯ ಸೇವೆಯ ವರೆಗೆ 10 ಸೌಲಭ್ಯಗಳು ಅಮೆರಿಕದಲ್ಲೂ ಇದ್ದಿದ್ದರೆ ಚೆನ್ನಾಗಿರುತ್ತಿತ್ತು ಎಂದು ಹೇಳಿಕೊಂಡಿದ್ದಾರೆ. ಈ ವಿಡಿಯೋವನ್ನು ಫಿಷರ್‌ (kristenfischer3) ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

• ಡಿಜಿಟಲ್ ಐಡಿ ಮತ್ತು ಯುಪಿಐ ಪಾವತಿ: ಇದರಿಂದಾಗಿ ಫೋನ್ ಮೂಲಕವೇ ವ್ಯವಹಾರ ಮಾಡಬಹುದು.
• ಆಟೋ ರಿಕ್ಷಾ: ಇವುಗಳು ಅಗ್ಗದ ಮಾತ್ರವಲ್ಲದೆ ತ್ವರಿತ ಮತ್ತು ಅನುಕೂಲಕರ ಸೇವೆಯಾಗಿದೆ.
• ಭಾರತದಲ್ಲಿ ವೈದ್ಯರು ಮತ್ತು ಔಷಧಿಗಳು ಸುಲಭವಾಗಿ ಲಭ್ಯವಿದೆ. ಅಮೆರಿಕದಲ್ಲಿ ಅಪಾಯಿಂಟ್‌ಮೆಂಟ್‌ ಇಲ್ಲದೆ ವೈದ್ಯರನ್ನು ಸಂಪರ್ಕಿಸಲು ಸಾಧ್ಯವೇ ಇಲ್ಲ ಎಂದು ಹೇಳಿದ್ದಾರೆ.
• ಇಲ್ಲಿ ಕಸ ವಿಲೇವಾರಿಗೆ ಶುಲ್ಕ ವಿಧಿಸುವುದಿಲ್ಲ, ಆದ್ರೆ ಅಮೆರಿಕಾದಲ್ಲಿ ನಾವು ಇದಕ್ಕೆ ಸಾಕಷ್ಟು ಹಣ ಪಾವತಿಸಬೇಕಾಗುತ್ತದೆ.
• ಇಲ್ಲಿ ಮನೆ ಕೆಲಸ ಸೇರಿದಂತೆ ಇತರೆ ಕೆಲಸಗಳಿಗೆ ಕಾರ್ಮಿಕರು ಸುಲಭವಾಗಿ ಲಭ್ಯವಿರುತ್ತಾರೆ. ಅಮೆರಿಕದಲ್ಲಿ ಜನರನ್ನು ಕೆಲಸಕ್ಕೆ ನೇಮಿಸಿಕೊಳ್ಳುವುದು ದುಬಾರಿಯಾಗಿದೆ ಎಂದು ಹೇಳಿದ್ದಾರೆ.
• ಇಲ್ಲಿ ಸಾಕಷ್ಟು ಸಸ್ಯಾಹಾರಿ ಆಹಾರ ಆಯ್ಕೆಗಳಿವೆ, ಅಮೆರಿಕದಲ್ಲಿ ಇದು ಸೀಮಿತವಾಗಿದೆ.
• ಇಲ್ಲಿ ಪ್ರತಿಯೊಂದು ವಸ್ತುವಿನ MRP ನಿಗದಿಯಾಗಿದೆ, ಅಮೆರಿಕಾದಲ್ಲಿ ಸೂಪರ್ ಮಾರ್ಕೆಟ್‌ಗಳು ಈ ವಸ್ತುಗಳನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತವೆ.
• ಡೆಲಿವರಿ ಆಪ್ಲಿಕೇಶನ್‌ಗಳು ಭಾರತದಲ್ಲಿರುವ ಅತ್ಯಂತ ಅನುಕೂಲಕರ ಸೌಲಭ್ಯಗಳಲ್ಲಿ ಒಂದಾಗಿದೆ. ಇಲ್ಲಿ ಬೇಕಾದಷ್ಟು ಡೆಲಿವರಿ ಆಪ್ಲಿಕೇಶನ್‌ಗಳಿವೆ ಎಂದಿದ್ದಾರೆ.
• ಭಾರತದಲ್ಲಿ ವೈದ್ಯರು ಪ್ರತಿಜೀವಕಗಳ ಜೊತೆಗೆ ಪ್ರೋಬಯಾಟಿಕ್‌ಗಳನ್ನು ಸಹ ನೀಡುತ್ತಾರೆ, ಇದು ಒಳ್ಳೆಯ ವಿಷಯ ಎಂದು ಹೇಳಿದ್ದಾರೆ.

ಮತ್ತಷ್ಟು ಓದಿ: Viral: ದೆಹಲಿ ಮೆಟ್ರೋದಲ್ಲಿ ಮಹಿಳಾ ಪ್ರಯಾಣಿಕರ ಜಡೆ ಜಗಳ; ವೈರಲ್‌ ಆಯ್ತು ವಿಡಿಯೋ

ಮಾರ್ಚ್‌ 4 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 2.7 ಮಿಲಿಯನ್‌ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಭಾರತದ ಬಗ್ಗೆ ಒಳ್ಳೆಯ ವಿಷಯಗಳನ್ನು ಹಂಚಿಕೊಂಡಿದ್ದಕ್ಕಾಗಿ ಧನ್ಯವಾದಗಳುʼ ಎಂದು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼಇಷ್ಟೆಲ್ಲಾ ಇದ್ರೂ ಹೆಚ್ಚಿನವರು ಅಮೆರಿಕಕ್ಕೆ ಹೋಗಲು ಬಯಸುತ್ತಾರೆʼ ಎಂಬ ಕಾಮೆಂಟ್‌ ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಆದ್ರೆ ಭಾರತದಲ್ಲಿರುವವರು ಈ ವಿಷಯಗಳ ಬಗ್ಗೆ ಹೆಮ್ಮಿಯಿಂದ ಹೇಳಿದ್ದನ್ನು ನಾನೆಂದು ನೋಡೇ ಇಲ್ಲʼ ಎಂದು ಹೇಳಿದ್ದಾರೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ