Viral Video: ಸಾಕಿದ ನಾಯಿಯನ್ನು ರಕ್ಷಿಸಲು ದೈತ್ಯಾಕಾರದ ಕರಡಿಯನ್ನು ತಳ್ಳುತ್ತಿರುವ ಬಾಲಕಿ; ಆಘಾತಕಾರಿ ವಿಡಿಯೋ ವೈರಲ್​

ಕ್ಯಾಲಿಫೋರ್ನಿಯಾದ 17 ವರ್ಷದ ಬಾಲಕಿಯು ತಾನು ಸಾಕಿದ ನಾಯಿಯನ್ನು ರಕ್ಷಿಸುವ ಸಲುವಾಗಿ ಕರಡಿಯನ್ನು ಕಂಪೌಂಡ್​ನಿಂದ ಆಚೆಗೆ ತಳ್ಳುತ್ತಿರುವ ದೃಶ್ಯವನ್ನು ವಿಡಿಯೋ ತೋರಿಸುತ್ತದೆ. ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಬಾರೀ ಸುದ್ದಿ ಮಾಡುತ್ತಿದೆ. ಕರಡಿಯನ್ನು ಮನೆಯ ಕಂಪೌಂಡ್​ನಿಂದ ಆಚೆ ತಳ್ಳುವ ಮೂಲಕ ನನ್ನ ನಾಯಿ ಮರಿಗಳನ್ನು ಕರೆದುಕೊಂಡು ನಾನು ಮನೆಯೊಳಗೆ ಬಂದುಬಿಟ್ಟೆ. ಆದರೆ, ಈ ರೀತಿಯ ಘಟನೆ ನಡೆಯುವಾಗ ಎಚ್ಚರದಿಂದಿರಿ ಎಂದು ಬಾಲಕಿ ಹೇಳಿದ್ದಾಳೆ.

ಬಾಲಕಿಯ ಮನೆಯ ಕಂಪೌಂಡ್ ಮೇಲೆ ಕರಡಿ ನಿಂತಿರುವ ದೃಶ್ಯವನ್ನು ನೋಡಬಹುದು. ಕರಡಿ ಕಾಣುತ್ತಿದ್ದಂತೆಯೇ ನಾಯಿ ಮರಿಗಳು ಬೊಗಳಲು ಪ್ರಾರಂಭಿಸುತ್ತವೆ. ಕರಡಿಯನ್ನು ಓಡಿಸಲು ಹತ್ತಿರ ಹೋಗುತ್ತಿದ್ದಂತೆಯೇ ನಾಯಿಯನ್ನು ಹಿಡಿಯಲು ಕರಡಿ ಮುಂದಾಗುತ್ತದೆ. ಈ ದೃಶ್ಯ ನೋಡುತ್ತಿದ್ದಂತೆಯೇ ಮನೆಯೊಳಗಿನಿಂದ ಓಡಿ ಬಂದ ಬಾಲಕಿ ಏನೂ ಮಾಡಬೇಕೆಂದು ತೋಚದೆ ಕರಡಿಯನ್ನು ಕಂಪೌಂಡ್​ನಿಂದ ಆಚೆಕೆ ನೂಕುತ್ತಾಳೆ ಮತ್ತು ತನ್ನ ನಾಯಿಮರಿಗಳನ್ನು ಎತ್ತಿಕೊಂಡು ಬೇಗ ಮನೆಯೊಳಕ್ಕೆ ಸೇರಿಕೊಳ್ಳುತ್ತಾಳೆ.

This is crazy af omg pic.twitter.com/Sh14yVD9Eu

— Bria Celest (@55mmbae) June 1, 2021

ಕೂದಲೆಳೆಯ ಅಂತರದಲ್ಲಿ ಬಾಲಕಿ ಮತ್ತು ನಾಯಿಮರಿಗಳು ಪಾರಾದ ಘಟನೆ ವಿಡಿಯೋದಲ್ಲಿ ಸೆರೆಯಾಗಿದೆ. ಈ ವಿಡಿಯೋ ತುಣುಕನ್ನು ಟಿಕ್​ಟಾಕ್​ ಮತ್ತು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದ್ದು ಲಕ್ಷಕ್ಕಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿಕೊಂಡಿದೆ. ಟಿಕ್​ಟಾಕ್​ನಲ್ಲಿ ಪೋಸ್ಟ್​ ಮಾಡಿದ 6 ಗಂಟೆಯ ಬಳಿಕ ಸುಮಾರು 10 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಣೆ ಮಾಡಲಾಗಿದೆ.

ಕರಡಿಯನ್ನು ಕಂಪೌಂಡ್​ನಿಂದ ಆಚೆ ತಳ್ಳುವ ಮೂಲಕ ನನ್ನ ನಾಯಿ ಮರಿಗಳನ್ನು ಕರೆದುಕೊಂಡು ನಾನು ಮನೆಯೊಳಗೆ ಬಂದುಬಿಟ್ಟೆ. ಆದರೆ, ಈ ರೀತಿಯ ಘಟನೆ ನಡೆಯುವಾಗ ಎಚ್ಚರದಿಂದಿರಿ. ನಾನು ಮಾಡಿರುವ ತಪ್ಪನ್ನು ನೀವೂ ಮಾಡದಿರಿ. ಕರಡಿಯನ್ನು ತಳ್ಳುವ ದುಸ್ಸಾಹಸಕ್ಕೆ ಪ್ರಯತ್ನಿಸಬೇಡಿ ಎಂದು ಎಚ್ಚರಿಕೆ ಬಾಲಕಿಯು ನೀಡಿದ್ದಾರೆ.

ಇದನ್ನೂ ಓದಿ:

Pranitha Marriage: ನಟಿ ಪ್ರಣಿತಾ ಮದುವೆ ಫೋಟೋ ವೈರಲ್​; ಲಾಕ್​ಡೌನ್​ನಲ್ಲಿ ಗುಟ್ಟಾಗಿ ಹಸೆಮಣೆ ಏರಿದ ‘ಪೊರ್ಕಿ’ ಬೆಡಗಿ

ಜೀಪಿನತ್ತ ಪೊಲೀಸರು ಎಳೆದೊಯ್ತಾ ಇದ್ರೂ.. ಚಹಾದ ಕಪ್​ ಬಿಡಲಿಲ್ವಲ್ಲಾ ಈ ಯುವಕರು! ವಿಡಿಯೋ ವೈರಲ್​