Viral Video: ಕೋಕ್ ಸ್ಟುಡಿಯೋದ ‘ಖಲಾಸಿ’ಗೆ ಬೆಡಗಿಯ ಬೆಲ್ಲಿ ಡ್ಯಾನ್ಸ್; ವಾಹ್ ಎಂದ ನೆಟ್ಟಿಗರು
Dance: ಬೆಲ್ಲಿ ಡ್ಯಾನ್ಸ್ ಆಸ್ವಾದಿಸಲು ಎಷ್ಟು ಛಂದವೋ ಅದನ್ನು ಮಾಡುವುದು ಅಷ್ಟೇ ಕಷ್ಟ. ಕಠಿಣ ಪರಿಶ್ರಮ, ಸತತ ಅಭ್ಯಾಸ ಬೇಕಾಗುತ್ತದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ದಿಯಾ ಭಟ್ ಎಂಬ ಬೆಲ್ಲಿ ಡ್ಯಾನ್ಸ್ ಕಲಾವಿದೆ ಕೋಕ್ಸ್ಟುಡಿಯೋದ ಖಲಾಸಿ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾರೆ. ಮಿಲಿಯನ್ಗಟ್ಟಲೆ ಜನರು ಈ ವಿಡಿಯೋ ನೋಡಿದ್ದಾರೆ. ಅನೇಕರು ತಮ್ಮ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.
Updated on:Nov 04, 2023 | 10:57 AM
Belly Dance: ಯುವತಿಯೊಬ್ಬಳು ಕೋಕ್ಸ್ಟುಡಿಯೋದ (Coke Studio) ಖಲಾಸಿ ಹಾಡಿಗೆ ಬೆಲ್ಲಿ ಡ್ಯಾನ್ಸ್ ಮಾಡಿದ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ಇನ್ಸ್ಟಾಗ್ರಾಮಿಗರು ವಾರಾಂತ್ಯದಲ್ಲಿ ಈ ವಿಡಿಯೋ ನೋಡಿ ಉಲ್ಲಸಿತರಾಗಿದ್ದಾರೆ. ಅಚಿಂತ್ ಮತ್ತು ಆದಿತ್ಯ ಗಧ್ವಿ ಹಾಡಿರುವ ಈ ಹಾಡು ಟ್ರೆಂಡಿಂಗ್ನಲ್ಲಿದ್ದು ಅನೇಕರು ಈ ಹಾಡಿಗೆ ತಮ್ಮ ಕಲ್ಪನೆಯಲ್ಲಿ ನೃತ್ಯ ಸಂಯೋಜಿಸಿ ರೀಲ್ ಮಾಡುತ್ತಿದ್ದಾರೆ. ಆ ಪೈಕಿ ದಿಯಾ ಭಟ್ ಎಂಬ ಬೆಲ್ಲಿ ಡ್ಯಾನ್ಸರ್ ವಿಡಿಯೋ ಗಮನ ಸೆಳೆಯುತ್ತಿದೆ. ನಿಜಕ್ಕೂ ಈ ನೃತ್ಯ ಆಹ್ಲಾದಕಾರಿಯಾಗಿದೆ, ನಿಮ್ಮ ಡ್ಯಾನ್ಸ್ ಅನ್ನು ಮತ್ತೆ ಮತ್ತೆ ನೋಡುತ್ತಿದ್ದೇವ ಎನ್ನುತ್ತಿದ್ದಾರೆ ನೆಟ್ಟಿಗರು.
ಇದನ್ನೂ ಓದಿ : Viral: ಹೆಂಡತಿಯಲ್ಲಿ ತಾಯಿಯನ್ನು ಕಾಣಬೇಕೆಂದುಕೊಂಡಿರುವ ಹುಡುಗರೇ ಇದನ್ನು ಓದಿ
ಅಕ್ಟೋಬರ್ 24 ರಂದು ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈತನಕ ಸುಮಾರು 3 ಮಿಲಿಯನ್ಗಿಂತಲೂ ಹೆಚ್ಚು ಜನ ಈ ವಿಡಿಯೋ ನೋಡಿದ್ದಾರೆ. 2.6 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಇದು ನಿಜಕ್ಕೂ ಅದ್ಭುತವಾಗಿತ್ತು ಎಂದಿದ್ದಾರೆ ಹಲವಾರು ಜನ.
ದಿಯಾ ಭಟ್ ಬೆಲ್ಲಿ ಡ್ಯಾನ್ಸ್
View this post on Instagram
ನಿಜಕ್ಕೂ ನೀವು ಈ ಹಾಡಿಗೆ ತುಂಬಾ ಚೆನ್ನಾಗಿ ನೃತ್ಯ ಸಂಯೋಜನೆ ಮಾಡಿದ್ದಿರಿ ಎಂದಿದ್ದಾರೆ ಒಬ್ಬರು. ನಯನಮನೋಹರವಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ಅದ್ಭುತವಾಗಿದೆ ನಿಮ್ಮ ನೃತ್ಯ ಎಂದು ಮತ್ತೊಬ್ಬರು. ಅಕ್ಷರಶಃ ನನಗಿದು ಇಷ್ಟವಾಯಿತು ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral: ಮುಂಬೈ; ಕಳೆದುಕೊಂಡ ‘ಶಾಂತಿ’ ಹುಡುಕಲು ಪೊಲೀಸರ ಬಳಿ ಹೋಗುತ್ತಿದ್ದೇನೆ ಎಂದ ಮಹಿಳೆ; ಪೊಲೀಸರ ಉತ್ತರ ಇಲ್ಲಿದೆ
ಬೆಲ್ಲಿ ಡ್ಯಾನ್ಸ್ ರೀಲ್ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ, ಮಹಿಳೆಯೊಬ್ಬರು ಸನ್ ಸನಾನಾ ಹಾಡಿನ ರೀಮಿಕ್ಸ್ಗೆ ಡ್ಯಾನ್ಸ್ ಮಾಡಿದ್ದು ವೈರಲ್ ಆಗಿತ್ತು. ಅನೇಕರು ಈ ರೀಲಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಈಗ ಕಲಾವಿದೆ ದಿಯಾ ಭಟ್ ಮಾಡಿರುವ ಬೆಲ್ಲಿ ಡ್ಯಾನ್ಸ್ ನೋಡಿ ನಿಮಗೆ ಏನೆನ್ನಿಸಿತು? ಪ್ರತಿಕ್ರಿಯೆಗಳ ಮೂಲಕ ತಿಳಿಸಿ. ಮತ್ತೆ ಮತ್ತೆ ಈ ರೀಲ್ ನೋಡಬೇಕು ಎನ್ನಿಸುತ್ತಿದೆಯೇ? ಹ್ಯಾಪ್ಪಿ ವೀಕೆಂಡ್.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:55 am, Sat, 4 November 23
