‘ಮೈ ಗರ್ಲ್’ ಹಾಡುತ್ತಿರುವ ಈ ಅಪ್ಪ, ತಂತಿಗಳ ಮೇಲೆ ಬೆರಳಾಡಿಸುತ್ತಿರುವ ಮಗಳು
My Girl : ಗಿಟಾರಿನ ಅಂಚಿನ ಮೇಲೆ ಎಳೆಯ ಮಗಳನ್ನು ಮಲಗಿಸಿಕೊಂಡು ಈ ಅಪ್ಪ ಹಾಡುವ ಹಾಡು ನಿಮ್ಮ ಬಾಲ್ಯವನ್ನು ನೆನಪಿಸುವಂತಿದೆ. ಬಹಳ ಹೃದಯಸ್ಪರ್ಶಿಯಾಗಿದೆ ಈ ವಿಡಿಯೋ. ಒಮ್ಮೆ ನೋಡಿದರೆ ಮತ್ತೆ ಮತ್ತೆ ನೋಡಬೇಕೆನ್ನಿಸುತ್ತದೆ.
Updated on:Nov 23, 2022 | 3:04 PM
Viral Video : ಅಪ್ಪಂದಿರಿಗೆ ಹೆಣ್ಣುಮಕ್ಕಳೆಂದರೆ ಪಂಚಪ್ರಾಣ! ಈಗ ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ನೋಡಿ, ಎಳೇಮಗಳನ್ನು ಗಿಟಾರಿನಗುಂಟ ಮಲಗಿಸಿ ಅವಳಿಗಾಗಿ ಹಾಡು ಹಾಡುತ್ತಿದ್ದಾನೆ. ಪುಟ್ಟಪುಟ್ಟ ಬೆರಳುಗಳನ್ನು ತಂತಿಯ ಮೇಲಾಡಿಸುತ್ತಿದೆ ಮುದ್ದುಕೂಸು. ದಿ ಟೆಂಪ್ಟೇಷನ್ಸ್ನಲ್ಲಿರುವ ‘ಮೈ ಗರ್ಲ್’ ಹಾಡನ್ನು ಈತ ಹಾಡುತ್ತಿದ್ದಾನೆ. ಸಂಗೀತಕ್ಕೆ ಮನಸೋಲದ ಜೀವ ಯಾವುದಿದೆ ಈ ಭೂಮಿಯ ಮೇಲೆ? ನೋಡಿ ಈ ಹೃದಯಸ್ಪರ್ಶಿಯಾದ ವಿಡಿಯೋ.
View this post on Instagram
ನಾನು ಅಪ್ಪನಾಗಿದ್ದೇನೆ! ನನ್ನ ಮುದ್ದುಕೂಸು ಮಾರ್ಗೋಟ್ ಈಗಾಗಲೇ ಉತ್ತಮ ಗಿಟಾರ್ವಾದಕಿಯಾಗುವ ಲಕ್ಷಣಗಳನ್ನು ತೋರುತ್ತಿದ್ದಾಳೆ. ಎಂದು ಸ್ಯಾಮ್ ಮ್ಯಾಕ್ ತಮ್ಮ ಪೋಸ್ಟ್ನಲ್ಲಿ ಹೇಳಿಕೊಂಡಿದ್ಧಾರೆ. ಇನ್ನೇನು ಈ ವಿಡಿಯೋ 80,000 ಜನರನ್ನು ತಲುಪುತ್ತದೆ. ನೆಟ್ಟಿಗರು ಈ ವಿಡಿಯೋ ನೋಡಿ ಕರಗುತ್ತಿದ್ದಾರೆ. ಅಯ್ಯೋ ನಾನು ನೋಡಿದ ಎಲ್ಲಾ ವಿಡಿಯೋಗಳಲ್ಲಿ ಇದು ಅತ್ಯಂತ ಉತ್ತಮವಾದದ್ದು ಎಂದಿದ್ದಾರೆ ಒಬ್ಬರು. ಓಹ್ ಬಹಳ ಮುದ್ದಾಗಿದೆ, ನಿಮ್ಮ ಮಾರ್ಗೋಡ್ ಮತ್ತು ನಿಮ್ಮ ಬಾಂಧವ್ಯ ಹೀಗೇ ಸುಮಧುರವಾಗಿರಲಿ ಎಂದು ಮತ್ತೊಬ್ಬರು ಹಾರೈಸಿದ್ದಾರೆ. ಈ ವಿಡಿಯೋ ಬಹಳ ಮೋಹಕವಾಗಿದೆ, ನನ್ನನ್ನು ಪದೇಪದೆ ಅಳಿಸುತ್ತಿದೆ ಎಂದಿದ್ಧಾರೆ ಮಗದೊಬ್ಬರು.
ಮಗು, ಸಂಗೀತ ಮತ್ತು ಮೃದುಮಧುರವಾದ ಏನೂ ನಿಮ್ಮನ್ನು ಅರಳಿಸದೇ ಇರದು. ಅಲ್ಲವೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 3:04 pm, Wed, 23 November 22
