Viral Video: ಜವಾನ್ ಜಮಾನಾ: ವೆಂಟಿಲೇಟರ್ನೊಂದಿಗೆ ಶಾರುಖ್ಗೋಸ್ಕರ ಥಿಯೇಟರಿಗೆ ಬಂದ ದಿವ್ಯಾಂಗ ವ್ಯಕ್ತಿ
Shahrukh Khan: ಅನೇಕ ಸಿನಿಪ್ರಿಯರಿಗೆ ನಟನಟಿಯರೆಂದರೆ ಕಣ್ಣಿಗೆ ಕಾಣುವ ದೇವರುಗಳಿದ್ದಂತೆ. ಏಕೆಂದರೆ ಎಂಥ ಸಂದರ್ಭದಲ್ಲಿಯೂ ಸಿನೆಮಾ ಎನ್ನುವುದು ಮನುಷ್ಯನಲ್ಲಿ ತುಸು ಶಕ್ತಿಯನ್ನು ತುಂಬುತ್ತದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಅನೀಸ್ ಫಾರೂಕಿ ಎಂಬ ಶಾರುಖ್ನ ಕಟ್ಟಾ ಅಭಿಮಾನಿ ವೆಂಟಿಲೇಟರ್ನೊಂದಿಗೆ ಥಿಯೇಟರಿಗೆ ಬಂದು ಜವಾನ ಸಿನೆಮಾ ನೋಡಿದ್ದಾನೆ.
Updated on:Sep 20, 2023 | 2:10 PM
Jawan: ದಿವ್ಯಾಂಗವುಳ್ಳ ಅನೀಸ್ ಫಾರೂಕಿ ಎಂಬ ಶಾರುಖ್ ಖಾನ್ (Shahrukh Khan) ಅಭಿಮಾನಿ ವೆಂಟಿಲೇಟರ್ನಲ್ಲಿದ್ದರೂ ತನ್ನ ಪ್ರೀತಿಯ ನಟನ ‘ಜವಾನ್’ ಸಿನೆಮಾ ನೋಡಲು ಥಿಯೇಟರಿಗೆ ಹೋಗಿದ್ದ ವಿಡಿಯೋ ಇದೀಗ ವೈರಲ್ ಆಗಿದೆ. ಗಾಲಿಕುರ್ಚಿಯಲ್ಲಿ ಅವಶ್ಯಕ ಚಿಕಿತ್ಸಾ ಸಾಧನಗಳೊಂದಿಗೆ ಅನೀಸ್ ಥಿಯೇಟರಿಗೆ ಬರುವ ಕ್ಲಿಪ್ಪಿಂಗ್ನಿಂದ ಈ ರೀಲ್ ತೆರೆದುಕೊಳ್ಳುತ್ತದೆ. ಥಿಯೇಟರ್ ಒಳಗೆ ಪ್ರವೇಶ ಸಿಗುವುದು ಅಷ್ಟೇನು ಸುಲಭವಾಗಿರಲಿಲ್ಲ ಎನ್ನುವುದೂ ಈ ವಿಡಿಯೋ ನೋಡಿದಾಗ ಅರ್ಥವಾಗುತ್ತದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಈತನ ಆಸ್ಥೆ, ಅಭಿಮಾನ ಮತ್ತು ಶ್ರದ್ಧೆಯನ್ನು ಶ್ಲಾಘಿಸುತ್ತಿದ್ದಾರೆ.
ಇದನ್ನೂ ಓದು : Viral Video: ಮೂರು ಕಣ್ಣಿನ ಮುಗಲು ಬಣ್ಣದ ಮುದ್ದು ಮಾದಯ್ಯ; ಚೈತ್ರಾ ಆಚಾರ್ ಹಾಡು ವೈರಲ್
ಸೆ. 15ರಂದು Xನಲ್ಲಿ ಪೋಸ್ಟ್ ಮಾಡಲಾದ ಈ ವಿಡಿಯೋ ಅನ್ನು ಈತನಕ 1.3 ಲಕ್ಷ ಜನರು ನೋಡಿದ್ದಾರೆ. ಸುಮಾರು 4,000 ಲೈಕ್ ಮಾಡಿದ್ದಾರೆ. 805 ಜನರು ರೀಪೋಸ್ಟ್ ಮಾಡಿದ್ದಾರೆ. ಅನೇಕ ನೆಟ್ಟಿಗರು ಅನೀಸ್ ಬೇಗ ಗುಣಮುಖಹೊಂದಲಿ ಎಂದು ಹಾರೈಸಿದ್ದಾರೆ. ಅಂದಹಾಗೆ ಈ ಚಿತ್ರವು ಈತನಕ ಭಾರತದಲ್ಲಿ ರೂ. 400 ಕೋಟಿ, ಜಾಗತಿಕ ಮಟ್ಟದಲ್ಲಿ ರೂ. 700 ಕೋಟಿಗಳಷ್ಟು ಲಾಭ ಗಳಿಸಿದೆ.
ಅನೀಸ್ ಥಿಯೇಟರಿಗೆ ಜವಾನನ್ನು ನೋಡಲು ಬಂದ ದೃಶ್ಯ
IMMENSE RESPECT: Anees farooqi , a physically challenged guy visits to watch #Jawan on Ventilator.. Proud to be a @iamsrk fan.. pic.twitter.com/StXF58obPs
— ℣αɱριя౯ (@SRKsCombatant) September 15, 2023
ಮೇಲಿರುವ ಆ ಭಗವಂತ ಮತ್ತು ತೆರೆಯ ಮೇಲಿರುವ ಮಾಂತ್ರಿಕ ನಟ ನಿಮ್ಮ ಆರೋಗ್ಯವನ್ನು ಸುಧಾರಿಸುವಲ್ಲಿ ಸಹಾಯ ಮಾಡಲಿ ಎಂದಿದ್ದಾರೆ ಒಬ್ಬರು. ಶಾರುಖ್ನ ದೊಡ್ಡ ಅಭಿಮಾನಿ ಎಂದರೆ ಇವರೇ ಎಂದಿದ್ದಾರೆ ಮತ್ತೊಬ್ಬರು. ಈತನಕ ಇಂಥ ಕಟ್ಟಾ ಅಭಿಮಾನಿಯನ್ನು ನಾನು ನೋಡಿಯೇ ಇರಲಿಲ್ಲ ಎಂದಿದ್ದಾರೆ ಮಗದೊಬ್ಬರು. ಈ ವ್ಯಕ್ತಿಯಿಂದ ಈ ಸಿನೆಮಾ ಮತ್ತಷ್ಟು ಜನರನ್ನು ಆಕರ್ಷಿಸಬಹುದೆ? ಎಂದು ಕೇಳಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral Video: ಸಮುದ್ರದೊಳಗೊಬ್ಬ ಡೆಂಟಿಸ್ಟ್; ಇವರ ಕಾರ್ಯಕ್ಷಮತೆಯನ್ನು ಮೆಚ್ಚಿದ ನೆಟ್ಟಿಗರು
ಶಾರುಖ್ ಅಭಿಮಾನಿಯಾದ ನಾನು ಇಂದಿನಿಂದ ನಿಮ್ಮ ಅಭಿಮಾನಿಯೂ ಎಂದಿದ್ದಾರೆ ಒಬ್ಬರು. ನಿಮ್ಮ ಪ್ರಯತ್ನಕ್ಕೆ, ಅಭಿಮಾನಕ್ಕೆ ಸಲಾಂ! ನಿಮ್ಮನ್ನು ನಾನು ಬಹಳ ಗೌರವಿಸುತ್ತೇನೆ ಎಂದಿದ್ಧಾರೆ ಮತ್ತೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 2:10 pm, Wed, 20 September 23
