Viral: ‘ನನ್ನ ಮಾಜಿ ಪ್ರೇಮಿಯೊಂದಿಗೆ ಮಲಗಬೇಕು’ ಹೆಂಡತಿಯ ಕೊನೆಯ ಆಸೆ; ನೆಟ್ಟಿಗರ ಸಲಹೆ ಏನು?
Last Desire: 'ಕಳೆದ ಎಂಟು ತಿಂಗಳುಗಳಿಂದ ನನ್ನ ಹೆಂಡತಿ ಹಾಸಿಗೆ ಹಿಡಿದಿದ್ದಾಳೆ. ನಾಲ್ಕೈದು ತಿಂಗಳುಗಳಲ್ಲಿ ಆಕೆ ಗಾಲಿಕುರ್ಚಿಯನ್ನು ಅವಲಂಬಿಸಲಿದ್ದಾಳೆ. ಇದೀಗ ಈಕೆಯ ಕೊನೆಯ ಆಸೆ ನನ್ನಲ್ಲಿ ತಲ್ಲಣವನ್ನುಂಟು ಮಾಡಿದೆ.'
Husband Wife : ‘ನನ್ನ ಮಾಜಿ ಪ್ರಿಯಕರನೊಂದಿಗೆ ಮಲಗಬೇಕು ಎನ್ನಿಸುತ್ತಿದೆ’ ಎಂದು ಗಂಡನ ಬಳಿ ಹೆಂಡತಿ ಹೇಳಿದಾಗ ಗಂಡನ ಮನಸ್ಸು ಎಂಥ ತಲ್ಲಣಕ್ಕೆ ಈಡಾಗಬಹುದು ಯೋಚಿಸಿ. ರೆಡ್ಡಿಟ್ನಲ್ಲಿ (Reddit) ಈ ವಿಷಯವಾಗಿ ಭಾರೀ ಚರ್ಚೆ ನಡೆಯುತ್ತಿದೆ. ತನ್ನ ಸಾವಿನ ದಿನಗಳನ್ನು ಎಣಿಸುತ್ತಿರುವ ಹೆಂಡತಿಯೊಬ್ಬಳು ತನ್ನ ಗಂಡನಲ್ಲಿ ತನ್ನ ಈ ಕೊನೆಯ ಆಸೆಯನ್ನು ಈಡೇರಿಸುವಂತೆ ಕೇಳಿಕೊಂಡಿದ್ದಾಳೆ. ಸಂದಿಗ್ಧಕ್ಕೆ ಬಿದ್ದ ಗಂಡನಿಗೆ ಏನು ಮಾಡಬೇಕು ಎನ್ನುವುದು ತೋಚದೆ ನೆಟ್ಟಿಗರೆದುರು ಈ ವಿಷಯವನ್ನು ಅಕ್ಷರರೂಪದಲ್ಲಿ ತೆರೆದಿಟ್ಟಿದ್ದಾನೆ.
My dying wife asked me if I’d be okay if she had sex with her ex one last time. I said no. AITAH? (Taken from another page) by u/metallurgyhelp in AITAH
‘ಹತ್ತು ವರ್ಷಗಳಿಂದ ನಾವಿಬ್ಬರೂ ಒಟ್ಟಿಗೆ ವಾಸಿಸುತ್ತಿದ್ದೇವೆ. ಆದರೆ ಮಾರಣಾಂತಿಕ ಕಾಯಿಲೆಗೆ ಈಡಾಗಿರುವ ನನ್ನ ಹೆಂಡತಿ ಬಹಳವೆಂದರೆ 9 ತಿಂಗಳುಗಳ ಕಾಲ ಬದುಕಬಹುದು. ಆದರೆ ಅವಳಿಲ್ಲದ ಜೀವನವನ್ನು ನಾನು ಹೇಗೆ ಕಳೆಯಬಲ್ಲೆ ಎನ್ನುವುದು ಈತನಕ ಊಹಿಸಿಕೊಂಡೂ ಇಲ್ಲ ಯೋಚಿಸಿಯೂ ಇಲ್ಲ. ಆದರೆ ಅವಳ ಕೊನೆಯ ದಿನಗಳು ಚೆನ್ನಾಗಿರಬೇಕು, ಅವಳ ಯಾವ ಆಸೆಯನ್ನೂ ಪೂರೈಸಬೇಕು. ಅದಕ್ಕಾಗಿ ನಾನು ನನ್ನ ಕೈಲಾದಷ್ಟು ಪ್ರಯತ್ನಿಸಬೇಕು ಎನ್ನುವ ತುಮುಲಕ್ಕೆ ಬಿದ್ದಿದ್ದೇನೆ.’
ಇದನ್ನೂ ಓದಿ : Viral Video: ಕಥಕ್ನಲ್ಲಿ ಕಾಮ್ ಡೌನ್; ನಿಜಕ್ಕೂ ಇದು ಕಣ್ಣಿಗೆ ಕಿವಿಗೆ ಹಬ್ಬವೇ ಎನ್ನುತ್ತಿರುವ ನೆಟ್ಟಿಗರು
‘ಕಳೆದ ಎಂಟು ತಿಂಗಳುಗಳಿಂದ ಆಕೆ ಹಾಸಿಗೆ ಹಿಡಿದಿದ್ದಾಳೆ. ಇನ್ನು ನಾಲ್ಕೈದು ತಿಂಗಳುಗಳಲ್ಲಿ ಆಕೆ ಗಾಲಿಕುರ್ಚಿಯನ್ನು ಅವಲಂಬಿಸಬೇಕಾಗುತ್ತದೆ ಎಂದು ಡಾಕ್ಟರ್ ಹೇಳಿದ್ದಾರೆ. ಆದರೆ ಇಂಥ ಸ್ಥಿತಿಯಲ್ಲಿ ಆಕೆ, ‘ತನ್ನ ಮಾಜಿ ಪ್ರಿಯಕರನೊಂದಿಗೆ ಲೈಂಗಿಕವಾಗಿ ತೊಡಗಿಕೊಳ್ಳಬೇಕು’ ಎಂದು ನನ್ನಲ್ಲಿ ಕೇಳಿಕೊಂಡಿದ್ದಾಳೆ. ನಿಜಕ್ಕೂ ಇದು ನನ್ನಲ್ಲಿ ಆಘಾತವನ್ನುಂಟು ಮಾಡಿದೆ. ಯಾಕೆ ಹೀಗೆ ಬಯಸುತ್ತಿದ್ದೀ ಎಂದು ಆಕೆಯನ್ನು ಕೇಳಿದಾಗ, ತನಗೆ ದೈಹಿಕವಾಗಿ ತೃಪ್ತಿ ನೀಡುವಂಥ ವ್ಯಕ್ತಿ ಅವನೇ. ಲೈಂಗಿಕತೆ ಒಮ್ಮೊಮ್ಮೆ ಭಾವನಾತ್ಮಕವಾಗಿಯೂ ನಮ್ಮನ್ನು ಹೇಗೆ ಪೊರೆಯುತ್ತದೆ ಎನ್ನುವುದನ್ನು ಆಕೆ ವಿವರಿಸಿದಳು.’
ಇದನ್ನೂ ಓದಿ : Viral Video: ರಿಚ್ಚಿ ಸಿನೆಮಾದ ಅಂಕಿತಾ ಕುಂಡು ಹಾಡಿರುವ ‘ಮೊಗದಲ್ಲಿ’ ನಾಳೆ ಬಿಡುಗಡೆ
‘ಇದಾದ ನಂತರ ನನ್ನೊಳಗೆ ನಡೆಯುತ್ತಿರುವ ತುಮುಲವನ್ನು ವಿವರಿಸುವಲ್ಲಿ ನಾನು ಸೋಲುತ್ತಿದ್ದೇನೆ. ಸಾವಿಗೆ ಹತ್ತಿರವಾಗುತ್ತಿರುವ ಆಕೆ ನನ್ನ ಬಗ್ಗೆ ಏನೇ ಹೇಳಿದರೂ, ಅವಳಿಚ್ಛೆಯಂತೆ ಆಕೆ ಬದುಕಲು ಅನುವು ಮಾಡಿಕೊಡಬೇಕಾದ ಅನಿವಾರ್ಯತೆ ಉಂಟಾಗಿದೆ. ಈ ವಿಷಯವಾಗಿ ಏನು ಹೇಳಬೇಕು ಎನ್ನುವುದು ನನಗೆ ಗೊತ್ತಿದೆ, ಆದರೆ ಇದು ಸರಿಯೋ ತಪ್ಪೋ ಎನ್ನುವ ಗೊಂದಲವಿದೆ. ಆಕೆಯ ಇಂಗಿತದಿಂದಾಗಿ ನನಗೆ ಬಹಳ ನೋವಾಗಿದೆ. ಈ ಬಗೆಗಿನ ಮಾತುಕತೆಯಲ್ಲಿ ಆಕೆಯನ್ನೂ ನೋಯಿಸಿದ್ದೇನೆ ಎನ್ನಿಸುತ್ತಿದೆ. ಆದರೆ ಇದಕ್ಕೆ ನನ್ನ ಒಪ್ಪಿಗೆ ಇಲ್ಲ.
ಇದನ್ನೂ ಓದಿ : Viral Video: ವೊರ್ಲಿ ಲಿಂಕ್ನಿಂದ ಗೇಟ್ವೇ ಆಫ್ ಇಂಡಿಯಾ; 36 ಕಿಮೀ ಈಜಿ ತಲುಪಿದ ಸುಚೇತಾ ಬರ್ಮನ್
ಇದನ್ನು ಓದಿದ ನೆಟ್ಟಿಗರು ತಮಗೆ ತೋಚಿದಂತೆ ಸಲಹೆಗಳನ್ನು ನೀಡಿದ್ದಾರೆ. ಅವಳ ಸಂತೋಷವನ್ನು ನೀವು ಬಯಸುತ್ತಿದ್ದರೆ ಅವಳಿಗೆ ವಿಚ್ಛೇದನ ನೀಡಿ ಎಂದಿದ್ದಾರೆ ಒಬ್ಬರು. ಅವಳ ಕೊನೆಯ ದಿನಗಳನ್ನು ಆಕೆ ಅವಳಿಚ್ಛೆಯಂತೆ ಕಳೆಯಲಿ, ಶಾಂತಿ ಮತ್ತು ಸಮಾಧಾನದಿಂದ ಮುಕ್ತಿ ಕಾಣಲಿ ಎಂದಿದ್ದಾರೆ ಇನ್ನೊಬ್ಬರು. ಈಗಾಗಲೇ ನಿಮ್ಮ ಮನಸ್ಸು ಮುರಿದಿರುತ್ತದೆ, ನೀವು ವಿಚ್ಛೇದನ ನೀಡಿ ಅವಳಿಚ್ಛೆಯಂತೆ ಆಕೆ ನಿಮ್ಮಿಚ್ಛೆಯಂತೆ ನೀವು ಬದುಕಿ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral Video: ಚೆನ್ನೈ; ಮೀನುಗಾರರ ಬದುಕನ್ನು ಮ್ಯೂರಲ್ ಆರ್ಟ್ನಲ್ಲಿ ಹಿಡಿದಿಟ್ಟ ಮೆಕ್ಸಿಕೋದ ಪಾವೊಲಾ ಡೆಲ್ಫಿನ್
ಇನ್ನೂ ಕೆಲವರು ಈಕೆ ಕೃತಘ್ನಳು, ಸಾವಿಗೆ ಹತ್ತಿರವಾಗುತ್ತಿದ್ದಾಗಲೂ ತನ್ನ ಸ್ವಾರ್ಥವನ್ನು ಬಯಸುತ್ತಿದ್ದಾಳೆ. ಅಷ್ಟೇ ಅಲ್ಲದೆ ಜೊತೆಗಿರುವ ಗಂಡನನ್ನು ಗೌರವಿಸುತ್ತಿಲ್ಲ. ಇದು ದೌರ್ಜನ್ಯಕ್ಕೆ ಸಮಾನ ಎನ್ನುತ್ತಿದ್ದಾರೆ. ಇದನ್ನು ಓದಿದ ನೀವು ಏನು ಹೇಳುತ್ತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 11:50 am, Tue, 8 August 23
