Viral: ಡಚ್ ಸೊಸೆಗೆ ಫಿಲ್ಟರ್ ಕಾಫಿ ಕುಡಿಯುವುದು ಹೇಗೆಂದು ಹೇಳಿಕೊಡುತ್ತಿರುವ ಭಾರತೀಯ ಅತ್ತೆ, ವಿಡಿಯೋ ವೈರಲ್

ಎಷ್ಟೇ ಟೆನ್ಶನ್ ಇದ್ದರೂ ಒಂದು ಲೋಟ ಕಾಫಿ ಕುಡಿದ್ರೆ ಸಾಕು ಮೂಡ್ ಫ್ರೆಶ್ ಆಗುತ್ತೆ. ಈ ಫಿಲ್ಟರ್ ಕಾಫಿ ಎಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ. ಸ್ಟ್ರಾಂಗ್ ಡಿಕಾಶನ್ ಗೆ ಚೆನ್ನಾಗಿ ಕುದಿಸಿದ ಹಾಲನ್ನು ಲೋಟದಲ್ಲಿ ಹಾಕಿ ಬೆರೆಸಿ ಕುಡಿದರೆ ಅದಕ್ಕಿಂತ ಸಂತೋಷ ಮತ್ತೊಂದಿಲ್ಲ. ಹೌದು, ಈ ಫಿಲ್ಟರ್ ಕಾಫಿಯೂ ಯಾವ ಪಾನೀಯಕ್ಕೂ ಸರಿಸಾಟಿಯಾಗಲ್ಲ. ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಡಚ್ ಸೊಸೆಗೆ ದಕ್ಷಿಣ ಭಾರತದ ಅತ್ತೆಯೊಬ್ಬರು ಫಿಲ್ಟರ್ ಕಾಫಿಯನ್ನು ಕುಡಿಯುವುದು ಹೇಗೆ ಎಂದು ಹೇಳಿಕೊಡುತ್ತಿದ್ದಾರೆ.

ಈ ವಿಡಿಯೋವನ್ನು ಪ್ರಭುವಿಶ ಹೆಸರಿನ ಖಾತೆಯಲ್ಲಿ ಶೇರ್ ಮಾಡಿಕೊಳ್ಳಲಾಗಿದ್ದು, ‘ದಕ್ಷಿಣ ಭಾರತೀಯರು ಹಾಗೂ ಫಿಲ್ಟರ್ ಕಾಫಿ ಈ ಎರಡನ್ನು ಪ್ರತ್ಯೇಕಿಸಲು ಸಾಧ್ಯವಿಲ್ಲ’ ಎಂದು ಶೀರ್ಷಿಕೆ ನೀಡಲಾಗಿದೆ. ಈ ವಿಡಿಯೋದಲ್ಲಿ ದಕ್ಷಿಣ ಭಾರತದ ಕುಟುಂಬವೊಂದು ಹೋಟೆಲ್ ಗೆ ಹೋದ ಸಂದರ್ಭದಲ್ಲಿ ಫಿಲ್ಟರ್ ಕಾಫಿಯನ್ನು ಆರ್ಡರ್ ಮಾಡಿರುವುದನ್ನು ನೋಡಬಹುದು.

ದಕ್ಷಿಣ ಭಾರತದ ಫಿಲ್ಟರ್ ಕಾಫಿಯನ್ನು ಹೇಗೆ ಕುಡಿಯಬೇಕೆಂದು ಡಚ್ಚಿಗರಿಗೆ ಕಲಿಸೋಣ” ಎಂದು ಹಾಸ್ಯಮಯ ಶೀರ್ಷಿಕೆಯನ್ನು ಬರೆಯಲಾಗಿದೆ. ಪ್ರಭುವಿಶ ಎನ್ನುವ ವ್ಯಕ್ತಿಯ ಪತ್ನಿಯೂ ಮೂಲತಃ ನೆದರ್‌ಲ್ಯಾಂಡ್‌ನವರು, ಅವರು ಈಗಾಗಲೇ ದಕ್ಷಿಣ ಭಾರತದ ಕಾಫಿ ಮಾಡುವ ಕಲೆಯನ್ನು ಕರಗತ ಮಾಡಿಕೊಂಡಿದ್ದಾರೆ. ಈ ವ್ಯಕ್ತಿಯ ಅತ್ತೆಯೂ ಬ್ಲಾಕ್ ಕಾಫಿಯನ್ನು ಆರ್ಡರ್ ಮಾಡಿರುವುದನ್ನು ಕಾಣಬಹುದು.

ಇದನ್ನೂ ಓದಿ: ಎರಡು ಮಕ್ಕಳ ತಂದೆಯ ಪ್ರೀತಿಯ ಬಲೆಯಲ್ಲಿ ಬಿದ್ದ ಮೂರು ಮಕ್ಕಳ ತಾಯಿ; ಪ್ರೇಮಿಯೊಂದಿಗೆ ಹೆಂಡತಿಯ ಮದುವೆ ಮಾಡಿಸಿದ ಗಂಡ

ಅದಲ್ಲದೇ, ಈ ಭಾರತೀಯ ಅತ್ತೆಯೂ ಡಚ್ ಸೊಸೆ ಹಾಗೂ ಸೊಸೆಯ ತಾಯಿಗೆ ಫಿಲ್ಟರ್ ಕಾಫಿ ಕುಡಿಯುವ ವಿಧಾನವನ್ನು ಕಲಿಸಿಕೊಡುತ್ತಿದ್ದಾರೆ. ಡಚ್ ಮಹಿಳೆಯರಿಬ್ಬರೂ ಕಾಫಿಯನ್ನು ಕುಡಿಯುವ ವಿಧಾನವನ್ನು ಕಲಿಯುತ್ತಾ ಆ ಕ್ಷಣವನ್ನು ಆನಂದಿಸುವುದನ್ನು ನೋಡಬಹುದು. ಈ ವಿಡಿಯೋ ಎರಡು ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದ್ದು, ನೆಟ್ಟಿಗರು ಕಾಮೆಂಟ್ ಗಳ ಸುರಿಮಳೆಗೈದಿದ್ದಾರೆ. ಬಳಕೆದಾರರೊಬ್ಬರು, ‘ಕಾಫಿಯೊಂದಿಗೆ ನಗು’ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ‘ನಾನು ಚೆನ್ನೈಗೆ ಭೇಟಿಕೊಟ್ಟಾಗ ಫಿಲ್ಟರ್ ಕಾಫಿಯನ್ನು ಇಷ್ಟ ಪಟ್ಟು ಸವಿಯುತ್ತೇನೆ ಎಂದಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ