Viral Video: ಡ್ಯಾನ್ಸಿಂಗ್ ಭೇಲ್ ಪುರಿ; 60 ಪದಾರ್ಥಗಳಲ್ಲಿ ಇವನ ಬೆವರೂ ಸೇರಿ ರುಚಿ ಹೆಚ್ಚಿದೆಯಾ? ನೆಟ್ಟಿಗರ ಪ್ರಶ್ನೆ
Street Food : ಎಲಾ ಇವನ, ಪಾತ್ರೆ ಬೆಳಗುತ್ತಿದ್ದಾನೋ? ಅಯ್ಯೋ ಅರ್ಧದಷ್ಟು ಭೇಲ್ ಕೆಳಕ್ಕೇ ಬಿದ್ದು ಹೋಗಿದೆ. ಇವ ಕ್ಯಾಪ್ಟನ್ ಆಗಿದ್ದರೆ ಎರಡೇ ಸೆಕೆಂಡಿನಲ್ಲಿ ಹೆಲಿಕಾಪ್ಟರ್ ಲ್ಯಾಂಡ್ ಮಾಡಿಬಿಡುತ್ತಿದ್ದ! ಅಂತೆಲ್ಲ ನೆಟ್ಟಿಗರು ಪ್ರತಿಕ್ರಿಯಿಸುತ್ತಿದ್ದಾರೆ.
Updated on: Jun 07, 2023 | 2:21 PM
Bhelpuri: ಎಳೆಯರಿಂದ ಹಿಡಿದು ಮುಪ್ಪಾನುಮುದುಕರು ಕೂಡ ಭೇಲ್ಪುರಿ (Street Food) ಎಂದರೆ ಬಾಯಿ ಚಪ್ಪರಿಸುತ್ತಾರೆ. ವಾರಕ್ಕೊಮ್ಮೆ ಅದು ಉದರ ಸೇರದಿದ್ದರೆ ಜೀವನವೇ ನಶ್ವರ ಎಂಬಂಥ ಭಾವವನ್ನು ಅನೇಕರು ಅನುಭವಿಸಿರುತ್ತಾರೆ. ಇನ್ನೂ ಕೆಲವರು ಅಯ್ಯೋ, ರುಚಿ ಇದ್ದರೆ ಆಯಿತೇ ಶುಚಿ ಬೇಡವೇ? ಎಂದು ಮೂಗು ಮುರಿಯುತ್ತಾರೆ. ಆ ರುಚಿಯನ್ನು ತಮ್ಮ ಅಡುಗೆಮನೆಯೊಳಗೆ ಹುಡುಕಾಡಿ ಸೋಲುತ್ತಾರೆ ಎನ್ನುವುದು ಬೇರೆ ಮಾತು! ಇದೀಗ ವೈರಲ್ ಆಗಿರುವ ವಿಡಿಯೋ ಇದೇ ಭೇಲ್ಪುರಿಗೆ ಸಂಬಂಧಿಸಿದ್ದು; ಡ್ಯಾನ್ಸಿಂಗ್ ಭೇಲ್ಪುರಿ! .
ಭೇಲ್ಪುರಿ ಮಾರಿ ಲಕ್ಷಾಧಿಪತಿಯಾಗಿದ್ದಾರೆ ಈತ ಎಂದು ಈ ವಿಡಿಯೋದ ಒಕ್ಕಣೆ ಹೇಳುತ್ತಿದೆ. ಈ ಅಂಗಡಿಯ ಮಾಲಿಕ ಸಾಯೀರಾಮ್, ಈ ಭೇಲ್ಪುರಿಯಲ್ಲಿ 60 ಪದಾರ್ಥಗಳನ್ನು ಹಾಕಲಾಗಿದೆ ಎಂದಿದ್ಧಾನೆ. ಇದನ್ನು ತಯಾರಿಸುವಾಗ ಅವನಲ್ಲಿ ಉತ್ಸಾಹ ಇಮ್ಮಡಿಸುವುದನ್ನು ಗಮನಿಸಿದ್ದೀರಾ? ಈ ಕಾರಣಕ್ಕಾಗಿಯೇ ಫುಡ್ ಬ್ಲಾಗರ್ ಡ್ಯಾನ್ಸಿಂಗ್ ಭೇಲ್ಪುರಿ ಎಂದು ಹೆಸರಿಟ್ಟಿರುವ ಸಾಧ್ಯತೆ ಇದೆ. ಈ ಶೀರ್ಷಿಕೆಯಿಂದಾಗಿಯೇ ಸುಮಾರು 1 ಮಿಲಿಯನ್ಗಿಂತಲೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ.
ಇದನ್ನೂ ಓದಿ : Viral Video: ಆದಿಪುರುಷ್; ಪ್ರತಿ ಪ್ರದರ್ಶನದಲ್ಲೂ ಹನುಮಂತನಿಗಾಗಿ ಒಂದು ಸೀಟು ಕಾಯ್ದಿರಿಸಿ!
ಈ ವ್ಯಕ್ತಿ ಕ್ಯಾಪ್ಟನ್ ಆಗಿದ್ದರೆ ಎರಡೇ ಸೆಕೆಂಡಿನಲ್ಲಿ ಹೆಲಿಕಾಪ್ಟರ್ ಅನ್ನು ಟೇಕ್ ಆಫ್ ಮಾಡುವಂತೆ ಕಾಣುತ್ತಾನೆ ಈ ವ್ಯಕ್ತಿ. ಆರಂಭದಲ್ಲಿ ಈತ ಪಾತ್ರೆ ಬೆಳಗುತ್ತಿದ್ದಾನೆ ಎಂದುಕೊಂಡೆ. ಅರ್ಧದಷ್ಟು ಭೇಲ್ಪುರಿಯಲ್ಲಿ ಕೆಳಗೆ ಬಿದ್ದುಹೋಗಿದೆ. ಈ ಆಹಾರವೂ ಆರೋಗ್ಯಕರವಲ್ಲ ಮತ್ತು ಇದನ್ನು ತಯಾರಿಸಲು ಶಕ್ತಿ, ಸಮಯ ಎಲ್ಲವ ವ್ಯರ್ಥ. ಅನೇಕರು ಹೀಗೆ ಪ್ರತಿಕ್ರಿಯಿಸಿದ್ಧಾರೆ.
ಇದನ್ನೂ ಓದಿ : Viral Video: ಬಸ್ಸಿನಲ್ಲಿ ಬಿಸಿಬಿಸಿ ಕಜ್ಜಾಯ ತಿಂದ ಪೋಲಿ; ಮಂಡ್ಯದ ಮಹಿಳೆಗೆ ಭಲೇ ಎಂದ ನೆಟ್ಟಿಗರು
ಶುಚಿತ್ವವನ್ನೇ ಈತ ಕಾಪಾಡುತ್ತಿಲ್ಲ. ಇದು ರುಚಿಯಾಗಿರಲು ಇವನಿಂದ ಹರಿದು ಪಾತ್ರೆಯೊಳಗೆ ಸೇರುವ ಬೆವರು ಕೂಡ ಮುಖ್ಯ ಪದಾರ್ಥ! ನಮಗಂತೂ ಭಯವಾಗುತ್ತಿದೆ ಇವನು ಈ ಪರಿ ಕುಣಿದಾಡಿಕೊಂಡು ತಯಾರಿಸುವ ಈ ಭೇಲ್ಪುರಿ ನೋಡಿ. ಗ್ರಾಹಕರ ಆರೋಗ್ಯದ ಬಗ್ಗೆ ಇವನಿಗೆ ಕಾಳಜಿ ಇದ್ದಂತಿಲ್ಲ. ಹಾಗೆಯೇ ಇಂಥವರ ಹುಚ್ಚನ್ನು ಮತ್ತೇರಿಸುವ ಫುಡ್ ಬ್ಲಾಗರ್ಗಳೋ… ಸಾಕುಸಾಕು. ಅಂತೆಲ್ಲ ಜನರು ಆತಂಕ ವ್ಯಕ್ತಪಡಿಸಿದ್ದಾರೆ.
ನೀವೇನಂತೀರಿ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
