Viral Video : ನೀ ನಡೆವ ಹಾದಿಯಲ್ಲಿ; ಕೇರಳದ ವಧುವಿನ ಈ ಅರ್ಥಪೂರ್ಣ ವೆಡ್ಡಿಂಗ್​ ಶೂಟ್​

Viral Video : ಜೀವನದ ಪ್ರತೀ ಘಟ್ಟವನ್ನೂ ವಿಶೇಷವಾಗಿ ದಾಖಲಿಸುವುದನ್ನು ಇಂದು ಸಾಮಾನ್ಯವಾಗಿ ಎಲ್ಲರೂ ಬಯಸುತ್ತಿದ್ದಾರೆ. ಅದರಲ್ಲೂ ಡಿಜಿಟಲ್​ಯುಗದಲ್ಲಿ ಈ ಸೃಜನಶೀಲತೆಗೆ ಎಲ್ಲೆಯೇ ಇಲ್ಲ. ಪ್ರೀವೆಡ್ಡಿಂಗ್ ಶೂಟ್ ಇರಬಹುದು, ವೆಡ್ಡಿಂಗ್​ ಶೂಟ್​ ಇರಬಹುದು ಸಿನೆಮಾ ದೃಶ್ಯಗಳಂತೆಯೇ ಕಂಗೊಳಿಸುತ್ತಿರುತ್ತವೆ. ಕೇರಳದ ವಧುವೊಬ್ಬರು ತಮ್ಮ ಮದುವೆಯ ಕ್ಷಣಗಳನ್ನು ದಾಖಲಿಸಲು ಆಲೋಚಿಸಿದ ರೀತಿ ಬಹಳ ಗಮನ ಸೆಳೆಯುವಂತಿದೆ. ತಾವಿರುವ ಊರಿನ ರಸ್ತೆಗಳ ಹದಗೆಟ್ಟ ಸ್ಥಿತಿಯನ್ನು ಈ ವಿಡಿಯೋದಲ್ಲಿ ಹಿಡಿದಿಡಲು ನೋಡಿದ್ದಾರೆ. ತುಂಬಿದ ಹೊಂಡಗಳ ಮಧ್ಯೆ ಕೆಂಪು ಸೀರೆ ಉಟ್ಟು ನಡೆದು ಬರುವ ವಧುವಿನ ವಿಡಿಯೋ ಇಲ್ಲಿದೆ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by arrow_weddingcompany™ (@arrow_weddingcompany)

ಓಡಾಡುವ ವಾಹನಗಳು, ಎಲ್ಲೆಂದರಲ್ಲಿ ತುಂಬಿಕೊಂಡ ರಸ್ತೆಹೊಂಡಗಳು. ಸಂಪೂರ್ಣ ಅಲಂಕರಿಸಿಕೊಂಡು ಹುಷಾರಿನಿಂದ ನಡೆದುಬರುತ್ತಿರುವ ಈ ವಧು… ಈ ದೃಶ್ಯ ನೋಡಿದ ಯಾರೂ ಮತ್ತೆ ಮತ್ತೆ ನೋಡುವಂತಿದೆ.

Arrow_weddingcompany ಎಂಬ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಸೆಪ್ಟೆಂಬರ್​ 11ರಂದು ಈ ಪೋಸ್ಟ್​ ಹಂಚಿಕೊಳ್ಳಲಾಗಿದೆ. ಈತನಕ 4.3 ಮಿಲಿಯನ್ ಜನ ಈ ವಿಡಿಯೋ ವೀಕ್ಷಿಸಿದ್ದಾರೆ. 3,70,400 ಜನರಿಂದ ಮೆಚ್ಚುಗೆ ಪಡೆದಿದೆ.

ವಧುವಿನ ಈ ಸೃಜನಶೀಲ ಆಲೋಚನೆಯಿಂದ ನೆಟ್ಟಿಗರು ಪ್ರಭಾವಿತರಾಗಿದ್ದಾರೆ. ಆದರೆ, ಕೇರಳ ರಸ್ತೆಯ ಅವಸ್ಥೆಯ ಬಗ್ಗೆ ಸಾಕಷ್ಟು ಗೇಲಿ ಮಾಡಿದ್ದಾರೆ. ‘ಫೋಟೋ ಶೂಟ್​ ರಸ್ತೆಯಲ್ಲಿ ನಡೆಯುತ್ತಿಲ್ಲ, ಹೊಂಡದಲ್ಲಿ’ ಎಂದಿದ್ದಾರೆ. ‘ನೈಸ್ ರೋಡ್’ ಎಂದು ಮತ್ತೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ‘ಅದು ರಸ್ತೆಯೇ? ಕೆಲವು ಮರಿ ಮೀನುಗಳನ್ನು ಖರೀದಿಸಿ ಇಲ್ಲಿಯೇ ಮೀನುಸಾಕಾಣಿಕೆ ಪ್ರಾರಂಭಿಸಬಹುದು’ ಎಂದಿದ್ದಾರೆ ಒಬ್ಬರು.

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 10:41 am, Wed, 21 September 22