Video: ನಿನ್ನಂಥ ಅಪ್ಪ ಇಲ್ಲ; ತನ್ನ ಕೈಯಾರೆ ಸ್ಪೆಷಲ್ ಅಡುಗೆ ಮಾಡಿ ಮಗನ ಮುಂದೆ ತಂದಿಟ್ಟ ತಂದೆ
ಈ ಜಗತ್ತಿನಲ್ಲಿ ತಂದೆ ಮಕ್ಕಳ ಬಾಂಧವ್ಯಕ್ಕೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಮಕ್ಕಳಿಗೆ ಯಾವುದೇ ಕಷ್ಟ ಬರಬಾರದು ಎನ್ನುವ ಕಾರಣಕ್ಕೆ ಹಗಲು ರಾತ್ರಿ ಎನ್ನದೇ ಬೆವರು ಸುರಿಸುವ ಜೀವವೇ ಅಪ್ಪ. ಆದರೆ ಇದೀಗ ತಂದೆಯೂ ತನ್ನ ಮಗನ ಮೊಗದಲ್ಲಿ ನಗು ಮೂಡಿಸಿದ್ದಾನೆ. ತನ್ನ ಕೈಯಾರೆ ವಿಶೇಷ ಅಡುಗೆ ಮಾಡಿ ಮಗನ ಮುಂದಿಟ್ಟ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
Updated on:May 29, 2026 | 1:19 PM
ತಂದೆ ತಾಯಿಯ ನಿಷ್ಕಲ್ಮಶ ಪ್ರೀತಿಗೆ ಸರಿಸಾಟಿ ಯಾವುದಿಲ್ಲ. ತಾನು ಎಷ್ಟೇ ಕಷ್ಟ ಎದುರಿಸಿದರೂ ಪರವಾಗಿಲ್ಲ ಮಕ್ಕಳು ಸುಖವಾಗಿರಬೇಕೆಂದು ಬಯಸುವ ನಿಸ್ವಾರ್ಥ ಜೀವ ಎಂದರೆ ಅದು ತಂದೆ (father). ಮಕ್ಕಳಿಗಾಗಿ ಏನನ್ನೂ ಬೇಕಾದರೂ ಮಾಡಲು ಸಿದ್ಧವಿರುವ ಅಪ್ಪನ ಪ್ರೀತಿ ಮುಂದೆ ಯಾವುದು ಇಲ್ಲ. ಇದೀಗ ತಂದೆಯೊಬ್ಬ ತನ್ನ ಮುದ್ದಿನ ಮಗನಿಗಾಗಿ ತನ್ನ ಕೈಯಾರೆ ಸ್ಪೆಷಲ್ ಖಾದ್ಯ ಮಾಡಿ ಅಚ್ಚರಿ ಮೂಡಿಸಿರುವ ವೈರಲ್ ಆಗಿದೆ. ಈ ತಂದೆ ಮಗನ ಬಾಂಧವ್ಯ ಸಾರುವ ಈ ವಿಡಿಯೋಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
@jaideep_kochhar ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾದ ವಿಡಿಯೋದಲ್ಲಿ ಮಗನಿಗಾಗಿ ತಂದೆ ವಿಶೇಷ ಅಡುಗೆ ಮಾಡಿರುವ ದೃಶ್ಯವನ್ನು ಕಾಣಬಹುದು. ಈ ವಿಡಿಯೋದಲ್ಲಿ ನಾನು ನನ್ನ ಅಪ್ಪನಿಗೆ ಹೇಗೆ ಹೇಳಲಿ? ನಾನು ಕ್ಯಾಲೊರಿಗಳನ್ನು ಲೆಕ್ಕ ಹಾಕಿ ತಿನ್ನುತ್ತೇನೆ ಎಂದು ಬರೆಯಲಾಗಿದೆ.
ವೈರಲ್ ವಿಡಿಯೋ ಇಲ್ಲಿದೆ
View this post on Instagram
ಈ ಕ್ಲಿಪ್ನಲ್ಲಿ ತಂದೆ ತನ್ನ ಮಗನಿರುವ ರೂಮ್ ಗೆ ಕೈಯಲ್ಲಿ ಟ್ರೇ ಹಿಡಿದುಕೊಂಡು ಖುಷಿಯಿಂದ ಬರುತ್ತಿರುವುದನ್ನು ಕಾಣಬಹುದು. ಆ ಬಳಿಕ ಅಪ್ಪನಿಂದ ನನ್ನ ಮಗನಿಗೆ ವಿಶೇಷ ಉಪಚಾರ ಎಂದಿದ್ದಾನೆ. ಈ ಟ್ರೇಯಲ್ಲಿ ಗ್ರೀನ್ ಚಟ್ನಿ, ಕೆಚಪ್, ರಿಫ್ರೆಶ್ ಪಾನೀಯ ಹಾಗೂ ಹಸಿ ತರಕಾರಿಯಿಂದ ಅಲಂಕರಿಸಲ್ಪಟ್ಟ ನೂಡಲ್ಸ್ ನ್ನು ನೀವು ನೋಡಬಹುದು.
ಇದನ್ನೂ ಓದಿ: ಅಪ್ಪ ನೀನು ಸುಮ್ನೆ ಇರ್ತಿಯಾ; ತನ್ನದೇ ಭಾಷೆಯಲ್ಲಿ ತಂದೆಗೆ ಬೈಯುತ್ತಿರುವ ಪುಟಾಣಿ
ಈ ವಿಡಿಯೋ ಒಂದು ಲಕ್ಷ ತೊಂಭತ್ತೈದು ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ನೀವು ಕ್ಯಾಲೋರಿ ಬಗ್ಗೆ ಚಿಂತಿಸಬೇಡಿ. ಇದು ಅಪ್ಪನ ಪರಿಶುದ್ಧ ಪ್ರೀತಿ, ಎಲ್ಲರಿಗೂ ಈ ರೀತಿಯ ಪ್ರೀತಿ ಸಿಗಲ್ಲ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ನೀವು ಅಪ್ಪ ಕೈಯಾರೆ ಮಾಡಿ ತಂದ ಖಾದ್ಯ ತಿಂತೀರಿ. ಬೇಡ ಎಂದು ಮನಸ್ಸು ನೋಯಿಸಬೇಡಿ ಎಂದಿದ್ದಾರೆ. ಇನ್ನೊಬ್ಬರು, ಇಂತಹ ಅಪ್ಪನನ್ನು ಪಡೆದ ನೀವೇ ಅದೃಷ್ಟವಂತರು ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 1:15 pm, Fri, 29 May 26
