Viral Brain Teaser: ಚಿತ್ರದಲ್ಲಿ ತನ್ನ ಮಾಲೀಕರಿಂದ ಬೇರ್ಪಟ್ಟ ಎರಡು ನಾಯಿಗಳನ್ನು ಕಂಡುಹಿಡಿಯಿರಿ ನೋಡಾ

ಸಾಮಾಜಿಕ ಮಾಧ್ಯಮಗಳನ್ನು ವೀಕ್ಷಿಸುವುದರಿಂದ ಸಮಯ ವ್ಯರ್ಥ ಎಂದು ಹಲವರು ಹೇಳುತ್ತಾರೆ. ಇದರ ಹೊರತಾಗಿಯೂ ಸಾಮಾಜಿಕ ಮಾಧ್ಯಮವನ್ನು ಸರಿಯಾಗಿ ಬಳಸಿಕೊಂಡರೆ ನಮ್ಮ ಜ್ಞಾನವನ್ನು ಹೆಚ್ಚಿಸಬಹುದು. ಮನರಂಜನೆಯಿಂದ ಹಿಡಿದು ನಮ್ಮ ಜ್ಞಾನವನ್ನು ಹೆಚ್ಚಿಸುವವರೆಗೆ ಹಲವಾರು ವಿಷಯಗಳನ್ನು ಇಲ್ಲಿ ತಿಳಿದುಕೊಳ್ಳಬಹುದು. ಇದರಲ್ಲಿ ಒಗಟಿನ ಆಟಗಳು ಕೂಡಾ ಒಂದು. ಇತ್ತೀಚಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಇಂತಹ ಮೆದುಳಿಗೆ ಕೆಲಸ ನೀಡುವ ಆಟಗಳು ಹೆಚ್ಚಾಗಿ ವೈರಲ್ ಆಗುತ್ತಿವೆ. ಇಂತಹ ಆಟಗಳು ಮೆದುಳಿನ ಚುರುಕುತನವನ್ನು ಹೆಚ್ಚಿಸುವುದರ ಜೊತೆಗೆ ಸಮಸ್ಯೆಯನ್ನು ಪರಿಹರಿಸುವಂತಹ ಈ ಆಟಗಳು ವಿನೋದಮಯವಾಗಿರುತ್ತದೆ. ಇದೇ ರೀತಿಯ ಒಗಟಿನ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಚಿತ್ರದಲ್ಲಿ ತಮ್ಮ ಮಾಲೀಕರಿಂದ ತಪ್ಪಿಸಿಕೊಂಡಂತಹ ಎರಡು ನಾಯಿಗಳನ್ನು ಹುಡುಕಲು ವೀಕ್ಷಕರಿಗೆ ಸವಾಲು ನೀಡಲಾಗಿದೆ.

ಈ ಚಿತ್ರವನ್ನು ಬ್ರಿಟನ್​​​ನ ಲಾರ್ಡ್ಸ್ ಆಂಡ್ ಲ್ಯಾಬ್ರಡಾರ್ಸ್ ಎಂಬ ಸಾಕುಪ್ರಾಣಿಗಳ ಉತ್ಪನ್ನಗಳ ಐಷಾರಾಮಿ ಬ್ರ್ಯಾಂಡ್ ರಚಿಸಿದೆ. ಇವರ ಪ್ರಕಾರ ನಿಗದಿತ 43 ಸೆಕೆಂಡುಗಳಲ್ಲಿ ಐದು ಜನರಲ್ಲಿ ಒಬ್ಬರು ಮಾತ್ರ ಈ ಸಮಸ್ಯೆಯನ್ನು ಪರಿಹರಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಕುತೂಹಲಕಾರಿ ಸವಾಲನ್ನು ಪೂರ್ಣಗೊಳಿಸಲು ಒಬ್ಬ ವ್ಯಕ್ತಿಯು ತೆಗೆದುಕೊಳ್ಳುವ ಸರಾಸರಿ ಸಮಯ 58 ಸೆಕೆಂಡುಗಳು ಎಂದು ಹೇಳಿದೆ.

ಇದನ್ನೂ ಓದಿ: Viral Brain Teaser: ಡ್ರ್ಯಾಗನ್​​​ಗಳ ನಡುವೆ ಅಡಗಿ ಕುಳಿತಿರುವ ಮೂರು ಮೊಸಳೆಗಳನ್ನು ಕಂಡುಹಿಡಿಯಿರಿ ನೋಡಾ

ಈ ಒಗಟಿನಲ್ಲಿ ಮರಗಳು ಮತ್ತು ಗಿಡಗಳಿಂದ ಕೂಡಿದ ಒಂದು ಸುಂದರವಾದ ಉದ್ಯಾನವನದ ಚಿತ್ರವಿದೆ. ಉದ್ಯಾನವನದಲ್ಲಿ ಕೆಲವು ಜನರು ತಮ್ಮ ನಾಯಿಗಳನ್ನು ವಾಕಿಂಗ್​​​ಗೆ ಕರೆದುಕೊಂಡು ಬಂದಿರುವುದನ್ನು, ಹಾಗೂ ಇನ್ನೂ ಕೆಲವರು ನಾಯಿಗಳೊಂದಿಗೆ ಆಟವಾಡುವುದನ್ನು ಕಾಣಬಹುದು. ಈ ಪೈಕಿ ಎರಡು ನಾಯಿಗಳು ತಮ್ಮ ಮಾಲೀಕರ ಕೈಯಿಂದ ತಪ್ಪಿಸಿಕೊಂಡಿದೆ. ನಿಮ್ಮ ಹದ್ದಿನ ಕಣ್ಣಿನ ಮೂಲಕ ಕೇವಲ 43 ಸೆಕೆಂಡುಗಳಲ್ಲಿ ತಪ್ಪಿಸಿಕೊಂಡಿರುವ ನಾಯಿಗಳನ್ನು ಹುಡುಕಲು ಸಾಧ್ಯವಿದೆಯೇ?

ಈ ಒಗಟಿನ ಸವಾಲನ್ನು ನಿಮಗೆ ಸಮಯದ ಮಿತಿಯೊಳಗೆ ಬೇಧಿಸಲು ಸಾಧ್ಯವಾಗಲಿಲ್ಲವೇ? ಇನ್ನೂ ಕೂಡಾ ಕಳೆದು ಹೋದ ನಾಯಿಗಳನ್ನು ಚಿತ್ರದಲ್ಲಿ ಹುಡುಕುತ್ತಿದ್ದೀರಾ, ಈ ಕೆಳಗಿನ ಚಿತ್ರದಲ್ಲಿ ಸರಿಯಾದ ಉತ್ತರವನ್ನು ನೀಡಲಾಗಿದೆ. ಈ ಚಿತ್ರದಲ್ಲಿ ಕಳೆದುಹೋದ ಎರಡು ನಾಯಿಗಳನ್ನು ಗುರುತಿಸಲಾಗಿದೆ, ನೋಡಿ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 11:39 am, Fri, 16 June 23