Viral: ಪಾಸ್ಪೋರ್ಟ್ ಹುಡುಕಿ; ಹದ್ದಿನ ಕಣ್ಣುಳ್ಳವರು ನೀವಾಗಿದ್ದರೆ ಖಂಡಿತ ಹುಡುಕುತ್ತೀರಿ
Passport : ಮತ್ತೆ ಬಂತಲ್ಲ ಮಂಡೇ! ತಲೆಬಿಸಿ ಮಾಡಿಕೊಳ್ಳುತ್ತಿರುವ ನಿಮಗೆ ಸಣ್ಣ ಚಟುವಟಿಕೆ ಕಾಯುತ್ತಿದೆ. ಇಲ್ಲಿ ಯಾರೋ ಒಬ್ಬರು ವಿದೇಶ ಪ್ರವಾಸಕ್ಕೆ ಹೊರಟಿದ್ದಾರೆ. ಕೊನೇ ಕ್ಷಣದಲ್ಲಿ ಅವರಿಗೆ ಪಾಸ್ಪೋರ್ಟ್ ಸಿಗುತ್ತಿಲ್ಲ, ಸಹಾಯ ಮಾಡುವಿರಾ?
Updated on:Aug 07, 2023 | 10:31 AM
Brain Teaser : ಇಲ್ಲಿ ಯಾರೊ ಒಬ್ಬರು ಯಾವುದೋ ದೇಶದ ಪ್ರವಾಸಕ್ಕೆ (Foreign Trip) ಹೊರಡುವ ಸಿದ್ಧತೆ ನಡೆಸಿದ್ದಾರೆ. ಪ್ಯಾಕಿಂಗ್ನ ಮೊದಲು ಎಲ್ಲ ಸಾಮಾನುಗಳನ್ನು ಹರಡಿಕೊಂಡಿದ್ದಾರೆ ಮೊಬೈಲ್, ಕನ್ನಡಕ, ಟೋಪಿ, ಕ್ಯಾಮೆರಾ, ಚಾರ್ಜರ್ ಮತ್ತು ಇನ್ನಿತರೇ ಅಗತ್ಯ ವಸ್ತುಗಳು. ಆದರೆ ಬಹುಮುಖ್ಯವಾದದ್ದು ಮಾತ್ರ ಎಷ್ಟು ಹುಡುಕಿದರೂ ಸಿಗುತ್ತಿಲ್ಲ. ವಿಮಾನಯಾನಕ್ಕೆ ಅದು ಬೇಕೇ ಬೇಕು. ಅದುವೇ ಪಾಸ್ಪೋರ್ಟ್. ನಿಮ್ಮ ಕಣ್ಣುಗಳು ಚುರುಕಾಗಿರುವುದರಿಂದ ನೀವು ಅವರಿಗೆ ಸಹಾಯ ಮಾಡುತ್ತೀರಿ ಎಂದುಕೊಂಡಿದ್ದೇವೆ. ನಿಮಗೆ ಕೊಟ್ಟಿರುವ ಸಮಯ 48 ಸೆಕೆಂಡುಗಳು.
ಇದನ್ನೂ ಓದಿ : Viral Video: ಅಲ್ಝೈಮರ್; ಅಪ್ಪಾ, ನಮ್ಮ ನೌಕಾಯಾನದ ನೆನಪಿದೆಯೇ, ಈ ಟ್ಯಾಟೂ ನೋಡಿ
ದುರ್ಬೀನು, ಸನ್ಸ್ಕ್ರೀನ್ ಬಾಟಲಿ, ಪ್ರಯಾಣದ ಟಿಕೇಟು ಇನ್ನೂ ಏನೇನೋ ವಸ್ತುಗಳು ಇಲ್ಲಿ ಹರಡಿಕೊಂಡಿವೆ. ಆದರೆ ಇವುಗಳ ನಡುವೆಯೇ ಪಾಸ್ಪೋರ್ಟ್ ಅಡಗಿದೆ. ತಮ್ಮ ಮನೆಮಂದಿಯನ್ನೆಲ್ಲ ಕರೆಸಿ ಪಾಸ್ಪೋರ್ಟ್ ಹುಡುಕಲು ಅವರು ಸಹಾಯ ಕೊರಿದರೂ ಕೂಡ ಅದು ಸಿಕ್ಕಿಲ್ಲ. ಹಾಗಾಗಿ ನೀವು ಒಮ್ಮೆ ಪ್ರಯತ್ನಿಸಿ.
ಇದನ್ನೂ ಓದಿ : Viral: ತಮ್ಮನ ಡೈರಿ ಪುಟ ಹಂಚಿಕೊಂಡ ಅಕ್ಕ; ನಿಜವಾಗಲೂ ನೀವೀಗ ಮೂರ್ಖ ಅಕ್ಕನೇ ಎನ್ನುತ್ತಿರುವ ನೆಟ್ಟಿಗರು
ಸಿಕ್ಕಿತಾ ಪಾಸ್ಪೋರ್ಟ್? ಇಲ್ಲವಾದರೆ ಸುಳಿವನ್ನು ಗಮನಿಸಿ. 48 ಸೆಕೆಂಡುಗಳಲ್ಲಿ ಹುಡುಕಲು ಕಷ್ಟವಾಗಿದ್ದರೆ ಮತ್ತೊಂದಿಷ್ಟು ಸೆಕೆಂಡುಗಳನ್ನು ಸೇರಿಸಿಕೊಳ್ಳಿ. ಚಿತ್ರದ ಬಲಭಾಗದ ಮೇಲಿನ ಮೂಲೆಯನ್ನು ಗಮನಿಸಿ. ಖಂಡಿತ ನಿಮಗೆ ಅಲ್ಲಿ ಪಾಸ್ಪೋರ್ಟ್ ಸಿಕ್ಕೇ ಸಿಗುತ್ತದೆ. ಆದರೂ ಸಿಗಲಿಲ್ಲವಾದಲ್ಲಿ ಈ ಕೆಳಗಿನ ಚಿತ್ರವನ್ನು ಗಮನಿಸಿ.
ಇಲ್ಲಿದೆ ಉತ್ತರ
ನಿಮಗೀಗ ಉತ್ತರ ಗೊತ್ತಾಯಿತಲ್ಲವಾ? ನಿಮ್ಮ ಸ್ನೇಹಿತರಿಗೆ, ಮನೆಮಂದಿಗೆ ಮತ್ತು ಮಕ್ಕಳಿಗೆ ಈ ಆಟದಲ್ಲಿ ಭಾಗಿಯಾಗುವಂತೆ ತಿಳಿಸಿ. ಯಾಕಪ್ಪಾ ಬಂತು ಈ ಸೋಮವಾರ ಎಂದು ಆಲಸ್ಯ ಹೊದ್ದುಕೊಂಡು ಕೂತಿರುವ ನೀವೀಗ ಮೆಲ್ಲನೆ ನಿಮ್ಮ ಕೆಲಸಕ್ಕೆ ತೆರಳಬಹುದು. ಎಲ್ಲ ಆಲಸ್ಯ, ಬೇಸರಗಳು ಇರುವುದು ತಲೆಯೊಳಗೇ! ಅಂದರೆ ನಿಮ್ಮ ಮೆದುಳಿನೊಳಗೆ. ಆ ಮೆದುಳನ್ನು ಇಂತಹ ಚಟುವಟಿಕೆಗಳ ದಿನವೂ ಚುರುಕುಗೊಳಿಸಿಕೊಂಡರೆ ಸಾಕು, ಸೋಮವಾರ ಅಷ್ಟೇ ಏಕೆ ಇಡೀ ವಾರ ನಿಮ್ಮನ್ನು ನೀವು ಉಲ್ಲಾಸದಿಂದ ಇಟ್ಟಕೊಳ್ಳಬಹುದು.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:28 am, Mon, 7 August 23
